01/11/2020
❗️😷 NOVAS MEDIDAS ANTI COVID-19
O domingo 1 de novembro entrarán en vigor (durante 14 días, en principio) unha serie de medidas preventivas anti COVID-19 dispostas pola Xunta de Galicia que afectarán a diversos ámbitos e que se suman ás que xa están en vigor. Resumimos as máis importantes na seguinte infografía. Podes consultar o texto íntegro da Orde publicada no DOG na seguinte ligazón: https://bit.ly/OrdeDOG31Out20
A continuación expoñemos máis en detalle as principais medidas (para ver todas, consultar a Orde):
"Nos concellos de Ferrol, Narón, Fene e Neda aplicaranse as restricións específicas previstas a continuación.
1. Celebracións con motivo de cerimonias relixiosas ou civís.
As celebracións posteriores á cerimonia propiamente dita deberán respectar un máximo de 50 persoas en espazos ao aire libre ou de 25 e cinco persoas en espazos pechados.
2. Actividades en academias, autoescolas e centros privados de ensino non regrado e centros de formación e actividade formativa xestionada ou financiada pola Administración autonómica en centros e entidades de formación.
Poderá impartirse dun modo presencial sempre que non se supere unha capacidade do 50%
3. Establecementos de hostalaría e restauración.
Os restaurantes non poderán superar o 50% da súa capacidade na zona de comedor para o servizo de comida.
Nos bares e cafetarías non se poderá consumir no interior do local.
O consumo dentro do local nos restaurantes poderá realizarse unicamente sentado na mesa. Non está permitido o consumo na barra e na zona de cafetaría ou bar.
As terrazas ao aire libre dos establecementos limitarán a súa capacidade ao 50%. Consideraranse terrazas ao aire libre todo espazo non cuberto ou todo espazo que, estando cuberto, estea rodeado lateralmente por un máximo de dúas paredes, muros ou paramentos.
En todo caso, deberá asegurarse que se mantén a debida distancia de seguridade interpersoal entre as mesas ou agrupacións de mesas. A ocupación máxima será de 5 persoas por mesa e deberán ser todas elas conviventes.
5. Bibliotecas, arquivos, museos e salas de exposicións, monumentos e outras infraestruturas culturais.
Na realización de actividades culturais nestes espazos aplicarase un máximo de ata cinco persoas nas actividades de grupos, sexan ou non conviventes e incluído o monitor ou guía.
6. Actividade en cines, teatros, auditorios, circos de toldo e espazos similares, así como en recintos ao aire libre e noutros locais e establecementos destinados a espectáculos públicos e actividades recreativas.
En calquera caso, será de aplicación un límite máximo de 30 persoas para lugares pechados e de 75 persoas se se trata de actividades ao aire libre.
7. Actividades e instalacións deportivas.
A práctica da actividade física e deportiva non federada, ao aire libre, poderá realizarse de forma individual ou colectiva, sen contacto físico, sempre que, neste último caso, todas as persoas do grupo sexan conviventes, sen contar, se é o caso, o monitor.
Nas instalacións e centros deportivos poderase realizar actividade deportiva en grupos de ata 5 persoas, sexan ou non conviventes, e sen contar o monitor, sen contacto físico, e sempre que non se supere o 50% da capacidade máxima permitida.
8. Celebración de eventos deportivos, de adestramentos e de competicións deportivas con público.
Poderán desenvolverse con público sempre que este permaneza sentado, que non se supere o 50% da capacidade e cun límite de 30 persoas para lugares pechados e de 75 persoas se se trata de actividades ao aire libre.
9. Praias e piscinas.
Nas praias e nas zonas de estadía das piscinas establecerase unha distribución espacial para manter distancia de seguridade interpersoal entre os usuarios e os grupos deberán estar constituídos só por persoas conviventes.
12. Realización de actividades de tempo libre dirixidas á poboación infantil e xuvenil.
Poderanse realizarse cando se leven a cabo ao aire libre, sempre que se limite o número de participantes ao 50% da súa asistencia máxima habitual, cun máximo de 50 participantes, incluídos os monitores. Cando estas actividades se realicen en espazos pechados, non se deberá superar o 50% da capacidade máxima do recinto, cun máximo de 25 participantes, incluídos os monitores.
As actividades deberán realizarse en grupos de ata 5 persoas participantes, sexan ou non conviventes e incluíndo os monitores.
13. Uso de espazos públicos.
Os centros cívicos e sociais poderán realizar a súa actividade sempre que se limite a súa capacidade total ao 50% e que se extremen as medidas de protección nas actividades socioculturais de tipo grupal que se realizan neles cun máximo de 5 persoas, sexan ou non conviventes e incluído o monitor.
