DINA FARG

24/04/2026

ماتخليش حد يكسرك.. صورك مش نقطة ضعف، دي وسيلة ضغط رخيصة! ✋🚫
لو اتعرضتي لتهديد أو ابتزاز بصور، أول قاعدة: ماتتفاوضيش. اللي يهددك مرة هياكلك العمر كله. الحل مش في السكوت، الحل في القانون. ⚖️
توجهي فوراً لـ مباحث الإنترنت واعملي محضر. التحقيقات بتتم في سرية تامة ومحدش هيعرف أي حاجة عن خصوصيتك. حقك هيجيلك والقانون هيحبسه.

مكتب الاستاذه /دينا ف*ج للمحاماة و للإستشارات القانونيه

22/04/2026

19/04/2026

مفاجأة ⛔️قانون الأسرة الجديد 2026
1- قضايا النفقات وتشمل
النفقة الزوجية
نفقة الصغار
نفقة اجر مسكن وحضانة
نفقة مصاريف دراسية
نفقة علاج
سيتم تجميعها بقضية واحدة لتصبح قضية واحدة تشمل جميع النفقات وتقديرها 40٪ من دخل الزوج
فى حال عدم ثبوت عمل للزوج يتم احتساب 40٪ من الحد الأدنى للأجور ويتبع فى حال زيادة الحد الأدنى للأجور طبقا لقانون العمل الدورى .
التنفيذ بفيزا للمطلقة تسمى Children visa من أحد البنوك المصرية (البنك الاهلى /بنك مصر / بنك ناصر الاجتماعى )
سيتم وضع المبلغ اول كل شهر بجد أقصى 10ايام من كل شهر بمجرد حكم المحكمة درجة اولى ولا يوجد استئناف للحكم بمجرد تسليم مفردات المرتب للمحكمة يتم الحكم بنسبة 40٪ من دخل الزوج المثبت بالمفردات المقدمة للمحكمة .

2-قضايا المنقولات الزوجية والذهب

التنفيذ
تسليم المنقولات كاملة طبقا للقائمة التى تم التوقيع عليها من جانب الزوج وفى حال عدم التسليم يتم سداد المبلغ المذكور بقائمة المنقولات على سنة على أن يتم السداد شهريا ووضع المبلغ بحساب Children visa
بالنسبة للذهب يسقط الحكم تلقائيا وكأن لم يكن حيث يعتبر الذهب لصيق للزوجة ولا يعتد بالدعوى المرفوعة فى الذهب .

3-قضايا الرؤية
الغاء تنفيذ الرؤية بمركز الشباب على أن يتم تنفيذ
حكم الاستضافة والاصطحاب
على إن يتم التنفيذ يومين بالاسبوع وحضور كلا من الزوج والزوجة والصغار فقط بدون حضور اى أطراف أخرى لمركز الشباب
قبل التنفيذ سيتم استدعاء كلا من الزوج والزوجة وتحديد يومين من كل أسبوع لا يشترط ايام محددة على أن يتم الحكم من جانب القاضى بعد تقديم ما يثبت مصلحة الصغار اولا وتحديد اليومين محل الاستضافة والاصطحاب للاب ويكون أيام متتالية وليست متقطعة
التنفيذ كالاتى بعد تحديد الايام من جانب القاضى
مثال الخميس والجمعة
يتم حضور الأطراف المعنية فقط لمركز الشباب الأقرب للطفل
الزوج / الزوجة / الصغار
امضاء الزوج على إقرار باستلام الصغار بالساعة المحددة من جانب القاضى وتسليمهم مساء اليوم التالى بمركز الشباب بالساعة المحددة من جانب القاضى
بند اضافى
*شهر رمضان المبارك إجازة عيد الفطر وعيد الأضحى المبارك*
يتم تنفيذ اول يوم إجازة فقط بدون الحاجة للجوء للقضاء كبند أساسى وعلى الاب استلام الصغار الساعة العاشرة صباحا والتسليم للمركز الساعة السادسة مساءا .
فى حال التقصير بالبنود وعدم التنفيذ بالساعات المحددة
كل من الأطراف سيتم توقيع غرامة لا تقل عن 10الاف جنيها مصري ولا تزيد عن 80 الف جنيها مصري . وفقا لتقدير القاضى وإثبات ما يثبت التقصير من أحد الأطراف .

4-قضايا الحضانة
انتقال حضانة الصغار للاب لتصبح المرحلة الرابعة .
المرحلة الأولى/ الام
المرحلة الثانية/ ام الام
المرحلة الثالثة/ ام الأب
المرحلة الرابعة/ الاب

5-قضايا المؤخر والعدة والمتعة
التنفيذ طبقا لقرار المحكمة
فى حال الخلع/ تسقط حقوق الزوجة كاملة.
فى حال طلاق الضرر والشقاق والهجر وعدم الانفاق
طبقا لتقدير القاضى والاثبات والأدلة وبناءا عليه
اما بالحكم بكافة الحقوق أو نصف الحقوق .
تحديد المتعة طبقا لتقدير القاضى بحيث لا تقل عن 24الف ولا تزيد عن 100الف جنيها .
والتنفيذ بيتم على Children visa للمطلقة والتنفيذ على عام وايداع المبلغ شهريا
مثال إجمالى الحقوق للمطلقة 120 الف
يتم إيداع مبلغ كل شهر 10الاف لحين الانتهاء من تسديد المبلغ الإجمالى
المدة المسموح بها اول 10ايام من كل شهر
للعلم يوجد غرامة تأخير على كل شهر عن المدة المتفق عليها عن العشر ايام الاولى من كل شهر 10٪ من إجمالى مبلغ 120الف ويتم ايداع مبلغ الغرامات نهاية السنة
مكتب المستشاره دينا ف*ج عبدالمنعم للمحاماة والإستشارات القانونية
# بالإستئناف العالي ومجلس الدولة

17/04/2026

رسميا من يوم السبت القادم ٤/١٨
والنطاق الجغرافي لقسم ثالث المنصوره
" جزء من عبدالسلام عارف شارع العيسوي - شارع المدشات - شارع سكه سندوب - شارع الخلطه الاسفلتيه - مدينة الفردوس [ المجزر الالي ] - مقابر المسلمين والاقباط - منطقه حي الاشجار - منطقه رابعه العدويه - شارع السيسي - تقسيم الزراعين "

13/04/2026

تمت اضافة خدمة جديدة من النيابة العامة المصرية
لتتبع واستعادة الهواتف المسروقة
كيف تستخدم الخدمة؟ (الخطوات الرسمية)
١- عمل محضر سرقة او فقد للهاتف بقسم الشرطة المختص
٢- ادخل على موقع للنيابة العامة المصرية من خلال جوجل
👈الرابط: https://ppo.gov.eg
٣- اختار خدمة "تتبع الهواتف المفقودة" المشار اليها بالصورة 👇
٤- سجل الدخول بحسابك على منصة مصر الرقمية
٥- أدخل البيانات بدقة:
رقم المحضر
الرقم التسلسلي للجهاز (IMEI) — 15 رقم
الاسم - الرقم القومي - بيانات التواصل
٦- اضغط "تقديم" وتابع حالة بلاغك أول بأول عبر الموقع.

تتبع فني أسرع و ربط مباشر مع منظومة الاتصالات

الخدمة مش هتشتغل بدون رسم محضر و رقم IMEI اللى موجودة على علبه الموبايل عشان فيها الـ IMEI

17/03/2026

مفيش خدمات حكومية للممتنعين عن النفقة" .
النهارده الجريدة الرسمية نشرت قرار وزير العدل اللي هيقلب الموازين.
من بكره أي حد عليه حكم نهائي في قضية نفقة وما سددش هيتحرم من خدمات حكومية حيوية لحد ما يدفع اللي عليه ويجيب "شهادة براءة ذمة".
الخدمات اللي هتوقف للممتنعين تشمل:
🛑 التموين: (لا بطاقات جديدة، ولا بدل فاقد، ولا إضافة مواليد).
🛑 الكهرباء: (لا تركيب عدادات جديدة ولا تغيير اسم المشترك).
🛑 المرور والتنمية المحلية: (لا رخص قيادة مهنية، ولا رخص محلات، ولا إعلانات).
🛑 الإسكان والشهر العقاري: (توقف تراخيص البناء، التصالح، تخصيص الأراضي، وكل خدمات التوثيق).
🛑 الزراعة: (وقف كارت الفلاح وصرف الأسمدة).
🛑 خدمات تانية: (تصاريح العمل، تراخيص السياحة، وحتى كارت خدمات ذوي الإعاقة).
من الاخر
الدولة قفلت كل الأبواب علي المقصرين .. يعني بنك ناصر هيبلغ الجهات دي بالأسماء والحظر مش هيترفع غير لما تدفع حق ولادك وتثبت ده رسمياً.
النفقة "دين" مبيسقطش والقرار ده جاي عشان يضمن حياة كريمة للأطفال والأسرة.
لو عندك شكوي في اي حاجه تخص طفلك ممكن تكلم 16000 .

29/01/2026

⚜️ معلومة قانونية تهمك ⚖️📖
👈 حالات سقوط قرار التمكين ‼️

♦️ توفير مسكن بديل : توفير الأب مسكناً مناسباً الحاضنة يسقط
قرار التمكين.

♦️ اختيار أجر المسكن : اختيار الحاضنة لأجر المسكن يسقط حقها
في التمكين.

♦️ سقوط الحضانة : يسقط التمكين بسقوط الحضانة لأي سبب
من أسبابها القانونية .

♦️ انتهاء سن الحضانة: يسقط قرار التمكين ببلوغ الصغير أو
الصغيرة سن 15 عاما.

♦️ ترك مسكن الحضانة : إذا ثبت أن الحاضنة مسكناً أخر تقيم فيه
مع الصغير ، يسقط التمكين.

♦️ وجود أموال للمحضون : إذا كان للمحضون مال خاص يكفي
للإنفاق ، لا يحق طلب التمكين .

♦️ التزام الأب بالتجهيز : يلتزم الأب بتوفير الأثاث و المنقولات و
أدوات المعيشة اللازمة ، و إلا يحق الحاضنة رفع دعوى تجهيز
مسكن حضانة .

للتواصل...01030872700 📞📱

04/01/2026

المحامية هي الباحثة والمبدعة والمفكرة
المحامية هي فارسة القلم والكلام هي بئر الاسرار ومفتاح الابتكار هي التي اذا تحدثت ابهرت من حولها واذا صمتت اشغلت من حولها فيما تفكر، فهنيئاً للزميلات المحاميات.❤️❤️❤️

20/07/2025

هو إعلام الوراثة بيقسم التركة؟!

ناس كتير فاكرة إن أول ما نعمل إعلام وراثة يبقى كل واحد ياخد نصيبه ويمشي… لأ، خلّي بالك، الموضوع غير كده خالص، وعلشان ماحدش يضحك عليك أو تتلخبط، تعالى نفهم الحكاية من أولها لآخرها:

🟠 يعني إيه إعلام وراثة؟
إعلام الوراثة ببساطة كده، هو قرار من المحكمة بيقول فيه:
▪️ إن الشخص الفلاني مات
▪️ وسب وراه زوجته وأولاده وأبوه وأمه مثلًا
▪️ وإن كل واحد من دول له نصيب شرعي في التركة

يعني يقول مثلًا: – الزوجة ليها الثمن
– الأولاد "الولد ياخد ضعف البنت"
– الأم ليها السدس
– الأب ليه السدس
بس كده… مفيش فيه بقى شقة فين، وعمارة كام دور، وحساب البنك بكام؟
ده ملوش علاقة خالص بالحاجات دي.

🔹 يعني محدش بياخد حاجة بإيده بعد الإعلام؟
برافو عليك… الكلام الصح هو كده!
إعلام الوراثة مش معناه إن كل واحد ياخد شقته ويمشي.
ده بس بيثبت إنكم الورثة الشرعيين، وكل واحد ليه نسبة معينة من التركة كلها، لكن محدش يقدر يحدد ياخد إيه غير لما تتعمل "قسمة" بين الورثة… يعني كل الورثة شركاء في كل حاجة، لحد ما يتم الاتفاق أو المحكمة تتدخل وتقسم.

🔸 مثال بسيط:
لو الاب ترك بيت و3 أولاد وبنت… فكلهم شركاء في البيت كله.
محدش يقدر يقول "دي أوضتي ودي شقتي" إلا لما يحصل قسمة.

🟡 طب لو في أملاك وعايزين نقسم؟
ساعتها بقى نروح للطريق التاني: – يا إما تتفقوا و تكتبوا عقد قسمة رضائية بينكم
– يا إما حد يرفع دعوى قسمة في المحكمة
– يا إما تبيعوا الأملاك وتقسموا الفلوس
لكن إعلام الوراثة مش هيساعدك في تقسيم الأملاك، هو بس بيقول مين له حق شرعي من الأساس.

🔴 طب لو في أولاد قُصّر؟
يعني لو فيه طفل أقل من ٢١ سنة… لازم نعمل قرار وصاية الأول.
يعني المحكمة تعين حد (وصي) يكون مسؤول عن إدارة حق الطفل ده، ويحافظ عليه.
والمجلس الحسبي هو اللي بيراقب وبيتابع.

والمهم جدًا جدًا:
✅ ان أي تصرف في مال الطفل من غير إذن المجلس الحسبي، ملوش أي قيمة!
✅ لازم كل أملاك المتوفى تتسجل في قرار الوصاية، علشان محدش يتصرف فيها من ورا الطفل.
🟢 طب القاصر ده يفضل تحت الوصاية لحد إمتى؟

لحد ما يتم ٢١ سنة.
وأول ما يتم السن ده، يقدر يتقدم للمجلس الحسبي بطلب رفع الوصاية عنه، ويبدأ يتصرف في حقه برحته.

🟣 معلومة مهمة جدًا جدًا:
لو حد من الورثة تعمّد يحجب أو يخفي اسم وريث تاني في إعلام الوراثة، أو ادّعى إن مفيش حد تاني، وهو عارف إنه فيه… ده كده مزوّر رسمي، وعرض نفسه للمسؤولية القانونية والجنائية.

✍️ الخلاصة اللي لازم كل الناس تعرفها:
▪️ إعلام الوراثة مش بيوزع ولا بيقسم
▪️ الإعلام بس بيقول مين الورثة الشرعيين ونصيبهم قد إيه
▪️ الأملاك نفسها ليها طريق تاني للتقسيم
▪️ واللي يحذف وريث أو يخفيه، بيزوّر في مستند رسمي وهيتحااسب