TawaZone - توازُن

18/05/2026

#المدح
🟩 قدم لطفلك المدح والثناء على الأفعال الجيدة وخصوصاً اللي كانت صعبة عليه، والافعال اللي حابب تعوده عليها
🟩تجنب وضع أطفالك في مقارنه مع بعض.
🟩لازم تفكر في مدى تاثير تصنيف ابنك الأكبر مثلا انه 'مستقوي' الأصغر انه 'ضحيه'
فبرغم اندفاع الآباء بالفطرة للدفاع عن الطفل الصغير إلا أن ده ممكن يحرم الطفل الصغير من أنه يتعلم إزاي يدافع عن نفسه أو يشجعه أنه يبقى الشخص النمام في الأسرة. وكمان في ظلم للطفل الأكبر.

🟩إجتهد إنك تخلي جو الأسرة بعيد عن جو الضغط اللي في العالم الخارجي.
🟩لازم تشجع الأفكار المفيدة من كل طفل من أطفالك لوحده.
🟩فكر في أثر تربيتك والأدوار اللي إتحطيت فيها في الماضي ولأثر ده عليك دلوقتى.
دي حاجة هتخليك تكتسب وعي بالطريقة المناسبة للتعامل مع طفلك.
🟩ماتركزش في كلامك على الأشياء اللي تخص الاولاد والأشياء اللي تخص البنات، أو تفضل حد من أولادك عشان هو الولد الوحيد أو البنت الوحيدة
🟩فكر كويس في الحاجات اللي بتعتبرها نقطة ضعف لابنك لأنها ممكن تكون في الحقيقة أكبر مصدر قوة ليه.
🟩عود أطفالك أن هم يستغلوا نقاط قوتهم أفضل استغلال.
🟩التركيز الواعي والاعتراف بنقاط قوة طفلك ومميزاته ممكن تساهم بشكل كبير في تعزيز ثقته بنفسه.

TawaZone💜
💜
💜

18/05/2026

كثير من العرب ما بيقدروش يتكلموا باللغة العربية الفصحى بطلاقة من غير ما يفكروا كويس بشكل الكلمة اللي هيقولوها بدل من التركيز على معنى اللي بيقولوه.🥹

عرفنا أن الابحاث اللغوية أثبتت أن القدرة على التفكير والخيال مرتبط باللغة .. يعني ما ينفعش نفكر من غير لغة ودا معناه أن قدرة الفرد على التفكير باللغة العربية الفصحى مقيدة بحدود تمكنه من اللغة والتمكن ده بيكون ضعيف جداً عند غالبية العرب وده معناه أن قدرتهم على التفكير والخيال والتعبير باللغة العربية محدود للغاية ...
وده يخلينا نفكر ايه هي أسباب المشكلة دي ؟؟؟🙄

اولا ..في عوامل خارجية

في كاتب انجليزي أسمه G.H.jansen
ذكر في كتابه( الاسلام المقاتل ) أنه لما كان الانجليز والفرنسيون بيستعدوا علشان يخلوا المنطقة اللي بتسيطر عليها الدولة العثمانية منطقة نفوذ خاضعة لسيطرتهم
بحثوا عن أسباب قوة وصلابة الإنسان العربي وازاي تمكن من فتح البلاد المحيطة به من الهند الى الصين الى لمحيط ...وجدوا أن أهم سبب هو طريقة تعليم الطفل العربي فهو بيتعلم القراءة قبل سن الخمس سنين وبيحفظ القرآن اللي بيحتوي على أهم وأفصح التراكيب اللغوية في اللغة العربية وبيتقنها وعمره ما يزيدش عن ست سنوات

وكان يستكمل اتقانه للغة بعد كده لما يتعلم قواعد النحو والصرف ويحفظ ألفية ابن مالك وبكده بيتفوق الطفل العربي على الطفل الغربي والفضل كله كان يعود الى مدرسة تحفيظ القرآن والكتاب.
لذلك خطط الانجليز والفرنسيون لاضعاف الكتاب وخلوه قاصر على أولاد الفقراء وانشاؤا مدارس حكومية حديثة للطبقة المتوسطة يدخلها الاطفال بعد سن ست سنوات وانشاؤا مدارس أجنبية لأولاد الأغنياء يكون تدريس اللغة العربية فيها ضعيف ..دا إن وجد أصلاً.. وده علشان نعمل طبقة اجتماعية مستواها عالي وبكده يضمن ولاء الطبقة دي..

أما البلاد الخاضعة للحكم الفرنسي فكان حظها أقل لأن اللغة العربية ما بقتش تتدرس في المدارس العامة وبكده كانت اللغة العربية بتتلاشى من الوجود في البلاد دي أثناء الاحتلال الفرنسي ..

في كمان عوامل داخلية😔

أثبتت الأبحاث العلمية الحديثة أن الطفل بيركز طاقة هائلة في السنوات الاولى من عمره حتى سن خمس سنوات لاتقان اللغة وهي أهم وأصعب مهمه بتواجه أي إنسان ولذلك الطفل لو ما اتقنش اللغة اللي هيتكلم ويعبر بها عن نفسه في الفترة دي هو مش هيتعلمها باتقان مهما حاول ..

وده يفسر حالة ضعف التفكير والتعبير في كل المجالات بما فيها المجال السياسي في جميع البلدان العربية

بكده نجح مخطط الانجليز والفرنسيون في اضعاف قدرة العربي على التفكير والتعبير ونجح في تكريس مشكله دياجلوسيا أي إزدواجية اللغة أو استعمال لغتين في وقت واحد

أعتقد بدل التركيز على تعلم اللغات الأجنبية الاولى بنا أن نركز على تعلم اللغة العربية أولاً وبعد كده نعلمهم لغات

18/05/2026

#التهذيب
يعتبر وسيلة تعليمية وارشادية، عكس أسلوب العقاب البدني والنفسي.
زي الضرب والتأنيب ما ينتجش عنهم تعليم أو أرشاد.🧏

"الاسلوب العقابي ده زي الضرب بيعلم الطفل يفكر بعقلية .
زي مثلا (مش هاضايق أختي أحسن عشان بابا ما يضربنيش)
و (مش هاعمل حاجه غلط عشان ماما ما تحبسنيش).

الطفل في الحالة دي بيكون في دماغه أنه يفلت من العقاب مش انه يبتعد عن التصرف الغلط..

✅عزيزي المربي الفاضل خليك حازم وحنون في نفس الوقت، اللهجة الحازمة مع الطفل افضل من الزعيق،

الصوت العالي مش بيعمل للطفل حاجة غير أنه بيفكر أن هو خلى والده أو والدته يخرجوا عن شعورهم وبيبقى عنده فضول يعرف هل هيعرف يعمل كده تاني 😕.

ويبدأ الطفل مرحلة التحكم عن بعد في أفعالهم من خلال سوء تصرفاته.

🟢 عزيزي المربي اتكلم .. كل المشاكل ممكن تتحل من غير عنف أنت محتاج مش قوة بدنية.

🟢أصبر .. سهل أنك تنفعل وتفقد القدرة على التفكير بسبب ايقاع الحياة السريع لكن في الحالة دي لازم تأجل التعامل مع المشكلة لحد ما أعصابك تهدى.

🟢ادي الطفل اختيارات، الاطفال بتستجيب بصورة أفضل إذا اديتهم اختيارات بدل الأوامر المحددة.

🟢استغل قوه المدح، مهما بلغت درجة تعبك بسبب الإرهاق وكثرة الشغل لازم تمدح طفلك، معانقة الطفل ومدحه اذا اتصرف تصرف صائب هتحفزه يحسن سلوكه.

🟢اتعلم ازاي تتجنب المواقف المحرجة، فمثلا لو طلب طفلك انك تشتري له عجلة غالية ما تحسسوش بخيبه الأمل أو أن ده أمر صعب لكن قول له مثلاً في اجازة أخر السنة الجاية هنجيبها او في اجازة العيد او هنحوش سوا ونشتريها أول ما تكمل فلوسها وهكذا.

🟢تجنب العقاب زي ما قولنا العقاب مش بيساعد على تعليم او إرشاد الطفل لكن التهذيب هو الحل الأفضل بدل ما تعاقب الطفل على اساءة التصرف علمه ازاي يتصرف بشكل لائق.

🟢احترم طفلك احترام ذوق الطفل في اختيار الملابس والمتعلقات الشخصية.

🟢لا تتوقع نتائج فورية لتحسن السلوك.

🟢العقاب الواعي : ما تعاقبش ابداً وأنت في حالة غضب. العقاب الشديد مش معناة أنه عقاب مناسب أو هو أفضل حل. ما تجرحش مشاعر طفلك بالاهانة وتعاقبه بطريقة تحسسه بالخجل. ما تلجأش الى العقاب كوسيلة للانتقام من الطفل. احترم مشاعر طفلك ('عارفه انك متضايق عشان … لو عملنا … ده هيهون عليك؟').

TawaZone💜
💜
💜

23/04/2026

بسبب ضعف التعليم الوطني..
شيخ الأزهر يحذر من انتشار التعليم الأجنبي وتحوله إلى مظهر اجتماعي للتباهي بين بعض الأسر، مشيرا إلى خطورة تسليع التعليم الذي يمثل الحصن الحصين في مواجهة الأزمات الأخلاقية والمجتمعية

وأعرب الإمام أحمد الطيب عن دهشته من رفض بعض أولياء الأمور تدريس أبنائهم اللغة العربية، مؤكدًا أن هذا الرفض لا مبرر له سوى نجاح بعض النظم التعليمية الأجنبية في فصل الطلاب وأسرهم عن هويتهم وجذورهم الثقافية

09/04/2026

هل جرّبت بأن تبدأ يومك بسعادةٍ؟
أن يصبح بذل الإحسان لديك عبادةً
أن يستيقظ فيك ضميرٌ
يأخذ بيديك إلى الخير
حتى يصبح هذا النور ليومك عادةً

ماذا لو؟
أصبحت مثالاً حقّاً
وسلكت طريقاً أرقى
أن تنفع غيرك يوماً
هو خير ذاك وأبقى

بادرت لتُحدث فرقاً
أنفقت لتنقذ غرقى
ما عندك ينفد لكنّ
ما عند الله سيبقى
فذاك خيرٌ وأبقى

19/03/2026

اللعب هو نشاط مهم يمارسه الكائن الحي عموما.. وله دور مهم في تكوين شخصيته وبناؤه النفسيه.. ويتعلم الطفل عن طريق اللعب الضبط الذاتي.. والتنظيم لما يكون اللعب مع مجموعه .

واللعب مدخل اساسي للنمو العقلي والمعرفي للطفل ومهم للنمو الانفعالي والاجتماعي.

واللعب لانه يمتاز بالمرونة والحرية فالطفل يستقبل خلال اللعب احسن ما يستقبل من خلال الفصل الدراسي او التعليم الالزامي .

واللعب لانه مختلف عن الواقع والحياه اليوميه يكون له جاذبيه وبساطه يحبها الطفل_ والكبار كمان_ ويوصف اللعب انه نوع من انواع الفن ..وانه انتاج الخيال.
والدافع الاساسي له هو الاستمتاع بالحريه ووجود فرصه للابداع والابتكار .

وفي الفتره الاخيره بدأ كثير من الباحثين والتربويين يهتموا بالاستعانة بالالعاب كفن واسلوب علاجي لكثير من المشكلات السلوكيه..وكمان في التعليم الرسمي وغير الرسمي.

وعلشان تكون البيئه التعليميه معده بشكل سليم لازم نستعمل عدد من الاستراتيجيات والبرامج القائمه على اللعب

15/03/2026

كشف مسح عالمي واسع النطاق عن تحول جذري في ثقة الجمهور بالذكاء الاصطناعي، حيث توصلت الدراسة، التي أجراها باحثون في جامعة بورنموث وشملت 31 ألف بالغ في 35 دولة، إلى أن 61% على مستوى العالم يشعرون الآن بالراحة في استخدام ChatGPT كمستشار للصحة النفسية.

ووفقاً لما نشره موقع Neuroscience News، يوفر أسلوب الذكاء الاصطناعي غير المتحيز وتوافره على مدار الساعة شعوراً بالأمان والرفقة للكثيرين، لكن يحذر الخبراء من أن هذه الأدوات "لا تُغني" عن الرعاية المتخصصة، ويثيرون مخاوف بشأن تأثيرها طويل الأمد على الوظائف الإدراكية كالذاكرة والتعلم.

وكشفت الدراسة أيضاً ما يلي:

• ربع البالغين على استعداد لتفويض مهمة تعليم أطفالهم إلى الذكاء الاصطناعي.
• على الصعيد العالمي، يثق 45% من البشر بنماذج الذكاء الاصطناعي للقيام بدور الطبيب.
• قال ثلاثة أرباع المشاركين في الاستطلاع إنهم سيستخدمون أداة دردشة تعمل بالذكاء الاصطناعي كرفيق وصديق.
وقالت دكتورة آلا يانكوسكايا، المحاضرة الأولى في علم النفس بجامعة بورنموث والتي قادت الدراسة، إنه "مع التطور السريع والتوافر الواسع للذكاء الاصطناعي، يتزايد عدد الأشخاص الذين يضعون ثقتهم فيه".

09/03/2026

أحيانًا بنمر بمواقف في حياتنا تخلى حالتنا النفسية تدخل في نفق الحزن والاكتئاب..

طبيعي إننا نحزن لما يحصل لنا حاجة صعبة أو مؤلمة، لكن المشكلة بتبدا لما تسمح للحزن انه يسيطر عليك بطريقة تخلى بيها كل حاجة حواليك سودا ومليانة أسباب إضافية للحزن...
حتى لو الأسباب دى فى الحقيقة مش موجودة بنعيشها للاسف
كأنك بتخلق جو درامى حواليك وتبدأ تصدق إن كل حاجة أصبحت وحشة.

ده بيحصل لما نبقي عايزين نتماشى مع حالة الحزن اللي عايشينها...

فبدل ما تحصر المشكلة في سببها الحقيقي بنبدأ نبحث عن حاجات تانية نحزن عليها عشان نبرر الحالة اللي إحنا فيها،..
بتعمل زي اللي صنع صنم بإيده وبدأ يعبده، بدل ما يواجه الحقيقة ويفكر بطريقة عقلانية.

لما تسمح لنفسك تصنع أحزان إضافية في حياتك، يتبقى زي اللي قرر يخلق صنم للحزن بإيده، وبعد كده يبقى عبد له.
بتبقى بتبالغ في حجم الأمور السلبية عشان تمشي مع الحالة النفسية اللي اخترت تعيشها.

-----------------
الحل هو إنك تحصر أسباب حزنك في حدود الموقف اللي حصل فعلا بدون ما تربط كل حاجة حواليك بيه..

لو عندك مشكلة في الشغل مش لازم تبدأ تشوف حياتك كلها سودا...
ولو فقدت شخص عزيز مش لازم تفسر أي شيء ثاني في حياتك على إنه مأساوي..

الحزن له وقته وحدوده، وده مش معناه تنكر مشاعرك، لكن معناه إنك تعرف تتحكم فيا وما تسيبش الحزن يسيطر على كل جوانب حياتك.

فمتصنعش صنم بإيدك وبعدين تعبده.

عيش الحزن كإنسان طبيعي لما يحصل سبب منطقي، لكن خليك واعي إنك تحصره وتحلله..

الحياة فيها حزن أه، لكن كمان فيها أمل ونعم كتير ممكن تغيب عنك لما تبقى منشغل بإضافة أسباب وهمية للحزن.

08/03/2026

لماذا تستحوذ عليك الأحزان وتغرقك في دائرة لا تنتهي ؟

لأنك بعيد عن أدوات الشرع....
بعيد عن التواصل الحقيقي مع الله..
بعيد عن الشعور بأنك تحت ولايته وحمايته....

هذه المسافة هي التي تضخم الحزن، وتجعل الدنيا تبدو أثقل مما هي عليه.

لكن عندما تعود إلى هذه الأدوات، وعندما تدرك أنك في معية الله، ستجد نفسك في مأمن نفسي وروحي، مهما اشتدت عليك الدنيا.

07/03/2026