Mohamed Gamal - محمد جمال

03/06/2026

ساعة إدارة مع مستر جمال
تابعوني على تيك توك
اللينك تجدوه في بايو الصفحة

#محمد #ادارة #اعمال #التطوير #السوق

18/05/2026

المشكلة مش فيك… المشكلة في السيستم.
أوعى تسمح لحد يحدد قيمتك.
خلي السوق هو معامل تقييمك الحقيقي.

الناس مش بتسيب الشغل…
الناس بتسيب المدير الغلط.

اختار مدير يشجعك، يطوّرك، ويطلع أفضل نسخة منك.

المدير الحقيقي بيبني ناس… مش بيكسرهم، والبيئة الصح تغيّر مستقبلك بالكامل.

أكبر خسارة مدير يطفّي شغفك.

#ادارة #السوق #اعمال #التطوير

29/04/2026

العمر رحلة قصيرة… بدايتها ميلاد ونهايتها لقاء، والسعيد من ملأها معرفةً بالناس، وأثرًا في القلوب، مصداقًا لقوله تعالى:

{وجعلناكم شعوبًا وقبائل لتعارفوا}.

15/04/2026

🙏🤝

15/04/2026

لم نُخلق عبثًا…
لكلٍّ منا رسالة في هذه الحياة، ودور لا يُمكن أن يقوم به غيره.

ورسالتك الأولى…
أن تعبد الله بصدق،
وأن تسعى للوصول إلى مقام الإحسان،
وأن تُعمّر في هذا الكون بما ينفع ويُصلح.

هي ليست مجرد حياة نعيشها…
بل أمانة نحملها، وأثر نتركه.

دعوة للفكر…
والذكر

08/04/2026

كان فيه مقاول شغال في مشروع مهم…
مش أكبر مقاول في السوق، بس كان واخد فرصة كويسة يثبت نفسه.

في البداية… كل حاجة كانت ماشية بالكلام:
“هسلم الأسبوع الجاي”
“الموضوع بسيط”
“اعتبرها خلصت”

والفريق… كان بيدي له ثقة.
مرّة يعدّوا تأخير…
مرّة يقبلوا تبرير…
مرّة يقولوا “معلش أول مرة”

لكن الحقيقة؟
ماكانش فيه التزام…
وكان فيه دايمًا فجوة بين الكلام والتنفيذ.

شوية بشوية…
التأخير زاد
الجودة قلت
والمواعيد بقت وعود مالهاش قيمة

لحد ما جه يوم…
المشروع اتعطل بسبب بند كان المفروض يخلص من أسبوعين!

ساعتها الإدارة وقفت وسألت:
“هو المشكلة في الإمكانيات؟ ولا في الالتزام؟”

الإجابة كانت واضحة…
المشكلة عمرها ما كانت في الشغل…
المشكلة كانت في المصداقية.

القرار اتاخد:
سحب جزء من الأعمال منه…
وتقليل الاعتماد عليه تدريجيًا.

والمقاول؟
خسر أهم حاجة…
مش فلوس…
خسر “الثقة”.

في المشاريع…
ممكن الناس تسامح في تأخير مرة،
لكن عمرهم ما يثقوا في حد وعده مش مضمون.

الالتزام مش إنك تشتغل…
الالتزام إن كلامك يبقى له وزن.

03/04/2026

في شغلي، دايمًا مؤمن إن الشغل الحقيقي هو اللي الناس بتشوفه وبتحكي عنه من تجربتها معاك.

مؤخرًا، تشرفت بعدد من التوصيات (Recommendations) من زملاء وشركاء نجاح اشتغلت معاهم، وده بالنسبة لي مش مجرد كلام حلو…
ده تقييم حقيقي لتجربة شغل، ثقة، والتزام اتبنى على مدار سنين.

كل كلمة في التوصيات دي بتمثل:
مواقف حقيقية
تحديات اشتغلنا عليها سوا
نجاحات اتحققت بروح الفريق

وبصراحة… دي مسؤولية قبل ما يكون فخر 🙏

لو حابب تتعرف أكتر على تجربتي المهنية وآراء الناس اللي اشتغلت معاهم بشكل مباشر،
يشرفني إنك تطّلع على باقي التوصيات على البروفايل.

رأيك يهمني جدًا… ودايمًا بحاول أكون عند حسن الظن 🤝

في شغلي، دايمًا مؤمن إن الشغل الحقيقي هو اللي الناس بتشوفه وبتحكي عنه من تجربتها معاك. مؤخرًا، تشرفت بعدد من التوصيات (Recommendations) من زملاء وشركاء نجاح اشتغلت معاهم، ود...

01/04/2026

الحمد لله دائمًا وأبدًا 🙏

سعيد إني أشارك معاكم تحديث الـ Rank الخاص بيا هذا الشهر، ضمن قائمة Top 200 Creators في مصر على لينكدإن في مجال إدارة المشاريع.

📊 #30 على مستوى الـ Top Creators
📊 #45 في مجال Project Management – Egypt
📊 #586 على LinkedIn – Egypt

الإنجاز ده مش رقم…
هو نتيجة رحلة من التعلم المستمر، مشاركة الخبرات، ومحاولة تقديم قيمة حقيقية لكل مهندس ومدير مشروع على المنصة.

كل الشكر لكل حد بيدعمني، بيتفاعل، أو حتى بيستفيد من أي محتوى بقدمه… أنتم السبب الحقيقي بعد توفيق ربنا 🙏

وأتمنى من كل الزملاء على المنصة الاستمرار في التطوير والمشاركة… لأن المعرفة لما بتتشارك بتكبر.

🚀 لسه الرحلة مكملة… والهدف أكبر

01/04/2026

في ختام سلسلة
⛔️ ممارسات تؤثر على إدارة المشاريع…
البداية الحقيقية لاستعادة المشروع
استعادة السيطرة مش إنك تغيّر الفريق…
لكن إنك تبني نظام:
واضح – منظم – مفيهوش استثناءات.

جاهز ترجع السيطرة لمشروعك؟

#إدارة #حوكمة

31/03/2026

اجتماعات التحسين retrospective meeting بتتعمل لما يكون فيه خطة مبنية على رؤية واضحة واهتم جدا كمدير مشروع باارؤية الواضحة لان انت كقائد في مكانك هتقود ايه وانت مش عارف انت رايح فين يعني ينفع تنزل تاخد عربيتك وتقول أنا نازل أقود في المطلق؟!
أكيد مش صح تعمل كده في حاجة انت تملكها، فما بالك باللي لا تملكه وكل واجبك ودورك اللي في غاية الأهمية انك تديرها ب efficiently and effectively
في اجتماعات اهم بكتير المفروض تتعمل وهي اجتماعات ضبط الدفة اجتماعات الرؤية وبعد كده تتوالى الاجتماعات اللي كلنا عارفينها