09/05/2026
حصل معايا موقف خلال أزمة نقص "قطاعات م.شريف" الفترة اللي فاتت حبيت أشاركه معاكم.
أول الأزمة كلنا كتجار وموزعين و فنيين سواء مهندس او مقاول او صاحب ورشة كنا شايفين إن "إدارة شركة الشريف" عطلتنا و عطلت حركة السوق...
وإنهم السبب في وقف حالنا وإنا شخصيا كموزع اتأذيت.
بصراحة فضلت حاسس بكده
لحد ما قعدت مع أحد الموزعين الأكبر مني خبرة...
و لفت نظري للى مكنتش شايفه.
لفت نظري إن إدارة م.شريف مكنتش بتعطل السوق...
دي كانت واقفة في وش مصانع السحب علشان ميطلعش السعر للسما.
كانت بتحميني أنا و أنت... وبتحمي العميل... وبتحمي اسمها في السوق.
لو كانت استجابت للضغط... كان زمان طن شريف وصل 400 ألف زي قطاعات تانية... وإحنا كلنا لبسنا في الحيط.
آه شركة الشريف اتأذوا زينا... بس كانوا شايفين الصورة الكبيرة اللي إحنا مش شايفنها.
**الدرس اللي اتعلمته:**
1. متستعجلش في الحكم على حد... اسمع من الأكبر منك خبرة الأول.
2. ساعات اللي أنت فاكره "أذى" بيطلع "حماية" بس أنت مش فاهم.
أنا بقول الكلام ده وشهادتي ممكن تكون مجروحة...
لأني اشتغلت مع إدارة شريف 17 سنة وشوفت بعيني هما بيخافوا على السوق إزاي.
بس الأمانة تقتضي إني أقول اللي شوفته...
عشان لو لاقدر الله حصل أزمة تاني... نبقى فاهمين مش حاكمين.
Mohey soliman
مدير "شركة كيان للألومنيوم"
الموزع المعتمد لقطاعات م.شريف بشبرا الخيمة.
