Be Different

07/04/2018

وفروا فلوسكوا ووقتكوا وادرسوا الICDL فى البيت!
علشان بس تعرفوا حاجه..اسطورة "انا لازم اخد شهادة ICDL علشان احطها فى الCV بتاعى" بطلت من زمان اه والله زى مابقولكوا كدا.. لان الشركات والHRs لما جم يحسبوها لقوا انه يكفى المقدم على وظيفة يكون عارف ال MS Office! يعنى باختصار تتعلم برامج الWord-Excel-Powerpoint وشكر الله سعيكم.
*ولو مصمم على الشهادة اوى وشايفها هتفرق معاك! ادرس الماتريال في البيت وروح امتحن فى اى مكان وخد الشهادة عادى م انت كدا كدا دارس الكورس👇
يلا بقى ادخلوا شوفوا الكورس ده وادعولى❤️
http://www.stjegypt.com/…/76_%D9%83%D9%88%D8%B1%D8%B3-ICDL-…

07/04/2018

20 سؤال وجواب عن مراكز رسالة للتدريب
في البوست دا جمعنا لكم اكتر 20 سؤال الناس بتسألهم عن rtc هتساعدكم انكم تعرفوا نشاطنا بشكل احسن
1_ يعني ايه rtc ؟
هي اختصار لكلمة Resala training centers ، وهي بتعني مراكز رسالة للتدريب، مركز تدريب مجاني تابع لجمعية رسالة
2- ايه الخدمات اللي بتقدمها مراكز رسالة للتدريب rtc ؟
كورسات مجانية متخصصة في مجال الكمبيوتر واللغات والتنمية البشرية والإدارية، إلى جانب كورسات الأشبال، و الكورسات متوفرة للمستوى المبتدأ والمتقدم
3- ليه الكورسات في rtc مجانية؟
لأن الكورسات كلها قايمة على المتطوعين وبالتالي محدش بياخد فلوس، والقاعات والأجهزة كلها متوفرة من خلال متبرعين، وبالتالي كل الخدمات اللي المركز بيقدمها بتكون مجانية تماما 100%
4-الكورسات في رسالة لها شهادة معتمدة؟
رسالة بتوفر شهادات في نهاية الكورسات مختومة بختم رسالة اللي هي جهة تابعة لوزارة التضامن الاجتماعي، ويمكن توثيق الشهادات في وزارة الخارجية، احنا في الفترة الحالية بنحاول ناخد اعتمادات بعض الجهات التعليمية للشهادات بتاعتنا، وبالفعل أخذنا في فترة اعتماد مايكروسوفت لشهادات الاوفيس، وتاخدنا اعتماد منظمة icdl Arabia لشهادات icdl
5-هل الكورسات للمتطوعين بس أو المتبرعين؟
لا طبعا الكورسات في rtc متاحة لأي حد حابب يتعلم ولا يشترط انه يتطوع أو يتبرع عشان يقدر يحضر معانا الكورسات
6-هل الكورسات لغير المقتدرين ماديا؟
لا الكورسات في rtc متاحة لكل الناس أيا كان مستواهم المادي أو مستواهم الاجتماعي ولا يوجد أي شروط للحضور سوى الإلتزام والجدية فقط
7-هل الكورسات لسن معين؟
الكورسات عندنا تنقسم لنوعين من ناحية العمر في الكورسات العادية ودي بتكون من سن 16 سنة فيما فوق، والنوع التاني بيكون كورسات للأطفال أو الأشبال ودول من سن 6 سنوات لحد 15 سنه وفي الغالب بتكون متاحة في اجازة نصف السنة وإجازة آخر السنة
8- ازاي اخد شهادة لكورس معين من rtc ؟
الشهادات بتتاخد بناء على الالتزام بحضور الكورسات على الأقل بنسبة 70%، وكمان النجاح في الامتحان الخاص بنهاية الكورس، أو المشروع الخاص بنهاية الكورس، و تقييمات المدرب اللي المفروض متقلش عن 70% برده
9-هل الشهادات لها تكلفة مادية ؟
الشهادات تكلفتها 10 جنيه بس، وهي مش إجبارية
10-ازاي احجز شهادة في rtc؟
تقدر تطلب من مسؤول تنظيم الكورس اللي بتحضره حجز الشهادة من المحاضرة الأولى للمحاضرة التالتة وبتستلم إيصال حجز الشهادة لازم تحتفظ بيه عشان تستلم شهادتك في نهاية الكورس
11- ازاي احضر كورس في rtc؟
بتشوف أقرب فرع ليك من فروع رسالة، و بتسأل على نشاط Rtc وبتشوف جدول الشهر وتحجز في الكورس اللي انت عايزه في الفرع
أو ممكن تدخل على صفحتنا مراكز رسالة للتدريب وتشوف الجداول الشهرية المجمعة وتحجز لأقرب فرع ليك
12-عايز اعرف اقرب فرع ليا فروع rtc؟
احنا لينا 10 فروع في القاهرة واسكندرية ممكن تشوف الأقرب ليك من هنا :https://goo.gl/N7KtL5
13- ايه الفرق بين rtc واي مركز تدريب تاني؟
مفيش فرق الا اننا مركز تدريب مجاني فعلا كل خدماتنا قائمة على المتطوعين، لكن إحنا بالفعل عندنا قاعات مجهزة، وكمان نختبر المدربين قبل ما يبدؤا تدريب معانا عشان نتأكد انه قوي في المادة العلمية اللي بيقدمها، وغير كده كمان بتوفر منظمين للكورسات مهمتهم يتابعوا احتياجاتكم، وغيره من العناصر اللي هتلاقيها في أي مركز تدريب تاني
14-عندكم مواد علمية للكورسات؟
احنا متوفر عندنا مجموعة كبيرة من المواد العلمية والكورسات المسجلة اللي ممكن اي حد يجيب فلاشة وياخدها يذكرها في البيت لوحده
15-ازاى اساعد معاكم في rtc؟
في 3 طرق ممكن تساعدنا بيهم وهما :
1-انك تتطوع معانا في النشاط وتساعد مباشرة
2- انك تتبرع للنشاط حتى لو بحاجات بسيطة زي ورق الطباعة والأقلام وغيرها
3- انك تعرف الناس عننا وعلى الخدمات اللي بتقدمها، وترشحنا لأي حد حابب ياخد كورس أو يتطوع
16- أنواع التطوع عندكم ايه ؟
عندنا 3 أقسام أساسية للتطوع وهما :
قسم الإنتاج : ودا بيكون مقسم مدربين ومنظمين
قسم التسويق ودا متقسم سوشيال ميديا، ميديا، علاقات عامة
قسم الموارد البشرية ودا بيتقسم استقبال، مقابلات، تدريب، متابعة
وفي حاجات تانية كتير متاحة للتطوع بس دول الأساسيات
17-المتطوع بيستفيد ايه من التطوع معاكم ؟
- التطوع عامة هو حاجة أساسية يحث عليها الدين وبالتالي احنا كدا نتقرب من ربنا.
- كمان التطوع معانا بيساعدك في بناء شبكة علاقات قوية من الناس بحكم اننا فريق كبير و بنقابل ناس كتير شهريا.
- غير أنه بيديني خبرة كبيرة جدا هتفيدني في شغلي خاصة لو متعلق بمجال التدريب
18- هل المتطوع بيحصل على شهادة خبرة من rtc؟
نعم المتطوع بيقدر ياخذ شهادة خبرة من النشاط يقدر يقدمها في أي شغل خاص، وكمان جواب موثق من الجمعية يفيد بأنه متطوع يقدر يقدمها في أي منح خارجية، كمان شهادة شكر وتقدير يقدر يضيفها لل cv بتاعه
19-ايه هي شروط حصول المتطوع على شهادة خبرة من rtc؟
المتطوع لازم يشارك لمدة 3 شهور متتالين يحقق فيهم 60مشاركة يعني بمعدل انه يتطوع مرتين في الأسبوع حتى لو ساعتين بس
20- ازاي اتطوع في rtc؟
في طريقتين للتطوع هما :
انك تروح مباشرة لأقرب فرع ليك و تملي استمارة تطوع وهناك هيقولوا لك على باقي الإجراءات
أو الطريقة التانية انك تملي الاستمارة دي: https://goo.gl/RkhUFv وفريقنا هيتواصل معاك خلال الأسبوع دا
بكدا نكون جاوبنا على أغلب الأسئلة اللي بتجيلنا، لو ليك سؤال تاني غير دا سيبه في الكومنتات وهنرد عليك ، متنساش تعمل منشن وشير لاصحابك وعرفهم علينا 💪

لمعلومات اكتر او اي استفسار : https://www.facebook.com/mahmoud.alfateh.79
استاذ /محمود الشاهد

صباح الخير ^_^

احنا في RTC مراكز رسالة للتدريب ​ مش فرع واحد ، لآ أحنا عندنا 10 فروع اساسية موجودين في محافظة القاهرة ، ولينا فرع تاني في اسكندرية، في ناس كتير متعرفش ان ممكن يبقي في قريب منها ، عشان كدا جمعنا لكم عناوين فروعنا و صفحاتهم عشان تقروا تتابعوا تفاصيل الكورسات و تتواصلوا معاهم أسرع
متنسوش تعملوا لايك وشير لصفحات RTC مراكز رسالة للتدريب وخد معانا ثواب ^_^
كمان عشان تشوف كل الكورسات اللى بتنزل و ميفوتكش حاجه اعمل متابعة واختار "شاهد اولا"
شوف ايه اقرب فرع ليك من فروعنا و تواصل معاه ^_^
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فرع الجيزه :
العنوان : عمارات نصر الدين _ عماره الروان _ الدور الثالث
البيدج : https://www.facebook.com/pages/RTC-Giza/403378473011722
ـــــــــــــــــــــــــــــــــــــــــــــــــــــــــــــــ
فرع فيصل

العنوان :5 شارع منسى ياسين - الطوابق- فيصل-امام بى تك

البيدج : https://www.facebook.com/RTCFaisal
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فرع المهندسين

العنوان :
11ش مصدق امام مستشفي ابن سينا
البيدج : https://www.facebook.com/RTC.Mohandseen?fref=pb&hc_location=profile_browser
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فرع المعادى
العنوان :تقسيم الاسلكى،أمام مؤمن وخلف مقهى تيتانيك.

البيدج : https://www.facebook.com/RTCMaadi
ــــــــــــــــــــــــــــــــــــــــــــــــــــــــــــــــــــــــــــــــــــــــ

فرع 6أكتوبر :
العنوان : الحى السابع / ميدان ماجدة / امام حديقة الحصرى
البيدج : /https://www.facebook.com/rtcoctobercity?ref=hl
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فرع مصر الجديدة :

العنوان : 9ش أحمد عبد الخالق من ش الحجاز خلف سيتى بنك.
البيدج : https://www.facebook.com/RTCHeliopolis
ـــــــــــــــــــــــــــــــــــــــــــــــــــــــــــــــــــــــــــــــــــــ
فرع حلوان:
العنوان : 16أ شارع يوسف زكى – أمام رئاسة الحى.
البيدج : https://www.facebook.com/RTC.Helwan.RTC?fref=pb&hc_location=profile_browser
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فرع مدينة نصر:
العنوان :
4شارع زكى رستم من شارع حسنين هيكل (تقاطع شارع عباس العقاد مع شارع السنهورى)
البيدج : https://www.facebook.com/RTC.Nasrcity?fref=pb&hc_location=profile_browser
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

المقطم
العنوان : نهايه ش9 خلف موقف الاتوبيس علي طريق المقطم المتجه الي مدينه نصر الهضبه الوسطي
البيدج : https://www.facebook.com/RTCmokatam

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فرع الأسكندرية :
العنوان :
44 ش توت عنخ أمون،سموحة،بجوار كوبرى كيلوباترا ومترو ماركت.
البيدج : https://www.facebook.com/RdcAlexandria


#مستنيانكم

19/03/2018

اتكلمنا قبل كدة عن الإنجليزي، و الHard Skills (اللي هي مجالك) انت أدري بيها إزاي تقويها، ولو مش عارف يبقي تسأل المتفوقين في مجالك. و الIT Skills واضحة و معروفة، أقلها إتقان الOffice بمشتقاته .. و معاك و انت طالع بقي في الشبكات و البرمجة .. إلخ.
عشان كدة هنركز في اللي جاي علي ال Business Skills.
النقاط الجاية عن أشهر أنواع الBusiness Skills المطلوبة في العمل و من الآخر اللي بتجيب فلوس. :D هكتب معلومة بسيطة عن كل Skill منهم و انت تقدر تدخل علي Coursera.org و Udemy.com و Edx.org هتلاقي كورسات مجانا أو بفلوس بسيطة أوي.

1. أول و أهم واحدة و تعتبر المفتاح لكل اللي جاي هي: (Time Management) .. و دي لما بتتدرب عليها صح بتتعلم تستفيد من وقتك و تفيد غيرك، و تعرف تخلي وقتك بفلوس، و مع الوقت مفهومك للTime Management بيتطور لمفهوم الProductivity (الانتاجية)، إنك تطلع أحسن ناتج كما وكيفا من وقتك بدون الإخلال بإنسانيتك و مساحتك الشخصية و صحتك. هتلاقي هنا كورس من جامعة كاليفورنيا مجانا في الTime Management

http://goo.gl/EFEL6Z

2. لازم تعرف أساسيات الإدارة، عشان كدة تاني Skill هي (Business Management)، انك تعرف أركان إدارة الأعمال الأساسية، عشان لو حبيت تشتغل في المجال الإداري أو يبقي ليك بيزنس خاص بيك (أيا كان حجمه)، لأن للأسف أكتر من 80% من الشركات الناشئة بتفشل، لأنها بتبقي بالحب إلي أقصي درجة، و لما تقرا عن أسباب فشلها تلاقي أصحابها مكلفوش خاطرهم يعرفوا أساسيات أي بيزنس. ده كورس مجاني من جامعة كاليفورنيا في أساسيات الBusiness Management

http://goo.gl/4JJZ35

3. تقريبا كلنا عارفين الHuman Resources أو الHR، بس قليل مننا يعرف خلفية الموضوع. لو دخلت علي كورس الManagement اللي في رقم 7 هتعرف إن أي شركة أو مصنع أو مؤسسة أو كيان لازمله 4 أنواع من الموارد:
موارد طبيعية Natural Resources (اللي هتحتاجه من الطبيعة)
موارد تكنولوجية Technological Resources (أي حاجة تم تصنيعها، من أول اللمبة لغاية الماكينات الضخمة و الكمبيوتر)
موارد مالية Financial Resources : الفلوس اللي هتبدأ بيها البيزنس.
موارد بشرية Human Resources : اللي هيدير اللي فوق ده كله. و بنسمها Human Resources لأن البشر زي الفلوس بالظبط، مورد يمكن تنميته و ممكن يضعف و ممكن يختفي .. أيوة ممكن لو انت صاحب مصنع فاشل تصحي الصبح تلاقي عمال المصنع كلهم مقدمين استقالاتهم و سايبينك. ده كورس مجاني من جامعة مينيسوتا في أمريكا في الHR
http://goo.gl/5oI2Yj

4. أيا كان البيزنس بتاعك، و أيا كان مجالك، لازم يبقي عندك فكرة محترمة عن ال(Customer Service Skills) .. و صدقني خدمة العملا مش هي موظف تي إي داتا اللي بيقوللك اقفل الراوتر و افتحه، مفهوم و تفاصيل خدمة العملا لما بيتطبق في مجالات أخري زي الطب و الهندسة و التدريس و التدريب و البنوك بيخلي العميل عنده Customer Loyalty (ولاء للشركة و للمنتج) ... ده كورس مجاني من أكاديمية (Udemy) الأمريكية في خدمة العملاء

http://goo.gl/k7Mpe7

5. لأن الحياة قاسية و Unfair، و لأن ماحدش بيديلك اللي انت عايزه غير لما تقدمله اللي هو عايزه، لازم ال(Negotiation Skills) (مهارات التفاوض)، تتفاوض علي مرتب، تتفاوض علي مستحقات مالية، تتفاوض علي Deal معين. و التفاوض مش بيتم عن طريق إنك تقول للطرف الآخر " و النبي و النبي عايز كذا " .. لأ في شوية تفاصيل أحب إنك تعرفها. جامعة (ميتشجان) عاملة كورس في الNegotiation مجانا هنا

http://goo.gl/J2HWnn

2000+ courses from schools like Stanford and Yale - no application required. Build career skills in data science, computer science, business, and more.

19/03/2018

عشان تتعلم انجليزي بجد❤💪 و تثبت نفسك ف اي interview 👀🗯حاول تعمل الخطوات ال 4 دول✌✌:

1.كل يوم الصبح كده اقرأ اي اخبار او مقال بالانجليزي عن المجال الي إنت بتشتغل فيه ركز ف المصطلحات و حاول تفهمهم كويس ، انتظم ع عمل الموضوع ده لمدة شهرين ع الاقل بعد الشهرين اولا هتلاقي الانجليزي بتاعك اتحسن عن الاول كتير كمان هتلاقي عندك معلومات كافيه عن المجال اللي بتشتغل فيه.

2. بعد الشهرين دول اتفرج على محاضرات في مجالك بالانجليزي حاول تفهم الكلام من غير ما تبص على الترجمه لمده شهرين برضو نص ساعه في اليوم ع الاقل ، بكده هتبدأ تتعود على فهم اللغه بالسمع مش بس بالكتابه.

3. في الخطوه دي هتبذل جهد اكتر شويا لانك هتتفرج ع المحاضرات من غير ترجمه بس بعد شويه هتلاقي الموضوع بسيط جدااا

4. بعد كده لازم تمارس اللغه مع حد بيتكلمها كويس جدا و لو مش من جنسيتك يكون احسن بكتير

و اخيرا اللي نفسو يتعلم حاجه هيعمل المستحيل عشان يتعلمها 👌 بس نبطل احباط في نفسنا و في الي حولنا 😰او السماح لأي حد بتقليل من همتك 💪💔

و ده لينك هتلاقي فيه احسن الكتب و افضلها هي و المراجع و تحملها سهل جدا و مباشر 👈
http://www.englishforarabs.com/BooksandReferences.html

19/03/2018

هنتكلم عن حاجه مهمه جدا 📢و يمكن مشكله للبعض مننا 😦لما يبقى عنده interview بيكون عندنا قلق من موضوع الانجليزي 😢💔عشان كده هنقولكم ع كام نصيحه 💪

17/03/2018

تاني حاجه ✌
بالنسبة للبس🕴
الانتر فيو الى احنا عرفينه هو عبارة عن بدلة 🤵-- ودة طبعا مش صح .🙅
مجال الشركة ونوع الشغل هو الى بيحدد انتا ممكن تلبس اية, 😲 يعنى لو بتقدم لوظيفة أدارية لازم تلبس بدلة 🤵- ولو فى شركة فاشون تلبس كجوال 👕👖
وبالنسبة للبنات لازم تهتمى بمظهرك💆 انه يكون فورمال على قد ما تقدرى ,👔 ااة وطبعا ً للشباب متنسوش تلمعو الجزمة .😉

17/03/2018

أول حاجة☝
لازم تعملها هو انك تعرف كل المعلومات عن الشركة🏢 الى انت رايحلها وانك تعمل عليها سيرش 🕵كويس اوى لان طريقة الانرفيو بالنسبة لكل شركة والتانية هتختلف بناءً على حجم الشركة وانك تكون محضر اجابات لاسئلة 📄 بتكون معروفة زى مثلا ازاى تعرف نفسك🤷 ولية اخترت شركتنا علشان تشتغل فيها 🤔وشايف نفسك فين بعد فترة معينة .😥

17/03/2018

مين كان نفسو ف شغل👷🤵 و للأسف اترفض 😞💔
سواء كان بسبب سؤال اتسألو ف ال interviwe و معرفش ردو 🤷مع ان ممكن كان سهل 🤔 او حتى اترفض من قبل المقابله بسبب خطأ عملو من غير ما يعرف . مهارات المقابلة الشخصية شئ اساسي ومهم للغاية فى الحياة العملية🕵 وبيحدد جزاء كبير جدا من نجاحك على المستوى المهنى والوظيفى 🎓
هنعرف كل ده ف بوستتنا الجايه خليكو مستعدين 💪

15/03/2018

الانسيابيه 📈📉 في عرض اي موضوع او القيام بأي موضوع او مشروع مهم جدااا . انك ترسم🎨 مخطط كده ترتب فيه الخطوات الي هتعملها لموضوعك 📄📍 ده بيوفر وقت و مجهود و كمان بتابع سير العمل خطوه بخطوه . ودي من مميزات ال hr الشاطر ...👤💪

"و ده ابسط مخطط انسيابي"

14/03/2018

التجاره الالكترونيه مهمه جدا في مجالات كتير و اهم المجالات دي هي الصحه 💪 زمان كان اي دكتور حابب يعلن عن نفسو كان بيحتاج وقت و ميزانيه ماليه كبيره و ممكن شهرتو تقتصر ع المكان الي فيه بس👂💔🤒 , لكن دلوقتي التجاره الالكترونيه وفرت كل ده و ع مدى واسع 👀 . كمان اي حد في كلية طب👨‍⚕️👩‍⚕️ بيحتاج اي ادوات مستلزمات طبيه كان الاول بينزل و يدور بنفسو و يضيع وقتو 😵 لكن في وقتنا ده الحاجات دي بقت متوفره بضغطة زر 🖱️💻 و ممكن يحالفو الحظ و يكون فيه خصومات ... ✅💯

موقع "جوميا " افضل موقع ممكن لشراء المستلزمات الطبيه من عليه ...📣📱
https://www.jumia.com.eg/ar/health-and-medical/

14/03/2018

وفاة اشهر علماء الفيزياء بالعالم ستيفن هاوكنغ عن عمر يناهز 76 عام .....