ايجى تك الكمبيوتر واللابتوب " طنطا "

28/07/2025

28/07/2025

11/06/2024

بوست صيانات كده على السريع
١-قطع الكهرباء المستمر ممكن يضربلك الشاحن 💥⚡
فلو قدر ربنا والشاحن باظ احمد ربك ان المشكله جات فيه مش ف ic او دايرة الشحن اللي جوا اللاب لانك كنت هتضطر تصين و تصلح ع البوردة
شوية نصايح اوعى تعملها علشان تتجنب مصائب اكبر
-اوعى تشتري كابل ثلاثي اي كلام لان وقت الزنقة مش هينقذك و هيضخم مشاكل التيار و يزود الحمل على المحول
-لو الشاحن باظ متحاولش تصينه لان اقل ic صغير هينقل تيار غلط لجهازك و هاتلك شاحن اورجينال جديد و ريح دماغك
-لو نسيت شاحنك او فقدته لسبب ما.
اوعى تشتري شاحن اي كلام يمشي الدنيا و خاصة ف الوقت الحالي لان مشاكل التيار الكهربائي هتكبر و هتتنقل لو الشاحن مضروب

٢- لو جهازك بيسخن جامد و خاصة ف الحر دا 😡🥵
انصحك تنضفه و تغيرله معجون حراري❄️ عند حد متخصص و فاهم
و ياريت تستنضف ف المعجون الحراري متسترخصش
لو ليك تجربه كويسه اكتبلنا اسم المعجون اللي استخدمته علشان الكل يستفيد

٣- اكبر مشاكل السخونه للجهاز بتكون انت كمستخدم السبب فيها
انك تستخدم اللاب على السرير او على رجلك او تكون فارش اي حاجه قماش تحت اللابتوب

٤- من الضمن النصايح اللي كنا كلنا فاكرنها مفيده ف التبريد❄️
هي استخدام كرتونة البيض🐣 بما انها معرجه و فيها فوارغ كتير للهوا
و لكن للاسف🙆 مع شوية تأمل اكتشفنا انها مصيبة سودا لان بعض استخدام لفترة بيبتدي يخرج منها حبيبات ورق رفيعه جدا ممكن عينك متشفهاش بيبتلعها هوايات اللابتوب و بالتالي مع تراكم الحبيبات هتسدلك الهوايات او هتصعب حركة مرور الهوا او تتراكم على المراوح

٥- لو انت مكنش عندك المعلومه الكافيه وقت شراءك للابتوب و اشتريت لابتوب بيزنس او نوتبوك على اساس انه لابتوب جيمنج او يصلح للاعمال الهندسيه او الجرافيك التقيل
وللاسف اكتشفت دا متاخر 🙂🕦
فحاول متضغطش على اللابتوب ف الشغل جامد او ف اللعب في الفترة الحاليه لان درجات الحرارة الخارجيه مع درجات الحرارة الداخليه الجهاز ممكن يجيب شيباية و دا الموسم المثالي لمراكز الصيانة 🕵️😅

و لو استفدت من البوست اي رايك نكمل في بوستات

نكمل ❤️ ولا منكملش 😲 منقول

09/11/2023