22/01/2024
management of salad
معظم مشاكلنا في مصر نابعة من المصطلح ده و للاسف اصبحت النوعية من الادارة سائدة في جميع مناحي حياتنا العملية .
يعني ممكن تلاقي مسميات وظيفية كبيرة و القائمين بها ليست لديهم اية خبرات بفحوي هذا المسمي .
يعني ممكن تلاقي واحد كاتب في البزنس كارد بتاعه HR director
و تلاقيه لا يعرف يعمل job analysis و لا job description ولا عنده فكرة عن ال salary scale و لا ال evaluation طيب يا عم بتعمل ايه ؟
شوية مرتبات علي شوية تأمينات و دمتم .
نفس الحكاية تلاقي واحد كاتب في البزنس كارد بتاعه CFO
ياخبر ابيض علي ال عظمة ال position ده ، طيب يا عم ادينا شوية مؤشرات مالية زي مثلا نسبة التداول او نسبة السيولة او نسبة السيولة السريعة .
طيب عايزين نعمل مراكز تكلفة و بادجت !!!
تلاقيه فتح بقه و كبر دماغه و لا كأنه سمع حاجة .
للاسف النوعية دي من الموظفين بقوا كتير جدا في الشركات المصرية و الناس دي هيفوا المسميات الوظيفية الكبيرة بجهلهم .
بس باردو للاسف مش ذنبهم الذنب ذنب اللي اختارهم و استرخص و حطهم في اماكن مش بتاعتهم .
دي نوعية من ادارة السلاطة في مصر .
اتمني ما تقلبش كشري
دمتم طيبين
حمدي زكريا
