Mohamed Osama - Decoration Tips for Business

18/07/2023

ليه مبني جوجل الإداري أتكلف مليار دولار ؟ ❗️

We all use its services every day, it answers our most bizarre questions, you’re even watching this video using the company’s video streaming platform. We’re...

10/06/2023

انهاردة هحكلكم حكاية بحبها جدااا 😍

قصة مكتبة أقرأ 🤫

البداية كانت انى من صغري وانا بحب القراءة جدااا

وبحب أقرأ كتب أكتر من الروايات فى جميع المجالات

وبرتبط بالكتاب اللى بيعجبني وبيبقي عندي حب تملك واحتفاظ بالكتاب ده بشكل غريب

اللى فيكم بيقرأ هيفهمنى أكيد

وفى مرحلة الزواج وتشطيب الشقة من 9 سنين

دي الفرصة اللى واحد بيحاول يستغلها علشان يحقق كل أحلامه وكان حلمي من وانا صغير ان يكون عندي مكتبة علي شكل كلمة أقرأ

واحتفظ فيها بكل كتبي حبايبي 🥰

لكن المشكلة ظهرت لما قعدت أدور فى كل في حتة مصر على المكتبة اللى فى خيالي ومش لاقيها خالص 😔

بس انا مستسلمتش وصممتها بنفسي وبفضل الله ورحمته قدرت أنفذ التصميم عند نجار شاطر وصديق من زمان

وطبعا مش قادر أوصفلكم سعادتي بعد مرصيت كتبي حبايبي فى حلم من أحلامي وكمان من تصميمي كانت لحظة عظيمة

بس للأسف 6 شهور بالظبط ولظروف معينة قررنا ننقل شقة تانية ومفيش مكان أنقل فيه معايا المكتبة وكنت زعلان جداا

وعرضتها للبيع ويشاء القدر أن الدكتورة اللى تاخدها مني تحطها فى مسجد بانياه تحت العمارة عندها

ويمكن دي الحاجة الوحيدة اللى كانت مفرحاني وانا بمشيها أن هيتحط فيها مصاحف وكتب دينية وكأن ربنا بيصالحنى 🙂

كل فترة بتوحشني بخش أشوف صورتها وقلت المرادي أشاركها معاكم 😊

02/06/2023

https://youtu.be/a46CUvCIWlk

Great Office Design 🔥

24/05/2023

https://fb.watch/kJRHhMDxRA/

يا ريت نتقابل كلنا هناك 🙂

17/05/2023

التعامل مع العميل و نجاح علاقتك معاه جزء كبير جداا من نجاح المشروع ككل 💪

م. ريهام محسن بتوضح كيفية التعامل مع كل عميل حسب شخصيته👌

مهندس الديكور يتعامل إزاي مع العملاء ؟ | روشتة ديكور (5)عشان تكون انسان ناجح في علاقاتك بشكل عام مينفعش تتعامل مع كل الناس بنفس الاسلوب كل انسان ليه مفاتيح ت...

14/05/2023

قصة شغفى بالديكور 💜

من وانا صغير وانا دايما عندي رؤية مختلفة لديكور غرفتى
وكنت كل مرة أقول لوالدي ووالدتى انى شايف ان ممكن نغير الوضع ويبقي أحسن

كانوا الحقيقة بيقولوا فكرة حلوة بس متنفعش
وبيبقوا شايفين ان الغرفة ملهاش غير وضع واحد بس لأن مساحتها صغيرة

لكن أنا كنت مصر على ان اقتراحي قابل للتنفيذ

وفى مرة كنت فى البيت لوحدي وقررت أحاول أنفذ اقتراحي لوحدي وكانت حاجة صعبة جداا لصغر سني وقتها
كان جوايا رغبة حقيقية انى أشوف اللى فى خيالى متنفذ على أرض الواقع

وكنت خايف وقتها من رد فعلهم على جرأتى فى التنفيذ رغم عدم موافقتهم

لكن الصدمة كانت أنهم لما شافوها أنبهروا
وقالولي عندك حق أنت كنت صح كدا فعلا أحلى بكتير

ودي كانت اللحظة اللى أتكون جوايا شغف بالديكور وازاي ممكن بحركة بسيطة نعيش أسعد

فضلت فترة كبيرة مش بمارس هوايتي فى التغيير ده غير فى غرفتى

وبحب أغير أماكن السرير والدولاب والمكتب حسب كل مرحلة واحتياجاتها

مرة عايز المكتب مرتاح علشان المذاكرة
مرة محتاج الدولاب جنب المراية علشان بخرج كتير وهكذا

وفضلت كدا لحد مكبرت وابتديت أفكر برا غرفتى فى نفس الموضوع
بغير ترتيب نفس الحاجات جوه الشقة واقترح ويرفضوا وأنفذ وينبهروا

دايما بدور على لحظة الانبهار دي، ده غير التجديد طبعا

وكبرت اكتر وبقيت بعمل ده تلقائي فى بيت أي حد من قرايبي

دايما عندي أقتراحات بره الصندوق بتعجب صاحب الشقة وكتير منهم بينفذها

بس مكنتش واخد بالي ان دي حاجة مميزة انا كنت بشوفها بالنسبالى بديهية

عشان كده دراستي ملهاش اي علاقة بالموضوع انا خريح هندسة كيميائية

بعد التخرج دخلت الجيش ظابط احتياط وبعد كام شهر كنت قائد لخط انتاج طلاء معادن كبير

أول مستلمت مكان العمل عارفين طبعا عملت ايه 😀

شقلبت المكان كله وعملت حساب لخطوط سير المواد الخام والمنتجات المطلية والعمالة

وخليت المكان منظم جداا .. واسع جداا .. مريح جداا (بنفس الامكانيات)

بعد كده مرحلة الزواج وهنا ابتديت مرحلة جديدة لأول مرة معايا مساحة وعايز اشكلها على دماغي من أول الطوب الأحمر

رفعت مقاسات ورسمت الشقة على ورقة كبيرة بدون اي برامج

وعملت منها نسخ وكل نسخة عليها اقتراح مختلف لتقسيمة الشقة ورحت لخطيبتى علشان نختار مع بعض

واخترنا نحول الشقة من 3 غرف نوم لغرفة واحدة ورسيبشن كبير على مطبخ أميركان

مع خطة فى حالة الخلفة ان شاء الله ازاي هزود غرف

وتم تكرار التجربة نفسها بعد 6 شهور لما غيرنا الشقة لواحدة تانية

ده غير أن أنا محدد بالمقاسات كل قطعة أثاث فى الشقة وراسم كل حاجة ليها علاقة بالتفصيل واتنفذت بالفعل

كل ده وانا مدرستش ديكور أصلا

بعد كده مرحلة جديدة خالص .. الشغل فى الشركات

هنا الاقتراحات مختلفة خالص

ازاي الناس تكون شغالة وهي مبسوطة ومرتاحة والحركة سهلة

بحكم شغلى فى المبيعات فكان بيهمنى جداا رحلة العميل داخل الشركة

من اول ميوصل تحت ويشوف يافطة الشركة مرورا بمين هيقابله ومكان انتظاره هيشوف فيه ايه

وهيعدى على ايه وهو داخل مكتب صاحب الشركة أو غرفة الاجتماعات

وفى أكتر من 10 شركات كنت مسئول فيها عن ديكور غرفة المكتب او الاجتماعات بشكل تلقائي وعفوي وتطوعي

ومن 3 سنين فتحت شركة خطوات الربح بساعد فيها أصحاب الشركات يطوروا مبيعاتهم ويكون عندهم سيستم واضح لقسم المبيعات

ودايما من ضمن نصائح التطوير كان بيكون فيه جزء ليه علاقة برحلة العميل داخل الشركة أوالمصنع وايه الرسائل اللى حابين نوصلهاله عن طريق الديكور

كان دايما توجيهاتنا بيكون ليها مردود جيد والعميل بيكون مبسوط بيها

لكن استوقفنى جداا لما اشتغلت مع مهندس معماري وديكور شاطر فى مهنته

و كان مهتم جداا ينفذ وجهة نظرنا فى ترتيب الشركة والمكتب عنده لاستقبال العملاء

ومن هنا عرفت اني عندي حاجة مختلفة وقررت أمارس شغفى التاني فى الديكور باستمرار منها أنبسط ومنها افيد غيري 🙂

وانهاردة كان أول مشروع فعلي بشكل رسمي أطلب مني أقسم فراغ جراج لنقل مقر اداري بالكامل ودي كانت النتيجة

قولت أشاركها معاكم ومستنى رأيكم طبعا يا رب تعجبكم 😎

Tips for Business