4PS Marketing Management Consulting.

02/07/2017

28/02/2017

الاحتكار موجود فى كل الأسواق المحلية والعالمية ... هو ببساطة احتكار علامة تجارية لمنتج معين وبيبقى ليه النصيب الأكبر من السوق وطبعا المنافسة معاه صعبة جداً بما انه صاحب ميزانية التسويق الكبيرة والعلاقات القوية بالموردين و بالموزعين، لكن هل معنى كده إننا منفكرش ندخل السوق ده وننافس المحتكر ده 🤜

الحقيقة انك تقدر تنافس المحتكر أو رقم واحد فى السوق بإنك تركز على المميزات والعيوب .. وتحويلها لصالحك وده اللى عملته شركة تأجير سيارات فى أمريكا اسمها "Avis" كان مجموع عربيات الشركة 3 عربيات ، وصلت إنها تبقى تانى أكبر شركة تأجير سيارات فى الولايات المتحدة بعد شركة "Hertz" .. كان فى صعوبة كبيرة من شركة "Avis" إنها توصل ل "Hertz " وإنها تبقى رقم واحد فى السوق فما كان منها إلا أنها أطلقت شعار مميز وطريف جداً قدرت من خلاله إنها تركزعلى تحويل نقطة الضعف دى لميزة تسويقية وكان الشعار ده بيقول "احنا رقم اتنين فى السوق .. عشان كده احنا بنبذل محهود كبير " 😉

الشعار ده كان مميز ومؤثر على العميل لأنه بيوضح كم الجهد المبذول من طرف شركة "Avis" فى إرضاء العملاء ومحاولاتها للوصول للهدف ده واللى هيترجم بعد كده إنها تبقى رقم واحد مقابل المجهود اللى هتبذله "Hertz" . وحاليا شعار شركة "Avis" يعتبر من أفضل الشعارات التسويقية فى العالم ورغم إنها مستمرة فى المنافسة مع "Hertz" إلا أنها قربت جداً منها فى الوصول لرقم واحد فى سوق تأجير السيارات فى الولايات المتحدة

#الخلاصة انك ممكن تحول نقطة ضعفك مع المنافس الاول فى السوق لنقطة قوة فى صالحك عن طريق التفكير فى شعار مميز وبأقل كلمات صعب إنها تتنسى عند العملاء وربنا يوفق الجميع

26/02/2017

دراسة الجدوى التسويقية هى نقطة الانطلاق لدراسة الجدوى التفصيلية للمشروعات، لأنها القاعدة التي على أساسها يتم اتخاذ قرار التوقف أو الاستمرار في استكمال تنفيذ المراحل اللاحقة لدراسات الجدوى التفصيلية للمشروع. فلا يمكن الحكم على صلاحية أي مشروع للاستثمار دون التعرف أولاً على مدى الاحتياج إلى منتجاته العرض والطلب والفرص التسويقية المتاحة أمامه من ثم تعتبر دراسات الجدوى التسويقية من أهم الدراسات الواجب إعدادها بدقة للمساعدة في الحكم على صلاحية المشروع

أهداف دراسة الجدوى التسويقية
1- تحديد حجم السوق
2- تحديد الفرص التسويقية.
3- تحديد وتخطيط عمل الحملات الإعلانية.
4- هيكل ونوع السوق ودرجة المنافسة وتقسيمات السوق.
5- تحديد حجم الطلب المتوقع على منتجات المشروع ومعدلات نموه.
6- تحديد السياسات التسويقية من حيث التسعير والترويج والتوزيع.
1- دراسة السوق تمكنك من التعرف على :-

وتقوم الدراسة التسويقية بعمل :-
1- توصيف المنتج سواء سلعة أو خدمة .
2- توصيف المستهلكين واحتياجاتهم ومستواهم الاقتصادي .
3- توصيف السوق وحجمة الحالي والمستقبلي والمنافسين وأسعار السلع المثلية والقوانين المحددة لتداول السلعة أو لتسعيرها .
4- تحديد مدي تجاوب السوق لفكرة المنتج أو الخدمة الجديدة التي يسعى المشروع لتقديمها .
5- نصيب السلعة أو الخدمة من الفجوة التسويقية ( الفرق بين الطلب الكلي والعرض الكلي للسلعة ا والخدمة ) وبالتالي تحديد الطاقة الإنتاجية والرقم المتوقع للمبيعات .
6-إعداد الهيكل التو سيقي بما يشمله من تكلفة التسويق .

الآن اطلب الدراسة وابدأ مشروعك
الــ يقوم باعداد دراسة الجدوي ، نتعامل معك كخبير يرشدك مع توضيح لدراسة الجدوي و تقديمها في شكل جيد و دقيق لكل عنصر
☎ 050/2200840 - 01006636657
أو راسلنا على : [email protected]
http://www.4ps-consulting.com

26/02/2017

كل صاحب مشروع ليه اتجاه أو تعالوا نسميها مدرسة بيشتغل بيها ، لكن ممكن مش محدد بالظبط هو بيشتغل فى أى مدرسة وايه أحسن مدرسة المفروض يشتغل بيها ...😎

أولًا مدرسة الإنتاج (المدرسة الصينية): الى فيها بنخفض سعر المنتج ويبقى عندك ميزة سعرية ممتازة تقدر تنافس بيها، بس لازم يبقى عندك أماكن كتيرة للتوزيع علشان تقدر توزع ، والميزة السعرية وتوفرها فى أى حتة بتخلينا نشتريها بشكل كبير

ثانيًا مدرسة المنتج (المدرسة الألمانية) : المدرسة دى بتعتمد على إتقان المنتج بشكل كبير وتطويره لكن التطوير المستمر فى المنتج بيخللى سعره عالى جدا لدرجة إن مش كل الناس تقدر تشتريه وحتى اللى بيشتريه بيدفع تمن اختيارات وكماليات هو مش محتاج لها قوى، وعلى العميل إنه يتحمل تمنه

ثالثًا : المبيعات: دى بتعتمد على الضغط فى الإعلانات والضغط على العميل بتليفونات علشان يشترى حاجة ممكن تكون مش مناسبة له أو حتى هو مش محتاجها دلوقتى زى مثلا التأمين أو قروض البنوك، وأحيانًا إهتمام الشركة بالبيع بيؤدى للإهمال فى المنتج وأحيانًا فى الإهتمام بخدمات بعد البيع

رابعًا : مدرسة التسويق : يعنى بدل ما يبقى عندى منتج بدورله على عميل يشتريه بقي عندى عميل بنتج له منتج مناسب له . المدرسة دى بتركز على العميل واحتياجاته بس

خامسًا مدرسة التسويق المتكامل : ودى حولت التسويق من قسم جوا الشركة زى مدرسة التسويق الى فوق إلى أن يكون مفهوم التسويق هو المسيطر على الشركة من أول رئيس مجلس الإدارة لحد أصغر موظف فى الشركة تحت شعار ( كل حاجه بتفرق )

#الخلاصة ياريت يبقى عندنا نية لتحويل شركاتنا علشان توصل إنها تنتمى لمدرسة التسويق المتكامل لأن أى حد مش هيتطور لصالح العميل ويجدد نفسه هينتهى ومش هيظهر بعد كده فى السوق

26/02/2017

شركة من شركات بيع الأدوات والملابس الرياضية عملت حركة ذكية 😄 لقت ان فى اتنين جيم مشهورين فاتحين جنب بعض وطبعا عدد المشاركين فيهم كبير، قامت فاتحة محل بينهم بينهم علشان تضمن إن كل واحد مشترك هنا أو هنا هايبقي عميل متوقع .... الناس دى مشغله دماغها وبتحاول تضمن إن مشروعها ينجح (عن طريق توفير العميل من قبل ما تفتح)💪 .

حاول لما تختار مكان لشغلك تضمن بيه وجود العميل إنما رضا العميل ده هيبقي متوقف علي حاجات تانيه 📞 050/2200840 - 01006636657 كلمنا وانت تعرف .....

21/02/2017

طبعا متفقين ان أى بيزنس أو منتج بيقوم على حل مشكلة قائمة أو سد فجوة بين العرض والطلب
سواء الفجوة دى موجودة حاليًا أو متوقعة فى المستقبل ...

لو طبقنا المفهوم ده على كيان كبير زى مثلاً لما شركة الطيران الخليجي قررت إنها توقف رحلاتها من و إلى دبى سنة 1985 قرر الشيخ أحمد بن سعيد أل مكتوم إنه يخللى دبي مركز عالمى، وأنشأ شركة الإمارات اللى بدأت بطائرتين بتقوم برحلات ل 3 مدن فقط وهى بومباى وكراتشى ودلهى .... دلوقتى طيران الإمارات بيمتلك حوالي 203 طائرة من مختلف الطرازات،،،

المهم إنها نشأت نتيجة لوجود مشكلة أو فجوة بين الطلب ( الناس اللى عايزة تسافر ) والعرض ( إن طيران الخليج وقف رحلاته من وإلى دبى ) . ومفيش فرق اذا كانت الشركة كبيرة او صغيرة المهم انك لازم تتعلم تسويق وانك تبص حواليك وتتابع الشركات الكبيرة نجحت ازاى ؟!

ومتحسبهاش كتيرالــ هيساعدك ويدعمك
كلمنا ☎ 050/2200840 - 01006636657
أو راسلنا على : [email protected]
http://www.4ps-consulting.com

21/02/2017

لو هتفتح مشروع علشان سنة أو اتنين الأفضل انك تستثمر فلوسه في مكان مختلف ... اللي بيعمل مشروع بيعمله لسنين قدام ولازم يمر بنجاحات وإخفاقات وممكن مينجحش فى الأول فميستعجلش لازم يبقي نفسه طويل ويكمل ....😉

19/02/2017

ليه في ناس كتير عندها مشاكل مع وظيفة الـ Sales؟ 😵
وظيفة المبيعات من أكتر الوظايف اللي مهدور حقها اجتماعيا و أنها شغلانة والسلام , مع ان أشهر مديري الشركات في العالم , بداية شغلهم كانت في مجال المبيعات عشان كده عايزين نوضح شوية نقط عن شغل الــ sales

آه هي من الشغلانات المتعبة وبتحتاج مجهود وفيها ضغط مستمر وبيكونوا شايفين إن مهما عملوا من مجهود مش هيوصلو لنتيجة ، لكن الناجحين بيشوفوا ان اى مجهود بيبذلوه أكيد ليه نتيجة وبيبقى اسلوب لحياتهم لأن ليه ميزات كتيييير ....

اولا العائد المادي : يعنى كل لما تشتغل اكتر وتدخل فلوس اكتر كل لما العائد هيكبر, لو هتدخل للشركة 10 هتاخد نسبتك و لو هتدخل مليون هتاخد نسبتك . الموضوع متوقف عليك👍

ثانيا العلاقات: مجال الــ sales بيخليك تعمل علاقات مع انماط كتير من الناس و ده يفيدك في حياتك الشخصية والعملية و بتفتحلك فرص كتير🤝

ثالثا وظيفة الـ sales ببتقوى الشخصية لانك بتتعامل مع مختلف انواع الناس ومختلف المواقف ويوميا بتمارس مهارة الاقناع والتعامل مع الناس

نيجى للصعب الــ target لازم تعرف انه بيتحدد على حسب ادائك و قدرتك و مستواك ,وعشان تحققه بسهولة محتاج تنظم شغلك ووقتك . السوق مليان فلوس وناس بتشتري. إنت لو طبقت اللي اتعلمته هتحقق الـ target ... وبالتوفيق 💰💪

13/02/2017

Good morning :)

12/02/2017

اللهم أمطر قلوبنا برحمتك ومغفرتك ورضاك ...