Khebrat خبرات محمود حنفي, Cairo (2026)

Name: Khebrat خبرات محمود حنفي
Address: Cairo, EG
Telephone: +201000017029

أكثر من 20 عامًا من الخبرة في الإدارة وتطوير الأعمال والاستشارات والتدريب والتطوير. باعتبر التكامل بين العلم وفن الإدارة مبدئي الأساسي، وفقني الله في إنهاء ماجستير إدارة الأعمال وأنا الآن باحث دكتوراه. فخور بتقديم الدعم للآخرين واعتبر هذا مصدرًا للسعادة والإلهام. I consider the integration of science and the art of management as my primary principle. Thanks to Allah finished my MBA and I am now a

PhD researcher. I am proud to support others and consider this a source of happiness and inspiration.

08/06/2024

تؤسس مشروع، ممكن طبعًا ومن حقك،
لكن تديره، فيها كلام كتير
ممكن تكون شاطر في شغلك جدًا وطبعًا بتظهر قدامك فرص كتيرة ممكن تبني عليها فكرة مشروع
وممكن يكون عندك هدف معين او رسالة معينة حابب تحققهم زي مثلًا إنك تكون محب ومهتم بمجال التعليم فتقرر تأسيس مدرسة.
كل ده كويس جدًا ولحد كده ما فيش مشاكل خالص.
طيب فين المشكلة؟ المشكلة بتبدأ لما تكون مش مؤهل لإدارة المشروع وده مش عيب وما يقللش منك ابدًا.
وأفضل مثال على كده المرشد السياحي بتلاقيه شاطر جدًا وبيتكلم اكتر من لغة بطلاقة ومعلوماته غزيرة وأداؤه مرضي جدًا للزبائن اللي معاه، ولحد كده الدنيا ماشية حلو ما فيش أي مشاكل.
تبدأ المشكلة لما يقرر يأسس شركة سياحة ويديرها بنفسه، هو هنا تحول من مرشد سياحي لمدير شركة سياحة
يعني في الغالب مش هيمارس الشغلانة دي تاني. بالتالي هو كان مرشد سياحي شاطر، لكن مش بالضرورة يكون مدير شركة ناجح – الفرق كبير جدًا –
الخلاصة: تأسس مشروع أو تملك مشروع ده شيء كويس جدًا، لكن مش بالضرورة إنك تدير المشروع اللي انت حابب تأسسه، لأنك ممكن ما تكونش عندك المؤهلات اللي تساعدك والنتائج مش هاتكون أفضل حاجة.

29/11/2023

زيادة الايرادات revenue maximization هي هدف أي مشروع أيًا كان حجمه، وده معناه إنك تزود حصتك من السوق market share يعني زيادة المبيعات.
المعتاد اإننا بمجرد ما بنفكر في زيادة الإيرادات تفكيرنا بيروح على طول للتسويق والدعاية أو التوسع، واللي في حد ذاتهم وبدون أدنى شك أمور مهمة ومطلوبة جدًا.
لكن في خطوة مهمة قبل كل ده وهي إننا ندرس وضع الشركة لأنه احتمال كبير يكون في فرصة لزيادة المبيعات بدون تكلفة كبيرة، يعني محتاجين نحلل اداء الشركة ومعدل النمو وهل المعدل ده طبيعي ولا مفروض يكون أفضل من كده؟ وهل في مساحة لزيادة المبيعات ولا لأ؟.
الموضوع هنا معتمد بنسبة كبيرة على طريقة التفكير وازاي نحاول نفكر في حلول مبدعة وغير تقليدية.
مثلا شركة airbnb وهي موقع بتقدر تعرض عليه شقتك للايجار مقابل عمولة بتروح للشركة لما الشقة تتأجر.
الشركة لما وجدت إنه في انخفاض في المبيعات بدأت تدرس كل حاجة واكتشفت إنه جودة الصور المعروضة مش أفضل حاجة، واللي عملته إنها بدأت تصور بنفسها بعض الأماكن بجودة عالية واحترافية وتعرضها على الموقع وده خلى المبيعات تزيد 100%.
الخلاصة إنه ممكن تشتغل على موضوع زيادة الإيرادات بأقل التكاليف تذكر وده لو فكرت بشكل مختلف.
إن شاء الله هانكمل في موضوع زيادة الايرادات بشكل أعمق وأدق في المقالات القادمة.

30/08/2022

الوظيفة هي مقبرة أحلامك،
شغلك بيدفعلك ملاليم عشان يدمر مستقبلك،
ما تضيعش وقتك، وارميلهم استقالة
وابدأ مشروعك وكن رائد أعمال ما حصلش قبل كده!

كلام غير صحيح تمامًا
في الإدارة والبيزنس ما فيش شيئ مطلق
يعني اللي يناسب شخص ممكن ما يناسبش شخص تاني والعكس صحيح

بمعني أدق إنه في ناس نجاحهم في الوظيفة، ولو وفرتلهم كل الامكانيات عشان يكونوا رواد أعمال مش هايقدروا واحتمالات فشلهم بتكون كبيرة جدًا
وده مش تقليل منهم ولا من مهاراتهم وامكانياتهم، بالعكس، هما مؤهلاتهم وشخصياتهم مناسبة جدًا للوظيفة
وتقدر تقول دماغهم اترتبت على كده.
عشان كده الناس اللي بتقول الكلام ده، للأسف بيروجوا لكلام مرسل - سطر من وسط صفحة -
وللأسف شريحة من الشباب بتقتنع بيه وبتاخد قرار بناء على الكلام ده
وتحت تأثير القصص اللي بيسمعها في ال 18 دقيقة بتوع تيديكس عن اللي بدأ مشروع ب رأس مال 5 الآف جنيه والنهاردة جاله تمويل بالملايين ومع أول مشكلة بتواجهه في شغله بيهرب من نار الوظيفة لجنة المشروع اللي هايخليه في كوكب تاني!!
قبل ما تقرر اعرف كويس إيه المراحل اللي مر بيها المشروع عشان يوصل للمرحلة دي، وذاكر كويس كل الاوضاع اللي كانت محيطة بالمشرع وقت ما بدأ المشروع ده واللي هي أكيد اتغيرت 360 درجة.
من فترة كنت راكب أوبر والكابتن حكالي قصته، إنه كان شغال في وظيفة وقرر يسيب شغله وعمل مشروع تصنيع شنط حريمي
ومع الوقت وبدون تفاصيل كتيرة اضطر ينزل يشتغل اوبر عشان يقدر يعيش.
الخلاصة: إنه مش كل الناس تقدر تعمل مشاريع خاصة وإنه نجاحهم بيظهر في الوظيفة فياريت يكملوا في شغلهم ويطوروا نفسهم وينجحوا فيه.
زي ما في ناس برضو نجاحهم في المشاريع مش في الوظيفة.
اطلاق الكلام بشكل مرسل كده خطأ كبير جدا وفيه تضليل لناس كتير.
أنت أكتر واحد عارف شخصيتك،
والمطلوب منك قبل ما تاخد قرار زي ده إنك تدرس كويس إيه المطلوب عشان تكون رائد أعمال وهل ده مناسب ليك ولا لأ.
وزي ما بتفكر إنك تاخد اللقطة الأخيرة وازاي هاتفرح بالجون اللي جبته
لازم برضو تفكر ازاي هاتجيبه.

Address

Cairo

Telephone

+201000017029

Website

http://www.brgegypt.com/

Alerts

Be the first to know and let us send you an email when Khebrat خبرات محمود حنفي posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Khebrat خبرات محمود حنفي:

Khebrat خبرات محمود حنفي