ملابس للمحجبات والعرائس

ملابس للمحجبات والعرائس ‏This content is protected by copyright ©
Rights management via: Ahmed Awny للإعلان على صفحتنا عن صفحاتكم أو منتجاتكم تواصل معنا على الرسائل
(7255)

31/05/2026

كان أبوها بيقولها تعملي إيه مع حبيبها في الجامعة.. حكاية الزوج الأول لياسمين صبري كان اسمه دودي وأمها بوظت الجوازة

31/05/2026

أحمد زكي.. أمه رفضت تعيش معاه عشان عارفة ربنا.. وكان بيتنكر في الجلابية والعمة ويروحها وينام تحت رجلها وهو بيبكي

الفترة اللي فاتت والسوشيال ميديا مورهاش كلام غير عن الفنان أحمد سعد ودا من وقت انفصاله عن أم بناته علياء بسيوني لحد ما ف...
31/05/2026

الفترة اللي فاتت والسوشيال ميديا مورهاش كلام غير عن الفنان أحمد سعد ودا من وقت انفصاله عن أم بناته علياء بسيوني لحد ما فاجئ الكل باللوك بتاعه في حفلته الأخيرة في عيد الأضحى واللي عملها في الغردقة
أحمد ظهر بـ"نيو لوك" جديد ومختلف لفت انتباه الكل خصوصا وأنه كان لابس توك في دقنه وقصة شعر غريبة خلت ناس كتير تنتقده منهم اللي قال إيه اللي هو لابسه ده وعامله في نفسه ، لكن ناس تانية قالت مش جديد على أحمد سعد تصرفاته خصوصا في اللبس .. دائما يحب يثير الجدل ويتصدر التريند.. وان تصرفاته بقت أغرب من بعد انفصاله عن زوجته الأخيرة علياء بسيوني وملامحه كبرت يجي عشرين سنة.
ورغم الانتقادات الكتير اللي اتوجهت له لكن هو مهتمش وبعدها نشر على إنستغرام بوست بالعامية شكر فيه الجمهور وقال إن الحفلة كانت حلوة جدا.
الحقيقة إن أحمد سعد مش أول مرة يثير الجدل باللوك بتاعه، لكن قبل كده كان حديث الكل بسبب لبسه خصوصا وأنه في حفلة لبس جيبة وحافلة تانية لبس قميص شبك وجاكيت من غير أكمام.
مش بس كده دا في مرة ليس خلخال في رجليه وحلق في ودنه ، ودا عشان يثبت للكل أن الفنان يقدر يلبس أي حاجه على المسرح وميهتمش بانتقادات الناس ليه.
في النهاية قولولنا رأيكم ايه في لبس ولوك أحمد سعد من وقت للتاني في حفلاته الغنائية.

31/05/2026

أحدث ظهور للفنانة خلود بعد اختفاء 25 عام.. ملامحها أبهرت الجميع رغم تقدمها في العٌمر

31/05/2026

نور الشريف كان بيعتبره ابنه.. قصة فسخ خطوبة مي نور الشريف من عمرو يوسف.. ورد فعلها لما اتجوز كندة علوش

31/05/2026

عروسة تركية ترتدي وزنها ذهب ولا تستطيع الحركة في حفل زفافها.. سعره خيالي

رغم غيابها فترة طويلة عن الأضواء ، إنجي وجدان فاجئت الكل برجوعها من تاني ودا بعد ما نشرت صورة ليها ظهرت فيها برشاقة ملها...
31/05/2026

رغم غيابها فترة طويلة عن الأضواء ، إنجي وجدان فاجئت الكل برجوعها من تاني ودا بعد ما نشرت صورة ليها ظهرت فيها برشاقة ملهاش مثيل ودا بعد ما خست أكتر من نص وزنها وعلقت على صورتها وقالت عيد سعيد للجميع، إنتي حلوة زي مانتي.
إنجي ظهرت بفستان بيج أنيق وبسيط وكانت من غير مكياج، عشان تلفت الكل بجمالها وشياكتها .
الحقيقة إن غياب إنجي عن الأضواء مش مقصود خالص، وقالت إن الاختفاء ده كان بسبب انشغالها بأبنائها وبيتها، وإنها فضلت تهتم بأولادها خصوصا في المراحل الأولى بعد الولادة.
مش بس كده دا كمان قالت إن الأمومة غيرت حياتها تماما وانها بتضعف قدام دموع أطفالها وبتتفذ لهم كل طلباتهم عشان متشوفهمش بيبكوا، وإنهم لو خيروها بين شغلها وأولادها هتختار أولادها.
إنجي بعد ولادة بنتها الأخيرة "نازلي" قررت تتفرغلها لما تكبر وبعدين ترجع الشغل تاني.
وعن سر رشاقتها ،قالت مفيش أي حاجه غير أن إصرارها وعزيمتها السبب إنها ترجع لرشاقتها ومعملتش أكتر من دايت ودا اللي خلاها تقدر توصل للوزن المثالي اللي كانت بتحلم به.
وتفاعل معاها المتابعين منهم اللي قال ايه الجمال والحلاوة دي يا فنانة شكلك بقى قمر واتغير ١٨٠ درجة ... وناس تانية مصدقوش إنها إنجي وجدان وقالوا مين دي.. خسيتي إزاي وطلبوا منها تقولهم وصفة الدايت اللي كانت ماشية عليها عشان يعملوا زيها.
في النهاية قولولنا رأيكم ايه في رشاقة إنجي وجدان بعد ما خست أكتر من نص وزنها.

نور بنت الفنان عامر منيب فاجئت كل متابعيها الساعات اللي فاتت ببوست غريب على صفحتها بالفيس بوك كشفت أن فيه شخص بيلاحقها و...
31/05/2026

نور بنت الفنان عامر منيب فاجئت كل متابعيها الساعات اللي فاتت ببوست غريب على صفحتها بالفيس بوك كشفت أن فيه شخص بيلاحقها وبيطاردها وبيستناها تحت البيت كل يوم عشان يعاكسها.
نور كتبت وقالت " الظاهر انى غلط لمه حولت اتنازل عن حقي من أجل أمه المريـ.ـضة الولد بجح بشكل رهيب ايه كمية الاستنطاع ده الواد ولا همه حاجة خالص.
طب أقسمت بالله العلي العظيم ورحمة بابا الي عمرنا محلفنا بيه كدب. هتبات النهاردة في الحبس. يا جماعة يا كل محبي بابا والجميع يعلم انى حولت اديله فرصة من أجل أمه بالله عليكم محدش ياخد عنى فكرة وحشه.
ويقول عنى مفترية والكلام ده لان في ناس كانت متعاطفه مع الشخص دة بحكم ظروف أمه وعيلته البسيطة.
كميو بجاحة ونطاعة في الود ده لا توصف".
ورغم كل ده لكن مريم أختها خرجت عن صمتها وقالت إن مفيش الكلام ده وان فيه شخص منتحل شخصيتها وصورها على السوشيال ميديا.
مريم قالت أي حساب بينتحل شخصية نور أو بيستخدم اسمها وصورها هو حساب مزيف، نور عامر منيب أختي معندهاش Facebook، والأكونت ده مش لنور ومفيش أي علاقة بينه وبينها نهائي.
وكملت كلامها وقالت في حد بينتحل شخصيتها وبيستخدم اسمها وصورها بطريقة مقصودة ومضللة، والموضوع بقى أكبر بكتير من مجرد fake account .
مش بس كده دا أسرة عامر منيب بدأت تاخد كل الإجراءات القانونية اللازمة ضد الحسابات، وقالوا إن أي محاولة لانتحال شخصية نور أو استخدام صورها أو التواصل باسمها هتعرض صاحبها للمساءلة القانونية.
اللي كتير ميعرفوش إن عامر منيب اتجوز سنة ١٩٩٦ من إيمان الألفي من بره الوسط الفني بعد قصة حب كبيرة.. وأنجب منها ٣ بنات وهما مريم وزينة ونور .

31/05/2026

حكاية مشهد البيض في المتزوجون الذي كاد أن يقضي على جورج سيدهم.. رفض يكمل المسرحية

الساعات اللي فاتت رحلت عن دنيتنا سمية محمد فريد الجندى والدة الفنان أحمد حلمي عن عمر ٨٦ سنة بعد ما اتعرضت لأزمة صحية مفا...
30/05/2026

الساعات اللي فاتت رحلت عن دنيتنا سمية محمد فريد الجندى والدة الفنان أحمد حلمي عن عمر ٨٦ سنة بعد ما اتعرضت لأزمة صحية مفاجئة .
واتحولت صفحات السوشيال ميديا لعزاء على رحيلها ، والكل كان بيدعيلها بالرحمة وبيدعي لأولادها أحمد وسالي بالصبر، وكمان زمايله في الوسط الفني بقوا بيواسوه ببوستات ليهم على الفيس بوك.
الحقيقة إن بمجرد رحيلها أحمد حلمي كتب على صفحته بالفيس بوك انتقلت لرحمة الله والدتي الغالية السيدة سمية محمد فريد الجندى.. والجنازة هتكون بعد صلاة الجمعة من مسجد ناصر في بنها، ودفنها في مقابر الأسرة بطريق الشموت.
حلمي ظهر في الجنازة وهو مش قادر يقف ودقنه طويله وملامحه اتغيرت ١٨٠ درجة بسبب حزنه على أمه .
مش بس حلمي بس دا كمان أخته سالي مكنتش قادرة تقف ولا تمشي وكانوا قرايبها وأصدقاءها طول الوقت مسندينها وبيواسوها.
وكمان منى زكي وبنتها لي لي ظهروا في الجنازة وهما منهارين في البكاء ومش مصدقين الخبر وخصوصا وأنهم كانوا متعلقين بها جدا .
المفاجأة إن وقت صلاة الجنازة حلمي رفض أي حد يؤم على الصلاة ووقف هو إمام على الصلاة عشان يكون سندها لآخر لحظات لها في الدنيا وفضل يدعيلها ويبكي ومش مصدق إن الإنسانة اللي ربته بعد رحيل والده خلاص مبقتش موجودة .
اللي كتير ميعرفهوش إن حلمي كان متعلق بوالدته جدا لأنها هي اللي اتحملت مسئوليته هو وأخواته بعد رحيل أبوهم ،وحاول كتير يخليها تعيش في شقة جنبه لكن هي اللي كانت بترفض وصممت تعيش في شقة والده .. وكان طول الوقت بيحرص أنه يزورها ويقضي معاها أكتر وقت ممكن وكان من وقت التاني بينشر صور ليهم مع بعض.
رحم الله والدة أحمد حلمي واسكنه الله فسيح جناته

Address

Giza

Telephone

+201063001137

Website

Alerts

Be the first to know and let us send you an email when ملابس للمحجبات والعرائس posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ملابس للمحجبات والعرائس:

Shortcuts

Share