منتدي العاملين بالموارد البشرية

13/02/2026

فرصة عمل
محاسب تكاليف
شركة تعمل في مجال المطاعم تعلن عن حاجتها إلى:
محاسب تكاليف – تخصص مطاعم
مكان العمل: مدينة الشروق
يفضل قرب السكن من مدينة الشروق
الشروط:
✔ خبرة لا تقل عن 3 سنوات في محاسبة تكاليف المطاعم
✔ خبرة في حساب تكاليف الأصناف وFood Cost ومتابعة المخزون
✔ القدرة على إعداد تقارير التكاليف وتحليل الفاقد والهدر
✔ إجادة استخدام Excel (وبرامج المطاعم ميزة إضافية)
الراتب: من 12,000 إلى 15,000 جنيه حسب الخبرة.
ساعات العمل: 8 ساعات يوميًا.
إجازة: يوم واحد أسبوعيًا.
للتقديم يرجى إرسال السيرة الذاتية واتساب 01022281799
#وظائف

31/07/2025

في عام 1960 حدث هروب جماعي للمجانين من مستشفى العباسية للأمراض العقلية نتيجة إهمال حرس المستشفي، تمكن 243 مجنون من الهرب إلى شوارع العباسية
مما أدى إلى حدوث مشكلة كبيرة
إستدعى المدير الإداري طبيب المستشفى فوراً و إسمه دكتور جمال وطلب منه حل المشكلة فوراً
على الفور أحضر الطبيب المشهور صفّارة و طلب من بعض الموظفين أن يمسكوا به من الخلف و يلعبوا لعبة القطار و خرجوا إلى شوارع العباسية و هو يصفر و ينادي تووووت توووووت وهو يمثل رأس القطار ومن خلفه ( القاطرات ) كل واحد يمسك بالثاني
ما توقعه الدكتور حدث بالفعل
كل مجنون هارب ركب في القطار و نجح الدكتور جمال بجمع المجانين و ذهب بهم إلى المستشفى
المشكلة أنه عندما عاد المجانين مع القطار كان عددهم 612 علماً بأن عدد المجانين الهاربين كان 243 فقط
الآن لو أتكرر نفس المشهد كام واحد هيركبوا القطار

إذا أتممت القراءه صل علي اشرف المرسلين صل الله عليه وسلم .

31/07/2025

16/06/2025

من شهر ونص جالي شاب كان إتواصل معايا من خلال إعلان لشغل محتاج فيه عمال باليومية ،الشاب جالي ..ما شاء الله الهيبه باين عليه ،شكله بن ناس وبن عز ،إستغربت إن واحد بالشكل والهيئة دي جاي يشتغل باليومية ينضف شقق تحت الانشاء ،الناس اللي معايا كلهم مستغربين ،أخويا الكبير قالي ف حاجه غلط دى مش هيئه واحد يشتغل الشغل ده أكيد وراه قصه إيه هيا الله أعلم !!
تاني يوم نزلنا الشغل وزعت العمال ع مكان شغلهم وصعبان عليا مش عارف أعمل معاه إيه ،ف خدته ف عماره لوحده وقولتله معاك دور كذا وكذا ،اى راتش شيله واحدفه تحت وما شاء الله عليه طلع بتاع شغل وعنده ضمير وسريع..

ف جينا آخر النهار ،انا حبيته ف الله ،شاب شكله جميل وطول بعرض ما شاء الله وملامحه بريئه ،نزلت أنا وهو واخويا والحوار دار كالأتي.

إنت منين ،قالي من كذا
معاك إيه،تجاره عربي وكنت شغال محاسب ف شركه كذا.
شكلك مش بتاع بهدله ولا مرمطه ،محدش بيختار اقداره ولا نصيبه الحمد لله .
اي اللي اضطرك للشغل ده ،قالي الظروف والشغل مش عيب المهم الواحد يلاقي ف ايده قرش لأن الحوجه مره.

احمد دخل قلوبنا باحترامه وجماله وقررنا نخليه مشرف ع العمال عشان لا يتبهدل ولا يتمرمط.

فات اسبوع ،خفه دم ورجوله وشخصيه قياديه خلت كل العمال والمهتدسين اللي اتعاملوا معاه ف الموقع يحبوه ويقولولنا كنتوا مخبين الناس الحلوه دي فين.

عرفنا منه لما اطمن لينا انه ملوش حد غير اخ مسافر بره من ١٥ سنه وميعرفش عنه حاجه ووالده ووالدته متوفيين من ٦ سنين وبسبب فشل مشروعه اداين وبقا عليه نص مليون جنيه وصدر عليه أحكام وبقاله سنتين ع الحال ده لا عارف يتوظف عشان الفيش صعب يعمله واي شغل بيجيله بيشتغله عشان يقدر يصرف ع نفسه.

احمد ٢٩ سنه ،مبيفوتش فرض ،اي شاب معانا بيشرب سجاير يفضل ينصح فيه يبطلها.

طب معاك حاجه من المبلغ ،قالنا لا انا يوميتي مبتتخطاش ١٥٠ جنيه ولو وفرت قرش بتيجي فتره مبيكونش فيها شغل والفلوس بتصرف او لو تعبت شويه ،طب قصدت حد ،حاولت اوصل لاخويا لكن بدون جدوى وبيتنا ايجار قديم مفيش حاجه أبيعها وخوفي أقابل ربنا وأنا عليا الديون دي ومرتحش ف تربتي وبتعز عليا نفسي إني أروح لجمعيات او ناس بتساعد يساعدوني وتارك الأمر لله لو ليا نصيب أسد ديوني هيسخرلي السماء والارض وما عليهم لقضاء حاجتي.

إيمانه وعزة نفسه عرفوني معدنه وأصله الطيب واللي أكدلي ان كنت باجي احاسبه ف اديلو مبلغ زياده يقولي لا مش هاخد غير حسابي ويرفض ياخد الزياده.

من أسبوعين طلب مني ٥٠٠ جنيه وقالي اخصمهم م الحساب وراح جاب كيلو كبده وفينو وعملهم وغلفهم ف اكياس ونزل وزعهم ،ف بقوله بتعمل كده علطول قالي بتمني بس الظروف مبتساعدش طول الوقت بس حسيت اني محتاج اعمل كده ،حاجه بسيطه بس لو ربنا تقبلها بنيتي فيها هيخلف عليا بيها كتير .

والله تاني يوم روحنا كومباوند وخدته معايا هو بس وباقي العمال ف موقع الشغل (عشان يستفيد هو وأقدر اساعده )،العميد صاحب الفيلا شافه وهو شغال قالي مين ده شكله بن ناس وكل شويه بينفض هدومه بس شكله بتاع شغل ،والله ما كان ف نيتي حاجه واتكلمت بعفوية قولتله ده قصته قصه ،وحكيت له كل حاجه ،ف قالي أيوا كده الموضوع صح ،خليه يجيب بطاقته ،ندهت ع احمد وهو بيديه بطاقته كان ف نظرات قلق منه حاولت اطمنه وطلبت منه يكمل شغله ،نص ساعه كان كل الأحكام اللي عليه والأماكن اللي شاكياه منهم افراد خارجيين كانوا مبعوتين ف رساله ع الواتس للعميد ده وانا والله ما كنت أعرف هو شغال إيه ،بعد يومين كان هو عمل تحريات عنه ،كلمني وطلب مني اروح له انا وأحمد.

مكنتش عارف عاوزنا ليه وكنت قلقان عليه جدا وبقول لو حصله حاجه هبقي أنا السبب ،المفاجاه ان العميد جابله تاريخ حياته.احمد كان قاعد مخضوض وبيسمع له وبيردد ع لسانه وأفوض أمرى إلي الله وكأنه متوقع إنه هيتقبض عليه مع ان العميد كلامه مكنش فيه اي حاجه تقلق ولا حاجه غلط ف حق احمد بس الخوف سيطر عليه .

الحمد لله الفلوس اللي على احمد اللي كانت للأفراد اتدفعت والناس اتنازلت لسا البنك بعد اجازه العيد وكل ده بكفالة من العميد جزاه الله كل خير.

إمبارح كنت قاعد معاه وبقوله ربنا بيسبب الأسباب بس انت عملت اي يخليه يسخرلك الحكومه اللي أنت خايف منها هيا اللي تساعدك ويخلي هيئتك سبب ف استغراب الناس عشان تعرف قصتك ،قالي يقين بالله وتفويض الأمر لله ،انا اليوم اللي عملت فيه اطعام حلمت ان حد بيديني تفاحه وجه واحد قالي زى ما اداك إدي غيره ،مكنتش فاهم الحلم بس نويت اعمل الاطعام وربنا تقبل النيه و٥٠٠ جنيه كانوا سبب ف سداد ٥٠٠ الف جنيه.

كبتب ليكم البوست وقصه أحمد عشان اقولكم متستعجلوش لو لسا ملقتوش ثمار اطعامكم وصداقاتكم ربنا بيسبب الأسباب ف اوانها وعشان اقولكم عالجوا ضيق الرزق والهموم والمرض واي حاجه بالصدقات حتي لو بمبلغ بسيط رُب درهم سبق الف دينار

08/06/2025

وانا لسة متخرج و ورور صغير اشتغلت في شركة كبيرة بالغلط… بعد ما اتعينت على طول اكتشفوا اني مش الشخص المناسب خالص للمكان وقرروا انهم ما يجيبوليش لابتوب ولا مكتب ولا حتى كرسي اقعد عليه!! وفضلت كدة بحوم زي القطط البلدي في المكان لمدة ٦ شهور… شعور بايخ وقاسي وسخيف!!

وبالصدفة البحتة اضطروا يسفروني السودان في مشوار مش هيقدم ولا يأخر من وجهة نظرهم بس قالوا ادينا بنتسلى

وصلت السودان في سبتمبر ٢٠٠٥ ضهري للحيط لسة متجوز مرتبي ضعيف شركتي عايزة تمشيني… جابوا لي لابتوب مرمي في الصيانة ايفت له شنطة وانطلقت.

توحشت وانتشرت في البلد بشكل عجيب.. معنديش حاجة اخسرها (literally) مافيش اي توقعات .. الاكسبكتاشنز تحت الارض بشوية… عملت دوشة وقلق خلى شركة تانية اكبر من شركتي ٣ مرات تخش في خط التفاوض معايا وانا عندي ٢٧ سنة عشان انشئ وادير المقر بتاعهم هناك!!

دخلت على شركتي بكل راحة وسعادة اني بعد سنة ونص معاهم جات لنا الفرصة اللذيذة اللي هتخلينا اخيرا نخلص من بعض… لقيت الدنيا اتقلبت والصوت علي وانت ابننا وبعد كل اللي حققته ده عايز تمشي وازاي وجابوا ناس كبيرة تقعد معايا وناس صغيرة لغاية ما دخلوا هما كمان في حالة التفاوض!!

اتمارس عليا كل انواع الابتزاز العاطفي..انت ابننا… احنا بنحبك.. خليك معانا… احنا بنحبك (تاني) وخايفين عليك والناس التانيين دول اشرار وانت لسة صغير (٢٧ سنة) مضحوك عليك خليك معانا احنا بنحبك وخايفين عليك (تاني برده)

مكنش عندي شك انهم بيحبوني فعلا.. وانهم فعلا عايزني اقعد بس هل ده معناه انهم ادرى مني بمصلحتي والاحسن ليا؟ هل احنا الاتنين بنبص "لي" من نفس الزاوية؟! هل الحب والخوف عليا كفاية؟! يغفر لهم يعني؟!

من جوايا عندي شعور ان المكان ده ليه فضل عليا (مش عارف ازاي خلوني احس بالذنب عشان همشي مع اني مش قادر انسى موضوع انهم ما جابوليش كرسي ده)

قعدوا معايا وطلعوا لي ورقة اكتب فيها كل طلباتي وكتبت وقالوا لي انها هتتنفذ immediately مش هنستنى لاول السنة

حسيت قد ايه انا ندل.. وخاين وعاصي لمجرد اني فكرت امشي واشوف سعادتي وراحتي… حسيت بالذنب واقتنعت فعلا اني اه عندي ٢٧ سنة بس انا عيل اهبل ومش عارف مصلحتي

الشركة الجديدة (الغرباء الدخلاء الاشرار) اللي كنت هروحها استنوني (الحمد لله) لانهم كانوا مؤمنين بيا واني الانسب للي بيدوروا عليه… وشركتي الحالية ما عملتش اي حاجة.. كانت مجرد بتشيل فتيل القنبلة بتعملي disarm بس ما كانتش ناوية تغير اي حاجة.. انا taken for granted وطبقوا قاعدة هدي خلي الموجة تعدي

في يوم قابلت مديري في الطرقة بقوله انا رجعت للاتش ار قالوا لي معندناش اي تعليمات بتغيير اي حاجة.. قال لي يا حمادة كبر دماغك بقى واصبر شوية لاخر السنة.. قلت له صح عندك حق.. استأنذك ساعة بس هروح مشوار وارجع قال لي طبعا اتفضل يا حمادة..

نزل حمادة اخد تاكس راح للشركة التانية ومضيت العقد ورجعت مضيت الاستقالة وقعدت في الشركة التانية دي ٦ سنين من اجمل واعظم وانجح سنين حياتي

لما ببص للي حصل ده بحمد ربنا اني ما غرقتش في احساس الذنب وما شلتش الهم اللي اتمارس عليا من الشركة "اللي بتحبني وخايفة عليا وعايزة مصلحتي" نجوت من مماراسات المظلومية والمَن (والأذى) عليا وما سمعتش اناشيد الضحية المضحية وقررت انطلق واعيش وانبسط

طموحاتي ما بقتش انهم يجيبوا لي كرسي اقعد عليه… شركتي التانية جابت لي مكتب وعربية وسواق و٦ تذاكر طيران في السنة ليا ولمراتي وولادي وانا عيل اهبل عندي ٢٧ سنة ومش عارف "مصلحتي " 😂
منقول من محمد طلبة
Mohammad Tolba

16/03/2025

الوظيفة تسرق الاعمار بلا فائدة
أقبح شيء في هذا الوجود هو ان تكون موظفا
مقبوض عليك من الثامنة والنصف الى الرابعة والنصف
بينما تمر أشياء جميلة خارج مقر عملك لن تراها....
حياتك كاملة ستمر في هذه الدوامة ..
لن تستطيع التغيب الا بإذن ولن تاخد عطلة راحة الا باذن وإذا مرضت لن يصدقك أحد حتى تدلي بشهادة طبية.
وأحيانا لن يصدقوا حتى مرضك الواضح على وجهك فيرسلونك الى الفحص للتأكد.
لن تتمتع بنوم الصباح ..
لن تتمتع بشبابك ورجولتك
سـ تتوه وسط حروب تفرضها طبيعة شغلك ..
ستقضي حياتك ركضًا عبر وسائل النقل لتكون حاضرا في الوقت الذي حددوه لك ...
ستعيش بأعصاب متوترة.
تستهلك اقراصا مقوية وأخرى ضد التوترات العصبية...
ستظل تتمنى وتنتظر الزيادة في الاجور وترقيات السلم الوظيفي، وتتابع الحوارات الاجتماعية والنقابات أملاً في الحصول على مستحقاتك المنهوبة.
لن يسمح لك بالمغادرة الا بعد ان تقضي خمسة وعشرين سنة في هذه الدوامة أو عندما تبلغ حد سن المعاش
سيحتفل بك ....وبنهايتك.... وقرب موتك زملاؤك في العمل...
يقولون كلمة وداع في حقك ..سيبكي البعض ليس عليك بل على حالهم الذي يشبه حالك

سيمنحك رئيسك المباشر شهادة وهدية بلا قيمة .. هي عزاء امام حياتك التي سرقت منك ..
ستعود الى البيت صامتا.
وفي صباح أول يوم من تقاعدك سـ تنتبه أن الاولاد رحلوا عن البيت
وأن شريكة حياتك هرمت وغشى الشيب رأسها
تتمعن فيها
تتساءل متى وقع كل هذا
حينها سينادي المنادي فيك ...
أن الوظيفة تسرق الاعمار بلا فائدة...فلا تنخدع في المُسكِن المسمي بالمرتب الثابت 👌🙏

كن فاعلاً ولا تختار ان تكون مفعولاً به. 😎💪

30/12/2024

لما الاتش ار يقولك العقد شامل المواصلات داخل الموقع 😂😂

15/12/2024

انا عايز الشغل يخليني ابقى غني طحن
المتاح دلوقتي فى الشغل الطحن
بس يا مصطفى 😅😅