Yasser Elsamadisy د. ياسر السماديسي

Yasser Elsamadisy د. ياسر السماديسي Contact information, map and directions, contact form, opening hours, services, ratings, photos, videos and announcements from Yasser Elsamadisy د. ياسر السماديسي, Business consultant, Cairo.

استشاري ومُحاضر بالجامعة. هدف الصفحة مشاركة خواطر في البيزنس والادارة، وتبسيط مصطلحات ومفاهيم استراتيجيات الأعمال في سياق مألوف موجّه إلى رواد الأعمال، والمديرين بالشركات والمؤسسات، والشباب حديثي التخرج، والمهتمين بإدارة الأعمال والمشاريع

عندي نصيحة لولادنا طلبة وطالبات الثانوية العامة اللي بيقدموا دلوقت في الجامعات .. النصيحة دي كنت بقولها لولادي لما كانوا...
05/08/2026

عندي نصيحة لولادنا طلبة وطالبات الثانوية العامة اللي بيقدموا دلوقت في الجامعات .. النصيحة دي كنت بقولها لولادي لما كانوا في نفس المرحلة بتاعتكم ..

اختار مجال دراستك بعناية فائقة لانه اختيار مصيري .. وازن بين ميولك وقدراتك وبين الكارير وسوق العمل .. حُب المجال اللي حتدرسه مهم طبعا لكن أهم منه طبيعة الكارير اللي حتشتغل فيه وسوق العمل ايضا .. لان العمل ليه سوق، الوظائف بتتباع في السوق ده زيها زي أي سلعة، والمفروض انك تختار / تختاري السلعة الاغلى اللي لها بوتنشال واللي الطلب عليها في السوق ده مستمر ومتزايد ..

اللي انا اقصده حط حبك للتخصص والدراسة اللي حتدرسها طبعا من ضمن معايير الاختيار، لكن لا تغفل أبداً طبيعة الكارير اللي حتشتغل فيه بقية عمرك وسوق العمل .. بحسبة بسيطة انت حتدرس ٤ سنين وتشتغل باللي انت درسته ده ٤٠ سنة، يبقى المفروض تخلي الوزن النسبي لاختيارك للكارير وسوق العمل #عشرـأضعاف الوزن النسبي لشغفك بالمواد اللي حتدرسها وحبك ليها ..

النهاردة بيئة الأعمال اتغيّرت تماماً عن من ١٥ سنة وتجاوزنا الثورة الرقمية إلى عصر الذكاء الاصطناعي، وظهرت صناعات جديدة زي ال Fintech وهي زواج شرعي بين الخدمات المالية والتكنولوجيا .. وتراجعت صناعات تقليدية زي الصحافة الورقية خلت السلطة الرابعة بجلالة قدرها شغالين دلوقت على TikTok، يبقى العقل بيقول نختار الكارير بعقلية المستقبل، مش بمنطق الماضي ..

من أهم التخصصات اللي فرص نموها قوية خلال العشر سنين الجاية:

🔹الذكاء الاصطناعي وعلوم البيانات زي ال AI وال Machine Learning وال Data Science وال Business Intelligence

🔹الأمن السيبراني والشبكات لأن كل شركة أو مؤسسة بتتحول دلوقت رقميا، وبالتالي حماية البيانات والأنظمة بقت ضرورة مش رفاهية.

🔹هندسة الإلكترونيات والأنظمة المدمجة، خصوصا أشباه الموصلات والاتصالات وإنترنت الأشياء IoT.

🔹علوم الحاسب وهندسة البرمجيات، خصوصا تطوير التطبيقات والحوسبة السحابية Cloud Computing.

🔹الميكاترونكس والروبوتات، لأن المصانع والقطاعات الإنتاجية بتتجه الان أكتر الى automation والتكنولوجيا الذكية.

🔹هندسة الطاقة المتجددة والكهرباء، خصوصًا الطاقة الشمسية وطاقة الرياح وتخزين الطاقة والهيدروجين الأخضر، الحاجات دي بقت مهمة دلوقت خصوصا في المناطق اللي فيها ازمة طاقة وندرة مياه.

🔹الطب والتمريض وباقي التخصصات الصحية هتفضل مطلوبة لكن لازم وانت بتختارها تبقى مستعد لطريق طويل من الدراسة المستمرة مش بس انك تدخلها عشان اللقب الاجتماعي.

🔹التكنولوجيا الحيوية فرصها موجودة في الصناعات الدوائية والتحاليل الجزيئية واللقاحات والأغذية، لكن التخصص ده عايز تدريب عملي مكثف.

🔹الهندسة الطبية الحيوية Biomedical Engineering أبرز فرصها في صيانة الأجهزة الطبية والدعم الفني وتجهيز المستشفيات.

🔹المعلوماتية الحيوية Bioinformatics والتخصص ده بيجمع بين البيولوچي والبرمجة وتحليل البيانات وبيشتغلوا في مجال الجينوم وال personalized medicine وتطوير الأدوية ودي تخصصات محتاجة مستوى قوي في البرمجة والإحصاء.

🔹سلاسل الإمداد واللوجستيات بقى مجال مهم جداً دلوقت مع توسع التجارة الإلكترونية والمواني والتحول الرقمي واعتماد كل ده على تحليل البيانات وأنظمة ERP بهدف النقل والتوزيع باعلى كفاءة.

🔹التكنولوجيا المالية وتحليل الأعمال التمويل الكمي والمحاسبة المدعومة بالتكنولوجيا.

كل او معظم التخصصات دي أصبحت متاحة الان في الجامعات المصرية والأهلية والخاصة في مصر، وتقارير سوق العمل العالمية بتحط الذكاء الاصطناعي، البيانات الضخمة والأمن السيبراني ضمن أسرع المهارات نموا لغاية ٢٠٣٠، وقطاع الاتصالات وتكنولوجيا المعلومات في مصر بقى من أسرع القطاعات نموا عن السنوات اللي قبل كده.

#ربناـيوفقكم See less

01/08/2026

الحروب الجديدة مبقاش هدفها هزيمة جيش أو احتلال أرض، الموضوع ده مكلف جداً وبياخد وقت .. يكفي الضغط على اقتصادها ، وتعطيل تجارتها، وإرباك أسواقها ..

وأدوات الصراع مبقتش مقتصرة على الدبابات والطيارات التقليدية، دخل معاها المسيّرات والدرونز والهجمات السيبرانية والذكاء الاصطناعي والخوارزميات .. وحتى الأهداف امتدت من القواعد العسكرية لمنشآت الطاقة والمواني وخطوط الملاحة وسلاسل الإمداد وكابلات الاتصالات اللي تحت البحر ..

يعني عشان تضعف أي دولة، كفاية تحاربها في رزقها وتعطلها مناخ الاستثمار من غير مواجهة عسكرية مباشرة ومكلفة ..

حفظ الله مصر وشعبها ..

مش شرط ..الكلام ده ممكن يبقى صحيح في الاعمال اللي بتعتمد على المهارات اليدوية .. لكن في معظم المهن الاحترافية الامر مختل...
15/05/2026

مش شرط ..

الكلام ده ممكن يبقى صحيح في الاعمال اللي بتعتمد على المهارات اليدوية .. لكن في معظم المهن الاحترافية الامر مختلف ..

الوصول لاعلى درجات الاحتراف بأن تصبح مثلا قائد يدير منظومة كاملة (يعني تكون معلّم في شغلانتك) لا يتطلب بالضرورة انك تكون صبي فيها .. لان تراكم الخبرات هنا لا يعتمد فقط على الممارسة اليدوية ولكن يعتمد أولاً على حد ادنى من التعليم الاكاديمي والمنهجي يسمح لك بفهم عام للمجال ثم تأتي بعد ذلك الممارسة، والتجربة، وتطوير القدرات ..

بدليل ان الوصول الى أعلى منصب تنفيذي (كرئيس شركة) يدير العديد من التخصصات المهنية لا يتطلب ان تكون مارست كل هذه المهن بنفسك ولكن يتطلب تطوير قدراتك المهنية والقيادية بالتدريج .. فتبدأ من مهنتك الأولى حتى تتقن قدر كبير منها، ثم تتوسع بالتدريج إلى مجالات مجاورة، ومع الوقت تصبح قادر على إدارة أعمال المؤسسة بالكامل من خلال فهم الصورة الكاملة ووضع وتنفيذ رؤية استراتيجية، وتحقيق التكامل بين التخصصات المختلفة بما يؤدي الى التآزر المطلوب synergy ..

يعني مش لازم تكون اشتغلت كل شغلانة في الشركة بنفسك عشان تقدر تقود أصحاب هذه الشغلانة، لكن لازم تكون على الاقل فاهم منطقها وعارف إزاي تقيس أداءها وتعرف تربطها بباقي أجزاء المنظومة ..

حتى النوع الاخر من “المعلّم” في المجالات المهنية وهو الخبير المتخصص .. مثل الخبير المالي المتخصص في صناديق الاستثمار او الطبيب الاستشاري في تخصص محدد او المحامي المتخصص في نوع دقيق من القضايا، لا يصل إلى هذه الدرجة لأنه كان “صبي” بالمعنى التقليدي، بل لأنه بنى مع الوقت فهمًا عميقًا للأسس العلمية والعملية التي تحكم تخصصه فأصبح قادرًا على الربط بين النظرية والتطبيق، وبين المعرفة والواقع العملي ..

لذلك مقولة المعلّم سردينة هنا ليست قاعدة عامة يمكن تطبيقها على كل مسارات العمل ..

لما فيسبوك اشترت إنستجرام في ابريل ٢٠١٢، حافظت على براند إنستجرام لغاية دلوقت لأن هدفها كان الاستحواذ على جمهور مُكمِّل ...
01/02/2026

لما فيسبوك اشترت إنستجرام في ابريل ٢٠١٢، حافظت على براند إنستجرام لغاية دلوقت لأن هدفها كان الاستحواذ على جمهور مُكمِّل لجمهور فيسبوك، وفي نفس الوقت تحييد منافس قوي كان ممكن يهدد استراتيجيات النمو للفيسبوك ..

لكن لما جوجل اشترت موتورولا في نفس الشهر تقريباً، كان عينها على التكنولوجيا (أكتر من ١٧ ألف براءة اختراع) لتعزيز موقف أندرويد قدّام العملاق أبل .. موتورولا طبعاً ليها تاريخ وبراند معروف، لكن صفقة الاستحواذ هنا ما كانتش معتمدة على استمرار البراند بقدر اعتمادها على الأصول التكنولوجية القوية لموتورولا ..

الخلاصة: البراند القوي لو بيخدم شريحة مهمة بيمثل محور أساسي في المعادلة وبيكون أصل استراتيجي بيفرض نفسه والحفاظ عليه في صفقات الاستحواذ.

#دـياسرـالسماديسي #الاستحواذ #استراتيجياتـالنمو

كنت بَدي محاضرة امبارح عن الحوكمة Corporate Governance لطلبة MBA .. طالب "خفيف الظل" جه بعد المحاضرة سألني: دكتور انا دا...
18/01/2026

كنت بَدي محاضرة امبارح عن الحوكمة Corporate Governance لطلبة MBA .. طالب "خفيف الظل" جه بعد المحاضرة سألني: دكتور انا داخل في بيزنس جديد معنديش خبرة فيه بس فيه بوتنشال وجايب مدير شاطر عنده خبرة .. أراقب الشغل ازاي؟ اقعد اتعلم منه ولا أجيبله "عصفورة" أحسن عشان وقتي ضيق؟

سؤال الطالب ذكي وواقعي، الاجابة باختصار: الحوكمة مش معناها ان صاحب الشغل يشك في المدير ولا يشتغل شغله ، ومفيش بند في كود الحوكمة حتى الان بيتكلم عن العصافير .. الحوكمة معناها انك تحط سيستم يخليك مطمن حتى وانت مش موجود ..

1️⃣ إفصل بين الإدارة و النتائج: ما تراقبش المدير بيشتغل إزاي، راقبه طلع نتائج إيه في الآخر، اتفقوا من الأول على أهداف واضحة (أرقام – مواعيد – جودة)، ومؤشرات اداء ايضاً ، في إدارة التسويق مثلاً: عدد العملاء الجدد – تكلفة العميل – نسبة التحويل وهكذا، أي مدير محترف هيرحب بده، واللي يضايق وياخدها بحساسية مشّيه وهات غيره ..

2️⃣ خلي التقارير هي اللي تحاسب مش الأشخاص، بدل ما تقعد تتعلم منه أو تراقبه بنفسك وتضيع وقتك أو تاخد فيداك من العصفورة، خليه يطلع تقرير دوري ثابت بشكل أسبوعي أو شهري، صفحة واحدة فيها أرقام + قرارات اتاخدت + مشاكل واضحة واتحلت ازاي .. الحوكمة الصح ان السيستم هو اللي يراقب، مش البيزنس أونر ..

3️⃣ اعمل اجتماعات قصيرة بس ثابتة ٣٠ - ٤٥ دقيقة بأجندة واضحة (أرقام، انحرافات، قرارات الشهر الجاي)، ما تدخلش في التفاصيل الفنية كتير ، خليك في ليه الرقم ده طلع كده؟ وهنعمل إيه في المشكلة دي؟

4️⃣ حتى لو شركتك صغيرة افصل الصلاحيات، أخطر حاجة ان مدير واحد يقرر وينفذ ويراجع .. حتى لو الفريق صغير، اللي يصرف غير اللي يعتمد، اللي يبيع غير اللي يقفل الحساب، وأي مصروف فوق رقم معين لازم يرجعولك ..

5️⃣ اتفقوا من الأول: الثقة مش معناها غياب المساءلة، قوله بوضوح: أنا واثق في خبرتك، وده سبب اختياري ليك بس دوري كبيزنس أونر إني أتابع النتائج مش الأشخاص، الجملة دي بتريح المدير المحترف وتخوف المدير اللي عنده حاجة عايز يخبيها ..

6️⃣ اتعلم منه الشغلانة آه بس في الإطار الصح ، اتعلم منه المنطق، طريقة التفكير، أسباب القرارات ، مش تفاصيل التشغيل اليومية ولا إنك تبقى مدير مكانه ، البيزنس أونر اللي بيتدخل في كل التفاصيل بيخسر دوره كأونر ، ومع الوقت مش بيعرف يشوف الصورة الكبيرة بوضوح ..

#دـياسرـالسماديسي

عايز البيزنس بتاعك يستمر وينتعش في زمن كل حاجة فيه بتتغير بسرعة؟ لازم شركتك تكون عندها #مرونة لتحمل الصدمات، و #رشاقة ...
08/01/2026

عايز البيزنس بتاعك يستمر وينتعش في زمن كل حاجة فيه بتتغير بسرعة؟ لازم شركتك تكون عندها #مرونة لتحمل الصدمات، و #رشاقة للتحرك في اتجاهات جديدة بذكاء ..

ايه هي المرونة ؟ قدرة البيزنس على امتصاص الصدمات، ثم التعافي والرجوع لأداءه الطبيعي في أسرع وقت ممكن بعد أي اضطراب أو أزمة.

ازاي؟

1️⃣ فقدت عميل مهم كان بيشكل جزء كبير من دخلك؛ وزع المخاطر ووسع قاعدة عملائك عشان مايبقاش دخلك مرتبط بمصدر واحد.
2️⃣ حصل تقلبات قوية في أسعار المدخلات؛ حط سياسات تسعير مرنة على مراحل، مع تحوطات/بدائل، بلاش تغييرات فجائية تصدم العميل.
3️⃣ ظهرت مشكلة قانونية فجأة؛ إعزل تأثيرها عن التشغيل اليومي وجهز سيناريوهات بديلة عشان تضمن الاستمرارية.
4️⃣ أزمة جيوسياسية عزلت السوق الرئيسي اللي كنت بتعتمد عليه؛ نوّع وجودك الجغرافي وطور نماذج أعمال مرنة قابلة للتكيف مع ظروف كل منطقة على حدة.
5️⃣ خروج مفاجئ لكوادر مؤثرة في شركتك؛ جهّز خطة إحلال وتدريب Succession عشان الشركة ما تتعطلش بخروج أفراد بعينهم.

طب ايه هي الرشاقة ؟ قدرة البيزنس على التكيّف السريع، واتخاذ قرارات مرنة وحاسمة لما ظروف السوق والعملاء تتغير.

ازاي؟

1️⃣ المنافسة لم تعد في المنتج نفسه ولكن في ال ecosystem؛ بادر ببناء أو الاندماج في منصة Platform تجمع عملاء وشركاء وموردين.
2️⃣ ظهور جيل جديد من العملاء بقيم واهتمامات مختلفة؛ أعد تصميم هوية علامتك التجارية لتتحدث بلغتهم وتفكيرهم بدون ما تفقد جوهرك.
3️⃣ القيمة المضافة انتقلت من جودة المنتج لتجربة ما بعد البيع؛ صمم نظام دعم وعلاقات عملاء يكون هو نفسه محور تميزك التسويقي.
4️⃣ البيانات الضخمة Big Data غيرت مفهوم صنع القرار؛ حول ثقافة الشركة الى اتخاذ قرارات مبنية على بيانات حية بدل الاعتماد على الخبرات فقط.
5️⃣ فرص النمو بقت تظهر وتختفي بسرعة؛ اعمل تجارب سريعة pilot بميزانيات صغيرة، واستثمر بس في اللي يثبت نجاحه بالأرقام.

الخلاصة: #الرشاقة بتخليك تغير اتجاهك بسرعة في الوقت الصح قبل فوات الأوان .. اما #المرونة فبتخليك تقف على رجلك تاني وانت أقوى بعد أي صدمة محتملة .. اجمع بين الاتنين عشان البيزنس بتاعك يعيش في سوق سريع التغير وغير مضمون ..

#دـياسرـالسماديسي

Address

Cairo

Website

Alerts

Be the first to know and let us send you an email when Yasser Elsamadisy د. ياسر السماديسي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category