07/11/2026
أهلاً بكم في الحلقة التالتة من سلسلة Gas Processing!
في الحلقة اللي فاتت، اتكلمنا عن مرحلة تنقية الغاز
(Cleaning the Gas) وإزاي بنعمل Dehydration و Sweetening عشان نتخلص من بخار الماية والغازات الحمضية زي H2S و CO2 ونضمن سلامة الأنابيب والمعدات.
دلوقتي الغاز بقى جاف ونقي.. بس السؤال هنا: هل الغاز الطبيعي مجرد ميثان وبس؟ ولا جواه "كنز هيدروكربوني" له قيمة اقتصادية ضخمة جداً؟
الإجابة بتكمن في عملية NGL Recovery (Natural Gas Liquids Recovery)، اللي بنستخلص فيها المركبات الثقيلة من الغاز ونحولها لمنتجات استراتيجية!
المكونات الأربعة الأساسية اللي بنفصلها في المرحلة دي:
1. المكثفات (Condensate / Natural Gasoline):
المركبات الهيدروكربونية الأثقل (C5+)، ودي بتتفصل وتتبعت مباشرة لمصافي التكرير (Refineries) عشان تدخل في صناعة الوقود والبنزين.
2. البروبان (Propane - C3):
غاز بيتم إسالته وفصله عشان يستخدم كوقود للمنازل والمصانع (LPG)، أو كلقيم أساسي (Feedstock) في صناعة البتروكيماويات لإنتاج البروبيلين والبوليمرات.
3. البيوتان (Butane - C4):
بيتم فصله لخلطه مع البروبان لإنتاج غاز البوتاجاز (LPG)، أو لاستخدامه في تحسين رقم الأوكتان للبنزين والصناعات البتروكيماوية المختلفة.
4. الإيثان (Ethane - C2):
الـFeed الذهبي لمصانع البتروكيماويات, بياخدوه يدخلوه وحدات الـEthane Crackers لإنتاج الإيثيلين، وهو حجر الأساس لصناعة البلاستيك والـPolyethylene.
إزاي العملية دي بتتم؟
عشان نفصل المكونات دي عن الميثان، بنعتمد على تقنيات التبريد السطحي أو استخدام الـ Turbo expanders لخفض درجة الحرارة وضبط الضغط، وبعدها بيدخل الغاز على سلسلة من الـFractionation Train بتفصل كل مركب حسب درجة غليانه بالترتيب:
De-ethanizer ➔ لفصل الإيثان.
De-propanizer ➔ لفصل البروبان.
De-butanizer ➔ لفصل البيوتان عن المكثفات الثقيلة.
ليه مرحلة الـNGL Recovery مهمة جداً؟
1- Economic Value: سوائل الغاز الطبيعي سعرها وقيمتها الاقتصادية أعلى بكثير من مجرد بيع الغاز كميثان للاستخدام المنزلي فقط.
2- Pipeline Quality
Control: ضبط القيمة الحرارية (Heating Value / Wobbe Index) للغاز الطبيعي ليطابق المواصفات التجارية قبل ضخه للشبكات القومية.
3- Petrochemical Feedstock: تغذية قطاع البتروكيماويات بالمواد الخام الأساسية التي تقوم عليها صناعات البلاستيك والكيماويات.
سؤال سريع للشباب والمهندسين:
من واقع دراستكم أو تدريبكم.. ليه بنحتاج نضمن إن الغاز جاف تماماً (Dehydrated) قبل ما ندخله على وحدات الـ NGL Recovery ؟ وإيه اللي ممكن يحصل للمعدات لو دخلت نسبة رطوبة مع الغاز البارد؟
مستنيين إجاباتكم في الكومنتات! 👇