مستشارك القانوني - إسأل إستشير 01142939005

09/08/2026

لو لقيت رقم موبايل متسجل باسمك وإنت مش بتستخدمه⚖️
١- فورا اعمل محضر في مباحث الاتصالات
٢- اعمل شكوي في الجهاز القومي لتنظيم الاتصالات علي الرقم الساخن ١٥٥

04/08/2026

تُعلن النيابة العامة إطلاق خدمة القيد الإلكتروني لدعاوى الولاية على النفس للسادة المحامين عن بُعد، عبر بوابة النيابة العامة الإلكترونية

30/07/2026

👇خدمات أون لاين 👇

21/07/2026

مجموعة نماذج هامة

06/06/2026

لو القضية بتاعتك رجعت من مكتب الخبراء ولقيت التقرير جاي ضدك وجاحد لحق موكلك تماماً ؟

اوعى تكتفي بتقديم مذكرة اعتراضات تقليدية وتطلب إعادة الدعوى لمكتب الخبراء وتنتظر قرار المحكمة اللي ممكن يرفض طلبك ويحكم بالتقرير ..
الذكاء الإجرائي هنا انك تقدم طلب رسمي للمحكمة وفقاً للمادة 153 من قانون الإثبات ، وتطلب استدعاء الخبير لمناقشته بالجلسة وحدد نقاط جوهرية ومحددة أخطأ فيها التقرير👌

النتيجة ان المحكمة ملزمة قانوناً بالاستجابة لطلب مناقشة الخبير إذا كان اعتراضك جوهرياً ، ومواجهتك للخبير في الجلسة أمام القاضي كفيلة بـهدم التقرير تماماً وإجبار المحكمة على إحالة الدعوى للجنة ثلاثية ....
👈 حيلة عملية يغفل عنها الكثيرون ، لكنها السلاح الأقوى لإسقاط التقارير المكتبية الضعيفة .

20/05/2026

19/04/2026

🚨احذر مش بس حبس… النفقة ممكن توقف شغلك بالكامل!
⚖️ مفاجأة صادمة في قضايا الامتناع عن النفقة!

🚨 قرار جديد يهز قضايا النفقة:
بشكل رسمي…
تم إنشاء مكاتب داخل كل محكمة ابتدائية مختصة بحاجة خطيرة جدًا 👇
📌 تعليق وإنهاء تعليق الخدمات الحكومية للمحكوم عليهم في قضايا النفقة
يعني إيه الكلام ده؟ 🤔
ببساطة:
لو صدر ضدك حكم في امتناع عن سداد النفقة…
❌ ممكن تتوقف كل الخدمات المرتبطة بشغلك
❌ ومش هتعرف تمارس نشاطك المهني بشكل طبيعي
💼 الموضوع بقى منظم رسميًا:
كل محكمة ابتدائية فيها مكتب مختص بـ:
✔️ استقبال طلبات تعليق الخدمات
✔️ تنفيذ الأحكام الصادرة بالإدانة
✔️ متابعة إنهاء التعليق بعد السداد أو الصلح
⚖️ ده تطبيق مباشر للمادة 293 من قانون العقوبات
اللي بقت مش بس حبس…
لكن كمان ضغط فعلي على شغلك ومصدر دخلك!
🔄 طيب هل في رجوع؟
أيوه… بس بعد ما:
✔️ تسدد كل المستحقات
أو
✔️ يتم صلح رسمي موثق
وقتها تقدر تقدم طلب لإنهاء التعليق وترجع خدماتك 👌

💡 إزاي ده بيحصل؟
بإجراء بسيط جدًا (نموذج 1):
✔️ صورة رسمية من الحكم النهائي
✔️ ما يثبت إعلانك أو تنفيذ الحكم عليك
✔️ مستند يثبت طبيعة شغلك
وبكده… تبدأ رحلة التعليق رسميًا ⚠️

🔄 طب لو دفعت النفقة؟ هل في رجوع؟
أيوه… بس بشروط 👇
لازم تقدم (نموذج 2) وتثبت:
✔️ صلح رسمي أو إقرار بالتصالح
✔️ شهادة من النيابة بوقف التنفيذ
✔️ إثبات سداد كامل لكل المستحقات
وقتها بس تقدر تسترد خدماتك 👌

📌أمثلة لخدمات في الشهر العقاري هتوقف لو كانت لشغلك:
تأسيس الشركات أو تعديل عقودها.
توكيلات البنوك والقضايا.
عقود بيع السيارات أو المعدات المهنية.
عقود البيع والرهن والايجار المرتبطة بالنشاط.

⚠️ الخلاصة:
الدولة بقت بتتعامل مع النفقة على إنها
حق لازم يتنفذ… مش اختيار
🔥 نقطة مهمة محدش بياخد باله منها:
العقوبة بقت تمس “مصدر رزقك” مش حريتك بس…
وده أخطر بكتير.
💬 هل شايف ربط النفقة بالخدمات المهنية خطوة عادلة؟
ولا شايف إنها ضغط مبالغ فيه

09/04/2026

طريقة تقسيم الصفحة إلى قسمين في برنامج الوورد

03/04/2026

⚖️ لو محضرك اتحفظ.. حقك لسه موجود!
كتير مننا بيتصدم لما يعرف إن المحضر "اتحفظ"، وبيفتكر إن كدة حقه ضاع.. الحقيقة غير كدة خالص!

يعني إيه أمر حفظ؟ 🛑
أمر الحفظ هو مجرد قرار إداري من النيابة إنها مش هتكمل في القضية "مؤقتاً".

❌ مش معناه إنك غلطان.

❌ مش معناه إن القضية انتهت للأبد.

✅ هو قرار ممكن نتراجع عنه ونفتحه تاني بـ "التظلم".

إزاي ترجع حقك؟ (خطوات التظلم ببساطة) 👀
1️⃣ اعرف السبب: روح خد صورة رسمية من المحضر واعرف النيابة حفظته ليه (عدم كفاية أدلة، ولا عدم معرفة الفاعل، ولا إيه بالظبط؟).
2️⃣ اكتب التظلم: استخدم الصيغة القانونية دي وقدمها لـ السيد المستشار المحامي العام:

صيغة التظلم:
السيد المستشار / المحامي العام لنيابات ...............
تحية طيبة وبعد،،
تظلم من أمر الحفظ الصادر في المحضر رقم ....... لسنة ...... جنح/إداري قسم .......
مقدمه لسيادتكم / .........................
نتشرف بعرض الآتي: (ذكر وقائع المحضر باختصار).
أسباب التظلم: (ليه قرار الحفظ غلط؟).
الطلبات: ألتمس إعادة فتح المحضر و (سماع الشهود / إجراء التحريات / استدعاء المشكو في حقه).

3️⃣ جهز ورقك: ارفق صورة بطاقتك وأي مستندات أو أدلة جديدة تدعم كلامك.
4️⃣ قدم التظلم: في مكتب التظلمات بالنيابة الكلية، وخد "رقم وارد" وتابع بيه.

💡 إيه اللي بيحصل بعد تقديم التظلم؟
لو اتقبل: المحضر بيتفتح تاني، وممكن يتحدد له جلسة أو تنزل تحريات جديدة وسماع شهود.

لو اترفض: بيكون لسبب قانوني محتاج مراجعة دقيقة وممكن تلجأ لطرق تانية.

⚠️ نصيحة: لو التظلم اتقبل وفي شهود، لازم تجيبهم بنفسك للنيابة وتقدم طلب رسمي بسماعهم عشان تضمن حقك.
👈👈إسأل.. استشير ⚖️
للمساعدة القانونية أو كتابة التظلمات بشكل احترافي:
✅ واتساب: 01142939005
#تظلم
أمر_حفظ .
استشارة_قانونية .
اعرف_حقك.

31/03/2026

معظم نيابات مصر بنسبه ٩٠ في المائه تحقيقات مع شباب بسبب عدم غلق المحلات في المواعيد المحددة..( الغريب انهم متكلبشين مع السوابق وتجار المخدرات و الحراميه الواضح ان اغلبهم اول مره يدخلوا محاكم وشكلهم ولاد ناس)
لذلك، وجب التنبيه بوضوح:
التزموا بتنفيذ قرارات غلق المحلات في المواعيد المحددة دون تأخير.
مخالفة هذه القرارات تعرض صاحب المحل للمساءلة القانونية، والتي قد تشمل:
تحرير محاضر جنح
العرض على النيابة العامة
توقيع غرامات مالية
اتخاذ إجراءات إدارية قد تصل إلى الغلق
كما أن كون المخالفة لأول مرة لا يمنع من اتخاذ الإجراءات القانونية.
نهيب بالجميع الالتزام الكامل بالتعليمات الصادرة، تجنبًا لأي تبعات قانونية قد تؤثر على النشاط أو الموقف القانون