07/08/2026
بالتفاوض الاسترتيجى محمد صلاح وقّع لطرابزون …
مش جالطة سراي، ولا فنربخشة، ولا حتى بشيكتاش اللي كانت الأقرب في الأول. النادي اللي بيتصنّف رابع الأندية التركية من حيث الهيبة هو اللي كسب توقيع أكبر صفقة في تاريخ الدوري التركي الحديث.
إزاي؟
مش بالفلوس بس. بالتفاوض الصح، في التوقيت الصح.
لو بصينا للصفقة دي بعين تجارية، هنلاقي كل مبادئ التفاوض الاستراتيجي اللي بندرّسها موجودة على الطاولة:
١- التوقيت أهم من الموقف
بشيكتاش فتحت التفاوض الأول واتعثّر. طرابزون ما اندفعتش وهي في موقف الأقوى - دخلت وهي واعية إن الوقت بدأ يضغط: الموسم قرّب، والبدائل قدام اللاعب بتقل. ده بالظبط الوقت اللي فيه الـ BATNA بتاعة الطرف التاني بتضعف، وده الوقت اللي تكسب فيه وانت مش الأقوى على الورق.
٢- افهم دوافع الطرف التاني قبل ما تفاوض
استعداد صلاح للحياة في تركيا مش تفصيلة صغيرة - ده leverage. اللي بيقرا دوافع الطرف التاني الحقيقية بيبني عرض بيلمس الحاجة الفعلية، مش بس الرقم.
٣- حدّد صاحب القرار الحقيقي
في الصفقات الكبيرة، مش دايماً اللي قدامك على الطاولة هو اللي بيمضي. مدير أعمال اللاعب كان طرف أساسي في إتمام الصفقة. اللي فهم ده وتعامل معاه بالأسلوب الصح، هو اللي وصل للنتيجة.
مش لازم تكون أكبر لاعب في السوق عشان تكسب أكبر صفقة. لازم تكون أذكى واحد في التوقيت، أعمق واحد في قراءة الطرف التاني، وأدق واحد في تحديد مين بيقرر فعلاً.
الموقف بيديك مقعد على الطاولة. الاستراتيجية هي اللي بتخليك تقوم منها كاسب.
