14/07/2026
في نوع من الاجتماعات محتاج بدل الـ Agenda كيس إسعافات أولية.
الاجتماع يبدأ الساعة 10. الساعة 10:15 لسه بنستنى آخر الناس تدخل. الساعة 10:30 حد يسأل: "ممكن حد يفكرنا إحنا متجمعين ليه؟". الساعة 10:45 يطلع اقتراح كان متوافق عليه من شهرين وكأننا أول مرة نسمعه. الساعة 11:00 يتحول الاجتماع لمناظرة فلسفية عن معنى الحياة وأسباب تأخر المشروع.
ولو نجوت من كل ده، يطلع لك البطل الخارق اللي يقول: "خلينا نرجع خطوة لورا".
الخطوة دي غالبًا بتوديك لورا سنتين مش خطوة.
عشان تنجو من الاجتماعات دي، عندك 3 قواعد ذهبية:
أولًا: ما تحاولش تفهم كل حاجة. بعض الاجتماعات اتعملت أصلًا علشان محدش يفهم حاجة.
ثانيًا: كل 20 دقيقة اسأل السؤال السحري: "إيه القرار المطلوب ناخده؟". السؤال ده بيعمل ارتباك لطيف لأنه بيفكر الناس إن الاجتماع له هدف.
ثالثًا: لو لقيت الاجتماع دخل في نقاش جانبي عن موضوع مالوش علاقة، ما تشاركش. اتفرج عليه زي ما بتتفرج على مسلسل. النهاية غالبًا معروفة ومفيش حد هيكسب. يا أخي تبا!!
hashtag #فرهدة
