زاج للتسويق وتأسيس الشركات

زاج للتسويق وتأسيس الشركات جميع حلول التسويق والتطوير لنشاطك بشكل يحقق طموحاتك فى إدارة نشاطك التجاري . "We’re business consultants who happen to specialize in marketing.

We help people and have fun doing it."

01/07/2021

🔴 ملخص رائع عن كيفية دراسة الجدوى للمشروع في صفحة واحدة ..

دراسة الجدوى Feasibility Study هي عملية جمع المعلومات عن المشروع المقترح، ثمّ تحليله من أجل معرفة إمكانية تنفيذه على أرض الواقع، وكذلك العمل على الحد من المخاطر التي يمكن أن يتعرض لها المشروع، والحصول على أعلى ربحية ممكنة، الأمر الذي يمكّن من تقييم مدى نجاح المشروع أو خسارته بالمقارنة مع السوق المحلي ومتطلباته.

31/01/2021

متلازمة العناوين.. وما خفي من النص كان أعظم!

✦ بيقولوا الجواب بيبان من عنوانه..

الصراحة إحنا كصنايعية محتوى نقدر الكلام ده أوي، كل اللي اشتغل في مجال الكتابة - بأنواعها - عارف كويس حيرة اختيار العنوان وصعوبة الرضا عنه، وعارف إن جارة القمر مكدبتش علينا لما غنت "صار لي شي 100 سنة عم ألف في عناوين".. فيروز مكنتش في كار المحتوى بس قالت الحقيقة.

حتى في الأدب والروايات، بيحكي الأديب الأمريكي "إرنست هيمنجواي" عن معاناته في اختيار العنوان، ده المؤلف اللي معاه نوبل حضرتك بيقول كدة، لا وبيحكي كمان إنه بيقترح ساعات 100 عنوان ويفضل يشطب لغاية ما يوصل لأحسن عنوان فيهم، يخطف العين ويرن في الودان.

✦ يا فنان.. مطلوب عنوان

طيب دي فيروز وهيمنجواي.. فنانة عملاقة وأديب عبقري، صنايعية المحتوى المساكين يعملوا إيه؟ والصحفيين الفريلانسرز وبقية الشلة البائسة دي؟ خصوصًا إن الشيفت مبيرحمش والعميل مبيسكتش، وكله عاوز إبداع وابتكار واختراع، والتعديلات - طبعًا - أسلوب حياة.

الزملاء الأطباء لما بيتكشفوا مرض – بعيد عنكم – بيسموه "متلازمة" عشان بتكون ليه أعراض محددة ومتكررة بتلازم المريض، زي "متلازمة القولون العصبي" أو "متلازمة آلام العضلات"، وبالمثل هنلاقي برضه "متلازمة العناوين" عند أي صانع محتوى أو كاتب.. بتجيله لما يختار العنوان، وكل واحد ودرجة إصابته بقى.

✦ شوّق ولا تدوق

يبقى مفيش قدامنا غير الملاحظة والمشاهدة والاستنتاج على طريقة تجارب العلوم زمان، يعني لو ركزنا هنلاقي إن العناوين في النصوص الإبداعية مدارس وأساليب، وخصوصًا في شغلنا كصحفيين أو صُناع محتوى، كل شيخ وله طريقة.. بس ممكن نحدد الطرق دي.

تقريبًا نقدر نقول إن أهم مدرسة في العنونة هي "شوق ولا تدوق" بمعنى "ما خفي من النص كان أعظم" لأنك عاوز تجر رجل القارئ من أول ما يشوف عنوانك عشان يكمل، ومن المدرسة الكبيرة دي هنلاقي مدارس فرعية كتير.. يلا نشوف مثال واقعي أحسن.

✦ الألعوبان في اختيار العنوان

نفترض مثلاً إن عندنا مادة مكتوبة عن الاكتئاب وأسبابه، والمادة جاهزة خالص أيًا كان شكلها (مقال – إنفوجرافيك – فيديو.. إلخ إلخ) ومطلوب عنوان يا فنان.. هااااه؟ هنلاقي المدارس كالآتي:
(هنكتب العناوين بالفصحى أكمنها الأكتر في الاستخدام)

◁ مدرسة "سألوني الناس"
أشهر صيغة للعنوان تقريبًا هي السؤال، علامة الاستفهام متتقاومش وكأنك بتقول للقارئ "السؤال ليك على فكرة" وأشكالها كالآتي:

• ما الأسباب المؤدية للاكتئاب؟ (طبعًا ده أكثر عنوان تقليدي)
• كيف يصيبك الاكتئاب بلا سابق إنذار؟ (هنا زودنا حتة عشان نشد أكتر)
• سرطان الروح.. كيف يهاجمك الاكتئاب فجأة؟ (تشبيه مخيف بقى عشان الخضة)

◁ مدرسة "60 دقيقة حياة"
الرقم عادة بينافس السؤال على عرش العناوين، لأنه تملي بيخطف العين، وغالبًا يُفضل الرقم يكون صحيح من غير كسور عشان القارئ يستوعبه بسرعة، زي:

• 7 أسباب رئيسية للاكتئاب.. تعرف عليها (أشهر وأسهل نوع)
• 7 عوامل تصيبك بمرض العصر.. الثانية ستفاجئك (أكتر طريقة في المواقع طبعًا!)
◁ مدرسة "الأطلال"
اللعب هنا ع التشبيه والعمق، هنكتب عنوان يخلي القارئ ينشكح ويقول "بصراحة حاجة فخيمة"، كدة مثلاً:
• الرحلة المظلمة داخل نفسك.. هكذا يصيبك الاكتئاب بغتة
• من الظلام للنور.. لماذا يأتينا الاكتئاب دون أن نشعر (هنا سؤال كمان ميضرش)
مدرسة "شوقنا أكتر"
هنقول للقارئ حاجة من المحتوى عشان نشوّقه، حاجة أو اتنين بالكتير:
• منها الفراغ والملل.. أسباب تجلب لك الاكتئاب

◁ مدرسة "أوعدك"
هنا بنوعد القارئ بشوية لباقة إن المحتوى هيعجبه، بس من غير أفورة!
• لصحتك النفسية.. تعرف على أسباب الاكتئاب

◁ مدرسة "ثورة الشك"
شوية تشكيك ميضروش، يستفزوا القارئ عشان يدخل يشوف المحتوى
• لن تصدقها.. أسباب الاكتئاب المنتشرة من حولك!
• تقابلها يوميًا دون أن تشعر.. أسباب عديدة تسبب الاكتئاب

◁ مدرسة "إني خيرتك فاختاري"
اللعب ع السجع هنا، هنعمل شعر في العنوان لو عرفنا يعني:
• احذر الاكتئاب.. هكذا ينتظرك على الأبواب!
• تجنب هذه الأسباب.. لحياة بلا اكتئاب

◁ مدرسة "عيني علينا يا أهل الفن"

دي بقى المدرسة اللي أنا مستخدمها طول الفقرات اللي فاتت، إني مستوحي عنوان الفقرة من أسماء الأغاني! الفن عمومًا بيعمل شغل مع قطاع كبير من القراء اللي عارفين العمل الفني، وبالنسبة لمادة الاكتئاب بتاعتنا هنقول:

• لن تعيش في جلباب الاكتئاب.. اعرف أسبابه من هنا
• لا تكن "عم ضياء" في نفسك.. افهم أسباب اكتئابك الآن
◁ مدرسة "..."

مفيش داعي هنا إني أدور على اسم أغنية عشان أسمي بيها المدرسة دي، هي بصراحة مفيهاش أي تجديد بس بنلاقيها

• الاكتئاب.. أسبابه الحقيقية كما يقول علماء النفس

▾ الجواب من عنوانه

تقريبًا.. دي تبقى أشهر مدارس العناوين اللي بنستخدمها كصُناع محتوى من غير ما ناخد بالنا، وممكن ندمج أكتر من مدرسة في عنوان واحد، مع العلم إن المكان اللي بنكتب فيه أكيد بيفرق، لو موقع لايت مثلاً مش هنفعله مدرسة الأطلال والفخامة!

كمان بنستخدم أي أساليب للجذب في الكتابة، زي النقطتين اللي بيقسموا العنوان لجزئين (..) بحيث القارئ ياخد نفسه في أول العنوان وبعدين يكمل قراءة، أو ممكن برضه نطول الكلمة ساعات (أسباب الاكتــــئاب) وما إلى ذلك.

طبعًا فيه مدارس سلبية في العناوين، يعني بنلاقي فيها عكس كل اللي قلناه، زي مثلاً العنوان الطويل زيادة عن اللزوم أو العنوان الغامض أو المهين، ودي بقى مدارس عاوزة مقال تاني تتكتب فيه.
يا ريت تشاركونا مهاراتكم اللي بتستخدموها لما تعنونوا أي مادة مكتوبة، أو تضيفوا لينا مدارس جديدة، ومتنسوش شعارنا الدائم على رأي الست فيروز

"صار لي شي 100 سنة عم ألف في عناوين.. مش معروفة لمين"

كتب المقال ده Mahmoud Hafez

واحد من أكبر الأخطاء اللي ممكن تقع فيها ك CEO لصيدلية معاك شركاء فيها🎯 انك تقرر تديهم أرباح من أول شهر أو 6 شهور أو حتي ...
22/01/2021

واحد من أكبر الأخطاء اللي ممكن تقع فيها ك CEO لصيدلية معاك شركاء فيها
🎯 انك تقرر تديهم أرباح من أول شهر أو 6 شهور أو حتي سنة
✍️ السبب
🎯 ان الصيدلية زي اي بيزنس تاني لها Business Life Cycle
ال Cycle دي بتتكون من 5 مراحل
👈 ال Launch : ودي بتكون
✔ - low sales
✔- high cost
✔- no profits
🎯 الفترة دي بتاخد في الطبيعي 3 شهور
👈 ال Growth : ودي بتكون
✔- increased sales
✔- reduced cost
✔- some profits
🎯 الفترة بتاخد قي الغالب 5 شهور
👈 ال Shake Out : ودي بتكون
✔- الأرباح فيها بتظهر بشكل ملحوظ
✔- التدفقات النقدية بتبتدي تظهر هي كمان
🎯 الفترة دي بتاخد في الغالب شهرين
👈 ال Maturity : ودي بتكون
✔- Consistent sales
✔- Reduced costs
✔- Increasing profits
✔- بتبدي كمان تظهر التدفقات النقدية بشكل كبير
🎯 الفترة دي بتاخد في الغالب 4 شهور
🎯 اكتر فترة بيحصل فيها Re-investment لل Cash اللي بيظهر
🎯 بيكون فيها ال Business Risks عالية فمتتغرش بال Cash اللي بدأ يظهر
وتدخل قروض الشغل
🎯 اكتر مرحلة بيكون فيها كيرف المبيعات في مرحلة ال Plateaue
👈 ال Decline : ودي أخطر مرحلة بتبتدي ال Cycle فيها تنزل
✔- بتعرفها من نزول المبيعات بشكل كبير عن المتوسط ايام كتير ورا بعض
✔- متقلقش منها لو انت اكتشفتها بدري هتمثل امتداد لمرحلة نضوج البيزنس
بتاعك عن طريق
🎯 توسيع الاستثمار بتاعك عن طريق زيادة رأس المال
✔- بتبتدي تظهر في الربع الأول من تاني سنة للبيزنس بتاعك
✔- بعد ما بتلحقها وتكمل كامتداد لل Maturity stage وترجع المبيعات زي ا
لأول ........ هنا بس أأقولك تحياتي تقدر توزع أرباح👍🤝
🎯 الأرباح والمصروفات تتوزع ازاي ؟
✍️ بناء علي وزن رأس المال لكل مساهم من الشركاء اللي معاك

understand the journey your customer goes through before deciding to buy your product.
17/01/2021

understand the journey your customer goes through before deciding to buy your product.

What is a Customer Journey and Why Do You Need One?
17/01/2021

What is a Customer Journey and Why Do You Need One?

اهم 20 مؤشر تعني لقرب وفاة الشركة 🕳1- إستقالة الكفاءات.2 -عدم إضافة زبائن جدد خلال مدة تتجاوز 6 اشهر3-انكماش متوسط مبيعا...
26/11/2020

اهم 20 مؤشر تعني لقرب وفاة الشركة 🕳

1- إستقالة الكفاءات.
2 -عدم إضافة زبائن جدد خلال مدة تتجاوز 6 اشهر
3-انكماش متوسط مبيعات الزبائن الأوفياء
4- تراجع حجم الأرباح المعاد استثمارها داخل المؤسسة
5-عدم إضافة منتجات جديدة خلال مدة 6 اشهر إلى سنة
6-مركزية القرار وغياب آلية للتشاور في القضايا الهامة.
7-خلل مستمر في نظام ودقة المعلومات
8-انتشار التملق و التزلف والانزعاج من النقد.
9- الترقية بحسب الأقدمية و الولاء وليس بناءا على الكفاءة
10- غياب او رداءة خدمة مابعد البيع
11-الاستدانة المفرطة
12- التقشف في التسويق للمنتج
13-رفض الأفكار الجديدة
14-ضعف نسبة ومبلغ الهامش الخام.(Gross Margin)
15-غياب العناصر الشابة في الطاقم القيادي للمؤسسة
16- كثرة الصراعات بين الشركاء أو عناصر الفريق .
17- تراكم المخزون الراكد
18-غياب أو ضعف ميزانية التدريب و التطوير
19-الاعتماد على مورد اساسي واحد .
20-ارتفاع نسبة التكاليف الثابتة من مجموع التكاليف.

20/11/2020

امتى تقدر تقول على نفسك business developer ؟

لما الشخص يكون ملم بكل أجزاء المبيعات والتسويق والتطوير الخاصة بالمجال اولا والمكان اللي هو فيه ثانيا
ويقدر يحلل البيانات بشكل كويس علشان يقدر يخرج بحلول منطقية قابلة للتنفيذ الصح
ده أ ب كده 😁

You may be asking yourself 🤔 , “Do I really want to continue down this path?” Maybe you’ve been in the same field for ye...
20/11/2020

You may be asking yourself 🤔 , “Do I really want to continue down this path?” Maybe you’ve been in the same field for years 😱😱😱 and are realizing that it’s not as fulfilling as it once was 😲😲😲 . If that’s the case, it might be time to consider a new direction

Address

Zagazig

Opening Hours

Monday 5pm - 11pm
Tuesday 5pm - 11pm
Wednesday 5pm - 11pm
Thursday 9am - 5pm
Saturday 9am - 5pm
Sunday 5pm - 11pm

Telephone

01152586819

Website

Alerts

Be the first to know and let us send you an email when زاج للتسويق وتأسيس الشركات posts news and promotions. Your email address will not be used for any other purpose, and you can unsubscribe at any time.

Contact The Business

Send a message to زاج للتسويق وتأسيس الشركات:

Shortcuts

Share

Category