12/12/2022
اخواتى واخواني وصديقاتي واصدقائي الأعزاء من عائله فرانكو موضة الكبيرة
كالعاده زي منتوا متعودين مني اني اقدم النصيحه قبل المعلومه في مجال الاستوكات والبال
والنهارده هقدم
👈النصيحه للمبتدئين اللي لسه بيفكروا يدخلوا المجال (الباله) خصوصا
👈والنصيحه للقدامي في المجال ( الباله) خصوصا واللي بقالهم سنين او حتى سنه و بقه ليهم قاعده من الزبائن
🤚👈النصيحه للمبتدئين
اللي لسه بيفكروا يدخلو المجال ولسه هيخدوا الخطوه دي
احب اقولكم بلاش تشتغلوا شتوي الموسم ده نهائي
👈لان التوقيت متأخر جدا جدا
👈الأسعار غاليه
👈الفتره دي مفيش بضاعه ومعدش كمان هيدخل بضاعه تاني
👈النصيحه للقدامي في المجال
لازم تشتري شغل وتخزنه عندك وكل واحد على حسب معرفته بسوقه وحجم مبيعاته اللي دارسها يعني خلي عندك رصيد في مخزنك يكفيك لنهايه الموسم
اللي هيعرف يجيب شغل دالوقتي مش هيعرف يجيبه تاني
اي فلوس تتحط في البضاعه افضل بكتير من انك تسيبها وتقول كله في وقته
انا بقولك وقته ده مش هتلاقي بضاعه وحتي لو ده حصل واتوجدت هتكون اغلى على ماكنت هتجبها دالوقتي
🤚ندخل على المعلومه
👈خلي بالكوا الشغل هيتباع تشكيل بالنسبة للمسوردين المنافسين وخصوصا الشغل العالي بدايه من كريم مفيش تاجر هيبيع أصناف لان التاجر اللي هيبيع أصناف هيزعل وهيخسر كمان لان هيفضل عنده الأصناف اللي الطلب عليها تقيل ولو فضلت عنده هيخسر فيها وهيبيعها بنص تكلفتها كمان
ولو التاجر باع أصناف هيزود سعر الصنف اكتر كمان ده لو حصل وباع اصناف
اما الحاله الوحيده اللي هيبيع فيها أصناف وبسعر الصنف عادي انه قدر يصرف البضاعه اللي عنده من الأصناف الثقيله في الطلب زي البرنص والروب وغيره مثلا
👈خلي بالكوا ان لو ربنا كتب العمر أن شاء الله كله يجهز نفسه للصيفي ويعرف ان الأسعار هتبقه عاليه جدا هي كمان ومتوقع انها تكسر ٤٥٠ج واكتر للكريم جمله والاصناف هتكسر ٤٨٠ج وال ٥٠٠ج حسب الدرجات ((بس طبعا الاسعار عندنا اقل بكتير جدا لانك بتتعامل مع #فرانكوموضة المستورد المباشر واول ايد)) 🖐🖐🖐
👈 بلاش موضه البيع((( بالكيلو))) ده بقى للناس اللى حتاخد منى او من مستوردين اخرين لان الأسعار حاتبقى غالية ومش لازم تقلد #فرانكوموضة عشان #فرانكوموضة هو المستورد🙌 ولو بعت بالكيلوا حاتخسر كتييييير إنما احنا مشفي ضرر عليا ببيع الكيلوا
👈 اللي عنده بضاعه صيفي من الموسم اللي فات وكان زعلان اوي انها مركونه انا بقولك متزعلش انت معاك كنز وخصوصا لو كانت البضاعه من درجات عاليه
ارجوا اني اكون وضحت النصيحه والمعلومه
وربنا يوفق الجميع ويرزقهم من واسع كرمه
تحياتي للجميع♥️🌹
