أكاديمية رحمة لعلوم الأسرة, 18 ش أبو العتاهية/إمتداد عباس العقاد/أمام الحديقة الدولية-الدور الثامن, Cairo (2026)

Name: أكاديمية رحمة لعلوم الأسرة
Address: 18 ش أبو العتاهية/إمتداد عباس العقاد/أمام الحديقة الدولية-الدور الثامن, Cairo, EG
Telephone: 01016006098

04/09/2019

لا تسخر من أحلام الناس مهما كانت غريبة

ولا تتنازل عن أحلامك مهما كانت صعبة

فلا طعم للحياة دون أحلام !

02/09/2019

"أنا تعبت ومضغوطة ارحموني كفاية زن وشقاوة بقي " 😡
الحياة بقت كلها ضغط ورتمها سريع 😕
بتخليكم دايما مضغوطين ومش قادرين تسيطرو علي أعصابكم ..

خلينا متفقين إن رد فعلك لما بتكوني هادية ومبسوطة غير رد فعلك وانتي مضغوطة او مش نايمة كويس مثلا ..

فهل صريخك وغضبك علي أولادك سببه الحقيقي الخطأ اللي عملوه ولا دي شحنة غضب جواكي طلعت في اللي اضعف منك ؟🤔

هل أولادك -قاصدين- يضايقوكي ولاهم مرايه لأفعالك معاهم وعندهم طاقة مش عارفين يوجهوها صح ومحتاجين يتعلمو ازاي يوجهوها صح منك ؟😔

كل اللي قلناه فوق ده ببساطة يبينلك ان دي مش الطريقه الصحيحة للتعامل
وإن اكيد في اساليب وافكار محتاجة تغيريها وبالتالي هيتغير رد فعلك 🤗

أولا : اعرفي السبب الحقيقي وراء رد فعلك لو شئ خارجي يبقي انتي بتخرجيه في الطفل ولو سلوك في طفلك متكرر لازم تعرفي اسبابه اتعلمه منين ؟ وتتعاملي معاه بتدرج ازاي علشان تغيريه ؟ وايه هي درجات التعامل مع السلوك ده ؟
وافتكري ان الصريخ مش هيغير شئ لكنه هيؤثر في شخصية اولادك بالسلب

ثانيا :التشجيع :شجعي طفلك علي السلوكيات الايجابيه واشكريه عند كل سلوك وافتكري ان لو مديرك او زوجك زعقلك هتتغيري ولا لما يشجعك ويمدحك علي سلوك كويس ؟

ثالثا : نظرة رحمة لطفلك الضعيف الصغير وهو نايم وتتأملي برائته وانه مسئول منك ومالهوش غيرك

رابعا : وقت لنفسك مهم جدا علشان تقدري تكملي باقي اليوم مع اطفالك وانتي مرتاحة ..اعملي في الوقت ده حاجة بتحبيها تجدد طاقتك ونشاطك
وقائمة أولويات للي عاجل يتعمل واللي ممكن يتأجل او حد يساعدك فيه

خامسا :لو حسيتي بغضب شديد روحي في اي مكان بعيد شوية عن طفلك هدي نفسك بإنك تتنفسي كويس او ممكن تقولي اذكار تهديكي او تكلمي حد تفضفضيله ..لكن ماتطلعيش غضبك علي طفلك

سادسا : ادي لنفسك مكافأة لو اتغلبتي علي غضبك بكلمة تشجيع او حاجة حلوة تفرحك

سابعا :خليكي انتي المسيطرة لما تتمالكي اعصابك ..لكن لما تصرخي هو بيعرف ان دي نقطة ضعفك وانه هو المسيطر

اولادكم امانتكم ومسئوليتكم

30/08/2019

كلمة ممكن تهد وتمرض وتسيب علامة سودة 😔وكلمة ممكن تبني وتسعد وتغير حياة انسان 😊
الكلمة ليها اكبر اثر في النفس علشان كده في المقال ده هناخد الطرق الصحيحة للنقد البناء
سواء كنت بتقدم نصيحة لحد أو بزوجتك أو ولادك أو لو أنت مدير في الشغل

في الأول لازم نعرف الفرق بين " النقد" و"الانتقاد " ؟

النّقد :هو وصف للتصرفات الايجابية والسلبية بطريقة ودودة بهدف التصحيح و التصويب في حال وجود الخطأ و إلى الاستمراريّة في حال وجود نجاحات !

أمّا الانتقاد: فهو تصيّد مقصود للأخطاء هدفه إظهار السّلبيّات !

وعلشان النقد يكون بناء لازم يكزن له أسس سليمة مبني عليها :

1-حط نفسك مكان الطرف الآخر قبل ما تتكلم وده هيهأك نفسيا وانت بتتكلم
2-حدد الهدف من كلامك للطرف الآخر علشان تتكلم في نقط محددة .(الاصلاح )
3-النقد يبقي وصف "للاشياء او التصرفات " مش "للاشخاص "
4-لازم يكون عندك أساس من العلم للموضوع اللي هتقدم النقد فيه .
5-ايجابي-سلبي-ايجابي ده الترتيب اللي تقدم بيه النقد في الاول ثناء ومقدمة ايجابية وبعدها تقدم النقد علي النقطة السلبية وبعد كده تختم بكلام ايجابي
6-خليك محدد في النقطة اللي بتقدم النقد فيها
7- اوصف السلوك لكن ماتوصفش ماوراء السلوك

دي قواعد عامة علشان كلامك يوصل للي قدامك ويستفاد منه
وخليك متأكد ان اللي من القلب حقيقي بيوصل للقلب
وبيبان الفرق بين الناصح الأمين وبين الضخص اللي بيهدم النفس .

وربنا يجعلنا من اللي كلامهم خفيف لطيف علي قلوب الناس ❤️

27/08/2019

مش أي حاجة تشوفها أو تسمعها تخليها تدخل عقلك من غير ماتعمل وقفة !
طول اليوم بيتعرض علينا عشرات ومئات الاعلانات والمعلومات وطبعا بتزيد مع ثورة المعلومات علي الانترنت والسوشيال ميديا وحتي المعلومات اللي بتدخل من الناس اللي حوالينا ..

كل ده بيأثر فيك بشكل لاواعي ..ولازم تفهم ان المدخلات اللي بتدخل عقلك هي اللي هتؤدي للمخرجات ..

علشان كده بييجي دور التفكير النقدي وأهميته سواء في المعلومات اللي بتدخلك ومحتاج تحللها أو لو قابلتك مشكلة وعاوز توصل لحل

التفكير النقدي هو مجموعة من الوسائل اللي بنستخدمها في تقديم الحلول، والأفكار للمسائل، والمشكلات اللي بتساعد في الوصول للنتائج المطلوبةأو الحلول .

طيب التفكير النقدي له خطوات في حل المشكلات أو تحليل معلومات

في حالة حل المشكلات :
1-جمع كل المعلومات اللازمة حوالين الحاجة اللي شاغله بالك او المشكلة اللي بتقابلك
2-تحليل كل المعطيات للمشكلة أو المعلومات اللي داخلالك .
3-فهم العوامل اللي أدت لحدوث المشكلة دي.
4- هنحفكر في حلول منطقية ممكن ننفذها وتحل المشكلة فعلا .
5-نستعين بكل الاراء والخبرات اللي ممكن تساعدنا
6-يبقي عندنا قابلية للتعديل لو عرفنا معلومة جديدة أو ماكنش الحل مناسب

في حالة تحليل المعلومات :

1-حط السؤال اللي انت عاوز توصل لاجابته
2-حط فرضية للسؤال ده سواء كانت صحيحة او لا لكن من وجهة نظرك
3-دور علي المعلومات واجمعها بشكل محايد سواء كانت مع أو ضد وجهة نظرك .
4-اختبر الفرضية اللي فرضتها هل فعلا وجهة نظرك بعد جمع المعلومات دي حقيقية او بعيدة عن الحقيقة بالادلة اللي جمعتها
5-اخرج في الاخر بنتيجة سواء النتيجة دي انك خلاص وصلت لنتيجة ترضيك او انك محتاج زيادة من البحث

في كل الاحوال ببساطة اعمل وقفه مع نفسك :)

24/08/2019

الانطباعات الاولي هي اللي بتفرق وبتخلي الشخص ياخد القرار اذا كان هيكمل التعامل معاك أو عاوز يتعرف عليك أكتر او لا ..

فالانطباعات الاولي غالبا تدوم لو ماجدش جديد أو ماعملش الشخص حاجة تثبت العكس

غالبا بنحتاج الانطباعات الاولي الجيدة في مقابلات العمل علشان نسيب اثر كويس وفي بناء العلاقات الجديدة

محتاج تفهم شوية اسس للتعامل مع الناس في المقابلات الاولي

في حاجة اسمها "المقايضة الاجتماعية " لو اديت للي قدامك مشاعر طيبة عن نفسه بالتالي هيردلك نفس المشاعر الايجابية دي

ودي بنسميها الهبات الاجتماعية 4 احتياجات ممكن تقدمه للي قدامك
1-انك تحسس اللي قدامك بالتقدير
2- ان تكون بينكم حاجات مشتركة او تجارب مريتو بيها قبل كده شبه بعض
3-رفع المعنويات بالابتسام وانك تلاحظ الاشياء الايجابية فيه او ملاحظة جيدة عنه
4- انك تتكلم في حاجات ممكن تثير فضوله وفضول كل الناس زي موقف غريب حصلك او تجربة مختلفة مريت بيها او معلومة جديدة عرفتها

ودي بعض النصائح تخليك تسيب انطباع جيد للي قدامك بشكل عام .

1-خليك منضبط في وقتك في أول مقابلة
2-خلي مشاعرك مناسبة للمكان اللي انت داخل فيه لا تبالغ ولا تبقي متحفظ
3- خد فترة تجمع افكار قبل ما تتكلم علشان تندمج بشكل فعال وتكون واثق من نفسك في كلامك
4- ركز علي ال eye contact لان دي من اهم لغات التواصل
وطبعا وانت بتتكلم مع شخص تكون موجه جسمك ناحيته علشان يحس بالاهمية
5-انهي المقابلة وانت بتبتسم وبتشكر الناس وانك سعيد بالمقابلة دي

22/08/2019

لما بتقرر تلجأ لاستشارة نفسية أو تاخد كورس في مجال حساس زي العلاقات
(الأسرية -الزوجية -مع أولادك -في عملك )
بتدور علي حد ثقة وأمين وخبير في مجاله ومتميز 🤔

" رحمة أكاديمي للاستشارات والتدريب "
لدعم كل أفراد الأسرة الأطفال والكبار
سنة ورا سنة قدرنا نكسب ثقتكم في مجال الاستشارات والتدريب
ونجحنا بيكم ومعاكم .. بشهادتكم انتم 😍

علشان كده عاوزينكم تتعرفو علي خدماتنا أكتر في مجال التدريب والاستشارات :

⚡مجال التدريب ⚡

👈🏻للكبار :

🔸دورات تربوية :
في تربية الأبناء بالنظريات والأدوات الحديثة والدمج بينها وبين قيم المجتمع .

🔸دورات أسرية :
خاصة بمساعدة الأسرة وإرشادها علي التفاهم بين أفرادها والطرق الصحيحة للتعامل مع الكيان ده والأفراد اللي فيه علي أسس علمية .

🔸دورات زوجية :
في وقت بقت معدلات الطلاق فيه عالية بنساعد من البداية لاختيار شريك حياة مناسب وحتي التعامل مع شريك الحياة والمشكلات الحقيقية اللي بتقابل الزوجين في العصر ده أو حتي بعد الإنفصال .

👈🏻للأطفال :👧🏻🧒🏻

🔸 دورات بناء الشخصية :
مرحلة الطفولة هي اللي بيتبني فيها شخصيته فهنقدر نزرع فيه كل القيم اللي محتاجها الطفل ونحل أي مشكلة ممكن تواجهه علشان مستقبله فيكبر بشكل سوي نفسيا

🔸دورات تنمية المهارات :
لأن كل طفل مميز لكن محتاجين نشوف ايه الميزة ونطورها ونشجعه عليها
وده هدفنا وبنعمله بطريقة تناسب عمره من أنشطة تفاعلية

⚡مجال الاستشارات ⚡
المشاكل مابتنتهيش وبتبقي محتاج متخصص يرشدك لو المشكلة كانت كبيرة ومش قادر توصل لحل !
عندنا مجموعه من الأطباء والأخصائين النفسيين كفاءات بخبرات وشهادات معتمدة
متخصصين في مجال الاستشارات :
(التربوية-النفسية -الزواجية-الأسرية )

⚡رؤيتنا ⚡

إحداث نقلة نوعيه إيجابيه فى واقع الأسرة المصرية والعربيه

لو عاوز تسأل عن دورة معينة من دوراتنا أو تحجز استشارة مع أحد المتخصصين

كلمنا علي :
01016006098
العنوان: 18 ش أبو العتاهية - امتداد عباس العقاد امام الحديقة الدولية - الدور 8

17/08/2019

هي السعادة بتتجاب منين ونشتريها ؟؟🤔

الحقيقة ان السعادة ممكن فعلا تشتريها بس بتمن مختلف شوية 😅

مبدأيا السعادة هي مجموعة من المشاعر الايجابية والرضا والتفاعل مع الحياة بتأثر في الصحة النفسية والجسدية وبتعلي معدلات التركيز والانتاجية 💪🤩

في جسم الانسان في هرمونات للسعادة ..كل هرمون له مصدر معين بيزود انتاجه في جسم الانسان 😍

🔹هرمون السيروتونين Serotonin :

الهرمون المسئول عن زيادة الثقة بالنفس وبيشعره بالسعادة لما تحقيق ذاته اويوصل لمكانة مرموقة او محبوبة وسط اقرانه .

🔹الدوبامين: Dopamine:

هو المسئول عن تحفيز الانسان لاداء المهمات والحصول على المكافآت ويساعده على تحقيق احلامه من اجل الشعور بالسعادة.

🔹الإندروفين: : Endorphin:

يساعد الانسان على احتمال الالام الجسدية اثناء اداء مهمته.

🔹الاوكسيتوسن:بيشعر الانسان بالسعادة فى العلاقات الحميمية بين البشر فيخليه يكون علاقات طيبة مع الناس .

لو هنتكلم بالتفصيل عن هرمون السيروتونين Serotonin
هنلاقي ان في بعض الافعال وكمان الاكلات اللي بتزود انتاجه في الجسم

👈من أهم الأكلات : الديك الرومي -البيض-الجبن-السلمون-المكسرات

👈من أهم الأفعال :
- ممارسة الرياضة
-التعرض لأشعة الشمس
-جلسات المساج
-تفتكر ذكرياتك السعيدة
-فكر بإيجابية

حاجات بسيطة جدا في الحياة قادرة تحقق السعادة لكن احنا ما بنركزش غير علي الحاجات السلبية

كل يوم اقعد مع نفسك اخر اليوم وشوف ايه من مسببات السعادة تقدر تعمله وتزوده بأقل الامكانيات ❤️

13/08/2019

احتياجات الأمان من أهم احتياجات الإنسان حسب هرم ماسلو
اللي بيبين أهمية احتياجات الإنسان بأولوية اشباعها ..

احتياجات الأمان في المركز التاني بعد الاحتياجات الفسيولوجية زي
(الأكل-الشرب-الجنس-...)

احتياجات الأمان عبارة عن :
👈السلامة الجسدية من العنف والاعتداء
👈الأمن الوظيفي
👈أمن الإيرادات والموارد
👈الأمن المعنوي والنفسي
👈الأمن الأسري
👈الأمن الصحي
👈أمن الممتلكات الشخصية ضد الجريمة

مشكلة الانسان فاقد الامان لو ماقدرش يتغلب علي مشاعره وافكاره بشكل سوي
انه بينتج عنه اضطرابات كتييير في الشخصية
ممكن يصاب بجنون العظمة او النرجسية علشان يحس بتقدير الذات بشكل مش سوي وممكن يلجأ للعنف والعصبية وممكن يتطور لاضطراب القلق العام ويصاحبه مشاكل نفسية زي الاكتئاب وجسدية كمان !!

وصف عالم النفس الشهير "أبراهام ماسلو" الفرد المصاب بانعدام الأمن بأنه "شخص يرى العالم كغابة مليئة بالتهديدات، معظم البشر فيها أنانيون وخطيرون، فيشعر أنه مرفوض أو منعزل، مما يجعله قلقًا وعدائيًا معظم الأوقات، فهو شخص متشائم وغير سعيد عمومًا، يظهر إشارات التوتر والضيق، فيميل للتقوقع على ذاته، ويبدأ شيئًا فشيئًا بفقدان احترام نفسه وتقديرها، مما يجعل منه عصبيًا وأنانيًا، بالإضافة إلى تمركزه حول ذاته بعيدًا عن المجموعة".

الانسان الواعي هيبدأ يشوف بنفسه سبب القلق الدائم اللي هو فيه زي
1-عدم التقدير من ابوه وامه وهو طفل ففقدالامان العاطفي
2-فقدان الشريك بأي صورة
3-فقدان المال وعدم الاستقرار في العمل
4- مشاكل صحية بيمر بيها

ويبدأ يفكر بشكل ايجابي ويفهم الايمان بقدر الله ويغير افكاره ومشاعره ناحية الفقد

أو انه يستشير طبيب نفسي وهيتم معالجته بالعلاج المعرفي السلوكي وبالأدوية لو لزم الأمر

أكاديمية رحمة لعلوم الأسرة

04/09/2019

02/09/2019

30/08/2019

27/08/2019

24/08/2019

22/08/2019

17/08/2019

13/08/2019

Address

Telephone

Website

Alerts

Contact The Business

Shortcuts

Share

Category