26/09/2025
تحذير وتوعية 📵📢📢
في مجزرة حاصلة في مجال الهواتف الدولي؛ وعشان تعرف المجزرة دي حاصلة ليه تعالى نحكي الحدودته:
*️⃣ بداية السنة الدولة طلعت نظام تسجيل الهواتف IMEI وكلنا فاكرين الخناقة اللي حصلت... الكل توقع ان قطاع الهواتف الدولي هيقفل بس مع الوقت محصلش وفضلت الهواتف الدولي موجودة وبأسعار أقل بشكل ملحوظ من الوكيل؛ طب إزاي؟ دا كان باستخدام عدة ثغرات.
1️⃣ تطبيق تليفوني كان فيه ثغرة وهي إنك تقدر تجيب 2 اي فون مثلا وتاخد IMEI من تليفون و واحد تاني من تليفون تاني وتخش تسجلهم وتدفع الضريبة فتلاقيها اتشالت من التليفونين؛ فكده سجلت 2 تليفون بسعر 1 تليفون.
2️⃣ شبكات المسافرين وخاصة الحج والعمرة؛ الناس الكبيرة اللي ملهاش في الاجهزة دي تجيب معاهم بشكل معين تليفونات وتتسجل؛ فوج سياحي عمار فوق ال 50 و 60 سنة؛ الغلابة اللي بيقعدوا يجمعوا سنين عشان يطلعوا عمرة ولا حج؛ تلاقي الفوج كله بيسجل اي فون وسامسونج؛ طبعا كل دا بعمولة 3 و 4 و 5 الاف جنية ونشيل الضريبة ال 20 و 25 الف من ع التليفون.
*️⃣ طبعاً في ثغرات تانية كانت مستخدمة؛ والثغرات دي NTRA كانت رصدتها ولكن سابوها؛ طيب ليييه 🤔 محدش عارف بس في ناس أشرار قالوا إنهم سابوهم متعمدين عشان ببساطة نزود عدد مستخدميها ونخلي التجار تبيع عشرات ومئات التليفونات بواسطة الثغرات دي فلما نقفشها ندمرهم فيحرموا يخالفوا نظام الدولة. دا كلام الأشرار مش أنا 😁؛ أنا طيب 😍
*️⃣ بعد شهور بقي جه NTRA قالك يلا افحص لي كل التليفونات المسجلة دي وقارن بين IMEI الأول والثاني؛ لو متعرفش فالاثنين هتلاقي بينهم عدد كبير من الارقام متكررة ومنها بتعرف الشبكة إن دا الثاني؛ اللي بقي مفيهوش أرقام متكررة يبقي اتسجل بواسطة الثغرة؛ امسح الاثنين دول ووقف الأجهزة دي.
*️⃣ هتقولي طيب الثغرة رقم 2 ايه وضعها دا تليفون متسجل رسمي في المطار؛ هقولك بسيطة خالص بالطريقة التركية؛ التليفون دا سجله محمد سامي في المطار؛ لكن الشريحة اللي فعلته اسم صاحبها محمد سعيد؛ يبقي دا كان مسافر جايبه سبوبة لحد تاني؛ اوقف لي يا ابني التليفون دا كمان.
*️⃣ طيب ايه الوضع الحالي؛ بالنسبة للثغرة الأول ظلام دامس؛ الناس حتي مش عارفين ايه الوضع؛ محدش عارف يشتكي ويقول دفعت فلوس تليفون وسجلت 2 عشان محدش هيعترف على نفسه بالنصب والتحايل عالقانون؛ فكده الاثنين اتقفلوا وراحت الفلوس اللي اتدفعت؛ لو مش فاهم ليكن في 100 جهاز اتسجلوا بدفع رسوم 50 الف جهاز بس؛ فاحنا هنوقف ال 100 الف ومحدش هيقدر يقول انا دفعت لانه كده اعترف بجريمة وهيتغرم ملايين وقد يسجن.
*️⃣ بالنسبة لرقم 2 فمفروووض فمفروووض هيقولوا لهم اللي شاريها دا صاحبي اخويا ابن عمي اللي كان مسافر وجابلي تليفون هدية؛ طيب عنيا هات منه ورقة مبايعة وصورة بطاقة وباسبور اللي سجله لك... لو انتا فعلا جايبه بواسطة حد تعرفه؛ هتعرف تتواصل معاه؛ لكن لو جايبه من محل فالمحل ميعرفش اتسجل مع مين اصلا... فكده عرفنا نفرق بين الاثنين.
⬅️⬅️⬅️ الحل دلوقتي للناس هي اما تشتري تليفون بضمان محلي رسمي أوووو اشتري عليه ضريبة وادفعها انتا؛ اللي اسمه دولي مدفوع الضريبة دا انتا بتخاطر مخاطرة كبيرة فلو مصر عليها استني اسبوعين نشوف هيحصل ايه في الأزمة الحالية دي؛ أصبرررر بلاش مخاطرة فلوسك انتا مش بتلاقيها في الأرض 📵
