31/05/2026
العميل : الو ايوه يا استاذ الثلاجة من ساعة ما عملتها الحاجة فيها لسه فاكه
الفني : ما حضرتك انا مكملتش 6 ساعات عاملها استني لحد بكره
العميل : يا باشا مع احترامي لحضرتك انا كنت بحط فيها حلة الميه نص ساعة تبقي حجر.
الفني : دا ازاي، انا لو ساحر مش هعرف اعمل كده، هو انت حطيت فيها حلة ميه بعد انا مشيت؟
العميل : ايوه يا استاذ ولحد دلوقتي مجمتدش يدوووب عملت قشرة تلج يدوب كل ما فتح القيها زي ما هي
الفني : انت كمان كل شوية تفتح تشوفها ،و عايز الحلة تعمل تلج حجر في 6 ساعات، ليه حضرتك فاكرني جمال عبدالناصر.. دا كون انها تعمل قشرة دا انجاز و عايز كل نص ساعة تعمل حلة تلج دا الآيس ميكر مش بيقدر يعمل كده.
العميل : يعني مش هرتجع زي الاول تاني ،طيب انا صارف دا كله عليها ليه ما كنت جيت واحده جديدة
الفني : لا يا حج هترجع بس هي لسه بتلين اصبر عليها يوم كده و هتبقي احسن من الاول ان شاء الله، ومتفتحاش كتير علشان الغاز ما يطيرش يا حج يخلص بسرعة، ولو مش مريحاك انا اشتريها منك وروح اشتري واحدة جديدة ب 20 الف جنيه والالفين جنيه اللي دفعتهم هضيفهملك علي سعرها وزبونها موجود متقلقش..
العميل : لا خلاص اجربها يومين الأول، ان شاء الله تبق تمام ،معلش يا بشمهندس عطلناك
الفني : لا يا باشا انت تأمر، اتفضل في رعاية الله
صبرنا يارب
