محمد الحناوى

07/07/2025

أهم حاجه في الجواز اخر نص ساعه في اليوم
بتقعدوا مع بعض
هو يحكي عن يومه وانتي بتسمعي بحب
وانتي بتحكي عن يومك وهو بيسمع بحب

18/04/2025

" بعد فوات الأوان "

ياسمين كانت بنت ذكية وطموحة، شغالة في بنك، وعندها قلب كبير بس عنيدة شوية. كانت مخطوبة لآدم، شاب محترم وطيب، بيحبها من قلبه، وبيحاول دايمًا يخليها مبسوطة.

في يوم حصلت خناقة بينهم بسبب سوء تفاهم بسيط، بس ياسمين خدت الموضوع على أعصابها، واتكلمت بحدة وزعلت جدًا. آدم حاول يهديها، بس هي ما كانتش عايزة تسمع أي حاجة.

تاني يوم، آدم لبس أحسن هدوم عنده، وراحلها الشغل فجأة، وقف قدامها وقال:

ـ "أنا آسف يا ياسو، مش عايز نخسر بعض علشان لحظة غضب... انتي كل حاجة في حياتي."

بس هي كانت لسه متضايقة، ومش قادرة تنزل من على كرامتها. ردّت ببرود:

ـ "خلاص يا آدم، كل واحد يكمّل طريقه... أنا مش شايفة إننا نفع لبعض."

آدم مشي وهو قلبه مكسور، بس احترم قرارها.

مرت شهور، وياسمين بدأت تحس بالوحدة. كل مرة تمسك موبايلها، تفتح الشات القديم بينهم، وتفتكر ضحكته، صوته، كلمته اللي دايمًا كان بيقولها:
"أنا جنبك مهما حصل."

قررت تبعت له، تقوله "وحشتني"، يمكن يرد. دخلت على فيسبوك... لقت بوست من كام ساعة:

"أجمل يوم في حياتي... كتبنا الكتاب!"

اتسمرت مكانها. دموعها نزلت، بس ماقدرتش تعمل حاجة.

ومن يومها، كل مرة بتشوف حد بيضحك مع خطيبته، بتفتكر آدم، وتقول جواها:

"أنا اللي ضيعت أغلى حاجة بإيدي..."

---
#قصة
تأليف

14/04/2025

مجموعة من القرارات بتتحول مع الوقت لذكريات
كل قرار بيكون جزء من شخصيتك
أثار القرارات هتظهر علي ملامحك

07/04/2025

مش ضروري الخيانة الزوجية تكون جسدية
أكثر أنواع الخيانة : هي الخيانة الإلكترونية العين و النظر و الشات
و في الأصل هي زنا أكتر منها خيانة
لأنك مش بتخون مراتك بس
ده انت بتخون دينك كمان

04/04/2025

خيانة الزوج لزوجته تُعتبر خرقاً صارخاً لعهد الثقة والاحترام الذي تُبنى عليه العلاقة الزوجية، مما يترك آثاراً نفسية وجسدية عميقة قد تُهدد استقرار الأسرة بأكملها.

19/09/2024

الناس تصحي تقول صباح الخير او متتكلمش خالص
إنما الست المصريه
تصحيك علي جملة
أنت بتخوني يا محمد
و بعد ما يجي في دماغك كل قاذوراتك و تبدء تنهار و خلاص هتعترف بكل القديم و الجديد
تيجي تقولك
كنت بتخوني مع مين في الحلم
روحي يا شيخه الله يسامحك
الظلم ظلمات

16/09/2024

مش بس الست اللي بتحتاج تحس بالأمان
كمان الراجل بيحتاج يحس بالأمان
كل واحد بيحس علي الأمان بطريقته

03/09/2024

انك توصل في معادك
أهم من إنك توصل اصلا
لانك لو مهتم بالمعاد توصل كمان قبل المعاد
انما انك توصل و كمان متأخر ده معناه قلة أهتمام بالمعاد و بالشخص المرتبط بالمعاد

03/09/2024

إياكم و كتمان المشاعر
سواء كانت مشاعر حلوة و جميلة
او مشاعر غضب و إستياء
عبر عن اللي جواك
علشان هيجي عليك وقت مش هتعرف تعبر عن اي حاجه خالص
الكتمان وجع و حيره و توهان
الكتمان فخ اوعي تقع فيه

15/11/2022

10/04/2021

للأسف في ناس مش بتعرف تفرح برمضان او العيد
مش لأن في حد تعبان او غايب او متوفي عندهم
هما مش بيعرفوا يفرحوا علشان مش عارفين أهمية رمضان أو العيد و عمرهم ما حاولوا يركزوا فيه و للأسف عقبال ما يشعروا برمضان او العيد بيكون الوقت فات

انتظروني قريباً في رمضان

23/02/2020

في انتظار رايكم و بالليل هطلع لايف نتكلم عن الحالة و نتناقش في رأيكم