12/07/2025
فيه فرق كبير بين إنك تبيع كتير…
وإنك تبيع صح .
يعني إيه؟
يعني فيه شركات بتبيع أرقام خرافية !
بس أول ما يحصل مشكلة… تكتشف إنهم مش موجودين أصلاً
ولا بيردوا ولا بيهتموا، ولا كأنك اشتريت منهم حاجة.
وفي المقابل…
فيه شركات مبيعاتها مش ملايين، بس كل عميل ليهم محسوب،
بيردوا ..بيتابعوا .. وبيتأكدوا إنك راضي .
حتى لو المشكلة مش منهم… بيحلّوها!
الفكرة مش في عدد القطع اللي اتباعت
الفكرة في عدد الناس اللي رجعت تشتري منك تاني…
ودي مش هتحصل غير لما العميل يحس إنك بتحترمه
وإنك مش بتتعامل معاه على إنه مجرد “رقم في الدفاتر”.
عارف الفرق؟
الفرق إن الأول بيجري ورا السوق…
والتاني السوق هو اللي بيجري وراه !
فلو عندك بزنس
ركز إنك تكسب قلوب، مش بس جيوب 💸
ولو بتشتري… اسأل نفسك:
«لو حصل حاجة… هلاقي حد يرد؟ ولا هبعت صوتي لنفسي؟» 😂
في الآخر…
البيع الكتير مش دايم،
لكن الخدمة الكويسة؟
هي اللي بتخلّي العميل يقولك: “هو أنا ينفع أشتري من حتة تانية؟” 😉
