الاستشارات القانونية و القضايا والمنازعات الاسرية

28/03/2026

بعد الانفصال بيحصل حاجة من تلاتة :
يا أما الطرفين ولاد اصول وبيمشوا الدنيا بالحقوق وبما يرضي الله (و ده نادر شويتين)
يا أما واحد من الطرفين بيكون سئ الخلق وبتنتهي العلاقة بحاجة من اتنين :
يا أما الام تحرم الاب من أولاده سواء بيصرف أو مبيصرفش وبكل بجاحة تاخد كمان حقوق مش حقوقها بالمحاكم والشهادات الزور ....
يا أما الاب بيتنصل من عياله وهو اللي بيبقى مش عاوز يشوفهم وبيمتنع عن مصاريفهم وساعتها تتفتح بردو سكة المحاكم اضطرارا لأن المصاريف كتيرة على الأم ومش قادرة توفي اولادها .....
الحقيقة في الحالتين بتبقى حاجة مقرفة ....
بالنسبة للأم انتي مش واخدة بالك انك بتربي !!! لما تربي ابنك والا بنتك على أنهم يعصوا ابوهم تفتكري لما يكبروا هيعملولك انتي احترام اصلا ....عدم صرفه عليهم ربنا اللي هيحاسبه عليه مش انتي ....انتي هتقابلي ربك لوحدك ....
بالنسبة للاب اللي يقول اولادي ماتوا خلاص ومش هصرف عليهم واشربيهم .....انت عارف انك لو كبرت واحتاجتهم مش هتلاقيهم وهتموت لوحدك ومحدش هيدور عليك !!!
عارف انك لازم تبرهم وهما صغيرين عشان يبروك في كبرك ......قسوتك عليهم انت اللي هتجنيها اول واحد غير حساب ربك .....
خلي النهاية نضيفة يا جماعة عيب ....ده كان بينكم عيش وملح وكمان اطفال بالدنيا كلها ...
وارد أن الحياة تنتهي بينكم لكن مش هتنتهي بينكم وبين أولادكم ....اتقوا الله فيهم ف هم هبة من عند الله 🌹🌹🌹

25/09/2025

قال القاضى مخاطبا محاميا ساخرا
نحن سلطة وانتم مهنه فلا وجه للمقارنه !!
فقال المحامى : فهم خاطىء ايها السيد
الجليل الجالس على منصه القضاء
فلايغرنك جلوسك وانا واقفا
فالمعلم يقف والتلميذ جالسا فهل التلميذ افضل من معلمه ؟
فليس كل جالس بسلطان وليس كل واقف بمهان ..
ونحن ايها القاضى الجليل نجمع بين المهنه والسلطه بقوه القانون .
فأذا كانت النيابه تملك سلطه الاتهام
فالمحاماه تملك سلطة الدفاع وهى سلطه اقرها الدستور والقانون والمواثيق الدوليه .
ايها القاضى كما تقدر للنيابه دورها فى الاتهام يستوجب ان تقدر للمحاماه دورها فى الدفاع على قدم المساواه !! القاضي يحتاج الي 2 مستشارين بجواره لكى يكون حكمه سديدا امام المحامي الذى يتولى الدفاع بنفسة فقط ،،،،

مهنة المحاماة مهنة سامية ورفيعة
وليست مهنة النصب والاحتيال كما يستخدمها ويفهمها البعض ...⚖️

31/07/2025

أنا بقالي يومين دماغي عامل Error من الأخبار إللي بسمعها آخر حاجة الوقفة الاحتجاجية أمام السفارة المصرية في تل ابيب 😁 مع العلم إن إللي عاملين الوقفة الاحتجاجية الحركة الإسلامية في الأراضي الفلسطينية المحتلة تحت حماية قوات الأمن الإسرائيلية.

طيب أنت علشان تعمل واقفة احتجاجية قدام السفارة المصرية أو أي سفارة محتاج موافقة أمنية 😉

طيب مين وزير الأمن الإسرائيلي ؟ عارفين مين ؟

بن جفير 😂

أه والله زي ما حضرتك قراءة كده بنجفير ده إللي دعي لإبادة سكان قطاع غزة وتهجير سكانها وعمل استيطان داخل القطاع.

مش هتكلم عن الناس الواقفة دي لأن العالم كله عارفهم وعارف انتمائهم وتمولهم.

جميل جدا لما نوصل لمرحلة اللعب على المكشوف ، كده الورق كله على الطاولة .

الهدف من حرب السفارات والإعلام والتشكيك وفيديوهات التطاول هو إن مصر تزهق وشعبها يضغط على القيادة السياسية ومصر تقول خلاص مالناش دعوه أو تقبل باللي رفضته وتقولك ناخد فلوس أحسن ونرتاح من وجع القلب والصداع ده، صح ؟

لا مصر موقفها ثابت وكلمتها لن تتغير ولن تشارك في ظلم تهجير شعب من أرضه، وأما عن أمننا القومي فنحن بعون الله قادرون على حماية أرضنا وشعبنا .

هاتوا أخر ما عندكم، مش هنسيب شعب غزه ولو وصلت لإلغاء إتفاقية السلام نهائيا، خلص الكلام🇪🇬👊

13/07/2025

13/07/2025

لو مش عارف ايه اللي حصل انهارده ف الساحل الشمالي فخليني اقولك..

من ساعات قليلة الدنيا ولعـ.ـت حرفيًا في الساحل الشمالي، بعد ما اتعملت حفلة تيكنو كبيرة على البحر في هايسندا . الناس كانت بترقص وتغني لحد ما حصلت كارثـ.ـة! نـ.ـار كبيرة شبّت فجأة، وتقريبًا كان فيه تجهيزات كهربا أو شعلات نارية للحفلة هي اللي كانت السبب.

الناس جريت يمين وشمال، والدخان مالي المكان، والمطافي جات بسرعة تحاول تسيطر على الـ.ـنار، والحمد لله مفيش وفـ.ـيات، بس في ناس اتخنقت واتنقلت المستشفى، وفي خسائر كتير في المكان.

اللي كان بيحصل جوا الحفلة كان بعيد تمامًا عن أي حاجة اسمها احترام أو مراعاة، موسيقى صاخبة، لبس غريب، وحركات مش لايقة... وكل ده بيحصل في بلدنا، وبنفتكر إننا بنواكب الموضة والحضارة، بس الحقيقة إننا بنجري ورا وهم.

اللي حصل ده لازم يخلينا نفكر
إحنا بنعمل إيه؟ وبنروح فين؟ وبنرضي مين؟

ربنا يحفظنا ويهدي قلوبنا.

07/07/2025

⭕👈 عاجل وهااااام جدا
👇👇👇👇👇نظرا لتعطل شبكات الاتصالات والأراضي الارقام البديله في حالات الطوارئ

07/07/2025

توقف في بعض خدمات المكالمات في القاهره والجيزه وبعض المحافظات
شبكات اتصالات اورنج وي فودافون

فيه حريق ضخم في سنترال رمسيس الرئيسي
السنترال مسؤل عن خدمات رئيسيه كتير

كل وسائل الدفع ف مصر وقفت
ارقام خدمه العملاء للبنوك كمان عطلت
فودافون كاش وانيستا ومحفظه الاهلي وقفو

06/07/2025

هل لاحظتم الشعار السوري الجديد

محذوف منه اسم الجمهويه العربيه السوريه

بخلاف الشعار القديم الذي كان ملاصق له .

وعند تقصى السبب :

قالت بعض الجهات من دمشق ان الهدف من ازالة اسم الجمهوريه العربيه السوريه من الشعار الجديد هو تمهيد لتغير اسم سوريا مستقبلاً ليتوافق مع سوريا الجديدة ومكونات شعبها.
واضافو:
ربما تكون الجمهوريه السوريه
او ربما المملكه السوريه
او ربما دولة سوريا
ستكون هناك مفاجأت قريباً بخصوص الأسم ترقبو ذالك...!

هناك انباء عن دعم خليجي لجعل سوريا مملكة هذا الخيار مطروح حالياً في حكومة دمشق .