17/05/2022
أنت مش بس هتكتب محتوي إعلاني أقوي من منافسينك يرفع من مبيعاتك.. كمان هقدملك مثال تطبيقي يوضحلك كل التفاصيل 100٪
طيب في البداية خلينا نتعرف علي العناصر الأساسية للمحتوي الاعلاني :
♦️- الخطاف (Hook) :
ودي الجملة الأولي المهمة جدا وعين الشخص بتقع عليها وعلي أساسها بيكمل قراءة او العكس.. قد تكون الجملة سؤال يبدأ ب هل أو حل بتوفره أو مشكلة بتواجه جمهورك... إلخ
لكن أنا شخصياً.. بفضل أن أكتب جملة تنادي علي الشخص المثالي المهتم بالمنتج او شريحة محددة في جمهورك - وماتقلقش النقطة دي هوضحهالك أكتر في المثال كمان شوية.
♦️- الفقرة الرئيسية :
وهنا بقي التحدي الحقيقي.. إنك تقدر تقنع العميل بالمنتج ويتحمس إنه يشتريه.. وأهم حاجة علشان تحقق ده.. إنك تخرج من دايرة التركيز علي المنتج لدايرة التركيز علي إحتياجات وأحلام عميلك.
♦️- عبارة تشجع العميل علي تنفيذ شئ ما (Call to Action) :
وأنت اكيد شوفت عبارات زي ( أشتري الأن - أشترك دلوقتي - سجل دلوقتي )..ولو عايز تكتب CTA مستواها عالي أستبدل كلمات "الأمر" وخليها كلمات بتشير للفوائد.. ( هشارك معاك ٣ عبارات في المثال التطبيقي الهكتبه حالا) .. مستعد؟ ⚡
أنت في أستور بيبيع كاميرات رقمية إحترافية.. ومطلوب تكتب محتوي إعلاني يشجع الناس أنها تشتري كاميرا كانون و سعرها متوسط وعملية ومتعددة الاستخدامات.
👈 الإعلان التقليدي :
ألحق اشتري دلوقتي كاميرا كانون.. الكاميرا الجبارة بقوة ١٠٠ ميجا بيكسل يعني هتطلع صورك واضحة جدا وكمان جسم الكاميرا من البلاستيك القوي ضد الصدمات ومعاها طقم (....) هدية + خصم ١٥٪ لفترة محدودة..مستني إيه؟
اشتريها دلوقتي
🟢 - دلوقتي بقي هنمشي بالترتيب الصحيح للعناصر و نخلي الإعلان جذاب أكتر.. علشان كدا هنقسم جمهورنا المهتم بالمنتج.. لشرايح أصغر :
- أشخاص بتحب السفر وتصوير لحظاتها الجميلة.
- أشخاص عايزه تبدأ او شغالة في مجال التصوير الفوتوغرافي
👈 الإعلان رقم (١) :
بتعشق السفر والمغامرة وعايز تحتفظ بكل لحظاتك الجميلة؟
وفرنا ليك كاميرا كانون نوع (... )
- صورك هتطلع بكل تفاصيلها الجميلة .. علشان العدسة.....
- معاك من بداية المغامرة للنهاية .. علشان البطارية بتقعد....
- هتقدر تستخدمها فوراً من أول يوم.. لأنها بنظام ال Auto.....
ناوي تبدأ المغامرة ؟ تقدر تحصل علي الكاميرا دلوقتي من خلال :
👈 الإعلان رقم (٢) :
أحترف التصوير الفوتوغرافي وأنضم لعالم المحترفين🥇
كاميرا كانون نوع (... ) بتقنية ال.... هتخلي جودك صورك توصل لمستوي إحترافي زي (حط صور كأمثلة) + هتحصل علي CD لأقوي ١٥ تكنيك بيسخدمه محترفي التصوير زي ( فلان وفلان).
عايز تنقل جودة صورك لل Epic Level أحصل علي الكاميرا دلوقتي من خلال :
الخلاصة ياصديقي :
✅- قسم جمهورك المهتم بالمنتج لشرايح صغيرة وخاطب كل شريحة بمحتوي إعلاني مهتم بتفاصيلهم هما.
✅- أبدأ بفوائد المنتج ليهم هما.. ودعم بالتفاصيل التقنية.
✅- خاطب أحلامهم
✅- إستخدم العبارات الإيجابية وأبعد عن السلبية
وفي النهاية..
هل تفكر في شريحة ناقصة ممكن تكون مهتمة بالكاميرات غير ال ٢ الفوق؟
طيب أزاي نعرف ان الكلام مؤثر فعلا ؟
اتمني تشاركنا في التعليقات ⚡
