غواة حمام المنيا لتعليم المبتداين

27/10/2025

02/07/2025

تحية خاصة لأحدث المتابعين لي! يسرني انضمامك! Hesham Soud, Ahmed Ramadan

24/06/2025

التخلص من الفئران:-
يجب التخلص و القضاء على الفئران لعدة أسباب وسيتم استعراضها.
١. الفئران تهاجم الحمام الصغير أو الكبير احيانا و تاكله أو تاكل اجزاء من جسمه و بذلك تسبب خسارة فى إعداد الحمام وفى بعض الحالات تاكل البيض.
٢. تنشر الحشرات فى أماكن تواجدها.
٣. بقايا الحبوب من أكل الفئران عندما تاكلها الطيور تسبب أمراض معويه و سالمونيلا معوية خطيرة.
٤. بقايا اللعاب و البراز من الفئران تسبب أمراض معوية و طاعون للحمام.
٤. تسبب قلق وعدم اطمئنان للحمام فى العشوش.
٥. تاكل الحبوب و ذلك خسارة مادية المربى.
٦. تجلب العرس فى أماكن تواجدها لأن العرس تطارد الفئران وبالتالى تهاجم الحمام.
٧. تسبب تلف فى أماكن وعيون التربية وذلك لأنها تقرض الخشب والأسلاك .

كيفية المقاومة و القضاء عليها:
١. وضع سم الحبوب المخصص للفئران فى أماكن بعيدة عن الحمام.
وضع مصائد خاصة للفئران.
٣. تقفيل اماكن التربية جيدا.
٤. عمل خلطة مكونه من ورق اللورى ( الغار ) و ملعقة شبة على نصف كوب من الخل الابيض و توضع فى مكن التربية لإبعاد الفئران من الرائحة.

24/06/2025

السلام عليكم ورحمة الله وبركاته #اختيار _الزغاليل مش اي زغاليل تنفع تكون صالحه للتربيه اختيارك الصح للزغاليل المنتخبه للتربيه هو صلب نجاح مزرعتك لذلك بنصح اي شخص بيتجه لتربية الحمام اهتم بالكلام الي هقولهولك ده 11. نقطه مهمين في الزغاليل الي هتختارها للتربية 1* متربيش زغاليل حصلها تعب في عمر التحضين بتاعها يعني اي زغاليل تعبت منك وهي صغيره متربهاش نهائي حتي لو كنت عالجتها والعلاج جاب نتيجه وأصبحت كويسه لان الزغاليل دي هتقع منك ومش هتلاحق من أمراضها لما تكبر وتبدأ تشتغل معاك جروب تعليم تربيه الحمام للمبتدئين 2* متربيش زغاليل انت ماكلها تاكيل يدوي لان مناعته بتكون ضعيفه لازم الزغاليل الي تربيها تكون أهلها الي ماكلاها ومحضناها لحد ماتفطمها لان الزغاليل الي امها بتاكلها بتدعمها مناعيا عن طريق فرز مواد حافظه ومواد متقضي علي الميكروبات وبتدعم مناعة الزغاليل علي عكس التاكيل الصناعي أو اليدوي الي انت بتعمله بتاخد الزغاليل وبتكبس الزغاليل اكل بالزغاطه وده هيكبر الزغاليل اه بس مناعتها هتكون ضعيفه جروب تعليم تربيه الحمام للمبتدئين 3* متربيش زغلول أمه تكون مهمله في الإنتاج والتحضين اختار امهات تكون ممتازه في الإنتاج والتحضين واختار زغاليلها للتربيه 4* متربيش اي زغلول ضعيف ومسيف لما تفطم الزغاليل من تحت أهاليها لو لقيت في زغلول وزنه ضعيف ومسيف استبعده ومتربهوش 5* متربيش اي زغلول اتصاب بالجدري نهائي قبل كده حتي لو اتعالج وبقا كويس مناعة جسمه هتفضل مرتبطه بالجدري وإنتاجه هيصبح إصابتها بالجدري سهل جدا أنه يتصاب تعليم تربيه الحمام للمبتدئين 6* اختار الزغاليل الي تقليلها كويسه في المواصفات الشكليه والجسمانيه وخصوصا الزغاليل المنفوشه والعاليه وذات الصدر العريض 7* اياك تربي زغاليل مفطومه بدري من تحت أهاليها افضل زغاليل هتكون كويسه معاك الزغاليل الي استوت كويس تحت أهاليها وتتفطم في العمر المناسب الا يكون عمرها اقل من 30يوم من عمر الفقس تعليم تربيه الحمام للمبتدئين 8* لما تحضر الزغاليل للتربيه اول لما الزغاليل تتم عمر ال3 شهور لازم تاخد خطوه مهمه جدا لازم تعزل الذكور عن الإناث لحد لما تتم عمر ال5 شهور ونص وتبدأ تزاوج كل انثي لذكر 9* يفضل انك تعمل تغيير دم داخلي لحمامك علشان تفضل محافظ علي مستوي الإنتاج وصفاته الوراثيه

24/06/2025

سؤال؛ الحمام كان شغال وبيبيض وقطع مرة واحدة بقاله كثير ماهو السبب وما هو العلاج ؟!
الاجابة :
لو الحمام دي جسمة مليان وكويس يبقا الاناث مليسة
وامنع الكلفة واديهم درة صيفي وقمح فقط لمدة شهر وتسقي الحمام املاح معدنية وفيتامينات وتزود تحديق
اما لوالحمام ضعيف يبقا تدي جرعة ديدان وتظبط الكلفة وتدي علف بياض لمدة اسبوع مع الاملاح والفيتامينات

24/06/2025

الناس الي بتشتكي ليه الحمام عندها بيريح كتير وبيقلش كتير
الناس الي بتسال ليه الحمام عندها مبيلحمشي العش في العش وإنتاجه ضعيف
ازاي تزود انتاج حمامك
بعض مربيين الحمام بياكلو الحمام بطريقه عشوائيه
لاما بيستخدمو كلفة أو علف غير متزن من النسب كانسبة البروتين أو الدهن أو الطاقه في العلف أو الطاقه الي بيحطها لحمامه
او ليقدم العلف أو الكلفه للحمام بدون نسب أو مقادير يعني بيقدم الاكل للحمام بالبركه
ودراستنا للطائر البياض إذا كان دواجن أو حمام فلازم يكون العلف المستخدم متزن نسبيا وكميا
يعني الحمام المنتج علشان يبيض دائما في وقت قياسي وميقطعشي بيض معاك وينتج زغاليل حجمها وصحتها كويسه بيحتاج تركيبة علف متزنه أو كلفة متزنه كالتالي
نسبة بروتين خام لا يقل ولا يزيد عن 16%
نسبة دهن لا يقل ولا يزيد عن 4.26%
نسبة ألياف لاتقل ولا تزيد عن 3%
نسبة طاقه (ك.ك/كجم) لا تقل ولا تزيد عن 2850
هل الكلفه الي حضرتك بتاكلها أو العلف الي حضرتك بتاكله في نفس النسب دي
حمامك جسمه بيحتاج لنسبة فيتامينات ومشطات اسبوعين علشان تدعم نشاط المبيض هل بتقدم لحمامك جرعة فيتامينات ومنشطات اسبوعيه
حمامك لو اكل علف أو كلفه كميه زياده عن حاجة جسمه الكميه دي بتتخزن بطريقه دهن زياده بيتراكم علي المبيض ومع الايام الحمام هيريح معاك لأن المبيض شبيه أنه مقفول نهائي ومفهوش اي نشاط لذلك لازم تهتم بالمقدار الكم من كمية التكلفه أو العلف الي بتقدمه لحمامك علي حسب عدد القصوص أو الأزواج الي عندك
يعني مثلا الجوز أو قص الحمام نسبتة وكمية الكلفه الي بيحتاجها لتغذيته في اليوم هو 160جرام في اليوم
دي النسبة الصح يعني حضرتك لو حطيت للحمام 200جرام كلفة أو علف في اليوم ده غلط لان ده نسبة زياده عن احتياجات جسمه والنسبة الزياده عن جسمه بتتراقم كادهون علي المبيض ومع الوقت الحمام بيليس وهيمنع بيض وهيريح منك كتير
طب لو النسبة قلت عن 160 جرام في اليوم وحطيت 100جرام فقط ده برضو غلط الحمام تغذيته هتبقا غير كافيه والحمام هيسيف وهيضعف منك مع الوقت والإنتاج هيقل منك
الافضل انك تقدم الكلفه أو العلف للحمام علي وجبتين في اليوم دي افضل طريقه للاستفاده بالاكل وبيكون التمثيل الغذائي افضل وديناميكية الهضم بتكون افضل
يعني جوز الحمام بيستهلك 160جرام في اليوم قسمهم علي وجبتين وجبة 80جرام الصبح ووجبه 80جرام بعد العصر

24/06/2025

✅ معلومات سريعة عن القلش:

يحدث غالبًا مرة في السنة (عادة بعد موسم التزاوج).

يستغرق من 8 إلى 12 أسابيع تقريبًا.

يحتاج الحمام خلالها إلى بروتينات وأحماض أمينية وفيتامينات لبناء ريش جديد.

يجب تقليل الجهد (لا طيران ولا سباقات).

---

🗓️ جدول تغذية الحمام خلال القلش (أسبوعي)

اليوم نوع الغذاء الأساسي إضافات أو مكملات الملاحظات

السبت ذرة + قمح + عدس خميرة بيرة + زيت كبد الحوت لدعم الريش والمناعة
الأحد شعير + بذور كتان + قمح فيتامينات متعددة (في الماء) خفف من الطيران
الاثنين ذرة + فول مجروش + قمح B-complex + أملاح معدنية يساعد على تكوين الريش
الثلاثاء عدس + دخن + قمح خل تفاح طبيعي (في الماء) مضاد للفطريات والطفيليات
الأربعاء شعير + ذرة + فول لا إضافات يوم راحة للجهاز الهضمي
الخميس قمح + عدس + بذور كتان كالسيوم + D3 لدعم العظام والريش
الجمعة ذرة + فول + قمح ثوم + ليمون (في الماء) مطهر ومعزز للمناعة

---

🧪 إضافات مهمة خلال فترة القلش:

خميرة البيرة: مصدر غني بفيتامينات B.

زيت كبد الحوت: أوميغا 3 + فيتامين D وA.

البذور الزيتية مثل الكتان: مفيدة جدًا لنمو الريش.

الكالسيوم: أساسي للريش والعظام.

أملاح معدنية ومولتي فيتامين: لتعويض النقص الغذائي.

---

⚠️ نصائح مهمة:

لا تدخل الحمام في سباقات أو طيران طويل أثناء القلش.

حافظ على نظافة المكان لتجنب أمراض الجلد أو الريش.

قلل نسبة الذرة إذا لاحظت سمنة زائدة.

24/06/2025

{سلسلة الغاوى الناجح في تربية الحمام}

{العدد ٣ }
كيفية تحضير خلطة تحديق الحمام في المنزل
خلطة تحديق الحمام من اهم الاضافات التي تعطي الحمام المكملات الغذائية و الكالسيوم والاملاح المعدنية المطلوبة والتي لا توجد في كلفة الحمام كما ان الكثير من مربي الحمام يذهبون لشراء الخلطات الجاهزة باهظة الثمن والتي في بعض الاحيان لا تكون بالجودة المطلوبة إلي جانب بعض المخاطر فأنت لست متأكد من مكونات تلك الخلطات الجاهزة سنوضح مكونات خلطة تحديق الحمام وكيفية تحضير خلطة تحديق الحمام في المنزل بالقليل من التكلفة التي تكاد لا تذكر كما انها من العناصر الطبيعية والتي تساعد علي هضم الحبوب كما ان بعض عناصر تتوافر في المنزل دون شراء مثل قشر البيض فوائد خلطة تحديق الحمام

خلطة تحديق الحمام مهمة جدا لصحة الحمام فهي تعطي الحمام ما يحتاجه من كالسيوم واملاح معدنية والكثير من العناصر الأخري فقشر البيض الموجود في خلطة التحديق يعطي الحمام الكالسيوم المطلوب لانتاج بيض جيد ذو قشرة متماسكة ليست ضعيفة ولا قوية كما ان تحديق الحمام يساعد الحمام بشكل كبير علي هضم الحبوب فهي تفرم الحبوب في الحوصلة ولا تعطي فرصة لتكون امراض مثل الكنكر كما ان خلطة تحديق الحمام تساعد علي طرد الغازات والسموم من جسم الحمامة وتمنع الانتفاخ وتقلل السالمونيلا مكونات خلطة تحديق الحمام
■ مقدار 2 كوب من الصدف المجروش وهو يحتوي علي نسب جيدة من الكالسيوم والاملاح

■ مقدار 2 كوب من قشر البيض المطحون الذي يمد جسم الحمامه بالكالسيوم

■ مقدار 1 كوب من طوب احمر مجروش وهو يحتوي ايضا علي نسب من الكالسيوم والاملاح

■ مقدار 1 كوب من ملح الطعام العادي يمد جسم الحمام بالاملاح المطلوبة

■ مقدار 1 كوب رمل خشن يساعد بصورة كبيرة في هضم الحبوب

■ مقدار 1 كوب من الاملاح المعدنية وهي تباع في الصيدلية البيطرية

■ مقدار 1 كوب من الفحم وهو جيد لطرد الغازات وتنقية الدم من السموم طريقة تحضير خلطة تحديق الحمام

▲ فرم قشر البيض الموجود في المنزل ثم وضعه علي النار دقائق بسيطة للتحميص ثم رفعه من علي النار ووضع القليل من الخل عليه ثم تركه حتي يبرد ثم إضافة باقي المكونات المذكورة سابقا والتقليب الجيد ثم تقديمه للحمام بصفة مستمرة اي انه يوميا مثله مثل الطعام والشراب وبذلك بإذن الله تضمن صحة الحمام والزغاليل ودوام البيض وعدم ترويق الدكر

13/06/2025

Ahmed Smara مبروك للاستاذ احمد كسب جوز زاجل وهيتم التواصل معاه وتسليمه الحمام