11/06/2026
علي طريقة البشمهندس Kemo Data
جهاز ايفون ١٣ برو ماكس فاصل إضاءة وبيانات
اول خطوة في خطوات الحل نجرب شاشه تانيه
جربنا شاشه تانيه ونفس الكلام
كدا مشكلتنا هارد وير
والعطل ده لازم نفرق بين حاجتين 🤔
هل المشكله ف دايرة الاضاءه ولا البيانات
كلنا عارفين ان دايرة البيانات في تسلسل الاقلاع
بتشتغل قبل دايرة الإضاءة 👌
يعني علشان الاضاءه تنور لازم تكون دايرة البيانات اشتغلت
واظهرت بيانات علي الشاشة علشان المعالج يقوم بتفعيل
وتشغيل دايرة الاضاءه 😳
والجهاز اللي معانا مكنش فيه اي بيانات ظاهرة علي الشاشه
وبالتالي دايرة الاضاءه عمرها ما هتشتغل
كدا حددنا مشكلتنا في دايرة البيانات
نقوم بفحص دايرة البيانات
ناخد ممانعات نهايه الدايرة علي كونيكتور الشاشه
نلاقي خط pp 6v7 display AVDDH شورت 😡
والخط ده خط فولت موجب رايح لتغذية دايرة البيانات
كدا مسكنا طرف الخيط 😅😅
نروح نبخر كل القطع المتصله علي الخط
علشان نحدد المكون المسبب للشورت
نلاقي المجرم هربان تحت الشيلد. C9112
نقوم نشيله من ديله نرميه بره 😅😅
ويروح الشورت وترجع الممانعه لحالتها الطبيعه
نجرب الجهاز تشتغل دايرة الاضاءه والبيانات تاني
الفهم بيريح كتير وبيوفر مجهود مش كل حاجه اسواب
❤️
