فى ذكر الله

16/06/2023

"وَتَوَكَّلْ عَلَى اللَّه وَكَفَىٰ بِاللَّهِ وَكِيلا" -- صدق الله العظيم.

16/06/2023

16/06/2023

‏أرضيت يامحمد

فيقول : والله ياربي لا أرضي وواحد من أُمتي في النار
فصلوا عليه

16/06/2023

سورة الملك لعلها تنجيك من عذاب القبر

16/06/2023

"وَهُوَ مَعَكُمْ أَيْنَ مَا كُنْتُمْ"
سورة الحديد- الآية ٤

20/10/2020

13/05/2020

غدًا ( الأربعاء ) إن شاء الله مع ( أذان المغرب ) هنكون دخلنا فعليًا في ليلة ٢١ رمضان.... يعني كل اللي فات حمادة وكل اللي جاي حمادة تاني خالص

ركز بقى معايا ياحمادة


١٠ نقاط مُختصرة وسريعة ومُحدّدة

١- ليلة القدر سُمّيت هكذا لإنها تُقدّر فيها مقادير العباد السنوية ( فيها يُفرق كلّ أمر حكيم )✨

ربنا كتب على الإنسان نوعين من الأقدار

أقدار أزلية
أقدار مُعلّقة

مثال ...إذا كتب الله لك قدر سيء للسنة القادمة (وفاة ابن _ فشل في زواج ..فشكلة خطوبة...حادثة سيارة ..الخ)... وصرت تدعو بإخلا‌ص في ليلة القدر بالتوفيق والسعادة والعافية والنجاة ...فإنّ الله عز وجل يأمر الملائكة أن يمسحوا الصحيفة التي كُتب فيها الشقاء ويكتبون لك ما طلبت ( يَمحُوا اللهُ مَا يشاء ويُثبِت وَعِندَهُ أُمُّ الكِتاب )🥺🙊💛

٢ - ليلة القدر بعبادة ٨٤ سنة.... ( ليلة واحدة ب ٨٤ سنة عبادة ) ...الساعة في ليلة القدر ب ٨ سنين عبادة.. والدقيقه ب ٥٠ يوم عبادة ....أين المُشمّرون ؟🥳💛


٣- مفيش أي دليل شرعي ثابث صحيح قدر يجزم أو يحسم إن ليلة القدر هيا ليلة ٢٧ ( وحط تحت كلمة يُجزم دي خمسين خط ).... كل اللي انت بتسمعه ده عبارة عن اجتهادات من بعض الفُقهاء والعلماء مأخوذة من بعض الآثار..✨


٥-خطأ كبير وخلل عظيم ... إنك تجتهد ف القرآن والقيام والدعاء وأعمال الخير ف الليالي الوترية فقط ....وتتكاسل وتتراخى ف غير هذه الأيام ... إنت كده عملت بالظبط زي اللي عنده امتحان ف 10 دروس فذاكر 5 منهم بس ودخل الإمتحان ....أبسط قواعد المنطق بتقول إنّه لايمكن يجيب ( full mark ) ف الامتحان لانّه أكيد هيجيله سؤال من الدروس اللي مذكرهاش .....ماينفعش بأي حال المغامرة والمجازفة بليلة القدر🤝🏻🤝🏻


⭕️⭕️ بالإضافه إلى إن فيه أقوال مُعتبرة عن بعض الصحابه وبعض السلف وبعض فقهاء الأمّه أن الليالي الوترية قد تكون ( ٢٢ _ ٢٤_٢٦ _٢٨ ) لإن طريقة حساب العرب زمان كانت مختلفة عن طريقة حسابنا اليوم .....وكمان علشان أصلاً في حوالي ٥٠ قول في تعيين ليلة القدر

ولكن خلّونا في المشهور والراجح إنّ الليالي الوترية هيا الليالي الفردية ....هتدخل العشر الأواخر وانت في دماغك ليلة محدد ل ليلة القدر وعامل حسابك على كده يبقى غالباً هتخسرها✨

٦- متسخّرش طاقتك ومجهودك في الانشغال بليلة القدر هتكون يوم كام ...ولا تشغل نفسك بعلاماتها ... سخّر جهدك وطاقتك في إنك تشتغل ال ١٠ ليالي دول وكأنهم أخر ١٠ ليالي ليك في الدنيا .... وليلة القدر تطلع زي ما تطلع ......اتعب انت وكلما كنت صادق وجاد سيكون إحساسك وشعورك بها صادق وجاد....

٧- لو كنت من الناس الل فرّطوا وضيّعوا من أول رمضان ...أو لو مكنتش لسه بدأت أصلاً ...لسة عندك فرصة متضيّعهاش... يقول ابن تيمية ( العبرة بكمال النهايات لا بنقص البدايات ) ... لو مش هتعدّي مع النّاس الل هتعدّي الأيام ده هتعدّي إمتى ؟؟؟؟ .....انقذ ما يُمكن إنقاذه....قال أحدهم ( حُسن الختام خيرٌ من حماسة البدء ) .... والأعمال بالخواتيم✨✨✨



٨- ⭕️⭕️ بالنسبة للناس الل هتطلع على السطح بعد شروق كل ليلة وترية وتصورلنا الشمس ... أو يطلع يقف في البلكونة بعد الفجر فيلاقي الجو جميل ومنعش فيقوم كاتب بوست ( أشعر أنها كانت الليلة )

‎ممكن فضلاً وليس أمرا بعد إذنكوا منعملش كدة ؟؟ .... مش شطارة والله ولا سبق صحفي بل بالعكس طبيعة المنشورات ده بتضعف الحماسة وتقتل الهمّة عند بعض الناس

‎تخيّل معايا كدة إنّ واحد همّته ضعيفة وشاف كذا منشور من كذا حدّ بيأكد إن ليلة القدر كانت ليلة كذا .. تفتكر هيكمل باقي الليالي بنفس الحماسة والقوة الل دخل بيها العشر ؟؟ ... تفتكر إنه ممكن يكمّل أصلا ؟؟

‎الحكمة من إخفاء ليلة القدر إننا نجتهد في ال ١٠ الأواخر كلهم .. وإلا كان ربنا أطلعنا عليها كما الحال في يوم عرفة

ياريت نترفّع عن الموضوع ده حتي لا نُصيب الهمم بمقتل ونحاول نجعل الناس ديماً شاحنين الرصيد لآخر يوم

⭕️( وممكن نصور ونرصد العلامات لنفسنا وبعد كده نظهر كل الداتا الل عندنا اخر يوم )

٩- ودلوقتي جهّز ورقة وقلم واكتب فيها حاجاتك ورغباتك ودعواتك .... حاول ما تكتّرش .. خليهم ٤ أو ٥ حاجات علشان تركّز عليهم ... وافضل ادعي بيهم من مغرب الثلاثاء في كل وقت وكل أذان.. وتحرّي أوقات الإجابة وخصوصا الثلث الأخير من الليل وقبل الفطور وعصر الجمعة.. وماتدعيش بلسانك ادعي بقلبك وحاول تبكي وانت بتطلب الحاجة ( اصنع قدرك بنفسك ) ...... قال ابن عبّاس رضي الله عنه ( للعبد مع الله قدران ... قدر بالدعاء ... وقدر من غير الدعاء )

‏يقول أحد الصالحين ( ما أدَمت الدُّعاء في رَمضان على أمرٍ إلا وتَجلّى ظاهرًا في شوّال )

١٠- بلاش بلاش بلاش التلفزيون والتليفون ومواقع التواصل على الأقل من المغرب للفجر ...نظّف غرفتك وجهز مشروبك ورتّب ليلتك وقسّم وقتك ونوّع لنفسك ( صلّ.. فإن تعبت فاقرأ القرآن.. فإن اُجهدت فسبح.. فإن فرغت فادعُ .. فإن قرب الفجر فاستغفر الله إنه كان غفارا )

نتعب ياجماعة ... نتعب ياجماعة ... نتعب ياجماعة

المحروم والله من فرّط في ليلة القدر ليلة العزّ ليلة الكنز ليلة الفوز

⭕️ يقول ابن الجوزي رحمه الله ( إن الخيل إذا شارفت نهاية المضمار بذلت قصارى جهدها لتفوز بالسباق .. فلا تكن الخيل أفطن منك .. فإنما الأعمال بالخواتيم ..فإنك إذا لم تحسن الاستقبال ..لعلك تحسن الوداع )

06/05/2020

-إية الأكل دة ؟!
=لحمة جَمل وفتة ، تعالى كُل
-😲
-بتبرق للأكل لية كدة؟، مانا بقولك تعالى كُل!!
-😲

سيدنا إسرائيل كان بيحب ياكل...

-لا ثواني كدة ، مين سيدنا إسرائيل ؟!
=إسرائيل هو سيدنا يعقوب بن إسحاق بن إبراهيم عليهم السلام ، وهو أبو سيدنا يوسف عليه السلام ❤

إسمه في الأصل يعقوب ويُقال إن "إسرائيل "دة لقبه

إسرائيل في لغة بني إسرائيل معناها "عبد الله" ، إسر (عبد) و ائيل(الله).

-تمام ؟
=تمام.

سيدنا يعقوب كان بيحب لحم الإبل (الجِمال) وبيحب يشرب ألبانها جدًا جدًا
الحاجتين دول كانوا أقرب الأكل والشُرب لقلبه.❤

وفي فترة سيدنا يعقوب إتصاب بمرض إسمه "عرق النسا" وكان بيتعب جدًا جدًا بسببه وبالأخص بالليل.

فلما التعب أشتد عليه جدًا ، دعى ربنا إن سبحانه لو شفاه هياخد عهد على نفسه بإنه مش هياكل لحم الإبل ولا ألبانها أبدًا تقربًا لله.✋

-يعني حرمها على نفسه ؟
=اة
-طب ودة يجوز ؟
=أيوة في الوقت دة وفي شريعة بني إسرائيل كان يجوز ، لكن في شريعتنا كمسلمين لا يجوز ✋

وفعلًا الله إستجاب دعاء سيدنا يعقوب وشفاه ، و وفى سيدنا يعقوب بالعهد اللي أخده على نفسه.

لما بُعث سيدنا محمد صلى الله عليه وسلم بالنبوة وهاجر للمدينة ، اليهود كعادتهم مع الأنبياء كانوا بيروحوا للنبي يجادلوه!

وفي يوم وهما هناك لقوا سيدنا النبي بياكل لحم الجمل
فقالوله:"تزعم أنك على ملة إبراهيم وكان إبراهيم لا يأكل لحوم الإبل وألبانها وأنت تأكلها ، فلست على ملته"!

فقال رسول الله صلى الله عليه وسلم : " كان ذلك حلالا لإبراهيم عليه السلام "

فقالوا : "لا ، كل ما نحرمه اليوم كان ذلك حرامًا على نوح وإبراهيم ويعقوب حتى أنتهى إلينا"

-لا معلش ثواني ، هو مش سيدنا إبراهيم ونوح كانوا قبل سيدنا يعقوب ؟
=أيوة
-وسيدنا يعقوب هو اللي حرم على نفسه لحم الجِمال ؟
=أيوة
-أومال هما لية بيقولوا إن سيدنا نوح وإبراهيم كان مُحرم عليهم الجمال؟!
=عشان اليهود كذابين وبيفتروا على الله الكذب ، الله لم يحرم أي أكل على بني إسرائيل إلا الدم والميتة ، وسيدنا يعقوب هو اللي حرم لحم الإبل وألبانها على نفسه وأولاده حرموها على نفسهم من بعده أقتداء بيه وتوارثوها بني إسرائيل جيل ورا جيل فحرموها على نفسهم بنفسهم !

وبالتالي وبالمنطق هي أصلًا مكانتش مُحرمة على سيدنا نوح ولا سيدنا إبراهيم من قبل كدة

فلما اليهود أفتروا على الله الكذب قدام سيدنا النبي وقالوا إن التوراة مكتوب فيها تحريم لحم الإبل وألبانها

أنزل الله آية ٩٣ من سورة آل عمران

فقال تعالى :"كُلُّ الطَّعَامِ كَانَ حِلًّا لِّبَنِي إِسْرَائِيلَ إِلَّا مَا حَرَّمَ إِسْرَائِيلُ عَلَىٰ نَفْسِهِ مِن قَبْلِ أَن تُنَزَّلَ التَّوْرَاةُ ۗ قُلْ فَأْتُوا بِالتَّوْرَاةِ فَاتْلُوهَا إِن كُنتُمْ صَادِقِينَ"

يعني كل الطعام والأكل كان حلال لبني إسرائيل ، إلا اللي حرمه سيدنا يعقوب على نفسه والتحريم دة كان قبل ما تُنزل التوراة أصًلا ، ولو هما صادقين في كلامهم أطلب منهم يامحمد يجيبوا التوراة اللي بيقولوا إنها مكتوب فيها التحريم ويقرؤها !

🌻🌱

علمنا الله وإياكم😍

27/04/2020

😐عرفتوا حكمة ربنا من الكورونا إيه؟!!
فعلا عسى أن تكرهوا شيئا وهو خيرا لكم
فاكرين حرايق أستراليا..
فاكرينها حرايق الغابات اللي قعدت شهرين بيحاولوا يطفو فيها دى.. المهم انا كنت متابعة التقارير اللى بتنزل عنها يوم بيوم..
آخر تقرير نزل عن الكارثة دى كان بيقول ان الصيف اللى هييجى على البلاد السنادى هيبقى أسوء صيف عدى على تاريخ البشرية بسبب نقص نسبة الأكسجين وزيادة نسبة الرطوبة ف الجو بشكل سيئ جدا .. وبالمعنى التبسيطى للتقرير كان بيقول ربنا يستر على اللى هيحصل..
فجأة من العدم يظهر فيروس يقعد الناس ف بيوتها يوقف المصانع غصب عنها يوقف حركة العربيات لحد وقت معين..
وف وقت قياسى ينخفض نسبة التلوث ف العالم بنسبة 48% وفتحة الأوزون تبتدى تنغلق تانى ع نفسها بعد ما كانت اقتربت من التلاشى..
ها ايه تانى..
ايه تانى اقوله عشان تبطلو تسألو ايه اللي هيحصل فينا واحنا زعلانين و يا رب حرمتنا من تراويح رمضان وكلام بيشكك ف حكمة ربنا وثقتكو فيه...
التراويح بتتصلى ف البيت.. ورمضان هيعدى علينا كأفضل رمضان عدى ع الأمة الإسلامية.. رمضان خالى من الرياء والمعاصى العلنية ف لياليه المقدسة والإنشغال عن مهامه الأساسية لأى سبب...
هيبقى رمضان بين كل عبد وربه وبس..

"ذَٰلِكَ بِأَنَّ اللَّهَ مَوْلَى الَّذِينَ آمَنُوا وَأَنَّ الْكَافِرِينَ لَا مَوْلَىٰ لَهُمْ"
منقول
الحمد لله ع كل شيء