Mr Boora

03/08/2021

مش عارف هتشطب شقتك إمتى وإزاى وبإيه وبكام ؟😳
شقتك واقفه والصنايعه هيجننوك ؟😱
شقتك واخده كل تفكيرك وعايز تشطبها ؟🙄
مش عارف تعمل ايه 🤔
أنت هتختار الباقه اللى تناسبك وهتعرف كل تفاصيلها بكل كبيره وصغيره فيها وسيب الباقى علينا 😉
الحق العرض لفترة محدوده ومنشن لصاحبك اللى داخل على جواز😄
للإستفسار تواصل معنا علي 01022433872 📲
او لتواصل عن طريق الواتساب 01202374172💬

10/03/2021

25/02/2021

#كهربائي منازل
يعني إيه كهربائي💪
يعني انت الكينج بتاع المعمار، انت رقم واحد، ما ينفعش معمار منغير كهربائي، عمرك شفت بدلة منغير زراير، طب إيه رأيك لو صاحب البدلة دي لابس كرافتة شيك كمان، وحاطط دبوس في الكرافتة وزرارين ألماظ في كم القميص، تعرف إن انت اللي بتعمل الحاجات دي كلها، انت اللي بتحلي المعمار، انت اللي بتخلي القصر يتقال عليه قصر😉
تخيل لو واحد بنى قصر ومافيش فيه كهرباء هيعيش إزاي، ده كل حاجة بتعتمد ع الكهرباء، الإضاءة وأجهزة التليفزيون والكمبيوتر والتليفون والثلاثجة والتكييف والميكروويف وحاجات كثير قوي، يعني بدون كهرباء كأنه قاعد في قبر.
- انت الكينج لإنك أول واحد بتدخل المبنى وآخر واحد بتخرج منه، ده انت حتى ساعات بتدخل قبل حفر الأرض عشان تنور الأرض للناس اللي هيشتغلوا بالليل⁦☺️⁩
- انت الكينج لإنك الوحيد اللي بيستدعوه ويدخل الشقة أو القصر بعد ما يتفرش وتدخل الرسبشن والمطيخ والحمام وغرف النوم وتقعد على الأنتريه.😂
- انت الكينج لإنك بتتعامل مع وحش خطير جدا، وحش ما بيرحمش، وحش مافيش حد شايفه ولا عارفه إلا انت، انت الوحيد اللي بتعرف تتعامل معاه وتروضه وتخليه يمشي على مزاجك، يشتغل وقت ماتحب وينام وقت ما تحب، تمشيه
يمين تمشيه شمال مايقدرش يخالف أوامرك💡
لازم تعرف إنك الكنج وإن اللقب ده له التزامات كثير قوي عشان تفضل دايما الكينج👌👌

24/02/2021

ما بلاش ياخويا شغلانة الكهربائى دى ماجلناش
منها إلا وشك المحروق من الشمس ومخك اتلحس وبقيت حساك عربجى فالبيت ومفيش فلوس 💵💰
فيها ايه لو فتحتلك قهوة؟؟؟😂😂😂

20/02/2021

لكل الناس اللى محتاره ومش عارفه ايه اللى بيتخصم من العداد مسبوق الدفع (الكارت) وليه بيتخصم حاولت أجمع لحضراتكم كل النقاط اللى تقدروا بيها تستفيدوا وازاى تعرفوا تتابعوا العداد
ازاى تعرف تحسب استهلاكك والخصومات التى تتم على العداد من خلال شرائح المحاسبه لعام ٢٠٢٠ وذلك على النحو التالى
1- من صفر إلى 50 كيلو وات 38 قرش/ ك.و.س
2- من 51 إلى 100 كيلو وات 48 قرش / ك.و.س
3- من صفر حتى 200 كيلو وات 65 قرش/ ك.و.س
4- من 201 إلى 350 كيلو وات 96 قرش/ ك.و.س
5- من 351 إلى 650 كيلو وات 118 قرش/ ك.و.س
المستهلك أكثر من 650 ك.و.س/ ك.و.س
6- من صفر إلى أقل من 1000 كيلو وات 118 قرش/ ك.و.س
7- من صفر لأكثر من 1000كيلو وات 145 قرش/ ك.و.س
فى خصم بيتم فى الشريحه الثالثة ده اسمه فرق الانتقال من شريحه الى شريحه وبيكون قيمته ٢٢ جنيه للاسعار الحالية
بتتحسب ازاى
٥٠ كيلو × ٣٨ قرش = ١٩ جنيه
٥٠ كيلو × ٤٨ قرش = ٢٤ جنيه
يعنى اجمالى الشريحتين ٤٣ جنيه لاول ١٠٠ كيلوا
لكن لو حضرتك كسرت ال ١٠٠ كيلو يعنى مثلا بقيت ١٠١ ده معناه ان اول شريحتين اتلغت بالنسبالك
وبداية المحاسبه ليك من الثالثة عشان انت فوق ال ١٠٠ كيلو طريقة حسابها
١٠٠ كيلوا × ٦٥ = ٦٥ جنيه
عشان كده بنقول ٦٥ _ ٤٣ = يبقى الفرق ٢٢ جنيه وهيا دى حكاية ال ٢٢ اللى بتتخصم اول متوصل للشريحه الثالثة عشان فى الاخر يبقى الاجمالى اللى اتخصم منك ٦٥ جنيه
وده بيحصل ليه عشان الدولة قالت الشريحه الاولى اول ٥٠ كيلو بسعر مخفض ٣٨ قرش والتانيه ٥٠ كيلو بسعر مخفض ٤٨ قرش ودى بيسموها شريحة محدودى الدخل حتى ١٠٠ كيلوا فقط مدعومه لكن لو عديت ال ١٠٠ يعنى مثلا ١٠١ ده معناه ان الدعم غير مستحق
عشان بيحاسبك على ال ١٠٠ كيلو اللى انت استهلكتها هو اجماليها ٦٥ جنيه وده مش معناه ان انت كده مش مدعوم ولكن متقسمه فئات
الخصم التانى نفس الفكرة لو وصلتى ٦٥١ العداد هيخصم تلقائى فرق استهلاك بقيمة ١٣٩ جنيه فرق الدعم
بالاضافة الى الخصم الثالث والاخير وهنا لازم تخلى بالك كويس اوى
وتعرف الفرق بين الـ1000 كيلو المدعومة حتى آخر الشريحة السادسة، وتبلغ قيمتها ١١٨٠ جنيهًا
والـ1001 غير المدعومة تبلغ قيمتها 1450 جنيهًا للشريحة السابعة.
بمعنى إذا تجاوز المشترك فوق 1000 كيلو بكيلو مثلًا 1001 يعنى ذلك أن المشترك تخطى 1000، لذلك تتم محاسبته على 1000 كيلو في 1.45 قرش وتساوي 1450 جنيهًا بدلا من ١١٨

16/02/2021

كهرباء منازل وتشطيبات
اي الفرق بين الصورتين؟ 🤔

ليه تضيع وقتك وفلوسك مع صنيعي مش خبره
كده كده هتشتري اجود خامات🙄

نفس الخامات هي هي بس اي الفرق😒
الفرق ف اتقان الفني اللي هينفذ العمل 👌
اختار ديما الافضل لبيتك🏠
#احسنو الاختيار

15/02/2021

100 نصيحة لازم تاخد بالك منها قبل ماتشطب شقتك :-

1. حاول تخطط لكل تفصيله قبل ماتبدأ شغل.
2. ارسم فرش افتراضي للشقة عشان تقدر تحدد أماكن مخارج الكهربا و السباكة صح.
3. المطبخ من أهم الفراغات في الشقة بلاش تضيق مساحته عشان توسع الريسبشن.
4. حاول توسع المطبخ على قد ماتقدر.
5. اعمل حسابك تجيب ترابيزة أكل صغيرة في المطبخ دي أهم من ترابيزة السفرة.
6. اهتم بالليفينج أكتر من الريسيبشن.
7. مش لازم تجيب بوفيه و نيش.. الجزامة أهم.
8. الدييب فريزر و المايكروويف أساسيات أكتر من الصيني اللي ماحدش بيستخدمه.
9. لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة.
10. البورسلين قطع الليزر في مصر أثبت فشله.. هات سيراميك نوع كويس أفضل.
11. سيراميك الجوهرة أفضل من كليوباترا بمراحل.
12. لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.
13. لو ما اخترتش البورسلين صح و ركبته صح هيفك من الأرض بعد سنتين.
14. لو حابب تدلع شقتك ركب hdf في الغرف.. هتنبسط.
15. لو مش حابب تدلع شقتك على الأقل ركب hdf في غرفة النوم.. صدقني هتنبسط.
16. لو شقتك مجروحة من الجيران ماتنساش الستاير البلاك أوت.
17. البراقع و البلتكنات اللي حماتك هتختارها دي بطلت من 15 سنة.
18. الدهانات السبونج مش أحلى حاجة في الدنيا.
19. ورق الحائط الـ 3d هايل بس ماتكترش منه.
20. أكتر 3 حاجات عاوزك تهتم بيها هي تأسيس السباكة و تأسيس الكهرباء و العزل.
21. الشبابيك الألومينيوم عملية أكتر من الشبابيك الخشب.
22. لو هتركب شبابيك ألومينيوم إختار أي قطاع غير قطاع السعد.
23. الألومينيوم بيتدهن ألوان كتير غير البيج و الأوف وايت على فكرة.
24. لو معاك فلوس ركب شاتر على الشبابيك الألومينيوم.
25. غرفة النوم الرئيسية ركب للشباك بتاعها زجاج دبل.
26. عدي النقطة اللي فاتت و مش لازم تعرف السبب.
27. حاول في شقتك تكتر من إستخدام الخامات الطبيعية و تقلل الخامات الصناعية بتفرق كتير في الإحساس بالراحة.
28. الشبابيك الجرار بتساعد على سهولة الفرش و لكن بتقلل الإضاءة و التهوية.
29. الشبابيك المفصلية بتزود الإضاءة و التهوية بس هتصعب عليك الفرش.
30. لو شقتك واسعة اعمل شبابيك مفصلي و لو ضيقة اعمل الشبابيك جرار.
31. الشبابيك الـ pvc جميلة و بتعيش.
32. لو شقتك في منطقة مقطوعة ركب كاميرات خارجية مابتتكلفش كتير على فكرة.
33. ماتجيبش نيش.
34. معابر الأبواب مهمة عشان بتمنع الصوت و الضوء و الحشرات.
35. إختار أبواب خشب كويسة عشان ماتندمش و باب الشقة هاته باب مصفح لو معاك فلوس.
36. خلي النجار يركبلك جوانات كاوتش لكل الأبواب عشان بتمنع التراب و الصوت.
37. كل الشبابيك احقن حواليها فوم من الخارج و سليكون من الداخل عشان الحرارة و الصوت و التراب.
38. الجيبسوم بورد بيتعمل بيه حاجات كتير غير الأسقف على فكرة.
39. الجيبسوم بورد حاجة أساسية بس تستخدمه صح لما تحتاجه.
40. أكتر حاجة هتخلي شقتك شيك هي توزيع الإضاءة صح.. خلي حد مخصص يوزعلك الإضاءة.
41. اهتم إنك تشتري شفاط محترم للمطبخ.
42. الشفاط اللي بيركب فوق البوتاجاز شكله حلو و شيك و بس.
43. ماتركبش في الأرضيات السيراميك المستطيل اللي شبه الباركية عشان بيقوس و بيجير.
44. لو عاجبك السيراميك اللي شبه الباركية ركب hdf هتتبسط صدقني.
45. اعمل حساب كل تفصيله في تأسيس الكهرباء و ماتنساش الدش و التليفزيون و التليفون و النت.
46. اعمل حسابك لتأسيس التكييف حتى لو مش هتشتري تكيييف.
47. بلاش دهانات مط و بلاش دهانات لامع.. النص لمعة أو الربع لمعة أشيك بكتير.
48. آخر صيحة في الديكورات حالياً هي الأسقف السترتش اللامعة.
49. لو عاوز تدلع مكان معين في شقتك ممكن تعمل ديكورات بـ CNC .
50. اختار كل حاجة قبل ماتبدأ تنفيذ أي حاجة.. دي قاعدة أساسية.
51. أسس اسكيب و شطب جوتن.. ده في الدهانات.
52. مافيش أشيك ولا أرقى من الدهانات السادة بس تختار الألوان صح.
53. بلاش تعمل تفاصيل كتير في الحوائط و الأرضيات و الديكورات عشان تعرف تفرش حضرتك.
54. أي حاجة مط بيبان عليها التراب.. لازم تبقى عارف ده كويس.
55. لو الأبواب الخشب شكلها حلو ادهنها أستر و لو شكلها مش حلو ادهنها لاكية مغسول.
56. القاعدة الذهبية في إختيار أكر و كوالين الأبواب " الغالي رخيص"
57. القاعدة اللي فاتت دي برضه تنطبق على الخلاطات و الإكسسوار و النواكل.
58. الزجاج العاكس للشبابيك بيحجب 50% من الإضاءة.
59. الزجاج العاكس للشبابيك بيعكس الصبح بس مابيعكسش بالليل.
60. ألوان السجاد- ألوان الستاير- ألوان الفرش- ألوان الأبواب و الشبابيك- ألوان الموبيليا- ألوان دهانات الحوائط و الأسقف- ألوان الإكسسورات و الأنتيكات و التحف و الصور و البراويز... كل الحاجات دي ليها علاقة ببعض ولازم تنسقها صح عشان شقتك ماتبقاش ملعلطة.
61. حاول على قد ماتقدر تشتري كل لمبات الشقة لمبات ليد.. هتدفع مبلغ كبير بس هتوفره في فواتير الكهرباء.
62. لو هتجيب سخان كهرباء هات سعته كبيرة.
63. السخان الفوري مناسب بس في المطبخ لأنه بيستهلك كهرباء كتير.
64. في تأسيس الكهرباء ماتشتغلش غير بسلك السويدي الأصلي.
65. في تأسيس السباكة مواسير التغذية أكواثيرم أو باننجر و مواسير الصرف الشريف.
66. رخامة المطبخ هاتها جرانيت مش رخام.
67. الأحواض و القاعدة المعلقة بيدوا وسع للحمام و أسهل في النضافة.
68. إشتري الخلاطات و الصيني و النواكل للحمام و المطبخ قبل ما السباك يأسس.
69. لو بياض المحارة وحش و فيه مطبات أو شرخ حاول تعالجه قبل الدهانات.
70. لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.
71. و انت بتقسم شقتك و بتفرشها إهتم براحتك و سعادتك أكتر من إهتمامك بالضيوف لأنك إنت اللي هتعيش في الشقة طول العمر مش الضيوف.
72. لو مش هتركب باب مصفح لباب الشقة يبقى يفضل تعمل باب حديد حماية.
73. ماتنساش تركب سلك لكل الشبابيك عشان الحشرات.
74. السلك الفايبر بيتقطع و السلك الصلب بيصدي.. هات سلك صلب و ادهنه عشان مايصديش.
75. لو عندك غرفة أطفال.. ادهنها لون يمشي أولادي أو بناتي.
76. قبل ماتفرش شقتك خد خطيبتك أو مراتك و روحوا أيكيا في التجمع الخامس مش هتشتروا منه حاجة بس هتطلعوا بأفكار حلوة جداً هتوفر عليكوا.
77. إهتم جداً بسقية السيراميك و يفضل تشتري مادة سقية جاهزة و إوعى تلون أسمنت السقية بأكسيد.
78. قفل حوالين البانيو و الحوض و القاعدة و عند جميع زوايا و أركان الحمام و المطبخ بمادة حقن فواصل من شركة سيكا.. صدقني هتعيش مبسوط بعدها.
79. بلاش تخلي سخان واحد يغذي الحمام و المطبخ مع بعض عشان كل ماتدخل تاخد دش مراتك هتفتح حنفية المطبخ و هتتلسوع.
80. البيبة في المطبخ حلوة عشان التنضيف و وحشة عشان الحشرات و الروائح و السدد.
81. الكرانيش الجاهزة (فيوتك) أفضل 100 مرة من الجبس البلدي.
82. بلاش أباجورة جنب السرير.. ركب 2 أبليك على الحيطة أجمل و أشيك.
83. إختار أماكن و مناسيب برايز الكهرباء بعناية عشان دي من أكتر الحاجات اللي هتضايقك لو ما اخترتهاش صح.
84. بالنسبة للموبيليا حاول تخلي كل الأدراج القريبة من الأرض ليها مفاتيح عشان الأطفال بيعشقوا الأدراج.
85. الغسالة في الحمام ولا في المطبخ.. في المطبخ ولا في الحمام.. إشتري دماغك و خلي مراتك اللي تقرر عشان تعيش في سلام.
86. خلي خطيبتك أو مراتك هي اللي تختار الألوان عشان فعلاً هما بيشوفوا ألوان الرجاله مابتشوفهاش.
87. الـ "ليلاه و البستاج و الفستاج و البيربل و البينك و الأوف وايت و الأون وايت و الأكسيديه و الجراي بيج" دي بعيد عنك درجات ألوان عن البنات أما بالنسبة للرجالة اسمها سمني و عسلي و بصلي و كموني و لموني و مشمشي و فسدقي و حمصي و برتقاني و أي حاجة ليها علاقة بالأكل.
88. ركب فلتر في المطبخ عشان مية الشرب في مصر غير صالحة للشرب.
89. لو الشقة اللي تحتك متشطبة أو ساكنة نبه على العمال اللي في شقتك مايخمروش مونه على الأرض عشان هتنشع على الشقة اللي تحت و جارك هيطلع يتخانق معاك.
90. لو الشقة اللي فوقك لسه ما اتشطبتش ابقى اتأكد إنه هيعزل الحمام و المطبخ و يختبر السباكة كويس.
91. إعزل الحمام و المطبخ عزل أسمنتي أسهل و أفضل و أرخص.
92. بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط.
93. ماتساش تركب منشر في مكان بيوصله شمس عشان مهم.
94. لو شقتك راكب فيها أبواب وحشة و مش معاك فلوس تغيرها ركبلها وشوش MDF .
95. لو الحمام بتاعك ضيق ماتركبش بانيو.. قفل كابينة شاور بيلت إن عملية و هتديلك مساحة واسعة.
96. الشركات المنتجة لمواسير السباكة المحترمة ممكن تيجي تعملك إختبار ضغط للمواسير و تديلك ضمان مدى الحياة ضد التسريب و عيوب الصناعة.. دي حاجة مهمة.
97. اعمل حسابك إن تكلفة تشطيب الشقة هتعدي ضعف الرقم اللي انت كنت عامل حسابك عليه.. دي قاعدة لم و لن تتغير.
98. لو عاوز تحسب تكلفة تشطيب شقتك قبل ماتبدأ بشكل تقريبي إضرب صافي مساحة الشقة في 1500 ج أو 2000 ج أو 2500 دي هتطلعلك التكلفة بالتقريب حسب طبعاً إختياراتك و مستوى التشطيب اللي هتعمله.
99. لو جبت مهندس شاطر و محترم و أمين يشطبلك الشقة هتشتري دماغك و توفر وقت و فلوس.
100. إنشف.. مافيش راجل بيعيط .
متنساش تعمل مشاركه وتتفاعل مع البوست
عشان يوصلك أهم وأحدث أخبارنا دوس لايك وكومنت
يعرفنا انك متابع لينا♥️😍🤗

منقول

15/02/2021

أسس معايير الاضاءة💥💥💡💡🔌