27/07/2017
قصة قصيرة حزينة 😥
الاعلان اللى فى الصورة دا موجود على مزلقان العالمين ومملوك لشركة Easy 2 have
صاحبها شاب طموح وهو صاحب فكرة الاعلان وهو اللى منفذه على حسابه بكل فلوسه واقترض كمان
واتبع كل الاجراءات القانونية فى ترخيص المكان وواخده بمزايدة علنية خاضعة لقانون المناقصات والمزايادات المصرى
وبعد مانجحت فكرت المزلقان وحققت صدى
وبردو فى ظل دولة القانون
وكمان المبادرات اللى الرئيس بيطلقها لدعم الشباب والاستثمار
فجأة وبدون اى سند قانونى يقوم السيد وزير النقل باصدار قرار ازالة الاعلان وتمكين شركة اعلام المصريين (بتاعة ابو هشيمة💵💵) من الاعلان على نفس الشاسيه الحديد بتاع شركة easy 2 have 🙃
ولاننا فى دولة قانون قامت شركة easy 2 have رفعت قضية فى مجلس الدولة 💪 وتحدد لها جلسة يوم 29/7/2017
قام السيد الوزير ضرب بالقضية والجلسة عرض الحائط وباعت حملة النهاردة بدون اى انذار او اخطار او حتى سند قانونى علشان يزيلوا الاعلان ولا فارق معاه ان الموضوع قدام القضاء ومصمم انه يلحق يمكن شركة ابو هشيمة قبل حكم المحكمة بيومين ياترى ليه ؟؟
فبنتمنى ان السيد الوزير يشرحلنا او يقولنا سبب مقنع ليه هو عاوز يزيل الاعلان اللى هو وجوده قانونى مائة فى المائة ويمكن شركة اعلام المصريين من الموقع ومن الشاسيه اللى مش بتاعهم اصلا وبالسرعة دى 🤔
ورجاء من سيادة الاب الروحى لكل شباب مصر السيد رئيس الجمهورية عبد الفتاح السيسى التدخل لحل المسألة دى او حتى يخليهم يوضحولنا ليه هايخدوا اكل عيش شاب ويبقى معرض لانه يخسر كل حاجه ويدخل السجن لانه لسه حتى ماسدش تمن الشاسيه ويدوه لابو هشيمة بالسهولة دى
