12/11/2023
أنت = كام؟
البوست موجه لكل موظف في قطاع خاص أو هيشتغل في قطاع خاص
بحكم شغلي قابلت شباب وبنات كتير جدًا على مدار أخر 5 سنين، مقدمين على وظائف مختلفة،
بنيجي في مرحلة هتضيف ايه للمؤسسة وهتضيفة إزاي، وشايف انك تقدر تضيف دا بناء على ايه،
وتلاقي هنا الإجابات بتكون مجرد تخيل من الشخص لقدراته أو لإمكانياته ولم يسبق له أن أخرج هذه التخيلات من قبل لأرض الواقع،
ومن هنا يأتي منطلق ما هو الراتب المتوقع وتسمع رقم مبني على قدرات خيالية لم تنفذ بعد، وعند المرحلة دي بنسأل،
اذا لم تستطع فماذا ستفعل الرد بيكون أحيانا "هحاول في الشهر اللي بعده!" طيب أين الإضافة عزيزي المتقدم للمؤسسة؟
يعني ايه أين الإضافة؟
الإضافة تكون في عدة صور
- ممكن فكريا (تكون شخص ذو فكر وتخطيط واضح واستراتيجيات وسابق تجارب في نفس المجال المقدم عليه)
- ممكن تكون تنفيذيا (في طريقة العمل والنظام الموجود والتحسين منه)
- ممكن تكون بيعيا اذا كانت وظيفتك مرتبطة بالعملاء ( تحسين العلاقات بالعملاء وتنفيذ طرق استقطاب جديدة)
- ممكن تكون في أدائك ( في مهاراتك واستخدامك للأدوات الخاصة بمجالك)
وفي صور كتير جدا للإضافة
في حالة انك مش عارف هتعرف تضيف حاجه على الأقل من دول ( او مجموعة حاجات) والا لاء يبقى لا تحدد سعر واترك الأمر بعد فترة الإختبار وبادر بطلبها فهذا بيكون ألإضل تقدير ليك وللمؤسسة (بمعنى أصح خلينا نشوف انا اقدر اعمل ايه معاكم وهكون مناسب والا لاء بفتره محددة)
في حالة انك عارف تفاوض في السعر الخاص بيك وانت بالفعل عندك تجارب سابقة (مش مهمه تجارب ناجحه والا غير موفقة) عشان في الحالتين إحنا كأصحاب بيزنس بنشوفها إنها تجربة (والتجربة = خبرة)
طيب في إية تاني المؤسسات بتقدرة؟
- الإلتزام والجدية فيه (مواعيد - إذونات -تسليم تقارير - تاسكات)
مهمه جدا توضح انك شخص ملتزم وحريص على دا
- التعاونية (مهم توضح انك شخص اجتماعي وبتحب التعاون ومساعدة الغير والزملاء)
- متطور ( بتتعلم جديد بشكل مستمر - حابب تتعلم أكتر وانك بتنمي نفسك ومحافظ على دا)
- لو في حاجه متعرفها قول معرفش ولكن ممكن أتعملها ممكن توريني ازاي
- لو في حاجة تقدر تساعد فيها قول أقدر اساعد في دا بالطريقة دي.
(لكن وضح انها مساعده في الوقت المحدد من كذا لـ كذا وهوضح ليه في بوست تاني)
- اوعى تقول على تاسك صعب ولكن قول انه ممكن ياخد وقت (مديرك هقدر جدا)
لو في حاجه من دول مبتعملهاش حاول تعملها وكويس جدا، حتى لو مستواك مش مناسب، في كتير من المؤسسات هيقدر دا منك جدا وممكن تشتغل على أساسة أصلا.
لأي استفسار تواصل معي
من خلال الواتساب: 01151262090
link: https://wa.me/message/RHWXOBOK5LVEB1
