اعادة التدوير والتوفير

14/10/2024

10/04/2022

*** أحلى خشاف إقتصادى ***
🌴🌴🌴🌴🍐🍌🍓 🍋🌴🌴🌴🌴🍐🍌🍓🌴🌴🌴🌴🍐🍌🍓🌴🌴🌴🌴🍐🍌🍓🌴🌴🌴🌴🍐🍌🍓🌴🌴🌴🌴🍐🍌🍓🌴🌴🌴🌴🍐🍌🍓🌴🌴🌴🌴🍐🍌🍓🌴🌴🌴🌴🍐🍌🍓
طبعا من غير التمر والبلح ما يحلى الصيام ، وكوب البلح المنقوع بالخشاف من الطرق المميزة جدا لتقديم البلح فى رمضان .
وفى طريقة اقتصادية جدا معانا لانها مش معتمدة على اى صنف من اصناف الفواكه المجففة زى المشمش والتين والقراصيا ، ولكنها معتمدة على اصناف الفاكهة الموجودة عندك فى التلاجة زى الموز والجوافة والفراولة والليمون .
يعنى الفاكهة اللى بيكون فيها مزازة ولذعة فى الطعم عشان مع سكر البلح بيكون الناتج طعم روعة .
الطريقة سهلة جدا والمكونات هى الواضحة فى الصورة 1 .
عبارة عن البلح الناشف طبعا ويفضل يكون عدد فردى على حسب عدد الافراد ، ومعاه ليمون وجوافة وموز او ليمون وفراولة وموز ، ولو مش موجود الموز مش مشكلة .
🍐🍌🍓 🍋🍐🍌🍓 🍋🍐🍌🍓 🍋🍐🍌🍓 🍋

05/04/2022

*** عمل فانوس وزينة رمضان 1443 هجرى - 2022 م .
وبعد ما خلصنا تفريزاتنا وأثناء ما إحنا شغالين فى التنظيفات طبعا ما نسيتش زينة رمضان ، وأعتذر جدا عن تأخير نشره بس الفترة اللى فاتت فعلا كانت زحمة جدا زى ما قلت لكم التنظيفات مع الرجوع للعمل وامتحانات سنة رابعة ... الخ ، لكن بردو حنمشى على مبدأنا " ما لا يدرك كله لا يترك كله " واللى فات كلهم 3 ايام بس ولسه باقى 27 يوم يستحقوا الاستمتاع بيهم .
وكمان لأن اخر مراحل زينة رمضان كانت فى المطبخ وكانت مرتبطة بتنظيف البوتجاز تنظيف عميق عشان أغير الاستيكر الخاص بيه على نظافة ، فطبعا أجلت نشر الحاجات التانية لأنى حبيت يكون موضوع الزينة كله متكامل على بعضه ويشمل تقريبا جميع أركان البيت .
🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌🎗🕌
ومع هلول شهر رمضان من كل عام بحاول دايما يكون فى على الاقل قطعة جديدة تكون من صنع إيدى وبإعادة تدوير لأى شيئ موجود عندى .
وأكتر حاجة مميزة فى الزينة بتاعتنا بتكون الفوانيس طبعا ، بس نظرا لاختلاف الأراء فى جزئية إن الفوانيس بدعة أو لأ فأنا شخصيا بتكون موجودة عندى طول السنة فى مكانها زى أى قطعة ديكور .
والسنة دى عملت فانوس وكمان استخدمت صينية وطبق برشهم بنفس الاسبرى اللى استخدمته لرش الفانوس عشان يكملوا مع بعض الشكل الديكورى الموضح فى الصورة 1 .

20/03/2022

** تابع : تفريزات واستعدادات لرمضان لعام 1443 هجرى - 2022 م ***
وحنستكمل شوية حاجات بسيطة من موضوع التفريزات أو التجهيزات بصفة عامة اللى زى ما قلنا حتنفعنا لرمضان ولبعده كمان ولطول العام ، وان تجهيزاتنا وتفريزاتنا دى أسلوب حياة مستمرة معانا طول السنة مش لرمضان بس لتسهيل وتقليل وقفتنا فى المطبخ .
وحنستعرض مع بعض ملخص لتجميع جميع تفريزاتنا مع طريقة تنظيمها فى أدراج الديب فريزر أو فريزر الثلاجة .
🌶🥫🥫🥫🍡🍡🍢🍢🥧🥧🧁🧁🍰🍰🥮🥮🥠🥠🍚🍚🍻🍻🍻🥂🥂🍷🍷🥃🥃🍺🍺🧉🧉🥜🥜🌰🌰🍯🍯🍿🍿🍩🍩🍪🍪🌶🥫🥫🥫🍡🍡🍢🍢🥧🥧🧁🧁🍰🍰🥮🥮🥠🥠🍚🍚🍻🍻🍻🥂🥂🍷🍷🥃🥃🍺🍺🧉🧉🥜🥜🌰🌰🍯🍯🍿🍿🍩🍩🍪🍪
والمرة دى عبارة عن مجموعة من التتبيلات والمقبلات والمخللات اللى تكون جاهزة عندك فى أى وقت بتفتح النفس والشهية للأكل ( ولو إنها مفتوحة ع البحرى من غير أى حاجة والشتاء ما يتوصاش لأننا أساسا بنطلع غلّنا كله فى الأكل 😁😁😁😁😁 ) .
😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋 😋😋😋😋😋😋😋😋😋😋😋😋😋😋😋😋😋😋😋😋😋😋 .
وهى كالتالى :

12/03/2022

** تابع : تفريزات واستعدادات لرمضان لعام 1443 هجرى - 2022 م ***
🕌🍑🥭🥬🥒🥯🍞🧅🧀🥚🍔🍟🥗🥘🍲🍜🥙🍕🍝🍣🍩🍪🥓🍳
ذكرت معاكم فى الحلقة الماضية الحاجات المتبقية معايا من السنة الماضية او من عدة شهور بعد رمضان الماضى ومتبقية معايا منها كميات حتى الان فكدة مش حاضطر لعمل تفريزات منها جديدة تانى للوقت الحالى ( إلا طبعا الحاجات الجارى استهلاكها وموجودة طول العام ومتجددة طول الوقت ) .
المهم انى استحالة بأى شكل من الاشكال تطلع الكبة أو أكون واقفة فى المطبخ لعمل حاجة واحدة لليوم نفسه وبس ، لازم أستغل نفس الوقفة ونفس الكبة ونفس المواعين لعمل أكتر من حاجة فى نفس الوقت عشان اقدر أوفر وقت لعمل حاجات تانية ( زى أعمالى االيدوية لاعادة التدوير او لحفظ الاولاد ومذاكرتهم او لحفظى أنا الشخصى بجانب شغلى طبعا .... الخ ) .
🏃‍♂️🏃👫🧍‍♂️🧵✂️🖊📖🔍🏃‍♂️🏃👫🧍‍♂️🧵✂️🖊📖🔍🏃‍♂️🏃👫🧍‍♂️🧵✂️🖊📖🔍🏃‍♂️🏃👫🧍‍♂️🧵✂️🖊📖🔍🏃‍♂️🏃👫🧍‍♂️🧵✂️🖊📖🔍
ولكن فى ملحوظة مهمة أحب أوضحها : إنى فعلا نشأت فى بيت كل حاجة فيه بتتعمل داخله سواء والدتى رحمة الله عليها او أخواتى فكلنا بنمشى على نفس خطواتها فأنا فعلا أفضل عمل حاجتى كلها فى بيتى بنفسى طول ما عندى وقت وجهد ، ولكن أحيانا بتضطرب معايا ظروفى الصحية أو الوقتية فطبعا تفريزاتى بتنفعنى جدا ساعتها حتى عشان ما تكونيش مضطرة لاحتياج أى معين ليكى ( دا لو لقيتى أصلا ) .
💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪💪
ولكن طبعا أنا العام الماضى زادت منى كمية الخضار فى التفريز ودخلت معايا اصناف جديدة غيرها عشان كدة استهلاكى منها كان أقل من كل مرة ، ولكن فى الظروف والكميات العادية أنا باستهلكها كلها وبأحتاج كمية زيادة منها كمان عشان كدة بأضطر انى أشترى أحيانا من الأكياس المجمدة المحفوظة ( ولكن دا بيكون عامة فى البسلة فقط لأنى حرفيا عاشقة لها من الدرجة الأولى ) ‘ وعشان كدة أنا قننت تفريزاتى السنة دى من الخضار عشان يتم استهلاكها بالكامل حتى ميعاد ظهورها فى الموسم الجديد إن شاء الله تعالى .
أعتذر جدا عن الإطالة بس حبيت إنى اوضح بعض النقاط المهمة عشان الناس ما تحسش ان موضوع التفريزات دا مرهق ، بالعكس انتى بتعمليه بين شغلك فى المطبخ ولكن بيوفر وقفات لكى فى المطبخ بعدها وبينجز معاكى وبتنوعى فى اكلات كتيرة لأفراد أسرتك خاصة ان عينهم بتطلع على الاشكال والاصناف اللى بيشوفوها على قنوات اليوتيوب او على قنوات الاكل فى التليفزيون طول اليوم .
😋😋😋😋😋😋😋😋😋😋👀👀👀👀👀👀👀
😋😋😋😋😋😋😋😋😋😋👀👀👀👀👀👀👀
ولوقتى حنتقل للتفريزات الخاصة فعلا بشهر رمضان وكمان الفترة الحالية الموجودين فيها وهى كالتالى :

07/03/2022

*** تفريزات واستعدادات لرمضان لعام 1443 هجرى - 2022 م ***
*** كل عام وأنتم بألف خير، باقى ايام على شهر رمضان المبارك أعاده الله علينا وعليكم بالخير والبركات .
🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌 🕌
• وعشان كدة زى ما بدأنا نعمل مع بعض من سنوات قريبة بعض التجهيزات والتفريزات للشهر الكريم بس عشان يكون فى حماس لاستقبال الشهر الكريم عشان ما فيش وقت كتير قدامنا ، ولازم نلحق نعمل تجهيزاتنا عشان كمان فى دراسة وامتحانات وقرارات وتغييرات كتير ، فياريت نركز على إننا نعيش فرحة الاستعداد لهذا الشهر الكريم .
🏋️‍♂️🏋️🏋️‍♀️🏋️‍♂️🏋️🏋️‍♀️🏋️‍♂️🏋️🏋️‍♀️🏋️‍♂️🏋️🏋️‍♀️🏋️‍♂️🏋️🏋️‍♀️
• وطبعا الاستعدادات دى بتختلف على حسب الوقت والجهد لكل شخص زى ما وضحنا قبل كدة ، وكمان على حسب احتياجات ورغبات أفراد الأسرة .
• وكالعادة بيكون موضوعنا ما هو إلا تجميع لمجموعة تجهيزات لطول السنة مش خاصة فقط بشهر رمضان لتسهيل وقفتنا فى المطبخ فى أيام الطوارئ وتوفير وقت أكبر للعبادات فى وقت الصيام مع التنويع فى كل أنواع الطبخات والحلويات والعصاير عشان أفراد البيت ما يكونش عندهم ملل من تكرار الأصناف كل يوم .
🕌🍑🥭🥬🥒🥯🍞🧅🧀🥚🍔🍟🥗🥘🍲🍜🥙🍕🍝🍣🍩🍪🥓🍳
والجديد المرة دى انى حاذكر تاريخ عمل كل حاجة لان فى حاجات متبقية معايا من السنة الماضية فمش حأكررها تانى ، وفى حاجات فرزتها من فترة ولسه موجود منها وحتكفى حتى بعد شهر رمضان .
*** والمرة دى حأبدأ معاكم فى البداية بالحاجات المتبقية معايا من السنة الماضية او من عدة شهور بعد رمضان الماضى وهى كالتالى :

26/02/2022

**** أفكار سريعة يمكن تنفعك ****

23/02/2022

*** إعادة تدوير ورق الكراسات القديمة ***
📒📕📗🗓🗒📘🗓🗒🗒🗒🗒
بما اننا حنبدأ فى فصل دراسى جديد وهو التيرم التانى ففى حاجة لازم اعملها اول ما الاولاد بيخلصوا امتحاناتهم فورا ، وهى فرز كل الكراسات الخاصة بالتيرم او الفصل الدراسى المنتهى سواء كان فى اخر العام او نصف العام زى اليومين دول كدة .
فحبيت قبل الدخول فى تفريزات وتجهيزات رمضان اعاده الله علينا بالخير والبركات عرض الفكرة دى سريعا .
المهمة دى الاولاد هما اللى لازم يكون لهم الدور الاساسى فيها ، فبعد قطع كل الاوراق المستعملة من كل الكراسات يتم فصل الاوراق المفردة من الورق المزدوج السليم .
وحاولوا دايما تحفيزهم وتشجيعهم بانكم بتوفير عدد من الكراسات اللى حيتم عملها بالفكرة دى ( هى فكرة قديمة مش جديدة خالص على فكرة ) فممكن شراء أى حاجة تانية جديدة لهم بقيمة الحاجة اللى حيوفروها .
🏃‍♂️🏃‍♀️👫👭🧍‍♂️🧍🏃‍♂️🧍‍🏃‍♂️🏃‍♀️👫👭🧍‍♂️🧍🏃‍♂️🧍‍
ويا ريت كلنا ندور فى دفاترنا القديمة ونشوف ايه اللى ممكن ننتفع بيه قبل ما نرميه حتى ولو ببيعها باى سعر ولو كان قليل والتكملة عليه لشراء الجديد حتى عشان ربنا يبارك لنا فى كل شيئ بنملكه .
عندنا دايما الكراسة بتكون 28 ورقة تقريبا ( صورة 1) والكشكول أقل عدد ورق له 56 ورقة ( صورة 2 ) وممكن أكتر .

13/02/2022

*** أفكار عديدة لعمل تغييرات فى الحوائط وإصلاح عيوبها ***
🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒
أكتر حاجة بتظهر تجديد فى البيت هى دهاناته ، فلو كانت قديمة وفى عيوب كتير فى الحوائط نتيجة للعب الاطفال واللوحات الجدارية اللى بيرسموها دايما عليها، أو وجود رطوبة فى الحوائط تؤدى الى تقشير الدهانات ، او العلامات اللى بتنتج من احتكاك قطع الأثاث بالحوائط ..... إلخ ، فأكيد بنحتاج لتجديدها عشان ع الاقل نحافظ على ظهور جمال الأثاث والديكورات الموجودة فى البيت .
فى ناس بتلجأ الى تغيير دهانات الحوائط كاملة بردو لاحداث نوع من التغيير ، مع اصلاح العيوب دى اللى ذكرناها ، او لان لون الدهانات أساسا مش عاجبها .
واحنا هنا حنعمل تغيير فى الدهانات بس مش تغيير كامل حيكون فقط فى المنطقة اللى فيها عيوب معينة عايزين نغيرها .
وطبعا الموضوع دا كان من فترة طويلة من حوالى 9 سنوات قبل انشاء الجروب ‘ عشان كدة الصور مش حتوضح الطريقة بالتفصيل ولكن فقط توضيح الافكار .
ولكن الموضوع دا محتاج الكثير من الصبر والوقت والجهد ويفضل وجود شخص يساعدك فيه لو حبيتى تنفذيه .
فرشتك ودهاناتك فى إيدك وقوتك وطاقتك وهيا بنا إلى العمل .
🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒🪒
🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️🏋️‍♀️

01/02/2022

*** عمل مفرش لكرسى مكعب الشكل او تجديده ***
* عملنا مع بعض زمان فى بداية الجروب كراسى من كراتين البيض والموضحة فى الصورة 1 .
🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦🪑📦
* الكراسى دى موجودة حتى الان لكن الجزء الخاص بالقاعدة العلوية للكوفر او المفرش الخاص بها استهلك تماما نتيجة للاستخدام الدائم ، أما جزء الكرانيش المغطى لجوانب الكرسى الاربعة فما زال سليم زى ما هو واضح فى الصورة 2 .
* عشان كدة حنعمل عملية استئصال للمفرش فى الجزء القاعدة العلوية فقط وحنستبدله بجزء سليم تماما مأخوذ من شنطة قماش قديمة وهى الموضحة فى الصورة 3 .
👜👜👜👜👜👜👜👜👜👜👜👜👜👜👜👜👜👜👜👜👜👜👜👜👜👜👜

17/01/2022

*** تحويل علبة عادية الى علبة هدايا ***
🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁🎁
🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝🎀💌💝
طبعا كلنا بنحب الهدايا ، والاهم من الهدية هو طريقة تقديمها ، والفترة دى فى علب هدايا جاهزة فى منتهى الاناقة وكمان قبلها كان ولازال فى شنط الهدايا او ورق تغليف الهدايا .
ودى طريقة بسيطة لو حبيتى تستغلى اى علبة عادية عندك لتحويلها لعلبة هدايا ( مع الاخذ فى الاعتبار ان العلبة دى قديمة ومستهلكة شوية لانها كانت مركونة وكمان ورق التغليف كان مستعمل فى تغليف علبة تانية قبلها ، لكن فى حالة وجود ورق تغليف جديد مع علبة اكثر متانة شوية حتكون النتيجة أحلى من كدة بكتير ) .
ودلوقتى حنعرض بالصور طريقة التغليف عشان يكون عندنا الشكل الموضح فى الصورة 1 .

19/12/2021

*** أفكار سريعة *** 💡💡💡💡💡💡💡💡💡
* أول فكرة : عمل منظم للأكياس من مفرش الغسالة القديم : 💡💡💡
بما اننا فى الموضوع السابق عملنا مفرش للغسالة ، وطبعا كدة انا استغنيت تماما عن المفرش الاساسى بتاعها ، فعملت منه فكرة بسيطة شفتها جاهزة كتير ومنتشرة .
وهى منظم مقسم الى اقسام تشبه الجيوب تستعمليها فى تنظيم أى حاجة عندك ، وبالنسبة لى استخدمتها فى تنظيم الاكياس ، لانى اتعلمت من فيديو فى اليوتيوب تطبيق الاكياس بدلا من وضعها فى كيس كبير مع بعضها لانها ساعتها بتتكرمش وبتضطرى تفردى كل واحد عشان تعرفى هو كبير ولا صغير ، أما لما بتطبقيها فشكلها بيكون أفضل كتير وممكن ولادك هما اللى يطبقوها وتكون مهمة واحد فيهم عشان ما تأخدش من وقتك .
🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍🛍
اما فى المنظم دا قسمتهم بحيث كل جيب منهم يحتوى على حجم ونوع معين من الاكياس ، مثلا الاكياس الصغيرة مع بعض ، والكبيرة مع بعض ، اكياس حفظ الطعام مع بعض .......الخ وهكذا .
والصورة 1 بتوضح شكل المنظم وترتيب الاكياس فيه .