30/08/2021
Diario de Abordo.
En Argo Navis, 30 de agosto de 2021
Argo Navis xestouse no verán do ano 2014. En xaneiro de 2015, izaba velas. Un proxecto colectivo, non exento de complexidades, co que poder bogar en común e construír oportunidades de futuro. A meta compartida: dinamizar a economía local, tecer redes nos catro puntos cardinais e facilitar un espazo para o emprendemento creativo na vila. Á tripulación ao temón, hoxe non lle queda nada máis que dar as grazas a unha constelación de infinidade de persoas que ao longo destes sete anos contribuíron a facer de Argo Navis un lugar posible. Queremos estender o noso agradecemento persoal ás nosas familias e amig@s, polos folgos constantes e o soporte material. No verán de 2021, non desembarcamos tristes. Argo Navis pon fin á súa travesía, pero o seu arquivo, ronsel e memoria, permanecerá.
A tripulación argonáutica,
Elisa, María, Xabi, Ana, Juan e Martín
