What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Saturday 9am - 5pm Sunday 9am - 5pm

https://www.facebook.com/104823949081744/

la Sfida, Giza (2026)

20/09/2026

أنت مش متأخر
أنت بتبني طريقك بالسرعة اللي تناسب رحلتك ؛
أوقات كتير الطريق بيختبر اصرارك و عزيمتك ؛
قبل ما يكافئك علي مجهودك ؛
لو محدش شايف مجهودك دلوقتي ؛
خليه يظهر في النتيجة ؛
ولما توصل متقارنش بدايتك بنهاية حد تاني ؛
كل واحد فينا له توقيته و ليه رحلته ؛
خلي عندك صبر علي نفسك ؛
أنت كمان لسه بتتعلم ازاي تبقي الشخص اللي نفسك فيه ؛
يمكن الطريق اخد منك اكتر مما توقعت ؛
بس يمكن هو كما بنالك اكتر مما كنت تتخيل ..

17/09/2026

ليه ممكن تحس بالإحباط وإنت في عز نجاحك؟

أحياناً المشكلة مش إنك مش ناجح
المشكلة إنك شايل فوق طاقتك وماشي بعشوائية وكل حاجة في حياتك بتشدك في اتجاه.

طلبات كتير.
مسؤوليات أكتر.
قرارات لازم تاخدها.
ناس مستنياك.
وشغل مش بيخلص.

وفي وسط كل ده، تلاقي نفسك بتنجز فعلاً
بس بتنجز و إنت مضغوط و مش حاسس بالنجاح.

لأنك ببساطة مستنزَف.
والأخطر إنك ممكن تفسّر الاستنزاف غلط وتقول:
“أنا فقدت الشغف.”
“أنا مش قادر أكمل.”
“أنا لوحدى”
“أنا المسؤول عن كل حاجة.”

مع إن الحقيقة ممكن تكون أبسط:
أنت مش محتاج تبذل مجهود أكتر
أنت محتاج ترتّب مجهودك. 👌🏻
متشيلش كل حاجة مرة واحدة و رتّب أولوياتك.
اتعلم تقول “لأ” وكررها لما يكون لازم.
اتعلم تواجه الغلطان من غير ما تدخل مشاعرك في حاجة هو أصلًا مش مقدّرها.
فوّض اللي تقدر تفوضه وخلي كل واحد يشيل مسؤوليته.
سيب مساحة لنفسك ترتاح. ده مهم جدا 👌🏻
ومتعاملش كل حاجة على إنها عاجلة.

لأن النجاح من غير تنظيم بيتحول لضغط.
والطموح من غير توازن بيتحول لاستنزاف.
مش مطلوب منك تشيل الدنيا كلها على كتفك عشان تثبت إنك ناجح.
مفيش بطولة في إنك تفضل واقف وإنت من جواك بتنهار.

البطولة الحقيقية إنك تعرف:
إمتى تهدى،
إمتى ترتّب،
إمتى تفوّض،
وإمتى تقول “كفاية… أنا كمان ليا حق.”

نجاحك مش لازم يكون على حسابك.
وطموحك مش لازم يستهلكك.
إنت تعبت عشان توصل فمتخليش طريقة وصولك تخليك تخسر نفسك.

خد نفس…
رتّب أولوياتك…
خفّ الحمل عن كتفك…
وكمل لأنك ببساطة ناجح .
و لأنك مش محتاج تبدأ من جديد…
أنت بس محتاج تكمل من مكان أقوى بعقل أهدى وبحمل أخف.

13/09/2026

طموحك لا يعرف التأجيل... اسعَ في كل الطرق

إذا كان لديك طموح كبير، فخذ خطوة في اتجاه تحقيقه، حتى لو كانت صغيرة؛ فقد تكون هذه الخطوة، رغم بساطتها، أكبر خطوة يمكنك القيام بها في الوقت الحالي.
ماتبطلش سعي، واسعى في كل الطرق.
اللي بيسعى في أكتر من طريق مش مشتت،
ده إنسان طموح،
بيحب الحركة والتغيير،
وبيحاول يطور من نفسه،
ويخلق أفكار جديدة،
ويلاقي حلول للمشكلات.
واللي بيسعى في أكتر من اتجاه عمره ما هيضيع؛ لأنه دايمًا بيدور على طريق، وبيتعلم من كل تجربة.
ودي مش بس شطارة منه، لكن كمان لأن ربنا ما بيضيعش تعب حد.
فكونك بتسعى، وبتتعب، وبتشتغل على نفسك، إياك تفكر إن تعبك بيروح هدر.
كل خطوة بتأخدها بتضيف لك، وكل محاولة بتعلمك، وكل سعي ليه أثر.

اسعَ، وحاول، هتوصل

12/09/2026

مش كل يوم
هتكون في أفضل حالاتك
بس كل يوم تقدر تعمل خطوة تقربك من اللي نفسك فيه
ممكن تكون تعبت من الطريق
بس افتكر إنك تعبت علشان توصل
مش علشان ترجع
كمل و خليك قد التحدي
هتوصل 👌🏻
حلمك هيتحقق في يوم ؛؛
أطمن
كل تعب وصبر ربنا هيكافئك نتيجه عنه ؛؛
خير و فرح

09/09/2026

سر التحدي ....
أجعل أفعالك تتحدث، وأجعل نجاحك هو الإجابة التي لا تحتاج إلى شرح.

خذ كراهيتهم، وحولها إلى دافع.
خذ تشكيكهم، وحوله إلى إصرار.

خذ كل كلمة قالوا فيها:
مش هتقدر وضعها أمام عينيك وأنت تعمل، ليس لتنتقم منهم، ولكن لتذكر نفسك أنك لم تُخلق لتعيش وفق توقعات الآخرين.
ولا تتحدث طوال الوقت عن أحلامك ؛ ابدأ في تحقيقها.
فالناس قد تتحدث كثيرًا عن المستقبل الذي تتمنى أن تعيشه، لكن القليل فقط يملك الشجاعة والصبر ليبني هذا المستقبل خطوة وراء خطوة.

العظمة لا تأتي لمن يتمنى فقط، ولا لمن ينتظر أن يصفق له الآخرون.
العظمة تأتي لمن يعمل عندما لا يراه أحد، ويستمر عندما لا يجد تشجيعًا، ويقف من جديد بعد كل تعثر.

وتذكر هذه الجملة جيدًا:
نفس النار التي قد تحرق شخصًا، يمكن أن تصبح وقودًا لشخص آخر.
فلا تسمح لكلامهم أن يطفئك…
ولا تجعل كراهيتهم تأخذ منك سلامك.
حوّل كل شئ سلبي إلى طاقة تدفعك للأمام، وامض في طريقك بهدوء.

وفي النهاية، لن يتذكر الناس كم شخصًا شكك فيك،
بل سيتذكرون كيف وصلت رغم كل من قال لك إنك لن تصل.

أعمل في صمت، وثق بالله، فما دام سعيك صادقًا… لن يضيع الله تعبك.
اتركها على الله، وامض بثقة… فالقادم أجمل بإذن الله.

05/09/2026

النجاح ليس ضربة حظ، بل هو نتيجة تعبٍ وسعي، وتخطيط، ومحاولات كثيرة، وصبر لا ينفد.

أحيانًا نضطر أن نبدأ من الصفر، ونعود لنصعد السلم درجة درجة، ونعيد ترتيب خطواتنا من جديد. قد نتعثر، وقد لا تسير الأمور كما خططنا، لكن كل محاولة تمنحنا خبرة، وكل عثرة تعلمنا كيف نواصل الطريق بقوة أكبر.

النجاح الحقيقي أن نمتلك الإيمان والثقة والتوكل على الله، وأن نؤمن بأن كل بداية جديدة تحمل فرصة، وأن ما عند الله أجمل، وأن لكل تعب ثمرة ولكل صبر نتيجة.

نحاول مرة بعد مرة، ونسعى بكل ما نملك، ونبدأ من جديد دون خوف أو يأس، ونصعد السلم خطوة بخطوة، مؤمنين بأن الله يرى تعبنا ويعلم ما في قلوبنا.

فالنجاح لا يأتي صدفة…
النجاح يُبنى بالسعي والصبر، ويكتمل بالإيمان والثقة والتوكل على الله.

02/09/2026

أخطر حاجة ممكن مدير يعملها مش إنه يدي موظف شغل كتير ؛؛

الأخطر إنه يبعده عن الصورة بهدوء.

ما يشركوش في القرارات.
ما ياخدش رأيه.
ما يستفيدش من خبرته.
ما يحضروش اجتماعات هو المفروض يبقى جزء منها .
مايدهوش مساحة يقترح أو يجرّب أو يتحمل مسؤولية.

وبعد شوية يرجع يسأل بمنتهى البراءة:
ليه حماسك قل؟
ليه مبقتش تبادر؟
ليه بتعمل المطلوب بس؟
ليه انتماؤك مش زي الأول؟

يا فندم، إنت اللي علمته يبقى على الحد الأدنى.
راجع نفسك و قراراتك تجاهه

الموظف مش بيتحمس من الراتب بس / دة لو "مجزي"؛؛

بيتحمس لما يحس إن وجوده فارق.
إن رأيه مسموع.
إن خبرته ليها قيمة.
إن الشركة مش بتستخدم إيده بس ، دي كمان محتاجة عقله و خبرته .

لما الموظف يتحول من شريك بيفكر لمجرد منفذ للتعليمات، طبيعي يبرد.
طبيعي يبطل يقترح.
طبيعي يشتغل على قد المطلوب ؛ مش لأنه كسول،
لكن لأنه فهم إن المساحة ضاقت عليه.

والشركات بتدفع تمن ده في الإنتاجية.
الأفكار تقل،
الحلول تضعف،
والناس الشاطرة تتحول مع الوقت لناس ساكتة،
مش مستعدة تدي أكتر من اللي مكتوب في الوصف الوظيفي.

لو عايز فريق عنده حماس،
اديله مكان حقيقي في الصورة.
اسمع. اسأل. شارك. فوّض. وثق.
اسعي معاه و بادر بحل لما يشاركك و يتكلم بصوت عالي

الموظف لما يحس إنه جزء من القرار، هيتعامل مع النتيجة كأنها مسؤوليته.👌🏻

لكن لو فضل طول الوقت على الهامش…
ما تستغربش لما يديك شغل الهامش.

31/08/2026

زمان كنت فاكر ان النجاح معناه ان الواحد يوصل لهدف معين

شغل أكبر ومسؤولية اكبر

لكن مع الوقت فهمت ان النجاح له شكل تاني

انك تكبر من غير ما تتغير على الناس

انك تعرف تقول انا غلطت لما تغلط

وانك لما ربنا يوسع عليك تعرف ان ده مش معناه انك بقيت أفضل من غيرك لكن معناه ان مسؤوليتك بقت اكبر

وان وسط كل ده تحافظ على أهلك وعلى أصحابك وعلى اسمك وعلى كلمتك عشان دي الحاجات اللي لا يمكن تستغني عنها بثروة او فلوس إطلاقاً..

29/08/2026

مفيش حد شاطر فعلا بيحاول يهد غيره

مفيش حد شاطر فعلا بيركز مع غيره

مفيش حد شاطر فعلا بيتريق ويتكلم على غيره

مفيش حد شاطر فعلا بيقف لغيره على الواحدة ويستناله غلطة

فا لما تلاقي حد بيعمل كدة اتأكد انه عنده مشكلة وانه مش بالشطارة اللي بيحاول يظهرها فبيعوضها في الحاجات التانية اللي بيعملها

الشاطر فعلا بيساعد بيسمع بيشجع وبيفرح لنجاح غيره
فحاوط نفسك بالشاطرين ،
هترتاح وهتعرف تبقى شاطر وتفضل شاطر زيهم👌

26/08/2026

في الشغل… الإنسانية أولًا.

قبل المنصب … إنسانيتك.
قبل اللقب … أخلاقك.
قبل الشطارة والعلم … أسلوبك مع الناس.

ممكن تكون مدير كبير، صاحب منصب، أو عندك من العلم والخبرة ما يخليك مميز جدًا في شغلك…

لكن لو بتجرح اللي حواليك، وبتتعالى عليهم، وبتستغل سلطتك، ومش بتحس بتعب الناس ولا ظروفهم…
كل ده في الآخر مش هيخلّي الناس تفتكرك بالخير.

الناس مش هتفتكر أنت كنت ماسك أنهي منصب،
ولا كان مكتوب إيه على باب مكتبك…

هتفتكر كنت بتعاملهم إزاي.

هتفتكر الكلمة الحلوة وقت ما كانوا محتاجينها،
والاحترام وقت الاختلاف،
والرحمة وقت الضعف،
وإنك كنت إنسان قبل ما تكون مسؤول.

المناصب بتتغير … واللقب ممكن يختفي … لكن أثر الإنسان في نفوس الناس بيفضل.

فلو هتسيب أثر في مكان شغلك…
خليه أثر إنساني قبل أي حاجة.

la Sfida

20/09/2026

17/09/2026

13/09/2026

12/09/2026

09/09/2026

05/09/2026

02/09/2026

31/08/2026

29/08/2026

26/08/2026

Address

Opening Hours

Telephone

Website

Alerts

Contact The Business

Shortcuts

Share

Category

Listing takedown request

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Saturday	9am - 5pm
Sunday	9am - 5pm