طيبة جروب أكاديمي TGA

26/08/2024

https://www.youtube.com/watch?v=tgwGt4zRoy4&t=24s

09/08/2022

كتير من الأصدقاء والمتابعين المحترمين طلبوا مني اكتر من مرة اقترح عليهم انشطة استثمارية هنا علي العام وعشان دي اسرار شركات وميزانيات مصانع 🏭 وغيره وانا بحكم شغلي كاستشاري للشركات دي ومستثمر في بعضها فأنا مش في حل من افشاء الاسرار دي علي العام، لذلك صممنا الابليكشن المرفق لضمان سرية المعلومات لكل من الطرفين سواء الشركات الراغبة في التوسع والتطوير او السادة رجال الاعمال أو المستثمرين الراغبين في الدخول في الشراكات والاستثمار في كيانات قائمة بشكل فعلي وحقيقي علي الأرض ولها هياكل ادارية وتنظيمية واقعية ومستقرة.

ولضمان الجدية فكل المطلوب من حضراتكم هو التسجيل في الابليكشن والإجابة الامينة علي الاستفسارات وانا هراجع الاستمارات بنفسي وهيتواصل فريق العمل مع الجادين في الاجابة لتحديد موعد للمقابلة ومناقشة الشراكة في اي من الكيانات المتاحة في مصر

الانشطة المتاحة بتتنوع ما بين الانتاج والتشغيل او الانشطة الخدمية او الانشطة الريادية القائمة علي أفكار ريادة الأعمال في مصر وطبعا مرحبا بالمستثمرين سواء مصريين أو غير مصريين
انطلاقا من مبدأ win- win situation الفوز للجميع

Tarek Tantawi

على الراغبين فى الاستثمار ملئ هذا الاستبيان

31/03/2022

#مؤتمر البيزنس الاول في بنها
برعايه👇
لوج للعبوات البلاستيكية ، Q-Pack Plastics

البيزنس لعبه عايزة الحريف اللي يقدر يكسب فيها🥇،لعبه ليها قواعدها وقوانينها متقدرش تلعبها غير لما تكون دارسها كويس وعارف أن قدراتك قادرة انها تخليك تفوز فيها 💪✅
وعشان كدة احنا عملنالك "مؤتمر بيزنس" لأول مرة في مدينه بنها
هنعرفك من خلاله ازاي تبقي الجوكر بتاع اللعبه 😎وهنتكلم فيه عن اسباب فشل البيزنس في مصر ، وكمان ازاي تنجح فيه وايه هي احتياجات السوق منك
كل دا هيكون مع استشاري اعاده هيكله وتطوير الاعمال د/طارق طنطاوي
قريبا هنبلغكم بالموعد وتفاصيل الحجز المجاني والحضور❤

10/03/2022

استخدام الصين لنظام CIPS بديلا لنظام ال SWIFT الأمريكي- ودا عبارة عن نظام أو سيستم لتحويل الأموال بين البنوك حول العالم- هو بداية لزوال هيمنة الدولار علي النظام المالي العالمي وبداية الميلاد للقوة الفعلية للصين علي الارض بشكل عملي وفعلي
Tarek Tantawi

07/03/2022

05/03/2022

📌من افضل المقالات 👌
لاستشارى تطوير الأعمال د.طارق طنطاوى tarek tantawi

✅ البيزنس والطيارة

البيزنس يشبه الطائرة تشابه يصل حد التطابق،
عشان تطير بالناس محتاج طيارة خالية من الأعطال فمينفعش تتفاجئ بعطل وانت طاير بأرواح الناس فضلاً عن روحك، بعد الطيارة محتاج قائد محنك خبير علي علم ودراية بالتقلبات الجوية والية التعامل معاها،

✅ هتحتاج بوصلة/ vision
عشان تعرف انت رايح فين والا هتضل الطريق ولما الطيارة بتضل الطريق بتسقط، هتحتاج رصيف للإقلاع ورصيف للهبوط والا هتستمر في الطيران لفترة بعدها هتستنفذ كل وقودك/ فلوسك وبردو في الحالة دي مع السلامة،

✅ الطيارة عشان تطير لازم تكون سليمة ومليانة بنزين او وقود وكمان لازم تشحن كل طاقتها عشان اهم خطوة هي خطوة الإقلاع لان الإقلاع لو متمش صح فهتفضل الطيارة في خطر،
📌 لو قائد الطيارة مش متأكدة ان كل المتطلبات الأساسية للرحلة موجودة يبقي بيحكم علي نفسه وعلي الركاب وعلي الطيارة/ البيزنس بالضياع والفناء ويبقي وجوده في مكانه كقائد غلط،
📌لو القائد مكنش عنده شخصية وحكمة وحنكة ودراية فطبيعي توصل بيه الامور الي تنازع الركاب معاه علي القيادة وبالتالي ضياع الطيارة بكل اللي عليها.

⏪ بسبب المبالغات و خصوصاً من جانب صغار المراهقين في عالم الاعمال في مصر ودا وصف اعتقد انه دقيق واستخدام موفق لكلمة المراهقين مهما كان سنهم كبير،
بقيت ارفض اشتغل علي اَي نموذج عمل قبل ما أتأكد ان الحد الأدني من المتطلبات متاح ومتوفر،
بيتعرض عليا يوميا حالات لطلب الاستشارة متوسطها الشهري حوالي 20 استشارة لتأسيس بيزنس او شراء فكرة او تنفيذ فكرة دا غير استشارات اعادة الهيكلة وتطوير الاعمال،

يعني ممكن نقول متوسط استشارة الي استشارتين يومياً وبكل اسف ممكن ارفضهم كلهم والسبب ان الغالبية بتكذب او بتتجمل والمجال ده بالذات الكذب فيه او حتي التجمل يضيعه،

كأنك بتعطي للطبيب معلومات غلط عن مرضك او إصابتك وبالتالي هيكون التشخيص غلط والعلاج بالتالي غلط، انا بقيت بحكم الخبرة اعرف مين بيكذب ومين بيتجمل ومين بيشطح بخياله ومين جاد ومين بيتسلي ومين عاوز يعرف طبيعة الشغلانة مش اكتر ومين عاوز يستكشفني كشخصية غامضة بالنسبة له مش اكتر ودول بقي للاسف كتير، كنت الاول مبعرفهومش لكن خلاص الخبرة في السوق المصري تطورت وبقيت بأعرف بسهولة ايه الغرض من التواصل في كل مرة.

✅مصر سوق عبقري ضخم واعد جاذب لكل أصناف رجال الاعمال المحترمين واصحاب الفكر في كل أنحاء العالم لكن للاسف كل ده غير مستغل من المصريين لاننا بنعشق الفهلوة و الاستسهال وتقليب الزبون وبنجهل ابسط معطيات ومتطلبات عالم الاعمال واولها المنافسة دا غير أن الغالبية الساحقة من نماذج العمل في مصر قائمة علي التقليد والتجارة بمعني السبوبة استورد بقرشين وابيع بتلات قروش وهكذا سوق استهلاكي رافض للفكر الإنتاجي وكأنه بينه وبين الإنتاج تار وأبسط جملة ممكن تسمعها هي جملة التشغيل مكلف طب انت جربت تنتج🤔
لا بس واحد صاحبي كان قالي أن الإنتاج مكلف😂
ولما اقوله التكلفة في مقابل الأرباح يقولي يعني ايه تكلفة 😁😁

28/02/2022

👌🎯
مقال مهم لاستشارى تطوير الأعمال
د.طارق طنطاوى tarek tantawi

✅من ضمن الاوهام اللي بعض المتحدثين في البيزنس أو اللي أصحاب بعض شركات التدريب أو الإستشارات بيروجوها بشكل مستمر،
⏪ هي وهم "التخلص من المنافسة أو الحماية من التنافس" في واقع الأمر الكلام ده بعيد تماما عن المهنية وعن الواقع الحقيقي.

📌محاولة تحييد المنافس أو التخلص منه هي احدي حالات التوهم حتي لو كنت بتشتغل باعلي آليات التنافس العالمية
و حتي لو كنت بتطبق استراتيجيات من كوكب المريخ، فمهما حاولت فمجرد وجودك في السوق هو دافع طبيعي لخلق منافس،
يعني كونك موجود في البيزنس هو في حد ذاته أحد المحفزات لغيرك للدخول في المنافسة ضدك،

مش هتكلم عن ضرورة وأهمية وجود منافس لك في المرة دي، لكن هتكلم عن الوهم اللي البعض بيحاول يروجه أو يسوقه تحت مسمي التخلص من المنافسة.

✅لما طلعت نظرية المحيط الأزرق كان الدافع وراها هو خلق سوق بلا تنافس قوي أو محتدم لكن مش خالي من التنافس ودا لأنك بمجرد وجودك في قطاع حتي لو كان قطاع بكر وحتة مقفولة عليك زي ما البعض بيتصور فالأمر ده مش هيطول وهيجيلك منافس وهيحاول بكل الطرق يلاقي فرصة ومهما كانت درجة قوتك وسيطرتك إلا إنه هيحاول يلاقي مدخل للوجود وبالتالي التنافس ودا في حد ذاته أمر صحي ومطلوب لك لاستمرار تحسين وتطوير العمليات.

✅آبل بتلعب بنموذج عمل مختلف لكن لها منافس سواء كان في الموبايل أو اللاب ورغم إن نظام تشغيلها مختلف إلا إنها بتتنافس وبتطور من منتجها بشكل دوري،

فبلاش نردد كلام بعيد تماما عن المنطق والواقع وعن طبيعية حياة البيزنس، البيزنس مش مرادف للتنمية البشرية ومش أمر سلس أو هين عشان الناس تتخيل إنه بسيط و هيقدروا يمارسوه بسهولة و بالتالي ضروري جدا تعرف حقيقة الأمر علي الأرض قبل ما تبدأ بأحلام وردية ملهاش أي علاقة بالحقيقة.