YBE- Your Business in Egypt

05/07/2020

الكسل و الركون الي الراحة😴 سعادتان وهميتان تباعدان بينك و بين نجاحاتك🤚

05/05/2020

اذا كنت ترغب أن تصبح رجل اعمال متميز فيجب أن تتوافر المهارات التي يحتاجها اي مشروع و من أهمها

1- تملك خطه مستقبلية
2-القدره علي إدارة الوقت
3-القدره علي المخاطرة
4-العمل ضمن فريق
5-القدره علي إدارة الموارد المتاحه
6-حب العمل

05/05/2020

02/05/2020

إذا كنت تعيش على كامل راتبك دون أن يبقى لك أي مبلغ في نهاية الشهر ، فمن المحتمل أنك بحاجة إلى إدارة أموالك بشكل أفضل. وحتى إذا لم تكن حياتك تعاني من مشاكل مالية ، فمن المحتمل أنه لا يزال بإمكانك إجراء تحسينات هنا وهناك. إن امتلاك مهارات مالية جيدة يحسن نوعية حياتك. لذلك ربما حان الوقت للتعمق في مهاراتك المالية الشخصية وإلقاء نظرة على الطرق التالية لإدارة أموالك بشكل أفضل.

1- حدد ميزانية كل شهر

2- استشر ميزانيتك لاتخاذ قرارات الإنفاق

3- تتبع نفقات أصغر عمليات الشراء

4- سيطر على ديونك أو تخلص منها

5- تتبع المدفوعات الشهرية واعمل على الحد منها

6-أنشئ صندوق طوارئ

7- أنشئ هدف توفير شهري وادخر المال في حساب توفير منفصل

8- استخدم تطبيقات مقارنة الأسعار ومواقع الويب

9- استخدم التطبيقات المالية

10- حسن معرفتك بالمال باستمرار

Audiolaby شارك المعرفة😊

30/07/2018

مرحباً بكم أيها الرائعون 😊
بدايةً ندعوكم بمتابعتنا ليصلكم كل جديد.

لا أحد يصبح رائد أعمال وصاحب مشروع ناجح بين ليلة وضحاها ! فطريق الحرية في العمل والنجاح في إدارة الأعمال والمشاريع مهمة ليست بالهينة، بل تتطلب قدرا كافياً من الوقت والاجتهاد والمثابرة.

لا أحد ينكر أن فكرة أن تصبح مدير نفسك فكرة جذابة ومغرية، فالحرية والمال من اجمل وأعز ما يحلم به كل إنسان طبيعي.

والأمر المحفز هنا هو أنك تستطيع فعل ذلك بالفعل، فقط يجب أن تعرف كيف تحققها على أرض الواقع، ثم تصدق العزيمة وتمضي في التنفيذ، والأهم من ذلك أن لا تتراجع حتي تبلغ هدفك ☝.
"Audiolaby"

30/07/2018

https://alison.com/
Empower your self By online courses 💪💪

Free online courses with certificates. Join 1.5 million graduates and empower your career. Study, learn, certify, upskill with free online learning and training

26/07/2018

قاعدة ال20 دقيقه:
---------------------

البوست ده مهم جدا ويا ريت تكمله للآخر او تديه لواحد غيرك هتكسب فيه ثواب بقيت حياتك...وهو مهدى لكل الناس الي مش عارفه تعمل ايه في حياتها ومش عارفه هي مستنيه ايه :

انا كنت مدمن للعبه اسمها league of legends، كانت بتاخد مني في الماتش الواحد من "20 الى +45" دقيقه، وفي العادة كنت بلعب من " 5 الى 10" ماتشات في اليوم الواحد

لغايه اما حسبتي في الحياة طلعب اني قضيت 1372 ساعه من حياتي بلعب اللعبه.

بعدها قررت امسح اللعبه تماما، وبقى عندي وقت فراغ بكتأب فيه وبحس اني ولا حاجه في حياتي والفراغ ده ممكن يخلي عندي استعداد اعمل اي حاجه سيءه في حياتي تخدم الاكتئابات والفراغ..فقررت اشتغل بقاعده ال 20 دقيقه

ايه هي قاعده ال 20 دقيقه باختصار:

هي ان في حاجات كتير في حياتي نفسي احققها ومستحيل احققها تقريبا..قررت ان اديها 20 دقيقه من حياتي..حتى لو مش هستفيد منها حاجه المهم يكون معاك كراسه صغيره بتدون فيها تاريخ اليوم وانك سجلت انك عملت الانجاز ده "والموضوع ده مهم جدا هقولك ليه قدام"

مثال:

1- انا نفسي اتعلم كتابه السكربت بحرفيه ومش عارف ابدأ منين، في حاجه عاملها محمد وخالد دياب وعمرو سلامه على اليوتيوب اسمها الافلامجيه، سلسله فيديوهات ساعتين مثلا..بديهم في اليوم 20 دقيقه وادون في الكراسه ان النهارده "بالتاريخ" اتفرجت على 20 دقيقه من الافلاجيه

2 - لما قريت عن منح كتير بره خصوصا في المانيا بشرط اجادة اللغه الالمانيه،فقلت يا رتني اتعلمت الماني من ساعه ثانوي، دلوقتي بقول ليه لا..وبدي 20 دقيقه في اليوم اتعلم فيها الماني بس "في عدة طرق انا بفضل احسنها هي انك تدور على برنامج rosetta stone وتنزل كورس الالماني..دور وهتعرف تنزلهم ازاي" او تستخدم موقع زي https://www.duolingo.com/ موقع سهل وبسيط ممكن تقضي عليه 20 دقيقه في اليوم تتعلم اللغه الي انت عايزها

3 - كان نفسي ومنى عيني اتعلم فوتوشوب بدل ما احتاج لحد يعملي حاجه، دورت على حاجه اسمها photoshop crash course ده بيعلمك الفوتشوب كله في تسع ساعات، خصصتله 20 دقيقه في اليوم

4 - اتفرج على افلام!، تخيل ان فرجه الافلام بعتبرها مدخل للثقافه واني اعرف العقليات الي اشتغلت ورا الفيلم ده انجته فكريا دي حاجه هستفيد بيها،فقررت اتفرج على فيلم كل يوم "مش هينفعلها 20 دقيقه دي" بس خليت ده تاسك لازم اعمله كل يوم

5 - 20 دقيقه قرايه في اي حاجه، اي قرايه اي كتاب حتى لو كتاب وحش، انا كان نفسي اقرا كتب كتير ومعرفش الصراحه مكنتش بقراهم ليه، دلوقتي عقلي هيستقبل معلومات كل يوم لمده عشرين دقيقه، ده شيء هيطورني باي شكل من الاشكال

6 - اتعلم اله موسيقيه كل يوم ل20 دقيقه، تخيل ان كان نفسك طول حياتك تعزف جيتار مثلا، وكنت شايف ده شيء مستحيل، الفكره انك هتتفرج على توتوريال على اليوتيوب وتكتب guitar for beginner فهمت او مفهمتش اديك قضيت 20 دقيقه بتحاول تتعلم، صدقني مع كل يوم هتلاحظ فرق شاسع عن اول يوم، وهتلاقي نفسك بتحقق حاجه كنت شايفها مستحيله "ودي حصلت معايا بالفعل" وخد عندك اي اله ممكن تتعلمها

7- العب رياضه في اليوم حتى لو هتتمشى بس 20 دقيقه.

8 - افتح قوس وحط 20 دقيقه لاي حاجه كان نفسك تعملها في حياتك

"طيب افرض مثلا انا عندي شغل..عندي اي حاجه عندي مشواير"

ده مش قرآن تنفذه بالحرف..ولا انت في الجيش لازم تطيع الامور، ده امثل حل لما تلاقي نفسك حاسس انك بتضيع حياتك في اللا شيء، او بتقضي معظم وقتك فاضي او على القهوه او بتشرب سجاير او بتعمل اي حاجه تانيه، ممكن تستبدلها بده

واكتب ابسط الحاجات زي انا امبارح مثلا كتبت في الكراسه بتاعت الانجازات "اني قابلت ناس جديده" معرفه الناس كنوز زي ما بيقابلوا..ده انجاز في حد ذاته لو عرفت حد جديد

- "طيب ليه كراسه الانجازات وجو التنميه البشريه الفكسان ده شغل قديم اوي يعني"
الفكره في كراسة الانجازات، انك مش متخيل ان في كم انجازات انت عملته في حياتك بدل ما كنت بتقضيها في وقت فراغ ..ومع الوقت لما تشوف ان انجازاتك في اليوم ده شويه..بتتحمس لا اراديا انك عايز تملى سطور الانجازات بتاعت النهارده

"طيب ليه 20 دقيقه"

20 دقيقه عقلك بيستوعب فيها..بعد كده الموضوع بيبقى ممل، او متعب ومرهق، 20 دقيقه مش هتلحق تزهق، وهتخش على حاجه تانيه تكتر من فكره الانجازات، هتلاقي فعلا ان الحاجات الي كنت مستحيل تعملها ..زي انك تتعلم حاجه او تخس او تكتسب اي حاجه في العالم تفيدك في شغلك او في حياتك مع الناس..

- اتمسك بالموضوع..حتى لو هتعمل 20 دقيقه واحده في اليوم تعمل فيها اي حاجه مفيده، قول لغيرك على الفكره لان ممكن اي حاجه يعملها في حياته مفيده يعودلك ثواب فيها وتكون ساهمت في كراسة الانجازات انك خليت يعمل حاجه وساهمت في نجاحه

- لو مش هتستفيد بيها انت او مش مقتنع بالفكره، اعرضها على حد تاني لانها ممكن تكون مفتاح انقاذ لحياته الي مش عارف يعمل فيها ايه

اتمنالنا جميعا كل خير.