Walaa Farouk Designs

13/07/2024

01/10/2023

تصميم الواح التقطيع في المطبخ ليها دور مهم في توفير المساحة وتسهيل عملية التحضير والقطع للمكونات الغذائية. فالواح التقطيع هي أدوات أساسية في أي مطبخ، تستخدم لتقطيع الخضروات والفواكه واللحوم وغيرها من المكونات الغذائية.

اماكن تسهل استخدام الواح التقطيع:
الرف العلوي: يمكن وضع الواح التقطيع على الرف العلوي للمطبخ. يتم تخزينها بشكل عمودي أو أفقي، حسب المساحة المتاحة.

الدرج: يمكن وضع الواح التقطيع في درج المطبخ. يمكن تخزينها بشكل مستقيم أو بوضعها في حاويات خاصة بالقطع، لتسهيل الوصول إليها وتنظيمها.

الحوامل الجدارية: يمكن تثبيت الواح التقطيع على حوامل جدارية خاصة، حيث يمكن تعليقها على الحائط لتوفير المساحة على سطح العمل.

الأدراج المدمجة: يمكن تصميم أدراج خاصة في خزائن المطبخ لتخزين الواح التقطيع. يمكن أن تكون هذه الأدراج مزودة بمقابض أو آليات سحب لسهولة الوصول إليها.

عند تصميم وتوضيب الواح التقطيع في المطبخ، يجب مراعاة عدة عوامل. على سبيل المثال، يجب أن تكون الواح التقطيع مصنوعة من مواد قوية ومتينة مثل البلاستيك أو الخشب، لتحمل عملية القطع وتكون سهلة التنظيف. كما يجب أن يكون لديك عدة أحجام وأشكال من الواح التقطيع لتناسب احتياجاتك المختلفة.

باختيار تصميم مناسب للواح التقطيع وتوضيبها في مكان مناسب في المطبخ، يمكنك تحقيق توفير المساحة وتسهيل عملية التحضير الغذائي. استمتع بتجربة الطهي السهلة والمنظمة مع الواح التقطيع المناسبة في مطبخك.

27/09/2023

دايما بنسمع جمله "الوقت كالسيف إن لم تقطعه قطعك"
والناس شخصيات بيختلفوا فى مهاراتهم وحياتهم
لكن حيفضل فى حاجه واحده هيا اللى بتفرق فى جودة حياتنا وهى تنظيم وادارة وبرمجة الوقت
عشان كده فكرj انى اعمل تصميم يكون مبهج شويه لانى بحب الالوان والرسم والتنظيم والادارة
ودى كانت النتيجه... بلانر كامل من 3 نسخ واحده لست البيت واللمرأه العاملة الشاطره 😃 وواحده للزوج المثالى 😃 وواحده لأولادهم الشطار
قولولى رأيكم ولو عجبكم انزل باقى صور نسخه الستات الشاطره وأولادهم البوست الجاى🥰

26/09/2023

الصوانى ... الصوانى... الصوانى
صوانى البيتزا – صوانى التقديم- صوانى الشاى والقهوه -صوانى البطاطس بس مش بتاعت سفاح الجيزه
صوانى فى كل مكان فى المطبخ على الحوض وعلى الرخامه وجوا درف المطبخ مش "دلف المطبخ"
وعشان نلم صوانى البيت كلها فى مكان واحد حنعمل الاتى:
لو لسه بنجهز المطبخ جديد : حتطلبى من الشركه اللى بتعملوا انه يعمل فى دولاب المطبخ درج ارتفاعه 60 سم ويكون متقسم زى الصوره رقم (1) وبكده تبقى حليتى مشكله الصوانى وممكن معاها كمان البلانشه "أو
Cutting Board
ولو عندك المطبخ فعلا وعندك دولاب فى المطبخ ممكن تعملى التعديل دا فيه سواء الدرفه دى بتتفتح جرار لبره او بدرفه عاديه بمفصلات زى الصوره رقم (2)
ولو شايفاها تكلفه ملهاش لازمه دلوقت ممكن تفصلى عند اى نجار منظم خشب بسيط اوى ويكون عرض كل خانه خوالى 15-20 سم حسب مساحه عرض الدولاب زى الصوره رقم (3)
ولو مكسله تروحى للنجار ومش عايزه تعملى المنظم دا خشب ممكن تشترى المنضمات البلاسيتك اللى موجوده فى كل محلات الادوات المنزليه حتشترى حوالى 4 منظمات زى اللى فى صوره رقم(4) وتحطيهم جنب بعض بعد طبعا ما تكونى قيستى عرض الدرفه من جوا وطرحتى منه 2 سم وتقسمى العرض الباقى بالتساوى فيطلعلك محتاجه تشترى كام منظم
الاماكن اللى يكون مكان الصوانى بالنسبالك سهل من وجهه نظرى:
لو فى مكان بين البوتوجاز والحوض
بين الحوض والميكرويف او لو عندك فرن بيلت ان
فى الرف السفلى من دولاب المطبخ.
لو عجبكم المحتوى يا ريت تعملوا لايك عشان اعرف أكمل ولا لا
ولو فى اى تعليق اكتبولى فى الكومنت
وحستنى من كل حد متابع يقلى ايه اكتر حاجه نفسه يلاقيلها حل ومش عارف يعملها ازى.

26/09/2023

طبعا انتوا منتظرين حل لكل مشاكلكم مع المطبخ!!!
وانا كمان استنيت زيكم بالظبط 😀...
وعشان ندخل فى الموضوع ومطولش عليكم .. قولوا طولى...😂
اكتشفت ان أهم حاجه لازم نعملها عشان نوفر مساحات كتير ونحس ان بيتنا هادى ومريح نفسيا ونحب نقعد فيه وقت أطول
هو اننا *لااااااااااااااااااااااااازم نتخلص من الكراكيب* اللى ملهاش اى 30 لازمه
زمان كنت بتضايق أوى من احتفاظ ماما بالاكياس والبرطمانات والعلب المكسوره والاطباق المكسوره والأجهزه اللى باظت وجبنا غيرها وحاجات كتير جدا واكيد انتوا زى بالظبط .. أنا عارفه
لان دى الست المصريه والبيت المصرى ولا جدال
وبالتالى لازم أول خطوه نعملها عشان نوفر المساحات اللى طبعا محدش متخيل واللى انا نفسى مكنتش متخيله هيا أد أيه غير لما تخلصت من كللللللللللل الكراكيب اللى ملهاش أى لازمه.
وعشان الموضوع بيبقى صعب جدااااا وطبعا بيبقى صعبان علينا احنا ازاى حنتخلى عن كراكيبنا حبايبنا اللى كركبناها بقالنا كتير حنعمل دا ازاى؟؟ كأن الكراكيب دى ولاد أختى ولا أخويا مثلا
عشان كده لقيتلها حل حلو ومريح عامل زى الانسحاب من الادمان بالظبط وهو ادمان فعلا
كل يوم كركوبه
كل يوم كركوبه
كل يوم كركوبه
انا معلقتش يا جماعه انا بكرر عشان نتخلص كل يوم من كركوبه فمنحسش ان فى حاجه حصلت او اننا رمينا حاجات كتير مره واحده فمنتعبش ونرجع للكراكيب تانى.
حتيجى واحده تقلى انا معنديش كراكيب وجوزى هو اللى بيكركب الدنيا وبيزعقلى لو فكرت ارمى كركوبه من كراكيبه
حقلك حلك عندى
كل اللى عليكى يا ست البنات ويا شيفه الشيفات
انك حتعملى معاه نفس نظام الانسحاب من الكراكيب بس بدل كل يوم حيبقى كل اسبوع لان الرجاله عموما بيزهقوا من كتر الزن تخيلى بقى لو بتزنى كل يوم ههههههههه ولو خايفه تنسى جمعيلك كام كركوبه من كراكيبه وحطيهم فى كرتونه وكل اسبوع يبقى تاسك عندك تساليه الحاجه دى عايزها ولا لا. غالبا طبعا حيقلك اه عايزها امال انا سايبها ليه
قومى انتى بقى استنى عليها شهر واساليه تانى وفكريه انه مستعملهاش من زمن الزمن ولو هيا فعلا ملهاش لازمه اتخلصى منها وأحب اقلك انه مش حياخد باله ولا حيفتكرها ولا حيدور عليها اصلا " بس بأكد عليكى تانى لازم تكون حاجه فعلااااا ملهاش لازمه"
ساعتها بس حتحسوا ان البيت رايق ونضيف وفيه اماكن جديده اكتشفتوها ووفرتوا مساحتها
يلا بقى قوموا اتخلصوا من أول كركوبه بسرعه ومتترددوش
واستونوا البوست الجاى عن أول فكره لتنظيم جزء فى المطبخ عشان نسهل حياتنا المطبخيه
لو عجبكم المحتوى يا ريت تعملوا لايك عشان اعرف أكمل ولا لا
ولو فى اى تعليق اكتبولى فى الكومنت
وحستنى من كل حد متابع يقلى ايه

25/09/2023

ناس منكم عارفين انى مهتمه بالديكور والتنظيم والافكار الجديده
وانا فكرت اطلع خبرتى الجليله 😀 واديكم افكار يمكن تكونوا شوفتوها او مشوفتوهاش
المهم انها افكار حلوه وحتساعدنا نغير فى نمط حياتنا شويه وانا معاكم طبعا
فسالت نفسى !!! مين اكتر حد نفسه يغير حياته؟؟؟ اكيد البنات الحلوين ستات البيوت اللى يا عينى كانوا فاكرين انهم عملوا اللى متعملش فى مطبخهم وصرفوا وكلفوا .. وأتارى ولا حدش دارى كل يوم بيطلع جديد وكل يوم فى حاجه مختلفه
ولذلك لقد قررت انى اساعد ستات البيوت اللى قدها وقدود فى شويه حاجات بسيطه كده يمكن يمككككن تخليهم يحسوا ان فى تغيير حصل .
اتمنى انكم تتابعونى فى سلسلة الافكار الجديده اللى نويت اعملها واطلعها للنور ويا رب مزهقش واكمل دا يعنى لو الموضوع عجبكم.
ونبتدى بسلسله التركات والحركات فى المطبخ
وطبعا مش محتاجه افكركم ولكن حفكركم ان التفاعل على البوست هو اللى حيخلينى ابتدى فى السلسله المعقده دى او حزهق طبعا ومش حكمل حاجه😂
انتوا اللى حتختاروا

ولو عجبتكم الفكره يا ريت بردوا انا زى اختكم تكتبولى ايه المشاكل اللى بتقابلكم فى المطبخ عشان اساعدكم فيها
#مطبخ #مطبخك #مطبخي #ستات

25/09/2023

عجلة الحياة
دايما بيكون عندنا مشاكل فى جوانب حياتنا ومش بنقدر نحدد احنا عندنا مشكله فى ايه بالظبط
عشان كده لازم نحدد ايه المشاكل الحقيقيه وفى اى جانب من جوانب حياتنا ونبتدى نشتغل عليها
ومش شرط نحدد وقت معين لحلها بس لازم نعرف نقدر نحلها ازاى
حدد مشاكلك واكتبها وابتدى حلها
ولو محتاج مساعده ابعتلى فى كومنت او فى رساله وانا اساعدك تحط ايدك على مشكلتك ايه بالظبط وفى اى جانب من جوانب حياتك

Graphic Design,Illustration,Product Design

19/09/2023

New project
Dr.Shymaa Rakha
Social media work

25/06/2023

اللهم ارحم والدى وارزقه الفردوس الاعلى من الجنه يا رب العالمين