Dentist's Sarcasm Society

11/01/2015

16/10/2014

lollllllllllllll

27/09/2014

الصبر يا رب

27/09/2014

By: Mira Ali

Doctors Got Talent

تعلن مستشفيات ومراكز وزارة الصحة عن فتح باب الترشح للاطباء المكلفين للالتحاق بالسيرك الاوروبى مع توفر المؤهلات الاتية:
- خبرة فى حقن البنج والخلع بدون ألم "العاب خفة اليد"
- مكافحة اعمال الشغب والبلطجة من بعض المرضى بأقل الخسائر الممكنة "ترويض النمور"
- تقديم العلاج المطلوب فى حدود الامكانيات الضئيلة المتاحة "قدرات خارقة"
- التحلى بروح الدعابة وسياسة النفس الطويل لاقناع الطفل انه يقعد على كرسى الكشف ويفتح بقه "فقرة الساحر"
- مواجهة ثورة المريض لما تقوله انك دكتور "اسنان" مينفعش تكتبله دوا حموضة او دوا سخونية لابنه او انه مش محتاج مضاد حيوى او انه لازم يقيس الضغط او السكر قبل الخلع "لعبة الموت"
- البراعة فى كشف خدعة وصفات منتدى فتكات لتبييض الاسنان بالبيكنج بودر وقشر الموز والقدرة على اقناع المريض برأيك العلمى "التنويم المغناطيسى"
- الثبات الانفعالى وحبس الانفاس فى مواجهة الصدمات اليومية زى ان مثلا يجيلك مريض لازق الطربوش بأمير "المشى على الحبل"

15/09/2014

هى دى بقى زراعه الاسنان =D =D =D =D

05/09/2014

وست واقعي فشيخ .. ام الابداع

Fayad Abd El-allah
9 hrs ·

- عمرو الأول فى دفعه أعلام، موهوب جدا .. اشتغل و اتمرمط فى كذا حاجه ورفض يتنازل .. دلوقتى هو مساعد مخرج فى برنامج على شط القنال على القناه التانيه بيتشاف من ٨٠ واحد تقريبا منهم أبوه وأمه وأخواته البنات .
- ريهام سعيد واماني الخياط ويوسف الحسيني واحمد موسي وحياه الدرديري مذيعين برامج مصر كلها عارفاها ......................
- حسن ماجيستير تسويق، شاطر جدا .. عايز يعمل مشروعه الخاص و يعمل فلوس كتير ويفيد نفسه وغيره .. عرض افكاره على كام شركه كلهم علقوه من بوكسره على الباب .. شغال دلوقتى مندوب مبيعات و معاه عربيه verna بالقسط علي ٤ سنين .
- فيفي عبده اخدت ١٢٠ ألف جنيه فى حلقه رامز قرش البحر .....................
- حاجه هناء، قضيتها فى المحكمه بقالها ٤ سنين عشان مش عارفه تدفع بقيت أقساط جهاز التلاجه والبوتجاز بتوع مي بنتها .. ومحدش مهتم .
- عقد صافيناز ... قضيه رأى عام .
- مرات حاتم الجبلي وزير الصحه السابق سافرت أمريكا علي نفقه الدوله تنفخ شفايفها وتحقن بوتوكس

* فلما تلاقى بنتك قاعده بتذاكر فهمها غلطها براحه و وديها كباريه ينفعها

03/09/2014

Ahmed Abdelhafeez



العيان يحس بوجع فى أسنانه مع الميه الساقعه .. يروح لدكتور الأسنان يكشف عليه :
- عندك ضرس مسوس و عايز يتحشى حشو عادى
- بكام الحشو يا دكتور ؟
- 50 جنيه
- ليه عشان شوية ميه ساقعين .. بلاش ميه ساقعه خالص
- انت حر....
شويه الوجع زاد و بقا مع الميه العاديه و مش مستحمل ساقع أو سخن
"هروح للدكتور تانى يقولى 50 جنيه و يضحك عليا .. لأ . أنا هروح الصيدليه" .. تقابله بنت معاها الأعداديه :
- خير ؟
- عندى وجع شديد فى أسنانى و مش مستحمل الميه
- خد حبايتين فلوموكس و حباية كيتوفان و هتبقى زى الفل.........
شويه الوجع يشتد و بالليل يصحى من النوم بوجع شديد ضارب فى نفوخ اللى جابوه و العلاج مش مأثر معاه .. يعمل ايه ؟ يرجع لدكتور الأسنان
- التسوس واصل للعصب و عاوز حشو عصب
- بكام حشو العصب يا دكتور ؟
- 200 جنيه
- طب ما تحشيهولى عادى من أبو 50 جنيه
- ماينفعش الوجع هيفضل زى ما هو
-طب اخلعه بأه و خلاص عشان أنا سنانى ليها وضع خاص و جسمى بيطرد الحشو " أوى يلا "
- عينيا................
بدأ يخلع واحد ورا واحد و مبقاش عارف ياكل ..
- الحقنى يا دكتور مبقيتش عارف اكل شوفلى حل
- انت محتاج تركيبه عشان تحافظ على أسنانك الباقيه و تعرف تاكل
- بكام التركيبه يا دكتور ؟
- هتتكلف 1000 جنيه
- انا أصلا مش أكيييييييل .. أنا هعيش على الفته
- براحتك انت حر...............
بس كده مينفعش أكمل حياتى كده .. نفسى أكل .. ييجى ولاد الحلال يشوروا عليه " انت تروح للفنى هيعملك تركيبه بسعر حلو "
عمل تركيبه ب 500 جنيه و دفعهم و هو فرحان انه و فر 500 جنيه
طبعا الفنى شخرمله بؤه و بوظله أسنانه الباقيه...........
شويه ووجع شديد تحت التركيبه .. يجرى على الدكتور
- التركيبه دى بايظه و عايزه تترمى فى الزباله و بوظتلك سنانك الباقيه و معادوش نافعين و لازم يتخلعوا عشان تستريح
- انا كده بؤى فضى خالث يا دكتور و معدتث عارف أكل ولا عارف اتكلم ثوف لى حل
- انت كده محتاج زرع
- بكام يا دكتور ؟
- هنزرعلك شوية أسنان و فوقهم تركيبه يعنى يخشو فى 18 ألف جنيه
- يا حزن الحزن .. انت عايزنى أبيع عيالى !! مفيث حاجه تانيه حنينه
- نعملك طقم متحرك ب 800 جنيه........
يجرى على الفنى يعمل له طقم ب 400 جنيه .. و يدفعهم و يتبسط انه وفر 400 جنيه..........
ما يكملش حاجه يلاقى التهابات شديده فى بؤه و عظام الفك بدأت تتاكل و ما عادش نافع له حاجه الا حاجات أغلى بكتير و متعوضش الأسنان اللى ربنا اداهاله و هو فرط فيها عشان استخسر

09/08/2014

حظ سعيد فانز ويل ريلات

Ahmed HusseinHussein Abd El-Hady Hussein Marwa GamallMostafa OsmanMohamed AlaaAhmed Nasr

02/08/2014

Mohammed Ben Gamal

كبرت وعاوز تتجوز ؟ بس معندكش شقه !!! بتفكر تروح البنك الاهلي؟! عشان تاخد تمويل عقاري

اوعي تروووح ...

انا هحكيلكم قصه حصلت مع طبيب اسنان عنده 25 سنه فكر نفس تفكيرك وشوف حصله ايه

جيمي شاب عنده 25 سنه ...حلمه حلم اي شاب انه يتجوز ويخلف ويكون اسره مصريه جميله ...يجيب عيال صغيره تجري حواليه بلابيص في البيت ..

يخرج مع مراته يروحوا مول العرب يتمشوا ويتفرجوا علي كل المحلات ...وفي الاخر مايشتروش اي حاجه من هناك ...وفي اخر اليوم يروحوا الفود كورت يضربوا اتنين صنداي فراوله من ماك ويتصوروا صوره سيلفي ينزلوها علي الفيس بووك يكتبوا عليها
What A Daaaaay و صباااح الخروجه الجامده موووت

و يخرجوا من المول يركبوا اي ميكروباص رايح الجيزه وينزلوا عند عمر افندي ... يكملوا شوبنج بقي من اللي بجد من ميدان الجيزه

جيمي يجبله 3 شربات بعشره وهي تجيب 6 اشاربات ب 5 والحياه ماشيه

حلم بسيط ومش مستحيل تحقيقه

المشكله ان جيمي دكتور اسنان مرتبه 1000 جنيه يعني عشان يجيب اي شقه في اققل حته محتاج 150 الف ... ده لو هيجيب شقه 80 متر ورا مصنع الكراسي

طبعا ده من غير العفش والشبكه والمهر وحمام روكا اللي مفيش Roca مفيش جواز

يعني محتاج بحسبه بسيطه 12 سنه ونص عشان يجيب شقه علي المحاره والحلوق

-طبعا ده قبل ما الحكومه تشيل 10 % من المرتب عشان خاطر ضريبه الكسب -

يعني يكون عنده 37 سنه ... ولسه كمان 12 سنه كمان عقبال مايفرشها ويتجوز يكون عنده 49 سنه... يكوون كرشه بقي قدامه مترين ولسه مخلفش ومجبش البلابيص اللي هيجروا حواليه ومرحش مول العرب

جيمي شاب طمووح ... قرر انه مش هيسكت وهيروح البنك الاهلي المصري ...واللي شجعه علي كده جمله سمعها في الاعلان :

البنك الاهلي المصري بنك اهل مصر ...اققل فايده واطول فتره سداد

وفعلا نزل من بيته وراح للبنك

مشهد 1 ( البنك الاهلي ) :

جيمي : لو سمحت ... فيين مدير البنك

سيد (خدمه العملا ) : مدير البنك مره واحده

ممكن اعرف السبب ؟!

جيمي : انا دكتور محمد وكنت عاوز اخد تمويل عقاري عشان اشتري شقه

سيد : ودي محتاج فيها مدير البنك ؟! انا قولت حضرتك هتحط وديعه ب 5 مليون ولا حاجه

جيمي : لا حررتك انا دكتور .. ملناش في الكلام ده

سيد : اوك يا فندم ...حضرتك عاوز تمويل قد ايه ؟!

جيمي : يعني 150 الف كده ولا حاجه ..واتوصي

سيد : اتوصي !!

بص يا فندم انا عاوز من حضرتك مفردات المرتب ..وعاوز حضرتك تقولي طريقه السداد وهتسدد علي فتره قد ايه وصوره البطاقه ووصل النور

جيمي : اتفضل مفردات المرتب اهي .. انا هسدد علي 20 سنه ان شاء الله ...تسديد مرييح يعني علي الاخر

سيد : بينادي علي سعيد زميله وبيضحك !!

جيمي : هو انا مدي لحضرتك نكته !! ممكن تضحكني معااك

سيد : حضرتك اساسي مرتبك 249 جنيه يعني اققل من الحد المسموح يا فندم !

جيمي : اه بس فيه حوافز وبدلات ..وعيديات وافشخنات وحاجات كتير

سيد : معلش يا فندم ...البنك مابيعترفش بالكلام ده كله ...بعد اذنك

وسمع جيمي صوت اذاعه داخليه
عميل رقم 51 ..شباك رقم 3 ....عرف ساعتها ان ابو السيد طرده من المكان

اخد جيمي مفردات المرتب ... والورق اللي كان جايبه ... وكيس عصير القصب اللي كان لسه بيشرب فيه ومخلصش نصه ...وخرج والدمعه علي خده من البنك ونط في اول ميكروباص رايح علي الجيزه .. حلم الجواز بدأ يتبخر .. حلم الشقه راح ... مفيش عياده ...مفيش امل

بس جيمي شاب طمووح .. مش هيسكت اكييد ..وفجأه بصوووت عالي استني يسطي علي جنب هنا !!

السائق : لسه يا استااذ موصلناش الجيزه ...

جيمي : مش مهم نزلني هنا عند جمعيه الاورمان

جيمي افتكر اعلان جمعيه الاورمان اللي بيساعدوا فيها الناس ...وقرر يدخل يشرحلهم ظروفه ويطلب منهم تمويل عياده ...ويعتبروها كأنها جاموسه عشر

وبالفعل الناس رحبوا بيه ... ولما عرفوا انه طبيب في وزاره الصحه اشفقوا عليه جدا

بس كانت المشكله ان تمويل عياده اسنان ...هيبقي مكلف جدا ... فعرضو عليه يا اما ياخد
جاموسه عشر يحلبها ويكسب منها ويفتح محل لبن ...او ياخد تروسيكل يشغل عليه حد واهو ربنا يوسع عليه وعلي جيمي - او جيمي بعد الوحده يشتغل عليه -

جيمي شاف موضوع الجاموسه ده صعب وفرهده وروث بهايم وكده

فقرر جيمي اخد التروسيكل ...بعد ماجمعيه الاورمان خلصت الورق ... وعلموه ازاي يسوقه

جيمي وهو مروح اتثبت علي الطريق بالتروسيكل من اتنين بلطجيه ...و ضربوه واخده منه التروسيكل و المحفظه وكيس القصب اللي كان باقي فيه اكتر من ربعه

جيمي جاله حاله انهيار عصبي ...وهو دلوقتي في مستشفي الدكتور احمد عكاشه للطب النفسي

لو عاوز تساعده ممكن تشحنله كارت شحن ب 10 علي رقمه الشخصي ...وساهم في علاج طبيب ...

جيمي كان حلمه يتجوز ...كان حلمه يجيب عيال تبقي نور عنين السيسي ... كان حلمه يخدم مصر

كان حلمه ولاده تدخل الجيش ... تخدم بلدها في سلاح الكحك والبوتيفور واهو منه ياكله ويتبسطوا ويشوفوا اللي ابوهم عمره ماشافه
.................................... هاااا لسه عاوز تاخد قرض ؟

لسه عاوز تبقي زي جيمي

قول الحمد لله ... واشتغل بقي عشان خاطر مصر ..متبقاش اناني وتفكر في نفسك ومستقبلك




جتكوا القرف

22/07/2014

هاااااااااااااااااااااااااااااام

يوضح هذا الالبوم مجهود النقابة العامة فيما يتعلق بالكليات الخاصة وماتم خلال العامين المنصرمين من مجهودات للتواصل مع اولياء الامور والجهات المنطمة لعمل الكليات الخاصة .. وان التنوية علي ما يتم مناقشته الان بقصور دور النقابة في التنبيه علي وجود المشكلة ليس له اساس من الصحة

05/07/2014

وزير الصحه لوووووجيك =D =D =D =D

H.Q.: http://i.imgur.com/6LdcfCg.jpg