27/10/2020
⬅️⬅️ بوست مهم جداااا هنتكلم فيه على جزئين عن أشهر ١٠ أخطاء في تشطيب شقتك
🔴الخطأ رقم واحد..
الإتفاق مع مقاول الرخام أو الصنايعي على التوريد والتركيب بدون اختيار طاولات الرخام من المصنع !! .. طيب ليه ؟
عشان مهم جدا التأكد من عدم وجود عيوب فيها مثل الدمارات.. ومهم انه يشتغل على رسومات تنفيذية توضح مقاسات الترابيع (البلاطات) ويحدد مع المقاول المقاس الي هيركب و يفضل يكون كبير ٧٠*١٠٠سم مثلا او أكبر بتتحدد على حسب مقاس الطاوله بحيث ميكونش في تهدير كتير في الخامه.. ويحدد اماكن الغلايق قبل ما يركب على الأرض.. ويفضل في البند دا تحديدا الاستعانه بمهندس متخصص في الرسومات والاستلام لان التكلفه كبيره والخسارة فيه لاقدر الله كبيره.
🔴الخطأ رقم اتنين..
تركيب البورسلين بدون فواصل او بدون مادة لصق..
البورسلين من الخامات المنتشرة باختلاف انواعها وأسعارها في السوق ولابد من اتباع الطريقة الصح للتركيب ( هينزل الشرح بتفاصيل اكتر في موضوع كامل مخصوص).
🔴الخطأ رقم تلاته..
الإتفاق مع صنايعي أو مقاول الجبسمبورد على الاسعار والفصال معاه بدون التأكيد على مواصفات الألواح واكسسوار التثبيت وطريقة التثبيت وطريقة القياس وحساب الأمتار.. (هينزل قريبا ان شاء الله موضوع خاص بمواصفات الجبسمبورد المعتمده والغش الي بيحصل في البند دا وخطورته).
🔴الخطأ رقم اربعه..
الإتفاق مع مقاول او صنايعي الكهرباء بالمقطوعيه أو بالتوريد والتركيب.. ودا فيه خطورة كبيره جدا ومجال للغش كبير جدا.. ولازم حضرتك تشتري الخامات المعتمده من مصدر ثقه أو من وكيل الشركة المنتجه زي السويدي للكابلات.. مفاتيح لوحة الكهرباء.. (تابعونا لموضوع كامل بطرق المحاسبه والاستلام)
🔚🔚🔚تابعونا فى الجزء التاني هنتكلم عن باقي الأخطاء اللي بنقع فيها اثناء التشطيب وهتفيدك انك تاخد بالك لو بتشطب👌
