SHB - Chăm Sóc Khách Hàng 4

26/11/2020

..
الطفل من بعد السنة بتحصله تغيرات كتيرة ..
بيتحول من طفل عبيط كده .. قاعد ياكل وينام ويعيط 😭 ..
لواحد تاني خالص بيعترض ويقول لأ ..ومش راضي يقعد ساكت وبيجري هنا وهناك ومزهقنا عاوز يمسك كل حاجة ويلعب في كل حاجة حواليه .. ويفتح الأدراج ويدخل المطبخ وياخد مني موبايلي 😥 ..

الأم اللي إبنها كده دي أم شاطرة وعرفت تدمج إبنها بالعالم اللي حواليه بسرعة .. وحقها تفرح وتتنطط علينا 😃 ..
لانها عملت انجاز رهييييييب .. ف أمهات تانية للأسف تتمني إبنها يعمل ربع الحاجات دي ☝☝
👶👶 تيجي أم تقولي طيب أعمل إيه عشان فرحتي تكمل ومدخلش في صدام معاه وأتجنب عِنده وعصبيته ؟!🤔

- حاضر .. هقولك تعملي ايه ..
علشان نكون مُتفقين .. العِند والصُراخ هيجي إمتى؟!
هيجي لما هو يكون عاوز حاجة والحاجة دي إما خطر عليه أو إنتي مش عاوزة تديهاله أو الحاجه دي مش بتاعته ومش هعرف أجبهاله ..

🛑 أولاً .. الحاجات الخطر ... بصي يا ست الكل إنتة من أول ما إبنك يوصل السن ده تشيلي أى حاجة خطر من قدامه ..

✅ نقفل فيش الكهربا
✅ نرفع الشاشه في مكان عالي
✅ نقفل النيش
✅ نقفل المطبخ أو نخبي الحاجات الخطيرة زي السكاكين والمقصات والمنظفات وغيره وسيبيه يلعب بالباقي 👍..
لو ظبطتي الدنيا هترتاحي منه وهتسبيه يلعب ويكتشف براحته من غير صراخ وعياط 👍..

🛑 طب ثانياً .. ايه الحاجات اللي مش عاوزة تديهاله؟
مثلا الفون .. مش عاوزاه يصرخ عليه يبقي متمسيكهوش قدامه .. طب لو اخده منك تعملي إيه ؟ .. تسبيه يلعب بيه شوية وأول ما يغفل عنه جري تخفيه بعيد عنه ولا من شاف ولا من دري 😂 ..

🛑ثالثاً .. بقي لو عيط على حاجه بتاعة حد غريب .. تمشي من المكان فوراً ..
- أيوة تمشي .. لأن إبنك يا ست الكل مش هيسكت ومش هيتنازل عن الحاجة اللي عايزها ..
يا إما تشيلي الحاجة دي من وشه خالص وتشغليه بحاجة تانية ..

تيجي وحده او واحد من اللي قاعدين.. (جهله ولا يعرفوا حاجه عن الطفوله وازاي نتعامل مع الطفل )
يقولك ايه الدلع ده .. انتي مش عارفه تربي .. أنا لو مكانك كنت اديته بالقلم علي وشه 😲 ..

بصي ولا كأنك سمعتي حاجه.. دول ناس متخلفة ولا تفهم أي حاجة .. لو سمعتي كلامهم ابنك هيطلع حاجه من الاتنين 👇
⛔ ١- عصبي وعِندي وكل حاجة هيطلبها بالصراخ والضرب ..
لانه طفل شخصيته قوية ومش هيتنازل ..

⛔ ٢- هيسكت ويخاف ويبقي بشخصيه ضعيفه بكرة وبعده يِضرَب على قفاه ويجي يعيطلك .. وتيجي تشكي تقولي أعمل إيه لإبني عشان محدش يضربه وتبقي شخصيته قويه!
قويه منين بعد ما دمرتيها 😣🤔🤔

⚠️ من الأخر حاولي تتجنبي أنك تدخلي في صدام معاه ..
خليكي ذكية واعرفي تضحكي على إبنك إزاى
راح ولا جه ده حتة عيل مطلعش من البيضه 👍😃

03/11/2020

31/10/2020

يوجد لدينا بعض الحالات تحتاج إلى مساعدات ماديه.. وأطفال ذوي احتياجات في حاجه لمصاريف للجلسات من يرغب في المساعده من أصحاب القلوب الرحيمه يرسل رقم الهاتف على الخاص او على رقم
01208088559

27/10/2020

بعتز على اسم المشكله لكن بالفعل دي مشكله حقيقيه جاتلي من اكتر من ام

العادة السرية عند الأطفال

مبدأيا أنا ما اعرفش المرادف العربي المناسب لكلمة Ma********on لأنها في الأطفال مش بتكون سرية أصلا، وما أقدرش أسميها استمناء لأنه لم يصل لهذه المرحلة بعد. والبعض بيسميها (المداعبة الذاتية)
الأكيد إنه فعل يؤدي للإستثارة الذاتية للطفل وبيولد إحساس ممتع، فبشكل طبيعي الطفل بيحب يكرر السلوك أو الفعل ده.

الأطفال يعملوا كده ؟؟؟؟

السلوك ده ممكن يبدأ من سن صغير حتي من سنة أو أقل، ده نادر بس بنشوفه.
لكن أكتر سن بنشوفه فيه من 2 ل 4 سنين.
الموضوع ده أكتر في البنات من الأولاد وده برضوا اللي بنشوفه.
الدراسات بتقول إن نسبه كبيرة منهم بتقف حوالين سن ال 7 سنين.

بيعملها ازاي؟

عن طريق اللمس أو الاحتكاك مع إيده أو أي شيء زي مخده أو طرف الكنبه أو السرير أو حتى الأرض أو عن طريق ضم عضلات الفخذين وقبضها وبسطها بشكل متكرر ....
أثناء ده الطفل بيكون مركز جدا مع الفعل ده ووشه بيحمر وبيعرق وبعدها بيهدى أو ينام.

ليه ده بيحصل؟

1. الاستكشاف: وهو العامل الأساسي والأكثر انتشارا، جزء طبيعي في نمو الطفل هو استكشاف كل حاجة حواليه وكل حاجة في جسمه، يلمسها، يشمها، يشد رجله يحطها في بقه 😃 .. وهكذا

2. التقليد: إن الطفل يكون شاف مشهد وبيقلده، وده بيحصل كتير مش قليل ، بعض الآباء مش بيراعوا الاحتياطات اللازمة لسرية العلاقة بينهم، التلفزيون وكتير من أفلام الكارتون بتحط مشاهد غير مقبولة، إتاحة النت للطفل بلا رقيب بتخلي من السهل يشوف أي حاجة.. في الفترة الأخيرة خاصة ظهرت فيديوهات لأشخاص حقيقيين بيقلدوا شخصيات كارتونية وبيدخلوا فيها سلوكيات كتير غير لائقة بالمرة والخطير انها بيتم ترشيحها تلقائيا للمشاهدة وهو بيتفرج على فيديوهات أطفال.

3. الإعتداء: وهو الأخطر، إن يكون شخص ما اعتدى على الطفل يإنه يكون عمل معاه كده أو حتى عمل قدامه وفي كل الأحوال ده إسمه اعتداء جنسي، لأن الطفل غير مدرك للي بيحصل.

4. الهرمونات: ودي كلها ما زالت دراسات تحتاج المزيد، وجدوا إن هرمون (الإسترادايول) معدلاته بتكون قليلة في الأطفال اللي بيكرروا العادة دي.

5. الإلتهابات مش سبب .. الإلتهابات تعمل حكة أو حرقان لكن ماتعملش حاجة بالوصف السابق.

6. مش صرع ... البعض بيخلط بينه وبين نوبات الصرع عشان اتخاذ الطفل لوضع غريب وانه بيكون مش مركز معانا وبيحصل انقباض وانبساط لعضلاته وبعدها بينام، وبعض الأطباء بيحط الطفل على أدوية مضادات الصرع وفي الحقيقة مالهاش دور.

ليه الطفل بيكرر ده ؟

1. لأنه بيستمتع بده، وطبيعي نكرر الحاجة اللي بتبسطنا ( وده السبب الأساسي)
2. إنها أصبحت مجرد عادة ، زي الطفل اللي بيحط صباعه في مناخيره مثلا.
3. الشعور بعدم اهتمام الآخرين ومحاولة جذب انتباهم، لأنه لما عملها أول مرة استكشافا وكل اللي حواليه اتخضوا وجريوا وانتبهوا له، فاكتشف ان دي طريقة كويسة يكون بيها محط اهتمام.
4. التهدئة الذاتية في حالات القلق والتوتر واضطراب النوم.

فين الخطورة؟

1. في الحقيقة الخطورة غالبا مش في الفعل نفسه، الخطورة بشكل أساسي إن يكون الفعل ناتج عن تحرش أو اعتداء جنسي واحنا مش عارفين

2. كمان ظن بعض المحيطين إن العادة دي معناها إثارة جنسية زايدة فبيكون الطفل موصوم بشيء سيء، أو يكون ضحية لأحد المعتدين المحتملين في محيط العيلة أو المدرسة.

3.الخطورة كمان من رد فعل الأهل الشديد أو العنيف اللي بيترتب عليه أحد حاجتين كلاهما سيء: الأولى .. إن الطفل يهتم بزيادة بهذا التصرف المهم اللي شاغل الأسرة كلها ويكرره، والحاجة التانية .. إنه ينشأ عند الطفل ارتباط سيء أو خوف بكل ما يخص الأعضاء التناسلية حتى لما يكبر .. خاصة أنه مش فاهم الكلام اللي الأهل بيقولوه ده إيه المقصود بيه تحديدا (عيب - كده تتعور وتموت – هتروح النار – كده الميكروب يدخل جسمك - .. إلى آخر الجمل اللي بنسمعها في عياداتنا)

نعمل إيه بقى؟

1. أهم حاجة .. مانعملش إيه؟ .. ما نعملش اللي شرحناه في رقم 3 في الفقرة اللي فاتت.

2. نهدأ كده، ونبقى عارفين إن استكشاف الطفل لجسمه شيء طبيعي.

3. التشتيت هو الحل، لو بدأ يكرر الفعل ده .. التشتيت عن الفعل مع إهمال الفعل نفسه، مش إننا نركز على الفعل ونشد تحته خط، لأن زي ماقلنا ممكن يكون ده هدفه .. جذب الانتباه، ماتجيبش سيرة الفعل .. نادي عليه، أطلب منه يساعدك في حاجة، خلي إيده مشغوله معظم الوقت .. ألعاب ..كورة .. بازل .. صلصال .. مكعبات .. خليه هو كمان مشغول معظم الوقت. المهم ما تسيبهوش في المثلث ده ( فاضي – زهقان – إيده فاضية)

4. زود مشاركتك إنت اليومية مع أولادك ، قضي وقت معاهم وشاركهم وقت يومي، خليهم يشبعوا منك.

5. إشتراك الطفل في رياضة مهم جدا ومفيد جدا.

6. التلفزيون واللاب والتاب إلخ إلخ .. لازم وقتهم يكون محدد، لازم تحت رقابة ومتابعة، حذف القنوات اللي بتعرض محتوى غير مناسب، استخدام محركات بحث خاصة بالأطفال على النت .. واستخدام برامج الحماية... والحاجات دي متوفرة جدا

7. أفراد الاسرة كلهم لازم يتعاونوا بنفس الطريقة.

8. الوقاية من احتمالية تعرض اطفالنا للتحرش

9. تسمية الأعضاء التناسلية بأسماء ثابتة ليها دلالة واضحة عند الطفل والوالدين حاجة مهمة، عشان وانت بتعلمه أو لو الطفل اشتكى لأي سبب تبقى فاهم هو يقصد إيه بالظبط.

امتى نروح لطبيب نفسي أطفال؟

1. الطفل بيكرر ده كتير وما بطلش بعد أكتر من شهر من عمل الحاجات اللي فاتت.
2. بيعمل ده بطريقة عنيفة أو مؤذية.
3. بيعمل ده قدام الناس بشكل متكرر.
4. بدأ يعمل ده لحد تاني، أو يطلب من حد يعمل له كده.
5. بيعمل ده بطريقة تشككنا إنه شاف أو اتعرض لاعتداء جنسي. (هبقى احط هنا لينك لإمتى تشك إن الطفل تم الاعتداء عليه)
6. نروح للطبيب طبعا لو مش قادرين نفرق بينه وبين نوبة الصرع، كتير مننا كأطباء بقينا بنطلب تصوير الطفل فيديو بأي موبايل أثناء نوبة الصرع، دي من الحاجات اللي بتساعد على التشخيص.
7. لو انت شخصيا كأب أو أم اتوترت وبدأت تتعصب ومش عارف تتصرف.

25/10/2020

ماذا تفعل إذا سألك طفلك اسئلة محرجة مثل:

الله،الخلق،الجنس،الحياة والموت ...الخ ..؟

عند الاجابة على سؤاله لابد من توفر الآتي :

1.لا تندهش ولاتضحك ولاتغضب ولا تتهرب من الإجابة وانصت جيدآ لسؤاله حتى نهايته .

2.لابد من الإلمام العلمي قبل الإجابة على سؤاله.

3.الإجابة تكون مناسبة لعمره ومستوى ذكاؤه.

4.الإجابة بها مصدقيةواكثر واقعيةوواضحة.

5.لوسألك نفس السؤال وكرره بعد فترة لاتغير إجابتك إلا ما يناسب عمره وذكاؤه.

6.أطلب منه أن يعيد إجابتك التي قلتها له حتى تتأكد من إقتناعه.

7.شجعه لسؤاله وأطلب منه أن لايتردد في أن يسألك أي سؤال مرة أخرى .

16/10/2020

رابط اللسان و علاقته بنمو اللغة عند الأطفال...

رابط اللسان يوجد عند كل إنسان بلا استثناء و له فوائد عديدة ، و لكن إذا ولد الطفل برابط لسان متقدم يجعل الأم تتوتر و تعتقد ان رابط اللسان سوف يؤثر على تقدم و نمو اللغة عند الطفل ، اليكم هذه النقاط :

1- رابط اللساط المتقدم لا يسبب تأخر فى النمو اللغوى ، ولكن يؤثر على نطق بعض الأصوات مثل صوت ( ل - ر ) .

2- رابط اللسان الأم تكتشفه فى المراحل الأولى من عمر الطفل لأن الطفل يكون غير قادر على الرضاعة بالشكل الطبيعى بسبب رابط اللسان المتقدم .

3- رابط اللسان المتقدم يتم معالجته و التخلص من تقدمه ببساطة شديدة جدا بالذهاب إلى طبيب جراح ، و يصبح الطفل طبيعى جدا بعدها و يكون الطفل قادر على الكلام بطلاقة مثله مثل أى طفل .

متى يكون الطفل بغير حاجة للذهاب لطبيب جراح لإذالة تقدم رابط اللسان :
1- بالنسبة للأطفال من عمر الميلاد حتى عامان :
اذا كان الطفل قادر على الرضاعة الطبيعية أى قادر على شفط اللبن من ثدى الأم ، و اذا كان النمو اللغوى عند الطفل طبيعى .

2- بالنسبة للأطفال أكبر من عمر عامان :
اذا استطاع الطفل أن يرفع لسانه ليلامس طرف اللسان سقف حلق الطفل .

15/10/2020

Here is a list of things you need to teach your Child(ren) at early age:
اليك بعض الاشياء الواجب تدريب اولادك (البنات و الأولاد) عليها فى سن مبكر

‏1: Warn your child never to sit on anyone's laps no matter the situation including uncles.
١- حذر اولادك من الجلوس على ارجل اى شخص مهما كان الموقف وحتى الاقرباء

‏2: Avoid Getting Dressed in front of your child once he/she is 2 years old. Learn to excuse them or yourself.
٢- تجنب تغيير الملابسك امام اى طفل تعدى عمر السنتين

‏3. Never allow any adult refer to your child as 'my wife' or 'my husband'
٣- لا تسمح لأى شخص بالغ على الاطلاق بادعاء أنه زوج أو زوجة طفلك

‏4. Whenever your child goes out to play with friends make sure you look for a way to find out what kind of play they do, because young people now s*xually abuse themselves.
٤- عند خروج اولادك للعب مع أطفال آخرين يجب متابعتهم و معرفة انواع الأنشطة التى يمارسوها . لانه للاسف يوجد مظاهر للاعتداء الجنسى ظهرت بين الأطفال

‏5. Never force your child to visit any adult he or she is not comfortable with and also be observant if your child becomes too fond of a particular adult.
٥- لا تجبر طفلك مطلقا على زيارة أي شخص بالغ لا يشعر بالراحة عنده، و يجب أيضا الإنتباه من العكس، لو أصبح طفلك منجذبا لشخص بالغ بشكل مبالغ فيه..

‏6. Once a very lively child suddenly becomes withdrawn you may need to patiently ask lots of questions from your child.
٦- اذا ابتدأ الطفل الانسحاب من الأنشطة المعتادة التى كان يمارسها . يجب أن تكون صبور و تستفسر منه على السبب

‏7. Carefully educate your grown ups about the right values of s*x. If you don't, the society will teach them the wrong values.
٧- الثقافة الجنسية يجب أن يكون مصدرها الاول الآباء بصورة علمية تتناسب مع القيم و الاخلاق المجتمعية و الا سيبحث طفلك عن مصدر آخر و قد يعلمهم مفاهيم خاطئة.
‏8: It is always advisable you go through any new material like cartoons you just bought for them before they start seeing it themselves.
٨- يجب مشاهدة أي محتوى، شاملا أفلام الرسوم المتحركة، قبل السماح لطفلك بمشاهدتها.

‏9. Ensure you activate parental controls on your cable networks and advice your friends especially those your child(ren) visit(s) often.
٩- تأكد من تفعيل وسائل الحماية الأسرية على قنوات التلفزيون، و انصح أيضًا اصدقائك بذلك، خصوصا الذين يزورهم طفلك.

‏10. Teach your 3 year olds how to wash their private parts properly and warn them never to allow anyone touch those areas and that includes you.
١٠- درب أولادك (من عمر ٣ سنوات) على كيفية تنظيف المناطق الحساسة والاهتمام بها وعدم السماح لأي شخص بلمسها، بما فيهم أنت (الأب والأم).

‏11: Blacklist some materials/associates you think could threaten the sanity of your child (this includes music, movies and even friends and families).
١١- ضع قائمة سوداء لجميع المحتويات التى تخدش حياء الاطفال مثل الموسيقى و الافلام او حتى بعض الاقارب و الاصدقاء

‏12. Let your child(ren) understand the value of standing out of the crowd.
١٢- انصح الاطفال و فهمه اهمية تجنب الاماكن المزدحمة

‏13: Once your child complains about a particular person, don't keep quiet about it.
١٣- الاستماع الجيد لشكوى طفلك ضد أحد الأشخاص. لا تستخف بشكوى طفلك

‏14:Take up the case and show them you can defend them.
١٤- انت حائط الدفاع الأول و الاهم لاطفالك ، ارهم انك تدعمهم و تحميهم

‏Remember, we are either parents or parents-to-be.
‏and remember "THE PAIN LASTS A LIFETIME"
اذا كنت اهل او ستصبحون كذلك قريباً، تذكر ان الالم يلازم الروح طوال العمر . احمي طفلك

‏And possible forward to all friends who have children.
انشر المنشور مع اصدقائك ليحموا اطفالهم
‏
‏
#منقول