28/06/2026
🚨 لو إنت في أول سنة من بزنسك ... أقيف دقيقة.
حسب الاحصائيات 79 % من البزنس بتفشل في أول سنه ما عشان المنتج عندها سيئ.
بتفشل لأنها بتبني التسويق على افتراضات... ما على استراتيجية.
من خلال شغلنا في market plus مع أصحاب البزنس في 5 أخطاء بتتكرر بصورة مستمرة، وهي السبب الحقيقي وراء بطء النمو خلال السنه الاولي .
1. بتبدأ التسويق قبل ما تفهم السوق.
قبل ما تنزل أول بوست أو أول إعلان، لازم تجاوب على سؤال واحد:
ليه العميل يشتري منك إنت؟
لو الإجابة ما واضحة، أي مبلغ حتصرفو على التسويق غالباً حيكون تكلفة... ما استثمار.
2. بتتكلم عن مشروعك... بدل مشكلة العميل.
العميل ما مهتم تسمعهو قصتك
و يعرف:
إنت حتحل لي شنو؟
كل ما ركزت على الألم (Pain Point)، زادت فرصة إنو العميل يقتنع.
3. بتستعجل الإعلان قبل ما تبني الثقة.
الإعلان بجيب انتباه...
لكن الثقة هي البتبيع.
عشان كدا المحتوى التعليمي، وقصص النجاح، وبناء العلامة التجارية، كلها جزء من عملية البيع.
4. بتقيس نجاحك بعدد المشاهدات.
المؤشرات المهمة ما اللايكات بس
المؤشرات الحقيقية هي:
✔️ كم زول استفسر؟
✔️ كم واحد اشترى؟
✔️ كم كلفك الحصول على العميل؟
✔️ وهل العميل رجع اشترى مرة تانية؟
دي الأرقام البتحدد إذا مشروعك بينمو ولا لا.
5. بتفتكر إنو المشكلة في التسويق... لكن المشكلة في البزنس نفسه.
مرات المشكلة ما الإعلان.
المشكلة في:
- التسعير.
- طريقة تقديم الخدمة.
- العرض (Offer).
- استهداف العميل.
- أو حتى تجربة العميل بعد البيع.
وده السبب البخلينا نبدأ أي مشروع بـ Business Diagnosis قبل أي حملة تسويقية.
لانو في النهاية...
أي زول ممكن يعمل إعلان.
لكن قليل البقدر يبني استراتيجية تخلي بزنسك يكبر بصورة مستدامة.
💬 إنت لو راجعت بزنسك الليله، أكبر تحدي عندك شنو: الوصول للعملاء، ولا تحويلهم لمشترين؟
