توب لاين لتوريدات الكمبيوتر وخدمات الانترنت Adsl

23/06/2025

لو قدامك جهازين كمبيوتر او لاب توب واحد CORE i7 جيل قديم والتاني CORE i3 جيل حديث تختار إيه فيهم.....
يعني مثلا كور i7 جيل رابع أو خامس
وكور i3 جيل حادي عشر أو اتناشر

أول حاجة لازم تعرف إن الجيل بيفرق جامد جدا في الأداء والكفاءة والسخونية واستهلاك الكهرباء

الكور i3 الجديد بيستخدم معمارية أحدث وبيشتغل بكفاءة أعلى من i7 القديم
يعني ممكن تلاقي i3 جيل 12 أسرع من i7 جيل 4 مثلا في الاستخدامات اليومية

لكن خليني أقسمها لك حسب الاستخدام

لو واحد هيشتري الجهاز علشان استخدام مكتبي زي تصفح وورد اكسيل وPDF وسرعة في الفتح والتنقل
يبقى الكور i3 الجيل الحديث يكسب
لأنه بيفتح أسرع وبيسخنش وبيركبله NVMe سريع وممكن رام DDR4 أو DDR5 حسب البوردة
وكمان هتاخد ضمان أكتر لو الجهاز جديد

أما بقى لو حد هيشتري الجهاز علشان استخدام تقيل زي تصميم برامج هندسة ألعاب شغل مونتاج تقيل أو تشغيل برامج تقيلة
يبص الأول على عدد الأنوية وعدد Threads
ممكن يلاقي إن i7 جيل 6 أو 7 فيه أنوية أكتر من i3 جيل 10
فساعتها i7 القديم ممكن يكون أفضل بشرط تكون البوردة والرام والهارد كويسين
بس في العموم لو هيشتغل شغل تقيل الأفضل يشوف i5 أو i7 جيل حديث بدل ما يرجع للقديم

خلاصة الكلام
لو استخدامك خفيف أو مكتبي ومش ناوي تطور الجهاز قريب خالص خد كور i3 حديث

لو شغلك تقيل وعاوز جهاز رخيص مؤقتا ومش فارق معاك التحديث أو الطاقة خد كور i7 قديم بس لازم يكون حالته ممتازة

ولو عاوز الأفضل دايما خليك في i5 أو i7 جيل حديث وريح دماغك

30/08/2021

أسرار لوحة مفاتيح الكمبيوتر .

06/07/2021

05/01/2021

شوية نصايح لازم تعرفها قبل ما تركب كاميرات مراقبة :

1-- مفيش حاجة اسمها اعلى جودة بأقل سعر
انت عمرك ما هتركب مرسيدس2020 ب 50 الف جنية
ولا عمرك هتشيل Iphone X ب 200 ج
فخليك واقعى واعرف انت بتشترى ايه
فيه حاجة اسمها جودة مناسبة على أد فلوسك
وفيه حاجة اسمها جودة عالية بفلوس عالية برضة

2-- مفيش حاجة اسمها خصم 30 % و 40 % و 50 % .. فيه حاجة ب 100 ج اتكتب عليها انها ب 200 ج واتعملك خصم 50 % فرجعت لسعرها الاصلى "قديمة فشخ الحركة دى "

3-- لما تيجى تختار كاميرات المراقبة حدد هدفك مظبوط
عاوز تتابع الدنيا وخلاص ولا عاوز تشوف تفاصيل ووشوش بنى أدمين ولا عاوز تجيب ارقام العربيات " و كمان حدد العربيات دى ثابتة ولا متحركة ولو متحركة بتتحرك بسرعة كام ؟ " كل العوامل دى بتفرق مع المهندس اللى هيصمملك السيستم ..

4-- دايما اهتم ان يكون فيه سيستم يشغل الكاميرات لما الكهربا بتقطع لان اول حاجة بيعملها الحرامى انه يفصل الكهربا عن المكان عشان يكون على راحته

5-- اهتمامك بالسعر على حساب الكواليتى هيلبسك فى الحيط .. بلاش توفر فى الكاميرات بالذات وركب حاجة محترمة " هى مره فى العمر "

6-- مش معنى ان عم عبده البقال بقا شغال فى الكاميرات ان الموضوع بقا سهل ومش مستاهل -- الفيس بوك ملاااااااان فيديوهات لعمليات سرقة وخطف وسطو مسلح وكل الفيديوهات مشترك فيها ان وش المجرم مش باين :D -- وده مش ذنب عم عبده بس -- ده ذنبك انت انك ركبت حاجة رخيصة غير مطابقة للمواصفات ومش متناسبة مع المكان اللى انت فيه

7 -- التركيب والفنش للسيستم يعتبر عامل كبير فى سلامة النظام وعمله بشكل سليم وده اللى بيفرق من شركة للتانية -- ودايما اهتم بحماية الكابلات جوة مواسير PVC او ع الاقل مواسير حرار -- او روح لشركة محترمة وهى تقولك تعمل ايه

لازم تعرف كمان ان العنصر المسئول عن التسجيل هو الهارد ديسك وده بيركب جوة جهاز التسجيل "الدى فى آر " والهارد منه انواع كتير فيه هارد بيانات بيركب فى الكمبيوتر وهارد اخر خاص بالسيرفرات وهارد فيديو بيركب مع كاميرات المراقبة جوة ال دى فى ار .. متروحش تركب هارد كمبيوتر للكاميرات عشان مش هيعمر اكتر من 6 شهور .. اللهم بلغت :D

8-- قبل ما تفكر تمارس هواية الفصال -- من حقك كعميل تاخد حاجة اسمها عرض اسعار وده عبارة عن ورقه فيها مكونات السيستم وكل مكون ادامة رقم الموديل بتاعة بالكامل عشان تقدر انك تلف وتسأل عن طريق رقم الموديل وتوصل لاقل سعر وده حقك على اى شركة --

لو اخدت عرض سعر من شركة بدون ارقام الموديلات و بيان مختتصر للمواصفات فدى حاجة من الاتنين يا اما شركة جاهلة ياما نصابة - وفى كلتا الحالتين متتعاملش معاها
مهو برضة مينفعش اروح اسال الموبايل السامسونج بكام !
سامسونج عملت اكتر من 100 موبايل المفروض تحدد الموديل بالظبط عشان على اساسه هتوصل لافضل سعر

نفس الكلام فى كاميرات المراقبة كلهم شبة بعض تقريبا بس الموديل بيفرق فى المواصفات وجودة الصورة و بالتأكيد بيفرق فى السعر

9 -- لازم تبقى عارف انك لما تصور الحرامى كويس ان محدش هيجيبهولك -- عشان كده لازم السيستم ينبهك قبل السرقة ما تحصل اصلا وده اللى مش كل الشركات بتقوله للعملاء

10-- اهتم دايما بجهاز التسجيل لان ده عليه عامل كبير جدا فى وضوح الصورة سواء فى العرض او فى التسجيل -- وخللى بالك مش كل الاجهزة بتسجل زى ما بتعرض
يعنى ممكن جهاز التسجيل يعرض على الشاشة كاميرا 2 ميجا بيكسل - بس لما يجى يسجل هيسجل بدقة 1 ميجا بيكسل فقط وده الفخ اللى بيقع فيه ناس كتير عن جهل
بتروح تشترى كاميرات غالية ومش بتستفاد بيها

11- اااه اهتم بصور الكاميرا ليلي ودي اهم ميزه في الكاميرات المراقبه لأن اي كاميرا جودتها حلوه في النهار

12-- اهتم ان يكون جهاز التسجيل مستخبى لانه شبة الرسيفر واول حاجة بتتسرق :D

13-- مفيش كاميرا تنفع مكان التانية -- كل مكان له كاميرات معينة - اللى يركب فى محل غير اللى يركب على طريق غير اللى يركب على بوابة غير اللى يركب جوة فرن
احمد مش زى الحاج احمد فى الحالة دى :D

14-- متهتمش الكاميرات صينى ولا تايوانى ولا بتنجانى لان كله متقفل فى الصين :D
اهتم بالمواصفات وشوف بعينك قبل ما تركب

15 -- كاميرات المراقبة قبل ما بتكون عامل ردع فى بعض الاوقات -- بتكون عامل ارتياح نفسى واطمئنان على نفسك واسرتك

16-- مفيش حد هيبيعلك بالرخيص ويديك ضمان استبدال لمدة سنة .. الحداية مش بتحدف كتاكيت 😂

27/05/2020

Dell Inspiron 3593: Ci5 -1035g, 10th Gen, 1.0Ghz-6 MB, 8GB, 1TB HDD, Vga AMD Radeon 520 -2GB- DDR5, 15.6 Full HD 1920 x 1080, Black
لاب توب جديد ضمان سنة Dell
لاب توب ديل انسبيرون 3593 -
انتل كور i5-8265U
، شاشة 15.6 بوصة، 1 تيرابايت، 4 جيجابايت رام، بطاقة رسومات انفيديا 2 جيجابايت - اسود
السعر 10650 جنيه
01224614366 / 0224942422

27/05/2020

HP 15-DA1022nx: Ci3 -8145U, 2.1Ghz-4MB, 4GB, 1TB HDD, Vga Intel UHD620-15.6, Full K.B., Black
HP لاب توب جديد ضمان سنة
رام 4 جيجابايت السعة التخزينية 1 تيرابايت ، شاشة 15.6 انش ، اسود
السعر 6330 جنيه
01224614366 / 0224942422

15/02/2020

💥 للعملاء الحاليين 💥
تعاقد لقريب أو صديق لك وسوف تحصل على عرض خاص من توب لاين 💥

15/02/2020

إشترك الآن في خدمة الإنترنت الأرضي واحصل على أفضل العروض من توب لاين لخدمات الإنترنت .
للتعاقد والاستعلام اتصل بنا :
٠٢٢٤٩٤٢٤٢٢ / ٠١٢٢٤٦١٤٣٦٦ واتس .
أو أترك رسالة أو تعليق وسوف نتصل بك .

09/02/2020

من توب لاين
إشترك الآن وأحصل علي أفضل عروض الإنترنت في مصر .
للتعاقد والاستعلام اتصل بنا .
٠٢٢٤٩٤٢٤٢٢ / ٠١٢٢٤٦١٤٣٦٦

08/02/2020

من Top Line
برنامج أضف وأربح
لزيادة دخلك عن طريق العمل من منزلك .