Profix Contracting & Finishing بروفكس للمقاولات والتشطيبات

04/03/2024

26/02/2024

60% من العملاء بيشطبوا بدون اشراف هندسي - وبالتالي البنود اللي بتتنفذ بيكون فيها :
- اما عيوب خاصة بالخامات ( بمعني الخامات رديئة وبالتالي عمرها الافتراضي قصير ومش هتحققلك الغرض الحقيقي منها )
- او عيوب في المصنعية - ودا بسبب ان الصنايعي بيكون عارف ان العميل مفيش عندة خبرة في التعامل مع البنود طبقا للمواصفات القياسية والاشتراطات الهندسية وبالتالي بعد فترة بيظهر العيب الحقيقي بس بيكون الاوان فات
- او ان العميل مفيش عندة خبرة عن اسعار الخامات والمصنعيات وبيسيب دماغة لكلام السوق اللي بيورطة ف انه يدفع و مع ذلك بياخد شغل ردىء ومش مطابق لأي مواصفات

فعشان متقعش في الفخ دا وتخسر فلوسك والشغل اللي كان نفسك انه يطلع زي ما بتتخيل ويعيش معاك ف انت محتاج حد ينظملك كل دا وبعلمك ويعرفك كل حاجة اول بأول ويتابع معاك بحيث تكون مرتاح وانت بتصرف فلوسك في الحاجة الصح
عشان كده في بروفكس بنوفرلك
خامات مطابقة للمواصفات - اسعار مناسبة
اشراف علي تنفيذ البنود وتوظيف الخامات بحيث تؤدي اقصي غرض قياسي مطلوب منها
متابعة مستمرة للاعمال والحرص ان البند يطلع زي ما انت حابب تشوفة عشان دا هيكون واجهه لينا قبل ما يكون حاجة لك
ف تقدر تتواصل معانا دلوقتي وتبدأ في رسم خيالك علي الواقع :)

17/02/2024

مع بروفكس ( جودة الأعمال و أنسب الأسعار )
- يمكنك البدأ الان - لتنفيذ جميع بنود التشطيب التي تحتاجها بمنزلك - او سطح بيتك وبأجود الخامات المستخدمة والمطابقة للمواصفات القياسية و أعمال التشغيل
- تأسيس بنود الاعمال ( سباكة - كهرباء ) بما يناسب احتيجاتك وعدم وضع اي زيادات خارج نطاق الاستخدام الحالي والمستقبلي
- أفضل خدمة للعزل ( اسطح المنازل - الارضيات - الحمامات - المطابخ ) حيث يتم الاهتمام بنظافة المكان بما يتناسب مع اكمال بند العزل بافضل الوسائل من حيث نوع العزل و جودة الخامات المستخدمة و الاساس و تغطية العزل بما يجعله يقوم بالغرض المطلوب منه علي اكمل وجه
- تنفيذ الاسقف المعلقة بافضل التصاميم والاشكال
- جميع البنود التي تحتاجها الان في مكان واحد ( بروفكس )
تواصل معنا الان

29/01/2024

** العزل :
- عشان ما تندمش وتشتكي بعد كدة في حاجات في بيتك مينفعش تخلصة من غيرها - وهو بند العزل للحمامات والمطابخ والاسطح -
- بند العزل مينفعش تستهتر به وتتجاهلة لان عدم العزل يعني تسريب مياة وتسريب مياة يعني صدأ حديد وصدأ حديد يعني بارومة وحديد متأكل هيأثر تباعا مع الزمن علي خرسانة ارضيتك اللي سقف اللي تحتك - وبالتالي لاقدر الله ممكن تدخل نفسك في حاجات ملهاش لازمة فلية ؟
- مع بروفكس جودة العزل وماتدورش بعد كده - لان الموضوع مش عزل وخلاص لا بنستخدملك اجود الخامات مع الصنعة المطابقة للمواصفات عشان بعد كده تقدر تخرج البند دا من دماغك بفضل الله وتعيش بالك مرتاح
اتواصل معانا

13/01/2024

- انضم الي فريقنا الأن !
التواصل عن طريق رقم الهاتف الموضح او عن طريق ارسال رسالة

13/12/2023

بروفكس - جودة التنفيذ ورضا العميل شعارنا
* التشطيب مش مجرد اعمال بتتم وتخلص وبس لازم تخلص بجودة وكفاءة وتحقق الغرض منها
عشان كده بنهتم بتفاصيل الاعمال واخراج كل مرحلة بدقة باذن الله
- مراحل التنفيذ زي الـ PUZZLE بالظبط - لازم كل مرحلة يتم عملها في مكانها الصحيح عشان في الاخر تكتمل الصورة الديكورية ويديك المنظر اللي انت عايزة
- بند المباني - ما ممكن اي بنا يعملهولك هتفرق ف ايه يعني ؟
* هتفرق ان لو البنا مش كويس ومفيش متابعة واستلام للاعمال هيحصل كتير - مثلا لو اول مدماك مباني ( اول رصة للطوب ) مش مظبوطة كل اللي هيطلع عليها مش هيبقي مظبوط - لو مفيش عناية باحترام العناصر الانشائية هتلاقي الطوب طالع وداخل - لو مفيش احترام لظهر ووش الحائط هتلاقي منظر مش هيعجبك - وممكن بعد شوية تلاقي الجدار وقع من نفسة عشان البنا اللي مفيش حد واقف بيستلم شغلة ويتابعة ماحطش اسافين ( جزء خشبي يتم وضعة اعلي الجدار لزنق اخر رص طوب ) - وبالتالي هتلاقي نفسك داخل في تكلفة ملهاش لازمه :)
- بند زي التاسيس ( كهرباء - سباكة ...الخ ) ما هجيب اي سباك او كهربائي وخلاص - ركز في الكلمة دي عشان ممكن تبيعك اللي وراك والي قدامك لو مفيش حد واقف ع الشغل وبيستلمة ويتابعة - لانه ممكن يحصل انه يحطلك علب كهرباء مش موزونة ولا عامل حساب ان في محارة هتتم بعد كده او ان في حلوق المفروض انه يحترمها عشان ما نضطرش بعد كده لترقيعها وتضيف عمود او ربع عمود او زوي ..الخ - ممكن يحطلك خراطيم بكثافة بحيث انك لما تمحر بعد كده هتلاقي المحارة طبلت ووقعت مع نفسها
ممكن يحطلك لوحة الكهرباء في مكان عشوائي وما يحطلكش التوزيعة الصحيحة - ممكن يجيبلك سلك مضروب ومع اول حمل كله طار :)
- بند زي الحلوق .. ما هجيب نجار يعملهولي ايه المشكلة ؟ -
لو مفيش حد متابع شغله هتلاقي حاجات مش هتفرحك ابدا - ممكن يجيبلك حلق مش مظبوط اثناء التركيب بمعني عرضة من فوق مش اد عرض من تحت ف يا اما قافل من فوق او قافل من تحت ودا بياثر فيما بعد ع الباب ! - او يركبلك الحلق من غير كانات ويسيبة متثبت بدعاء الوالدين - او يبرزلك بالحلق برا فتلاقي المحارة في قارة والحلق ف قارة - او ممكن يجيبلك حلق قطاعة اي كلام - ولما يوصل لمرحلة الابواب دا لو وصل مظبوط تلاقي باب حشوتة اي كلام او باب فية نسبة لف يعني باب مفتول بحيث انه مهما حاول يركبة مش هيركب ويضطر طبعا يتحايل عليه بعد كده باللعب في النجارة ويديك الحاجه الي دافع فيها دم قلبك اي كلام :)
- بند زي المحارة - لو مفيش حد واقف عليه ومتابعة - ممكن يعملك بؤج بسمك كبير وطبعا حضرتك هتشوف المحارة وتقول الله ينور وتيجي كمان فترة تقول حسبي الله عشان هتطبل وتقع - وطبعا عشان علب الكهربائي ( فاكر اللي ما وزنش شغلة عشان مفيش حد متابعة ) كلها بارزة عن المحارة ومش مظبوطة و ايه كمية الخراطيم دي كلها ! ما هو لو كنت جبت حد هترتاح !
- بند زي العزل .. كل ما تعزل تلاقي برضة التسريب شغال ! لية ؟ ماهو عشان الافندي اللي عملك العزل ما عملش اساسياته و قلب الشغل وقبض ومشي !
و قيس كل دا علي باقي البنود سيراميك و الوميتال و جيبسنمبورد وال CNC و الكرانيش وغيره من المراحل ...
عشان كده مع بروفكس بنضمنلك باذن الله جودة عند تنفيذ الاعمال ومش هيطلعلك الا الشغل اللي هيرضيك
اتواصل معانا

11/12/2023

مع بروفكس بنقدملك خدمات كتير والطلب عليك والتنفيذ علينا
- لو شقتك خلصانة عظم او هيكل وعايز تكمل تشطيب اتواصل معانا
- لو عايز تعمل تعديل سواء اضافة او تحويل للفراغ والشكل الديكوري بتاعك اتواصل معانا
- عايز تضيف عناصر جمالية في شقتك ( سقف معلق - تجاليد خشب -كرانيش ماليزي وفيوتك - ديكورات جبسية ) اتواصل معانا
- اعمال التاسيس كاملة من بداية المباني - اعمال النجارة - تاسيس الكهرباء - تاسيس السباكة - اعمال المحارة - اعمال النقاشة -اعمال السيراميك - اعمال الكريتال - اعمال الاستانلس - اعمال الـ Upvc- اعمال العزل ...الخ ) كلمنا
- لو عندك سقف وعايز تعزلة او حمام اتواصل معانا
- اعمال الترميم وايجاد الحلول المناسبة
واسعارنا أرخص من بيومي فؤاد :)
تواصل معنا الان

06/12/2023

كلنا معاك ياسيادة الرئيس من أجل مصر ...ادارة بروفكس معاك ياريس

06/12/2023

- خلي بالك قبل ماتشطب شقتك :) :
1. بنخططلك لكل تفصيله قبل ما نبدأ شغل ف اي حاجه
2. بنرسم فرش افتراضي للشقة عشان نقدر نحدد أماكن مخارج الكهربا و السباكة صح وما ننساش اي حاجة
3. المطبخ من أهم الفراغات في الشقة و اللي لازم ما تضيقش مساحته عشان توسع الريسبشن.
4. حاول توسع المطبخ على قد ماتقدر.
5. اعمل حسابك تجيب ترابيزة أكل صغيرة في المطبخ دي أهم من ترابيزة السفرة. :)
6. الليفنج والريسبشن مصدر سعادتك مع اهلك في البيت فمتقلقش لاننا بنهتم بيهم
7. اوعي تنسي الجزامة في البيت اهم من النيش والبوفية :)
8. الدييب فريزر و المايكروويف أساسيات أكتر من الصيني اللي ماحدش بيستخدمه خلي بالك :)
9. لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة - نستغل كل حيز قدر الامكان ز
10. بنقولك ان البورسلين قطع الليزر في مصر أثبت فشله.. هات سيراميك نوع كويس أفضل عشان يعيش معاك :)
11. سيراميك الجوهرة أفضل من كليوباترا بمراحل.
12. لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.
13. لو ما اخترتش البورسلين صح و ركبته صح هيفك من الأرض بعد سنتين.
14. لو حابب تدلع شقتك ركب hdf في الغرف.. هتنبسط جدا ز
15. لو مش حابب تدلع شقتك على الأقل ركب hdf في غرفة النوم :)
16. لو شقتك مجروحة من الجيران ولا يهمك هنعملك الستاير البلاكاوت :)
17. اكتر تلت حاجات لازم نهتملك بيهم هما تأسيس السباكة و تأسيس الكهرباء و العزل صدقني الباقي سهل :)
18. الشبابيك الألومينيوم عملية أكتر من الشبابيك الخشب جدا .
19. الشبابيك المفصلية بتزود الإضاءة و التهوية بس هتصعب عليك الفرش.
20. لو شقتك واسعة اعمل شبابيك مفصلي و لو ضيقة اعمل الشبابيك جرار.
21. الشبابيك الـ pvc جميلة و بتعيش.
22. لو شقتك في منطقة مقطوعة ركب كاميرات خارجية مابتتكلفش كتير على فكرة.
23. ماتجيبش نيش.
24. معابر الأبواب مهمة عشان بتمنع الصوت و الضوء و الحشرات.
25. إختار أبواب خشب كويسة عشان ماتندمش و باب الشقة هاته باب مصفح لو معاك فلوس.
26. خلي النجار يركبلك جوانات كاوتش لكل الأبواب عشان بتمنع التراب و الصوت.
27. كل الشبابيك احقن حواليها فوم من الخارج و سليكون من الداخل عشان الحرارة و الصوت و التراب.
28. الجيبسوم بورد بيتعمل بيه حاجات كتير غير الأسقف على فكرة.
29. الجيبسوم بورد حاجة أساسية بس تستخدمه صح لما تحتاجه.
30. أكتر حاجة هتخلي شقتك شيك هي توزيع الإضاءة صح.. خلي حد مخصص يوزعلك الإضاءة.
31. اهتم إنك تشتري شفاط محترم للمطبخ.
32. الشفاط اللي بيركب فوق البوتاجاز شكله حلو و شيك و بس.
33. ماتركبش في الأرضيات السيراميك المستطيل اللي شبه الباركية عشان بيقوس و بيجير.
34. لو عاجبك السيراميك اللي شبه الباركية ركب hdf هتتبسط صدقني.
35. اعمل حساب كل تفصيله في تأسيس الكهرباء و ماتنساش الدش و التليفزيون و التليفون و النت.
36. اعمل حسابك لتأسيس التكييف حتى لو مش هتشتري تكيييف.
37. بلاش دهانات مط و بلاش دهانات لامع.. النص لمعة أو الربع لمعة أشيك بكتير.
38. آخر صيحة في الديكورات حالياً هي الأسقف السترتش اللامعة.
39. لو عاوز تدلع مكان معين في شقتك ممكن تعمل ديكورات بـ CNC .
40. اختار كل حاجة قبل ماتبدأ تنفيذ أي حاجة.. دي قاعدة أساسية.
41. أسس اسكيب و شطب جوتن.. ده في الدهانات.
42. مافيش أشيك ولا أرقى من الدهانات السادة بس تختار الألوان صح.
43. بلاش تعمل تفاصيل كتير في الحوائط و الأرضيات و الديكورات عشان تعرف تفرش حضرتك.
44. أي حاجة مط بيبان عليها التراب.. لازم تبقى عارف ده كويس.
45. لو الأبواب الخشب شكلها حلو ادهنها أستر و لو شكلها مش حلو ادهنها لاكية مغسول.
46. القاعدة الذهبية في إختيار أكر و كوالين الأبواب " الغالي رخيص"
47. القاعدة اللي فاتت دي برضه تنطبق على الخلاطات و الإكسسوار و النواكل.
48. الزجاج العاكس للشبابيك بيحجب 50% من الإضاءة.
49. الزجاج العاكس للشبابيك بيعكس الصبح بس مابيعكسش بالليل.
50. ألوان السجاد- ألوان الستاير- ألوان الفرش- ألوان الأبواب و الشبابيك- ألوان الموبيليا- ألوان دهانات الحوائط و الأسقف- ألوان الإكسسورات و الأنتيكات و التحف و الصور و البراويز... كل الحاجات دي ليها علاقة ببعض ولازم تنسقها صح عشان شقتك ماتبقاش ملعلطة.
51. حاول على قد ماتقدر تشتري كل لمبات الشقة لمبات ليد.. هتدفع مبلغ كبير بس هتوفره في فواتير الكهرباء.
52. لو هتجيب سخان كهرباء هات سعته كبيرة.
53. السخان الفوري مناسب بس في المطبخ لأنه بيستهلك كهرباء كتير.
54. في تأسيس الكهرباء ماتشتغلش غير بسلك السويدي الأصلي.
55. في تأسيس السباكة مواسير التغذية أكواثيرم أو باننجر و مواسير الصرف الشريف.
56. رخامة المطبخ هاتها جرانيت مش رخام.
57. الأحواض و القاعدة المعلقة بيدوا وسع للحمام و أسهل في النضافة.
58. إشتري الخلاطات و الصيني و النواكل للحمام و المطبخ قبل ما السباك يأسس.
59. لو بياض المحارة وحش و فيه مطبات أو شرخ حاول تعالجه قبل الدهانات.
60. لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.
61. و انت بتقسم شقتك و بتفرشها إهتم براحتك و سعادتك أكتر من إهتمامك بالضيوف لأنك إنت اللي هتعيش في الشقة طول العمر مش الضيوف.
62. لو مش هتركب باب مصفح لباب الشقة يبقى يفضل تعمل باب حديد حماية.
63. ماتنساش تركب سلك لكل الشبابيك عشان الحشرات.
64. السلك الفايبر بيتقطع و السلك الصلب بيصدي.. هات سلك صلب و ادهنه عشان مايصديش.
65. لو عندك غرفة أطفال.. ادهنها لون يمشي أولادي أو بناتي.
66. إهتم جداً بسقية السيراميك و يفضل تشتري مادة سقية جاهزة و إوعى تلون أسمنت السقية بأكسيد.
67. قفل حوالين البانيو و الحوض و القاعدة و عند جميع زوايا و أركان الحمام و المطبخ بمادة حقن فواصل من شركة سيكا.. صدقني هتعيش مبسوط بعدها.
68. بلاش تخلي سخان واحد يغذي الحمام و المطبخ مع بعض عشان كل ماتدخل تاخد دش مراتك هتفتح حنفية المطبخ و هتتلسوع.
69. البيبة في المطبخ حلوة عشان التنضيف و وحشة عشان الحشرات و الروائح و السدد.
70. الكرانيش الجاهزة (فيوتك) أفضل 100 مرة من الجبس البلدي.
71. بلاش أباجورة جنب السرير.. ركب 2 أبليك على الحيطة أجمل و أشيك.
72. إختار أماكن و مناسيب برايز الكهرباء بعناية عشان دي من أكتر الحاجات اللي هتضايقك لو ما اخترتهاش صح.
73. بالنسبة للموبيليا حاول تخلي كل الأدراج القريبة من الأرض ليها مفاتيح عشان الأطفال بيعشقوا الأدراج.
74. الغسالة في الحمام ولا في المطبخ.. في المطبخ ولا في الحمام.. إشتري دماغك و خلي مراتك اللي تقرر عشان تعيش في سلام.
75. خلي خطيبتك أو مراتك هي اللي تختار الألوان عشان فعلاً هما بيشوفوا ألوان الرجاله مابتشوفهاش.
76. الـ "ليلاه و البستاج و الفستاج و البيربل و البينك و الأوف وايت و الأون وايت و الأكسيديه و الجراي بيج" دي بعيد عنك درجات ألوان عن البنات أما بالنسبة للرجالة اسمها سمني و عسلي و بصلي و كموني و لموني و مشمشي و فسدقي و حمصي و برتقاني و أي حاجة ليها علاقة بالأكل.
77. ركب فلتر في المطبخ عشان مية الشرب في مصر غير صالحة للشرب.
78. لو الشقة اللي تحتك متشطبة أو ساكنة نبه على العمال اللي في شقتك مايخمروش مونه على الأرض عشان هتنشع على الشقة اللي تحت و جارك هيطلع يتخانق معاك.
79. لو الشقة اللي فوقك لسه ما اتشطبتش ابقى اتأكد إنه هيعزل الحمام و المطبخ و يختبر السباكة كويس.
80. إعزل الحمام و المطبخ عزل أسمنتي أسهل و أفضل و أرخص.
81. بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط.
82. ماتساش تركب منشر في مكان بيوصله شمس عشان مهم.
83. لو شقتك راكب فيها أبواب وحشة و مش معاك فلوس تغيرها ركبلها وشوش MDF .
84. لو الحمام بتاعك ضيق ماتركبش بانيو.. قفل كابينة شاور بيلت إن عملية و هتديلك مساحة واسعة.
85. الشركات المنتجة لمواسير السباكة المحترمة ممكن تيجي تعملك إختبار ضغط للمواسير و تديلك ضمان مدى الحياة ضد التسريب و عيوب الصناعة.. دي حاجة مهمة.
86. لو جبت مهندس يشطبلك الشقة هتشتري دماغك و توفر وقت و فلوس :)
87. ماتآمنش لصنايعي.. ماتآمنش لصنايعي.. ماتآمنش لصنايعي - عشان كده هتحتاج حد يكون حريص علي شغلك وفلوسك وانه يعملك كل اللي بتطلبة واللي نفسك فيه
مع بروفكس هنعملك كل اللي نفسك فيه و اهم حاجه :)
الجودة - الثقة - الامانة وجميع الحلول موجودة
اتواصل معانا دلوقتي

26/09/2023

كل عام وانت بخير وصحة وسلامة يارب العالمين

18/07/2023

بروفكس تتمنى مزيد من التقدم لمصرنا الحبيبه ودوام الخير والهنا بمناسبه العام الهجرى الجديد