وفى الدين فؤاد المحامى

30/07/2024

هايكلمك حد يقولك انه من اى جهة او من طرف حد صديقك او قريبك ويطلب بياناتك او بيانات حساباتك او يقولك هايجيلك رمز
اقفل وانفد بجلدك دة نصاب وعايز يسرقك

29/07/2024

احذر
هايبعتلك صاحبك على الماسنجر يسلم عليك ويقولك حول لى فلوس
دة للاسف مش صاحبك دة نصاب سارق صفحته وعايز يسرقك.

25/08/2023

تحذير مهم جدا جدا جدا
و بالأخص للناس المتعلمين و اللى معاهم لغة (إنجليزى) أو حتى مش لازم بس دا المنشر حاليا.

اليومين دول فى طريقة مبتكرة و جديدة للنصب و غالبا أى حد لو إتعرضت علية هيقع فيها حتى لو كان ناصح و بينصح الناس بتجنب الحاجات اللى زى كدا.
و ناس كتير جدا فى الفترة الصغيرة اللى فاتت خسرت شقا عمرها و كل ما تملك من غير ما يحسو و وقعو للأسف فالفخ.

الموضوع بيبدأ بأن فى حد بيكلمك من رقم خارج مصر على الواتساب و غالبا بالإنجليزى و بيقول إنة من شركة دعايا و تسويق و بيعرض عليك إن فى شغل أونلاين ممكن تعملة من تليفونك جنب شغلك و مش هيكلفك أى حاجة و هو إنك هتعمل لايك لفيديو على الإنستجرام أو اليوتيب و تبعت سكرينشوت بالكلام دا و مع كل لايك هتعملها هتاخد ٢٠ جنية و ممكن يحققلك من ١٠٠٠ ل ١٥٠٠ جنية فاليوم فطبعا هتقول و مالو نجرب و نشوف مش هنخسر حاجة.
و فعلا بيبعتلك ٢ لينك لفديوهين عشان تعملهم لايك و تبعت السكرين شوت و تشوف فعلا هيبقى فى فلوس و لا أى كلام و فعلا بيقولك تمام أنت كدا ليك ٤٠ جنية و يطلب منك تضيف حد على برنامج الTelegram بيبعتلك اللينك بتاعو و هو هيتابع معاك عشان يصرفلك فلوسك.
طبعا هتضيف الشخص دا على ال Telegram و هيقولك إعمل كمان لايك واحدة لفيديو على الإنستجرام أو اليوتيوب و إبعت السكرين شوت عشان يبقو ٦٠ جنية و يعرف يحولك الفلوس و فعلا بتعمل كدا و بيطلب منك الإسم و رقم المحفظة الإلكترونية عشان يحولك الفلوس و فعلا بيحولك ال ٦٠ جنية 😳.
طبعا تبدأ تقول دا الموضوع شكلو حلو و ممكن نعمل منه فلوس حلوة و أهو أدينا بنسلى وقتنا و ٦٠ على ال ٦٠ يعملو مبلغ.
و بيبدأ يضيفك فى Channel على ال Telegram بينزلو فيها الTasks اللى بتنزل كل ٢٠ دقيقة و طبعا بتبقى إنك تتفرج على فديو و تعمل لايك و تبعت السكرين شوت و تبدأ تجمع ففلوس و تقول الدنيا هتضحكلك و فعلا كل ما تكمل ٦٠ جنية يعنى ٣ Task يحولك الفلوس.
و بين كل ٣ Task بيدخل نوع جديد من ال Tasks و هو Investment Task و دا عبارة عن إنك تعمل إيداع بمبلغ بسيط يبدا من ٣٠٠ جنية مثلا و نسبة الربح علية هتبقى ٣٠% بعد ما تعمل Task برضة بسيط كدا فطبعا فالأول هتقول لأ يا عم مش هحط فلوس من معايا أنا أية اللى يخلينى أعمل كدا أنا كدا كدا بيطلعلى ٢٠ جنية من كل لايك بعملو فمش لازم أمل كدا أنا مش ضامن المهم هو بيبدأ يقلل الفلوس اللى بقت بتطلع على كل تاسك يخليها ١٠ جنية و بعدين ٥ جنية عشان أنت مش بتشارك فى ال Investment Task فا تبدأ تقول يا عم ما نجرب دول ٣٠٠ جنية مش هنخسر كتير و أهو أنا كدا كدا بكسب من وراهم و فعلا تشارك بالمبلغ دا عن طريق إنك بتقولوهم عايز أشترك و يبعتولك رقم محفظة إلكترونية تحول علية ال ٣٠٠ جنية و بعدين يطلب منك تسجل فى موقع معين تبعهم و تعمل كذا خطوة بسيطة كدا و فعلا بتخلص كل دا و بيحولك الفلوس تانى بفايدة ٣٠% يعنى ال ٣٠٠ جنية بقو ٣٩٠ فى أقل من ١٠ دقايق هتقول أية دا هو فى كدا و تفرح و ترجع تكمل Tasks المشاهدات و اللايك و تقول ما نجرب تانى ب ٣٠٠ تانيين و أهو الدنيا شكلها جد و الموضوع حلو بس هيقولك للأسف مفيش اللى ب ٣٠٠ و فى اللى بعده ب ١٠٠٠ و برضة مكسب ٣٠% هيبقو ١٣٠٠ فهتقول و مالو ما هى جابت مرة و برضة مش هنخسر كتير و تدخل و فعلا يخليك تحط ١٠٠٠ و بعدين يقولك زود كمان ٨٠٠ و عليهم ربح ٣٠% يعنى هيبقو ١٠٤٠ يعنى الإجمالى ٢٣٤٠ هتقول ماشى و مالو مش هنخسر كتير و تحول فلوسك و فعلا يرجعولك الفلوس بالربح ٢٣٤٠ 😳.
تبدأ تقول الدنيا شكلها هتبقى حلوة و الموضوع هيحلو تكمل و تخش فى اللى بعده يقولك لأ دا مفيش غير اللى ب ٥٠٠٠ و برضة هيبقى عليهم ربح بس ٦٠% يعنى هيبقو ٨٠٠٠ هتقول تمام و يلا نكمل محنا كسبنا قبل كدا كذا مرة و الدنيا أمان.
و تبدأ بقى هنا النصباية 😭 هيقولك كمل عليه كمان ٨٠٠٠ بربح ٦٠% عشان ال Task بيبقى كذا مرحلة من ٢ ل ٣ مراحل فتقول تمام و تحط فلوس و يقولك كمان مرة عايزين فلوس أكتر عشان تاخد دول و دول بالربح بتاعهم فتبدأ تقولوهم مش معايا يقولك لازم تكمل يا هتخسر اللى حطيتة فتبدأ تحاول تتصرف و تحط اللى مطلوب عشان تكمل و تاخد فلوسك و بالربح و يبدأ يدخل فدوامةوبقى إنك كل ما تحط يقولك هات تانى و مبالغ رهيبة بقى ٤٠ ألف و ٦٠ ألف و أكتر و يقولك كمل الكام مرحلة دى و هتاخد فلوسك و أنت على أمل إنك تاخد اللى حطيتة بالأرباح الرهيبة دى أو حتى تكمل عشان بس تاخد اللى دفعتة و يفضل يطلب أكتر و أكتر و أكتر كذا مرة و أنت تحاول تتصرف و تستلف و تداين عشان بس عايز ترجع فلوسك بس حتى من غير الأرباح بس للأسف مفيش حاجة هترجع و خلاص هتقولو مش معايا هيقولك لو مكملتش المطلوب هتخسر كلة و فعلا مش هيبقى قدامك غير حل من إثنين يا تكمل سلف و تتصرف على أمل إنهم صادقين و ترجع فلوسك يا إما تستسلم و تضيع كل حاجة 😭 و فعلا بيكونو نصبو عليك و خدو كل اللى تملكه و أنت لا حول لك و لا قوة.
الشركة دى إسمها Uipath Aismartbit و للأسف فى كذا حد بلغ بأسامى مختلفة غير الإسم دا زى Poloniex و أسامى تانية كتير كلة شغال بنفس الطريق اليومين دول و ناس كتير أوى إتنصب عليهم.
و طبعا الناس اللى إتنصب عليهم بتحاول تتواصل مع الأرقام اللى حولت عليهم الفلوس بس للأسف كلة بيبقى مغلق و أرقام مجهولة و مفيش أى أمل.

أرجووووووو النشر للتوعية و حماية كل الناس من ما يحدث و نرجو تدخل السلطات لمحاولة وقف هذه المافيا.
منقول

30/01/2023

02/11/2022

بيانات اذا طلبها منك أحد فأعلم أنك تتعرض للأحتيال والنصب.
#قانون

01/04/2022

لست اول المهنئين ولن اكون اخرهم ولكن عباراتى ستملأ الدنيا بهجة وسرور لأنها من قلب بالود مغمور
اسأل الله لكم من الخير مايرضيكم
ومن الرحمة والمغفرة مايكفيكم

رَمضــان 🌙 كريـــــم
"𝐑𝐀𝐌𝐀𝐃𝐀𝐍 𝐊𝐀𝐑𝐄𝐄𝐌"
كل عام وأنتم والأسرة الكريمة بخير وصحة وسعادة

26/01/2022

22/01/2022

Check out this great video!

05/01/2022

عقوبة جريمة الابتزاز الالكتروني

نصت المادة 428 ، من قانون العقوبات المصري ، : ” من يقوم بالتهديد كلامياً أو كتابياً أو شفهياً أو سلوكياً بالاعتداء على جسد الآخر أو حريته أو ممتلكاته، أو مصدر رزقه أو سمعته أو خصوصيته . أو من يقوم بالتهديد بنشر أو الامتناع عن نشر مادة تتعلق أو ترويع شخص من أجل أن يقوم الشخص بفعل ما أو الامتناع عن فعل ما .
فإن العقوبة القصوى التي ينص عليها القانون هي 7 سنوات سجن وفيما لو نفذ المتهم التهديد فعلياً فإن العقوبة القصوى تصل إلى 9 سنوات سجن فعلي “

ونص قانون مكافحة جرائم تقنية المعلومات لعام 2018 ونظم جميع مسائل جرائم الانترنت بشكل مفصل ووضع عقوبات رادعة لها .
فقد نص في : المادة 18 :
جريمة الاعتداء على البريد الالكترونى أو المواقع أو الحسابات الخاصة
يعاقب بالحبس مدة لا تقل عن شهر، وبغرامة لا تقل عن 50 ألف جنيه ولا تجاوز 100 ألف جنيهأو بإحدى العقوبتين كل من أتلف أو عطل أو أبطأ أو اخترق بريدا إلكترونيا أو موقعا أو حسابا خاصا بأحد الناس .
فإذا وقعت الجريمة على بريد إلكترونى أو موقع أو حساب خاص بأحد الأشخاص الاعتبارية الخاصة، تكون العقوبة الحبس مدة لا تقل عن 6 أشهر و بغرامة لا تقل عن 100 ألف جنيه ولا تجاوز 200 ألف جنيه أو بإحدى هاتين العقوبتين .
وقد نص في المادة 22 :
البرامج والأجهزة والمعدات المستخدمة فى ارتكاب جرائم تقنية المعلومات .
يعاقب بالحبس مدة لا تقل عن سنتين وبغرامة لا تقل عن 300 ألف جنيه ولا تجاوز 500 ألف جنيه أو بإحدى العقوبتين كل من حاز أو أحرز أو جلب أو باع أو أتاح أو صنع أو أنتج أو استورد أو صدر أو تداول أى جهاز أو معدات أو برامج أو أكواد مرور أو شفرات أو أى بيانات مماثل، بدون تصريح من الجهاز أو مسوغ من الواقع أو القانون، وثبت أن ذلك السلوك كان بغرض استخدام أى منها فى ارتكاب أية جريمة من المنصوص عليها فى هذا القانون أو إخفاء أثرها أو أدلتها أو ثبت ذلك الاستخدام أو التسهيل أو الإخفاء .
وفي المادة (24) :
الجرائم المتعلقة باصطناع المواقع والحسابات الخاصة والبريد الإلكترونى
يعاقب بالحبس مدة لا تقل عن 3 أشهر وغرامة لا تقل عن 10 آلاف جنيه ولا تجاوز 30 ألف جنيهأو بإحدى العقوبتين كل من اصطنع بريدا إلكترونيا أو موقعا أو حاسبا خاصا ونسبه زورا لشخص طبيعى أو اعتبارى .
فإذا استخدم الجانى البريد أو الموقع أو الحساب الخاص المصطنع فى أمر يسئ إلى من نسب إليه، تكون العقوبة الحبس الذى لا تقل مدته عن سنة وغرامة لا تقل عن 50 ألف جنيه ولا تجاوز 200 ألف جنيه أو بإحدى العقوبتين .
وإذا وقعت الجريمة على أحد الأشخاص الاعتبارية العامة فتكون العقوبة السجن والغرامة التى لا تقل عن 100 ألف جنيه ولا تزيد على 300 ألف جنيه .
ونصت المادة (25) :
الجرائم المتعلقة بالاعتداء على حرمه الحياة الخاصة والمحتوى المعلوماتى غير المشروع
يعاقب بالحبس مدة لاتقل عن ستة أشهر، وبغرامة لاتقل عن خمسين ألف جنيه ولا تجاوز مائة ألف جنيه، أو باحدى هاتين العقوبتين، كل من اعتدى على أى من المبادئ أو القيم الاسرية فى المجتمع المصرى، أو انتهك حرمة الحياه الخاصة أو أرسل بكثافة العديد من الرسائل الالكترونية لشخص معين دون موافقته، أو منح بيانات إلى نظام أو موقع الكترونى لترويج السلع أو الخدمات دون موافقته أو بالقيام بالنشر عن طريق الشبكة المعلوماتية أو باحدى وسائل تقنية المعلومات، لمعلومات أو اخبار أو صور وما فى حكمها، تنتهك خصوصية أى شخص دون رضاه، سواء كانت المعلومات المنشورة صحيحة ام غير صحيحة .
ونصت المادة (26) :
يعاقب بالحبس مدة لا تقل عن سنتين ولا تجاوز خمس سنوات وبغرامة لا تقل عن مائة ألف جنيه لا تجاوز 300 ألف جنيهأو بإحدى العقوبتين كل من تعمد استعمال برنامج معلوماتى أو تقنية معلوماتية فى معالجة معطيات شخصية للغير لربطها لا بمحتوى مناف للأداب العامة أو لإظهارها بطريقة من شانها المساس باعتباره أو شرفه .
وقد نظم هذا القانون كافة الأمور المتعلقة بالجريمة المعلوماتية وناقشها جميع الجوانب الخاصة بها ، ولم يكتفِ القانون المصري بذلك ، بل الآن وبعد أن كانت الشرطة هي الجهاز الذي يختص بالتبليغ ، أصبح هناك جهاز خاص بوحدة مكافحة الجرائم المعلوماتية .
واليكم الطرق الخاصة بالإبلاغ عن جرائم الابتزاز الالكتروني في مصر وأرقام الهواتف الخاصة بتلك النوع من الجرائم :
# عن طريق الموقع الالكتروني الخاص بوزارة الداخلية المصرية على شبكة الانترنت .
# إخطار إدارة مكافحة جرائم المعلومات بمقر وزارة الداخلية بالقاهرة الجديدة
# تم إنشاء خط ساخن (108) لاستخدامه لهذا الغرض حتى تتم تسهيل عملية التبليغ .
ويمكنكم أيضا الاتصال على الأرقام التالية الخاصة بمباحث الانترنت :
0227921490
0227921491
0227921487

22/10/2021

معلومة قانونية | معلومات عن الوصية الواجبة وشروطها ومقدارها وكيفية احتسابها

تعريف الوصية الواجبة:
وعندما نأتي إلى تعريف الوصية الواجبة نجد أنها عبارة عن وصية أوجبها القانون لصنف معين من الأقارب حرموا من الميراث لوجود حاجب لهم، بمقدار معين وشروط معينة وتنفذ بحكم القانون سواء أنشأها المورث أم لم ينشئها. فهذا النوع من الوصايا واجب وجوبا قانونيا

أوجب القانون المصري الوصية الواجبة لفرع الولد المتوفى في حياة أصله مهما نزل مادام من أولاد الظهور، أما إذا كان من أولاد البطون استحقها إذا كان من الطبقة الأولى فقط، وأولاد الظهور هم من لا يدخل في نسبهم إلى الميت أنثى، كابن الابن وابن ابن الابن مهما نزل، وبنت الابن مهما نزل أبوها، أما أولاد البطون هم من ينتسبون إلى الميت بأنثى، كإبن البنت وابن بنت الابن، أي أن الميت في حياة أصله إذا كان ذكرا استحق فرعه الوصية من غير تقييد بطبقة، أما إذا كان أنثى كانت الوصية لأولادها فقط دون أولاد أولادها

مقدار الوصية الواجبة

أوجب القانون الوصية الواجبة بمقدار معلوم حتى لا تكون مثار نزاع بين مستحقيها وبين الورثة الآخرين، فقدرها بما كان يستحقه أصلهم ميراثا لا يزيد عن الثلث، فإذا زاد مقدارها يكون موقوفا على إجازة الورثة.

شروط الوصية الواجبة

1- ألا يكون الفرع الموصى لـه وارثا من صاحب التركة، بألا يكون معهم وارث مقدما عليهم وهم أعمامهم.
2- لا يستحق الأحفاد الوصية الواجبة إذا أوصى لهم الجد أو الجدة بغير عوض في حياته، مقدار ما يستحقونه من الوصية الواجبة، فإذا أوصى لهم أو أعطاهم أقل من الثلث وجبت وصية لهم بمقدار ما يكمل نصيب أصلهم أو الثلث إن كان نصيبهم أكبر منه.
3- ألا يكون الفرع المستحق للوصية الواجبة قاتلا للمورث، وألا يكون ذلك الفرع ابن شخص محروم من الميراث بسبب القتل أو اختلاف الدين.
وفى هذه الحال لا يستحق الفرع الوصية الواجبة لأنها وجبت تعويضا عن ميراث أصلهم الذي لو كان موجودا لما استحق ميراثا لحرمانه.

كيفية استخراج الوصية الواجبة من التركة :-

يتم استخراج مقدار الوصية الواجبة من التركة طبقا لنص المادة ( 76 ) من قانون الوصية رقم 71 لسنة 1946 بطريقة تتكون من ثلاث خطوات وهى :

أولا : أن يفترض الولد الذى توفى فى حياة أحد ابويه حيًا وارثًا وتقسم التركة عليه وعلى الورثة الموجودين كما لو كان الجميع احياء ليعرف مقدار نصيبه لو كان موجودًا.
ثانيا : أن يخرج من التركة هذا القدر كما هو أن كان يساوى الثلث فأقل، وأن كان يزيد على الثلث رد الى الثلث، لان الوصية لا تزيد على الثلث وإنما أخرج أولا، لأن الوصية مقدمة على الميراث، ويقسم هذا المقدار على أولاده قسمة الميراث، للذكر ضعف الأنثى .
ثالثا : يقسم الباقى بعد إخراج مقدار الوصية الواجبه على الورثة الاحياء بتوزيع جديد من غير نظر الى الولد الذى فرض حيًا، لان هذا المقدار هو الميراث للاحياء، ويعطى كل وارث حقه كما هو الشأن فى تقسيم التركات بعد اخراج الوصايا منها .
ومن ثم فإن تنفيذ الوصية الواجبة يكون على أساس أن الخارج وصية لا ميراث بمعنى أنها تنفذ على جميع الورثة حتى لا يتأثر بها البعض دون الأخر، أى أنه يعاد تقسيم الباقى من التركة بعد اخراج مقدار الوصية الواجبة على الورثة الموجودين – أى الأحياء بالفعل – تقسيمًا عاديًا.