19/05/2012
صباح الخير ...الموضوع مهم جداا للعاوز يعمل خير امبارح في قناة الحياة الزرقا برنامج بنات البلد جابوا تقرير عن أسرة عايشة في طوخ القليوبية الأب والأم قرايب ولاد خالة خلفوا طفلين عندهم خلل جيني وراثي في الجلد(معندهمش جلد طبيعي زينا عندهم ما يسمى بالقشرة السمكية) ودى ملوش علاج نهائي غير انهم يفضلوا طول حياتهم يدهنوا مراهم ع كل جسمهم عشان القشرة متنشفش ومتشلبش دم بعد كدة والعملية والمنظر السيء بتاعهم دى ميزدش لا حول ولا قوة الا بالله المهم المراهم دي صغيرة في الحجم قووووووووي وغالية قووي وهما غلابة اصلا ومعهمش فلوس ابوهم شغال عامل في طابونة بيومية عشرين جنيه وعايشين في اوضة واحدة يندى لها الجبين الناس خايفة تكلمهم وبتقرف منهم وخايفين من العدوى رغم انه مرض جيني مش بيعدي حد والأطفال بيجروا ورا الولدين الأخين دوول ويوقلوا عليهم عفاريت ....جارة أبو عصام هي اللي وصلت حكايتهم لقناة الحياة كلموها 011400451163
01155663170 وهي حتوصلكم بعصام (والد الأطفال ) سواء تجيبه القاهرة او شوفوا انتوا ممكن تروحوا ليه وتشوفوا بنفسكم بجد شكلهم يصعب ع الكافر وحاجة تقطع القلب ... هما جايين القاهرة ان شاءالله مع الست يوم الأحد في مستشفى ابو الريش لدكتور عيون طلب انه يشوفهم في البرنامج لإن في ولد من الولدين من كتر الكريمات أثرت على عينه ....وصلوا الرسالة دي لأكبر عدد ممكن وجزاكم الله خيرا ....
Like ·
Nevine Baligh دلوقت أنا كلمت الحاجة هناء اللي بتساعد الأولاد دول. المشكلة أكبر من سعر المراهم، الولد اللي عينه تاعباه محتاج يعمل عملية في القرنية وأبو عصام أصلاً كمان ظروفه صعبة قوي على قد حاله جداً. مراته جت تساعده عملت قدرة فول تبيعها الناس مش راضيين يشتروه منها قال خايفين من العدوى مع إن المرض ده مش معدي أساساً! والاولاد بيعاملو معاملة سيئة جداً في المدرسة. أنا قلبي اتقطع بجد على حال العيلة دي يا ريت بجد نقدر نساعدهم بأي حاجة مادية أو أدوية أو أي حاجة بجد. حالة الاولاد بتخليهم بيعيطوا من الألم لكن أبوهم مش معاه كفاية عشان يجبلهم المراهم اللي تريحهم كل شوية وللأسف البرنامج اللي طلعو فيه مجاش عن طريقه تبرعات كافية خالص.
