https://www.facebook.com/1657977751127547/

Chresteen Sherkawy اخصائي نفسي و اخصائي تخاطب وعلاج عيوب النطق والكلام, Sohag (2026)

23/10/2025

بلاش موبايل ابنك عنده ٣ سنين هو مش مدير بنك يا ام حسين😂
بنتك حركتها عالية نمنع حلويات يا ام ايلن ☹
مينفعش نجيب ساندوتش نوتيلا و ٢ بسكوت وعصير معلب لو حركته معليتش هيجيلوا السكر يا ام سعيد😳

مش نبهدل الدنيا ومنسمعش الكلام وتيجوا تقولوا الطفل مش بيتحسن ليه يا ابو السلاطين!

08/05/2025

الزوج الغبي..
اللي لما ربنا بينعم عليه بزوجة زي الفل مابيشوفش كده
بيبقى معاه بنت أصول عينها مليانة وواقفة جمبه ف مشواره، بس مايقدرهاش
بتساعده وشايلة عنه مسئوليات كتيرة، وهو فاكر ان ده دورها ومكبر دماغه
عمرها ماسابته في حزنه ولا مرضه ولا اي موقف، وهو مش بيعمل معاها كده.
هي فاهمة ان الجواز شراكة في الحياة وعايزة تشاركه في كل تفاصيل حياته، وهو بيدور على نفسه ويقولها دي خصوصياتي
طول الوقت بتشده ليها عشان يكون موجود دايما معاها، وهو عايز يبقى لوحده.
بتحاول تخلي له دور في حياة اولادهم عشان يسيب ذكريات حلوة معاهم، وهو مش عايز يفهم
بتديله الاولوية في كل حاجة، بس هو مش حاططها في اولوياته
بتحاول بعد كل مشكلة تتكلم معاه، وهو مُصمم يخسرها
فاكر ان كلامها الكتير معاه... دوشة و زن..
فاكر ان بحثها عن حل لمشاكلهم نكد...
فاهم ان سؤالها عن تفاصيله...
تحكّم
فاهم ان هزارها .. تريقة
فاكر انها لما تطلب منه الاهتمام... هيافة
اتربى ان الست كائن اقل من الرجل
مش فاهم من حقوقه غير مثنى وثلاث ورباع
مش فاهم من الرجولة غير ان قراره يمشي وبس
متربي ان الراجل لو قدّر مراته وشاركها الحياة يبقى مالوش شخصية
مش عارف قيمة الست اللي معاه
هو ده الزوج الغبي.
اللي هيكتشف غباؤه في يوم ...لما يخسرها تماما
ويكمل غباؤه لما يفتكر انه يقدر يرجعها تاني ..بس هي مش هتبقى شايفاه اصلا
وهيبقى فات الآوان..

18/11/2023

‏أسوأ ما يمكن توقعه هو أن يصرح لك أحد أولادك أنك تفضل أخوه عليه
بل و الأسوأ من ذلك أن تبرر ذلك بأن تعامل أخوه معك أفضل من تعامله هو معك

حاول أن تبحث عن ما يمكن لولدك المشتكي أن يفعله تجاهك حتى لو كان يسيرا و قم بالثناء عليه بصدق حتى لو كان أقل مما فعله أخوه

الأولاد شخصيات مختلفة فلا تعاملهم بنفس الطريقة
❤️❤️❤️❤️❤️❤️❤️
‏من الطبيعي أن يميل قلبك إلى أحد أولادك دون غيره، للطفه معك و تلبيته لطلباتك بل و معرفة ما تريد أنت دون أن تتكلم

لكن إحذر أن تفرق في المعاملة بينه و بين إخوانه سواءا بالكلمات أو بالنظرات أو بالعطايا أو بالامتيازات
إن فعلت ذلك فستترك أثرا سلبيا مدمرا في علاقتهم ببعضهم و تجاهك

31/07/2023

الاخ اللي هناك .. الاخت اللي هناك .. سؤال ليكم وماتردوش بصوت عالي كل واحد يجاوب جوة نفسه ..
انت وانتي اتجوزتوا ليه ؟؟
اتجوزتي عشان تكوني مشغولة ب ابوكي وامك او اخوكي واختك علي حساب بيتك وزوجك وولادك
اتجوزت عشان تكون مشغول بكل حاجة حواليك ماعدا امور بيتك ..
كل واحد فيكم بيشارك مشاكله همومه نجاحاته طريقة حياته مع حد غير شريك حياته ..
كل واحد فيكم ماعندوش طاقة يقعد يتكلم مع شريك حياته بس عادي ممكن يتكلم ويسمع لاي شخص اخر لمدة لا تقل عن ساعة وبتزيد 😊 بس المهم ان مش شريك حياته ..
هل ده لان كل واحد فيكم ضامن وجود الاخر في حياته فراكنه ع الرف انشاء الله هانتبهله ..
ولا كل واحد فيكم ليه دماغ واتجاهات مش راكبة غير مع اهله او اصحابه ..
لا كل واحد فيكم ليه دايرة امان خارج شريك حياته
ولا مش محتاجين تهتموا ببعض فبتدوا اهتمام برة ..
ولا كل واحد مطمن ان الطرف التاني ليه اللي يسمعه فمابيحاولش يتكلم
ولا مافيش امان بينكم انكم تتكلموا مع بعض ..
راجعوا نفسكم .. الاهتمام مطلوب بس مابيتطلبش 😊
الحياة مش اكل وشرب وفلوس
الحياة رحلة بنمشيها سوا .. وبنتشارك فيها
فيها الحلو اللي نستمتع بيه .. فيها الشدة اللي بنسند بعض فيها ونعديها سوا
فيها نجاح فيها فشل فيها ممكن نتكعبل ونقوم ننفض هدومنا ونعافر ونكمل ونوصل بس لو كل واحد التفت لشريك حياته اللي اختاره بكامل ارادته ..

رسالة لكل شخص مش قادر يتفطم من علاقة ما .. ارجوا ان الشخص اللي مسيطر علي زوج او زوجة .. يسحب نفسه لسلام بيت الزوج والزوجة .. افطموا اولادكم وسيبووهم يخوضوا التجارب اللي انتوا اكيد خضتوها .. ودووهم ماتقطعوش علاقات بس سيبوهم لنصهم التاني شوية .. شكرا

25/07/2023

من اسوء الناس اللي ممكن تتعامل معاهم في الوجود هما الناس اللي طول الوقت شايفين نفسهم صح ..
وانهم مابيغلطوش وان دايما الحق معاهم .. واللي شايفين ان الاخرين هما اللي دايما مقصرين .. وهما اللي دايما غلطانين .. الناس دي منعدم عندهم حاجه اسمها اعتذار .. مابيعرفوش يقولو (أنا آسف) او (حقك عليا) او غيرها من عبارات الترضية .. ناس مابيعرفوش يجبرو الخاطر بكلمة حلوة .. وفي النقد لسانهم زي المبرد ... و في نفس الوقت عايزين يسمعو كل كلمات المدح والثناء عليهم وعلي شخصهم الفذ وعقلهم الجهبذ اللي مافيش منه فاكرين نفسهم من طينة تانية غير باقي البشر ..

08/07/2023

ازاى أقدر اعرف ان ابنى عنده صعوبات تعلم؟
أمثلة بسيطة جدا
الطفل اللى بيكتب الحروف مقلوبة او من الشمال إلى اليمن فى العربى والعكس فى الانجليزى
الطفل ممكن يكون شاطر جدا فى كل المواد معاد مادة واحدة زى الطفل اللى مش قادر يتعلم القراءة على الرغم من محاولات الاهل والمعلم المستميتة
كمان الطفل اللى خطة نازل يشرب بالبلدى كدة مهما تعمل الأم والمعلم مش قادر يعلم الطفل الكتابة الجيدة
كمان الطفل اللى داما بينسى مهما فعل المعلم والأم
كمان الطفل اللى عنده تشتت انتباه ومهما عملت الام الطفل مش بيركز خالص
كمان الطفل اللى عنده مشكلة عصبية فى المخ تؤدى إلى صعوبات تعلم
كمان الطفل اللى مش قادر يمسك القلم ومش قادر يكتب ده محتاج تنمية عضلات الدقيقة عشان يقدر يتعلم
أتمنى أكون قدرت أفيدكم ولو حاجة بسيطة

08/07/2023

- لما اتسألت هو ازاى انا بقيت بستخسر العتاب في حد غالي جداً جداً على قلبي ...ازاى جت اللحظة اللي شفت فيها ان كل تعبي واصراري عليه راح هَدَر .....وليه انا فَضّلت السُكات عن الكلام ؟؟؟!!!...
- لأن للأسف لما رصيد الصبر على الشخص ده بتخلص ، لما تحس ان كلامك مابقاش له أي لزوم أو أهمية وتعبك ومجهودك معاه بيروحوا ع القاضي ..وقتها بس بتؤمن بإحساس واحد بس بيعيش جواك " الإنسان ده عُمرهُ ما هيتغيّر " وكفاحك لعب عيال وتضييع وقت ....
وزعلك وقتها بيجبرك تسكت ....تسكت وانت رافض تبيّن كسورك المُفتتة من خذلانك ..شعور مُميت انك تحس انك بعد كل ده " طلعت شوية هوا " ..هو العتاب ينفع مع السراب !!!!

24/06/2023

اِلتمس ألف عُذر للناس الساكتة اللى بتعيش همها بينها وبين نفسها، و بلاش تلومهُم على قِلة سؤالهم أو نسيانهم لبعض الحاجات، ده مش تجاهُل ولا دلع منهم، لكن الناس دي دماغهم تشبعت من المسؤولية اللي شايلينها، و حقيقى إنتَ مش فاهم يعنى إيه شخص عمّال يتجاوز بلاوى فى حياته من غير حتى ما يبان عليه، و كاتم جوّاه و ساكت و صالب طوله قُدامك، من غير ما يشيّل حد همّه ولا حتى يطلب دعم من حد، فرفقًا بالناس دى و اِدعوا ربنا يهوّن عليهم.

22/06/2023

🔹 مش من حق حد يقوم الصبح يفتح الباب ويمشي وكأنه لوحده في الجوازة💔

🔹 مش من حق حد يروح يعيش حياته مع حد تاني ويسيبب التاني نايم على ودنه، أو حاسس إن فيه حاجة غلط بس مش عارف هي إيه❓

✨ اللي زعلان من حاجة يقول، اللي محتاج حاجة يقول، اللي ناقصه حاجة يقول، اللي مضايق من حاجة يقول

✨لما تقول والطرف التاني ميستجبش ويقاوح، ساعتها قول أنا حاولت ومفيش فايدة، فمش هقدر أكمل كدة، أناهمشي، أنا هتجوز تاني، وساعتها الطرف التاني حر في قراره

✨ بس بلاش غدر بحد، بلاش خيانة، بلاش تفضل ساكت في البيت وتشتكي وتفتح قلبك برا البيت
وخليك فاكر الصمت سور عالي بيتبنى بين الاتنين بيحولهم لأغراب

✨ اللي تعب وعايز يمشي حقه، بس يمشي بإحترام وشياكة وعلى نور

#عنكِ

31/05/2023

مبادرة مليون طفل بدون تأخر لغوي

اول بوست في سلسله اتكلم صح

بلاش تتكلم مع ابنك بشكل مختلف عن الواقع يعني اسمها :

* ميه مش بو

* اكل مش مم

* عربيه مش بيب بيب

* طيارة مش فووووو

* عيش مش هم

* فراخ مش كوكو

* قطة مش مياو

* كلب مش هو هو

* اعمل حمام مش بوتي

* اه مش يس

* لا مش نو

اتكلم مع ابنك صح علشان يعرف يقلدك .

@الجميع

Chresteen Sherkawy اخصائي نفسي و اخصائي تخاطب وعلاج عيوب النطق والكلام

23/10/2025

08/05/2025

18/11/2023

31/07/2023

25/07/2023

08/07/2023

08/07/2023

24/06/2023

22/06/2023

31/05/2023

Address

Website

Alerts

Shortcuts

Share

Category