03/01/2018
من 7 شهور بالظبط و تحديداً فى مايو 2017 .. العالم كله كان بيشهد واحدة من أقوى الهجمات الكترونية في تاريخ البشرية
أحد البرامج الخبيثة اللي نوعها ransomware واسمه “WannaCry “كان بيعصف بشبكة الويب .. عن طريق استغلال أحد نقاط الضعف في أنظمة الويندوز ويبدأ يخترق من خلالها أجهزة الضحايا ويشفر ملفاتهم الموجودة على الهارد ديسك وبعدين يطلب فدية بمقدار 300 دولـار مقابل فك التشفير .
في أول ساعات لانتشار الفيروس كان تقربيا 200 ألف جهاز اتصاب في 150 دولة ، ومؤسسات كبيرة اتضربت واتصابت بالشلل بسبب الهجوم دة
حالياً فى هجوم تاني متوقع نهاية شهر يناير 2018 .. المشكلة : إنك مش هتقدر تحلم تشوف ملفاتك تاني ولا تتعامل معاها قبل ما تدفع و تاخد المفتاح بتاع الفك أو برنامج فك التشفير اللي هو عامله.
و إنك مش دايما لما تدفع هتضمن انك هتحصل طريقة فك التشفير - ممكن بكل بساطة الهاكر ده يتجاهلك عادي و ميبعتلكش حاجة.
*** عشان كده لازم تآمن نفسك ***
ايوة يعني اعمل ايه دلوقتي ؟؟
فى AntiRansomware بتنزلها شركات الحماية ببلاش - لازم تنزلها على جهازك سواء لاب توب او ديسكتوب لانها بتساعدك ف وقف أثر ال Ransomware قبل ما يشفر ملفاتك
أفضلها هو ال CryptoDrop
Protect your computer from ransomware with CryptoDrop's cutting edge software!
