Sara Ashraf - Business

29/04/2026

فأتبع سببا 🤍👌
اذا الباب اتقفل ..
ركز تدور ع الشباك المفتوح 👌
وابدأ بالمتاح حتى يتاح لك الغير متاح 👌
#فليغرسها 🤍👌

15/04/2026

من أرض الواقع نحييكم 🙏😅

ليس هناك ما يسمى توازن العمل مع الحياة ، وانما توفيق العمل مع الحياة ..
There is no such thing as work-life balance, but rather work-life compatibility.

Nyd de videoer og den musik, du holder af, upload originalt indhold, og del det hele med venner, familie og verden på YouTube.

13/04/2026

فترة ٢٠١٥ ل ٢٠١٧ كنت شغالة مهندس موقع طااااالع عينه 😅✋️ ، وكان مطلوب مني اقف على سقف ١٧٠٠ م وانا كان اقصى سقف وقفت عليه ١٢٠ ل ١٤٠ م كده يعني ..
المهم انا قولت يللا بينا ودخلت بسم الله ..
الحمد لله السقف اتصب وخلص ومتصورة فوقه كمان 😎👇👌❤️
بس طبعا وقتها الحديد اتأخر لان مخدتش بالي ان الطلبية اكبر فمحتاجة تتطلب قبلها بكذا يوم✋️😅 ، والصبة اتأجلت لان تشوين الرمل والسن وترتيب الاسمنت وترتيب الصب كان لازم يبقى قبلها بشوية برده 😅✋️، وغيره وغيره من التفاصيل ( اللي معرفتش حد بيها ايامها 😅😅 ) .. اللي حصلت ناتج فرق المساحة وحجم الشغلانة نفسها ..

الحمد لله صبينا وعملنا اللي اكبر منها بكتير بفضل الله بعد كده ، بس التجربة دي كانت فاصل بالنسبة لي في شوية نقط خليني اقولهم معاكوا ..

👈 مش لازم تبقى جاهز بال ١٠٠ % عشان تبدأ تجربة ، دور ع الاساسيات وذاكرها وافهمها وادخل برجلك اليمين وكمل تعليم بالتجربة وانطلق واتبع الاسباب ..

👈 كل ما الشغلانة كبرت ، كل ما الترتيبات زادت ، كل ما احتجت تفكر اكتر حوالين الشغلانة ، وهنا مش بنتكلم ع السقف 😅 ، هنا بنتكلم عن اي حدث ف الحياة ، يعني شركة ب ١٠ موظفين غير شركة ب ١٠٠ موظف ، بيت بطفلين غير بيت ب ٥ اطفال ، وهكذا .. كل ما كبرت الشغلانة كل ما احتجت تذاكر وتركز وتحَضَّر اكتر .. ايا كان نوعها ..
👈 واحدة من اهم الحاجات اللي اتعلمتها ، ان وجود حد مؤمن بيك وقادر انه يفوضلك المسؤولية بثقة وهو عينه عليك انك متغلطش ولو غلطت يصلح معاك ، ده بيقصر عليك حرفيا نص السكة في سعيك .. لو لقيته كلبش فيه 👌👌 ..

👈 اوعى تكبر حاجة عن حجمها لدرجة انها توقف حركتك ، حط الحاجة في حجمها الطبيعي " هو هواه السقف بس كبير شوية وخلاص " ..

واخيرا .. اتعلم من كل حاجة وكل موقف ، وركز ان دواير الحياة كلها منفدة على بعض 👌👌

07/04/2026

سبحان من يوجِد المعنى بلا أسباب ..
فإن لم تؤتَ سُؤلَك ..
فقد أوتيت كلَّ معانيه 🤍
سبحانك ما عبدناك حق عبادتك 🤍
#الغني
#المدبر

03/04/2026

حتى في صلابة الجبل تنمو الزروع ، حافظ على ما يبقى روحك مُحَلِّقة ❤️✨️💪
جمعة طيبة ✨️❤️
أوصيكم ونفسي ✨️❤️ سورة الكهف ✨️❤️الصلاة على النبي ✨️❤️ دعوة مستجابة ✨️❤️

02/04/2026

اولا نأسف لبشاعة المنظر 😅✋️ ..

ثانيا بالهداوة على نفسك في تقييمك للأمور 🤌🤌 ..

واحدة من التجارب اللي خدت مني وقت في تحليلها فكرة " الملائمة والتناسب " ..
انك تكون مناسب للمساحة اللي انت فيها ..
لا أكبر ولا أصغر منها ..

يعني مينفعش تركب سيستم اوراسكوم على مكتب بلية للمقاولات ..
ومينفعش تجيب بلية يدير مشروعات اوراسكوم ..

مش شرط أبدا انك منجحتش في وظيفة او كمدير او كصاحب بزنس انك عندك مشكلة او انك غلط ..

وارد يكون في " عدم ملائمة " ..

عدم ملائمة بين حجم الشركة وحجم التطوير اللي بتطلب تنفذه كمدير او مطور أعمال ، هتتعرقل ومش هتتوفق .. هياكل تنظيمية وموظفين بتخصصات جديدة وتكنولوجيا اعلى = مصاريف اكتر وناتج سئ وفشل في تطبيق السيستم .. والعكس صحيح لو حجم الشركة كبير ومفيش سيستم = فوضى وانهيار على المدى الطويل ..

عدم ملائمة بين امكانياتك الشخصية سواء مرتفعة في شركة ضعيفة او منخفضة في شركة قوية بتستعد للتوسع ..

عدم ملائمة بين حجم راس المال لصاحب البزنس وبين حجم المشروع اللي عايز يعمله ،، او عدم ملائمة بين احتياجات المشروع " المهارية والادارية " وبين المعرفة الادارية وامكانيات شخصية صاحب المشروع ..

كل ده بيوصلنا في الآخر للنتيجة دي 👇👇 ..

محتاج قبل ما تتحرك في اي سيناريو تدرك ابعاده ومدى " الملائمة والتناسب " معاه 👌👍🏻

والحقيقة ده مش بس في البزنس ، ده كمان في علاقاتنا الاجتماعية وحياتنا الشخصية .. فكروا فيها 👌👌

01/04/2026

في اللحظة دي !!

كان عندي ايفنت مطلوب مني فيه محاضرة في جزء في البزنس ..

وكان في فيديو تعريفي للمحاضر ..

جمعت صور السنين اللي فاتت ، بين ماجستير ، ومحاضرات ، وشغل شركتي ، وجروب الدكتوراة ، وهكذا .. وبعت الفيديو .. ونسيته ..

اللي عارفني عارف اني شخص عملي بزيادة 😅✋️ ، اول ما ندهو اسمي ع الاستدج طلعت يللا بسم الله ، هنتكلم النهاردة عن ..... لقيتهم بيشاورولي ثواني لسه هنعرض فيديو .. قلت يا مهون ، والحقيقة اني مكنتش مركزة هم هيعرضوا فيديو ايه 😅✋️

لقيته هو الفيديو التعريفي اللي بعته 😅✋️

في اللحظة دي !!

أدركت لأول مرة .. ان الصورة تراكمية بشكل غريب ..

الفرق بين كل صورة وصورة لا يقل عن سنتين لتلاتة شغل ومذاكرة وبهدلة ،، فترات احباط ، وفترات ارتفاع ،، فترات نجاح ،، وتجارب فشلت ،، لكن لما اتجمعت الصورة .. طلعت تستاهل ❤️

عشان كده متقللش أبدا من أي خطوة بتاخدها ، كلمة انجليزي جديدة ، كورس تسويق صغير ، فيديو بودكاست ساعة في اليوم ، حلقة دينية ربع ساعة كل اسبوع .. تجميعة الصورة ع المدى الطويل تفرح ❤️

الحمد لله أن أعاننا ، فرضينا ❤️ ، فأرضانا الله بجميل كرمه ومنه ❤️😇


#أبدأ

30/03/2026

Join Our Big Family ✨️❤️
Send your cv to : 01070552317
Lamar Development - لمار للتطوير

26/03/2026

جعلنا الله وإياكم ممن نفع الله بهم 🤍✨️

أَنزَلَ مِنَ السَّمَاءِ مَاءً فَسَالَتْ أَوْدِيَةٌ بِقَدَرِهَا فَاحْتَمَلَ السَّيْلُ زَبَدًا رَّابِيًا ۚ وَمِمَّا يُوقِدُونَ عَلَيْهِ فِي النَّارِ ابْتِغَاءَ حِلْيَةٍ أَوْ مَتَاعٍ زَبَدٌ مِّثْلُهُ ۚ كَذَٰلِكَ يَضْرِبُ اللَّهُ الْحَقَّ وَالْبَاطِلَ ۚ فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ ۚ كَذَٰلِكَ يَضْرِبُ اللَّهُ الْأَمْثَالَ (17) الرعد


🤍✨️


Search in comments 👇🤍✨️

23/03/2026

لو عايز تكبر في عالم البزنس .. لازم تدرس علم نفس !!!

في مصطلح بقاله فترة في عالم ادارة الأعمال اسمه " علم نفس ادارة الاعمال " ..

لفت نظري اكتر من مرة صياغة الفكرة ..
واللي الحقيقة مع الوقت والتجارب والتعمق في التجارب الإدارية أثبت صحته بالكلية 👌 ..

دراسة علم النفس وأهميته في إدارة أي بزنس ..

أنماط الشخصيات ودوافعها &
وعلاقته بطرق حل المشكلات بأعلى كفاءة ممكنة &
تعزيز الانتماء للشركة &
تعزيز التواصل بين فرق الأعمال ...
وغيره من النقاط الكفيلة بخلق تناغم داخل الشركة ونجاح مستمر او فشل ذريع ع المدى الطويل في حالة عدم الانتباه ليه ..

يعني على سبيل المثال ..

على مستوى الادارة العليا .. مدير الشركة لو مش نفس مبادئ وقيم مجلس الادارة بيتخلق حالة صراع لا تنتهي ، القيم في التعامل مع الموظفين والموردين وخلافه ، القيم في التعاملات المالية ، القيم حتى في معالجة المشاكل مع الناس والي بتوضح جدا في ثقافة الحفاظ ع الناس واللا الاستعلاء عليهم وده كفيل يضيعلك شركتك بحالها ..

لو الشركة اصحابها حجاج ، وجبتلهم مديرين دكاترة ومهندسين وشهادات ،، مش هيعرفوا يتواصلوا ،، بل ممكن في مرحلة يتهموهم ب" الأفورة " ، ولا تستبعد يطلعوهم حرامية ..
وعلى النقيض لو الشركة اصحابها دكاترة ومهندسين وحاولت تدخلهم مديرين حجاج وبيديروا بالبلدي هيفشلوا فشل ذريع ..

المدير المالي لو مش متماشي في افكاره في التمويل وتوزيع السيولة وكذلك الاحكام الشرعية مع فكر ومبادئ مجلس الإدارة ، وعلى نفس درجة الفكر الإداري لازم تتعرقل ..

وعلى مستوى فرق العمل ..التيم لو مش متقارب في أفكاره وثقافته نسبيا و امكانياته كمان ، بيفشل .. وان كان ظاهريا ماشي ،، لكن ع المدى الطويل نسبة الانتاجية و الكفاءة بتقل تماما ، والنتيجة حتمية ان التيم " يُفرُط " ..

كمان لو غابت مساحات التحفيز والثواب والعقاب لكل شخص حسب " طبيعة شخصيته " هنوصل لمساحة من الخلل في التقدير والتقييم هينتج عنه هيكل تنظيمي مش بيطور نفسه ولا حتى مستقر ع الحد الأدنى ..

كل دي حاجات ليها علاقة بالطبائع البشرية & القيم & الثقافة & التوافق & القدرات .. ولازم تكون في ادراكك سواء انت صاحب بزنس او مدير شركة ، او حتى لسه هتتعين مدير في شركة .. مين اصحابها وافكارهم ، انماط الشخصيات داخل الشركة و ايه طبيعتهم ، بيديروا الناس ازاي ، وبيحلوا مشاكلهم ازاي ، سمعتهم الداخلية مع موظفينهم وسمعتهم الخارجية مع الاطراف المنتفعة ..

#اوصي نفسي واياكم
#علم نفس إدارة الأعمال